بص بكل بساطة اي علاقة هتدخل فيها وإنت مش جاهز محكوم عليها بالفشل وحتي وان كنت جاهز بس دي علاقة حرام ف هتفشل يعني هتفشل مهما حاولت وهتوجع نفسك فبلاش أحسن لو فرحت يومين هتزعل مدة علي ما تتخطي بس عندي سوال لحضرتك بما انك متخصص أمن سيبراني ليه اخترت أمن سيبراني ومش Ai عشان أنا مفروض أتخصص ومش عارفة انهي أنا عاوزه حاجة الاقي بيها شغل بسرعة من وانا لسه بدرس فبعد اذنك لو لو وضحتلي من واقعك أكون شاكرة
بصي، الفكرة مش مين فيهم احسن بشكل مطلق، الفكرة في طبيعة الشغل واهتمامك أنتِ. أنا اخترت الأمن السيبراني لإن شغفه عندي أكبر؛ المجال عملي جدًا، قايم على التفكير التحليلي، حل المشاكل، وفهم إزاي الأنظمة بتتأمن وبتخترق. ميزته كمان إنك تقدري تبدأ تطبقي فيه بإيدك وتدخلي مسابقات وتتعلمي عملي من وأنت بتدرسي، وده بيخليكي تبني سي في قوي بدري. الذكاء الاصطناعي (AI) مجال أقوى من ناحية المستقبل والطلب عليه مرعب، بس معتمد بشكل أساسي على رياضيات ثقيلة، إحصاء، وتحليل بيانات، وأغلب وظايفه المستقرة بتطلب خلفية أكاديمية عميقة أو خبرة كبيرة، فبيبقى أصعب شوية تلاقي فيه شغل سريع وأنت لسه بتدرس. في الآخر، مفيش مجال فيهم هيجيب شغل بسرعة من غير ما تتعبي وتأسسي نفسك صح. شوفي انتِ ميالة أكتر للعملي والتتبع والتأمين ولا للرياضيات والبيانات والخوارزميات، واللي هتلاقيكي حاباه أكتر هو اللي هتطلعي منه نتيجة أسرع. ممكن برضه تشوفي فيديوهات على اليوتيوب علشان يوضح لحضرتك المجالين و الفرق بينهم كويس من جهة شغل و دراسة و غيره، بس لو عايزة حالاً تجيبي فلوس فا اتعلمي مجال بجانب الكلية هو اللي يجبلك فلوس لحد ما تبقي جاهزة انك تشتغلي في مجالك الأساسي سواء AI او امن سيبراني زي الجرافيك او المونتاچ او غيره.
تم النشر الثلاثاء، ٨ سبتمبر ٢٠٢٦
لعرض الإجابة في فدني اضغط هنا