أنا بنوته في مجالي مش أشطر حد بس بحاول أنا تمريض وبحب الشغل جداً من وانا 15 سنه وكنت لسه بقدم في التمريض وانا اشتغلت في صيدليه واشتلغت لحد دلوقتي بس مفيش مستشفى بتقبلني وقدمت كتير على شغل مفيش حتى التدريب بواسطه
أنا نفسي اكون شاطره جداً أنا في 3 فاضل سنتين حاسه اني مستعجله بس أنا شايفه كل حاجة حواليا بتمشي بسرعه واللي حواليا مش مؤمنين بيا مثلا رغم خبرتي في الصيدلة ورغم اني في تمريض أهلي مش مؤمنين بيا،
لو في علاج في روشته اقولهم عليه لازم يتأكدوا ويسألوا حد تاني لما اجي اعمل اي حاجه مش بيكونوا واثقين فيا وبيلجأوا لناس تانيه
ده بيخليني معنديش ثقه في نفسي شويه أنا محبوبه الحمد لله بين صحابي وأهلي بنسبة كبيرة بس مش فاهمه ليه كدا أنا كنت بحب مجال الكتابه وحاولت فيه وبرضو حاسه بعمل ومش بلاقي نتيجه حاولت في أماكن كتير ودايما بلاقي كل الطرق متقفله.
اللي انتِ فيه دا طبيعي جدًا ومش معناه إنك فاشله أو مش شاطره بالعكس واضح إنك بتجربي وبتسعى وعايزه تطورى من نفسك مع سنك الصغير ودي أهم خطوة اما بقى موضوع إن الناس مش واثقة فيكِ ممكن يكون عشان لسه في بداية طريقك مش علشان انتِ مش كويسه ولكن بيسيبوا معرفتك للشي ويقولوا انت صغيرة مش بالخبرة الكافيه حاولي تركزي على تطوير نفسك واحدة واحدة وخلي عندك صبر شوية لأن النجاح بياخد وقت وكمان حاولي تثبتِ نفسك بالفعل مش بالكلام يعني كل مرة تعملي حاجة صح الناس هتبدأ تثق فيكِ أكتر فامتزعليش اصبري وهييجى وقت و هتفرحى اوى بتعبك دا انتِ اصلا شطوره ما شاء الله
تم النشر الخميس، ٢ أبريل ٢٠٢٦
بصي انت واضح من كلامك انك حابة مجالك و دا عامل ممتاز جدا بفضل الله و هساعدك انك تتطوري من نفسك مش *و لكن نقطة* اهلك اللي مش واثقين فيكي واضح أنه مآثر عليكي بس الحل: الثقة لا تُطلب بل تُبنى. لما يسألوا حد تاني متزعليش بالعكس قولي تمام ولما تتأكدوا هتعرفوا إن كلامي كان صح مع الوقت لما يلاقوا توقعاتك بتطلع مظبوطة مرة ورا تانية هما اللي هيجوا يسالوكي نقطة الابواب المقفولة بخصوص الشغل فدا عادي يعني اوقات كتير المستشفيات بتكون عامله فوانين خاصه للطلاب تحت سن معين فانتي ادعي ربنا ييسرلك الأمر و تلاقي الشغل اللي عايزاها و خدي بالاسباب و دوري في العيادات الخاصة و المراكز الطبيه اعتقد هتلاقي شغل مناسب ليكي
تم النشر الأربعاء، ١ أبريل ٢٠٢٦
يا حبيبتي، أول حاجة أقولك إنك مش لوحدك في الإحساس ده، وده طبيعي جداً لما الطرق تبدو مقفولة والناس حواليك مش بيظهروا الثقة الكافية. أنتِ بنت طموحة وبتحبي شغلك في التمريض من زمان، وده أساس قوي – خبرتك في الصيدلية إنجاز كبير مش أي حد بيعمله! المشكلة الرئيسية هنا: الثقة الذاتية اللي بتتأثر بالآخرين. أهلك وصحابك بيحبوكِ، بس ممكن يكونوا خايفين عليكِ أو مش عارفين قيمتك كاملة. متخليش كلامهم يهز ثقتك – ركزي على إنجازاتك: اشتغلتِ في صيدلية، قدمتِ كتير، وفاضل 3 سنين بس على التخرج. أنتِ مش مستعجلة، ده اختبار صبر، زي ما ربنا بيقول في القرآن: "وَاسْتَعِينُوا بِالصَّبْرِ وَالصَّلَاةِ" (البقرة:45). ادعي ربنا يفتحلك