السلام عليكم
انا محمد من مصر متزوج منذ 16سنه حدثت مشاكل بينى وبين زوجتى في بدايه الزواج وكانت عايزه تتجوز علشان الاولاد وياريت عارفه تربيتهم صح ولا تبدى لى الاهتمام وهى عنيده جدا واحيانا كانت تطلب الطلاق ولكن كنت دائما انظر الى اولادى وانظر إلى بعض إيجابياتها من صلاه وقراءه قرآن وانظر إلى حالتها الصحية عندها مرض الذئبه الحمراء ظهر عندها من بعد الزواج بسنه لكنها دائما غير مهتمة بى ودائما مش بتسمع كلامى ودائما تجادلنى فى كل كبيره وصغيره
حاسس انى طول ال16سنه لم أتزوج فبدأت التفت إلى زواج آخر من زوجه ثانيه انا طبيعة عملى في محافظة اخري شغال بنزل كل اسبوع يوم واحد كنت دائما بقولها لو متعدلتيش هاتجوز واحده تانيه تقولى عادى اتجوز اهم حاجه تصرف عليه انا واولادى وفعلا واحد صاحبي شافلى واحده بنت حلال اتعرفت عليها وحبيت شخصيتها جدا كانت متفاهمه معايا جدا وكان قلبى مستريحلها قالتلى انا موافقه مع انى كان معى 3 أولاد بس شرطها انى اعرف انى بالزواج ماكنتش موافقه وقالت لى انت عندك 3اولاد بس قلتلها انا الحمد لله شغلى كويس واقدر اصرف على البيتين
المهم الخبر وصل لزوجتي الدنيا قامت بعد ماكانت بتقولى عادى قالتلى عايز تتجوز طلقنى وانا طبعا خايف على الأولاد لأنها مش هقدر تربيتهم لوحدها واعتذرت عن الزواج بس بصراحه بعد الموضوع ده اتعدلت معايا خالص حسيت انى فعلا متزوج لفتره أخدتها معايا فى مكان شغلى أجرت شقه وبقينا مع بعض على طول بس ما استريحناش رجعتهم البلد تانى ورجعت زى الاول تانى فى معاناه انا دلوقتى معايا منها خمس اولاد ومش مستريح مش عارف اعمل ايه @Psy-a'laa M. Abdulhamid
عليكم السلام ورحمة الله وبركاته أهلا وسهلا بك حل كويس انك أجرت سكن قريب من شغلك ولو مش مريح ممكن تأجر غيره وجودكم في مكان واحد هيسهل عليكم الوصول لحل ولكن الأمر يحتاج معرفة أوسع بأحوالكم ويحتاج حديث معك ومعها عشان كدا ضروري تروحوا لاستشاري أسري وزواجي أصلح الله بينكم
تم النشر السبت، ١٤ فبراير ٢٠٢٦
لعرض السؤال في فدني اضغط هنا