أبواب، وتوكلي عليه. نصائح عملية عشان تتقدمي: للتمريض: استمري تقدمي يومياً على وظائف وتدريبات عبر LinkedIn، Bayt.com، أو مواقع المستشفيات الكبيرة زي 57357 أو دار الفؤاد. طوري CV بإضافة دورات مجانية أونلاين (مثل Coursera في التمريض الأساسي أو BLS). ابدئي تطوع في عيادات صغيرة أو جمعيات خيرية – ده بيفتح أبواب. بناء الثقة: كل يوم اكتبي 3 إنجازات صغيرة عملتيها (زي مساعدة مريض في الصيدلية). لما أهلك يشكوا في نصيحة، قوليلهم بهدوء: "أنا درست ده وده، جربوا وشوفوا" – مع الوقت هيثقوا. الكتابة: لو شغف ثانوي، ابدئي بلوج شخصي أو صفحة على Fedni/Instagram عن نصائح تمريض بسيطة – مش هتحتاجي نتيجة فورية، بس هتبني جمهور تدريجياً. أنتِ هتكوني ممرضة شاطرة إن شاء الله، اللي حواليكِ هيشوفوا ده قريب. جربي تبحثي في Fedni عن "فرص تدريب تمريض" أو "بناء ثقة ذاتية" – هتلاقي إجابات كتير مفيدة. ولو عايزة استشارة متخصص، روحي على صفحة الخبراء: https://www.fedni.net/experts. قوليلي إيه رأيك، وهتقدري! 💪❤️
تم النشر الأربعاء، ١ أبريل ٢٠٢٦
هتكلم عل نقطه الأهل لاني مريت بيها قبل كده وتجربتي كانت مختلفه لانو كان في مجال البزنس والبرمجه وشغل اونلاين عموما. واتذكر يوم كنت محتاج بس ٥ جنيه عشان ابدأ حاجه جديده وحسيت من النظره ان روح ذاكر يبني وبطل هبل بس الحمدلله مع الوقت وشغل عل نفسي اكتر بالسر *خصوصا* وبعد فضل الله اثبتت وبجداره اني فعلا اقدر. الموضوع اخد سنين من التجارب الفاشله والناجحه بشكل بسيط بس عل مره كده هتلاقي ربنا وفقك في حاجه كده من حيث لا تحتسبي يثبت قدرتك بفضل الله وهتتغير نظرتهم عنك جدا وعن تجربه
تم النشر الخميس، ٢ أبريل ٢٠٢٦
اللى انتى فيه عادى جدا وصعب جدا فى مرحلة الدراسة تلاقى شغل يناسبك إلا لو حاولتى كذا مرا وانتى من كلامك باين إنك كويسه فى مجالك حاولى تتطورى أكتر وتثقلى من مهاراتك فى المجال الطبى وكدا كدا الفرصة هتجيلك + أما بالنسبة للثقة و ثقة والدك ووالدتك ف ديه حاجه طبيعيه أنا بقى فى صيدلة شخصيا ودا مجالى وماسك صيدلية يعنى مفيش أكتر من كدا ولما والدتى تكشف مثلا ولا حاجه وعايزه تستفسر عن دواء أو الروشتة بتقولى روح الصيدلية واسأل أشرحلها انا تقولى لا روح بس اسأل الدكتور اللى هناك ف عادى يعنى تأقلمى
تم النشر الخميس، ٢ أبريل ٢٠٢٦
الطلبه مش هياخده مكان الاساتذه بالسهولة دى مش بقلل من قدرك أبدا لاكن هما تعبوا اضعاف اضعافنا، لازم تقدمى أوراق اعتمادك بالنسبة للناس حواليكى ودا مش هيكون غير بنجاحات شخصيه ملموسة على مرئي ومسمع وشهادات الآخرين فى حقك ، اشتغلى على ده وانجحى والدينا هتجيلك رغم أنفها ،وأن ليس للإنسان إلا ما سعى وأن سعيه (سوف) يرى " سوف هنا للتأجيل لما ربنا يرى مننا صدق السعى والإصرار بجد هيكافئنا بعطائات ملهاش مثيل ، ربنا كريم عدل وحاشاه ان يضيع أجر من أحسن عملا
تم النشر الخميس، ٢ أبريل ٢٠٢٦
الأمر محتاج وقت علشان يفهموكي ، كل حاجه هتيجي في وقتها ما تستعجليش ، ركزي على تطوير مهاراتك الفتره دي
تم النشر الخميس، ٢ أبريل ٢٠٢٦
لعرض السؤال في فدني اضغط هنا