طول عمري م بحب اختلط بأي حد ومكانش في دماغي غير دراستي وبس ومكونتش بفكر في اي حاجة تانية والحمد لله ربنا كرمني ودخلت كلية طبية وهحقق حلمي الحمد لله بس من حوالي سنتين اتعرفت علي شخص ما وبقينا صحاب جدا وفعلا طوال الفترة دي كان كل كلامنا عبارة عن كلام عادي وكنا مجرد اصدقاء وبعد كدا بدأت احس اني بحبه واني متعلقة بيه جدا وهو كمان اعترفلي بده وارتبطنا من فترة قصيرة بس انا طبعا م عايزة ارتبط رسمي غير بعد أما اخلص كلية لظروف ما وانا بردو شايفه أن ظروفه لسه م جاهزة حاليا انا عايزة اعرف انا كدا غلط مع العلم اني بحبه اوي وهو كويس اوي وانا متعلقة بيه جدا
أيوة اللي أنت عملتيه دة غلط جدا وهيضرك أو هيضره أو هيضركم أنتم الاثنين! يعني إيه ترتبطي (أو تربطي نفسك) بواحد من غير ما يدخل بيتك ويطلب إيدك .. ليه ترخصي نفسك؟ وإيه فائدة الارتباط طالما مفيش خطوبة .. حاجزاه باسمك مثلا؟؟ العلاقة دي هتفتح عليكي أبواب من المحرمات أنت في غنى عنها تماما .. وأكثر نصيحة بتتقال هنا في فدني العلاقة اللي بدايتها ماترضيش ربنا نهايتها مش هترضيكي طبعا ممكن تفتكري أن انت مش بتعملي أي حاجة غلط لكن مجرد كلامك معاه من غير ضرورة غلط فكري كدة إيه اللي يحفز الشاب أن يسعى في موضوع الزواج وياخد خطوة رسمي طالما بيتكلم معاكي براحته وباسط نفسه على الآخر!!
تم النشر الاثنين، ٥ فبراير ٢٠٢٤
أكبر خطأ اللي انتي عملتيه للاسف ..! ازاي ربنا يبعت ليكي شخص عايز ياخد خطوة في الحلال وانت تقفلي في الباب في وشه، وتقرري انك عايزة تبقى تحت مسمى (مرتبطة) وانتي عارفه كويس جدا انك العلاقة ديه قبل ما تبقى غلط بالعادات والتقاليد، فهي حرام شرعا، ولا ترضي الله. طالما انتم مش جاهزين، ليه بتدخلوا في علاقة ارتباط؟ اكبر غلط ممكن يقع فيه الشخص انه يبقى مش جاهز لشئ معين ويعمل عكسه! بتفتحي باب للفتنة للاسف برفضك له انه يتقدم .. الافضل لو انتي مش جاهزة قولي له بكل احترام .. انا مش جاهزة لاسباب ما، واول ما نكون جاهزين تعالى اتقدم. ولكن مش هنكلم بعض تاني الا لما تيجي تتقدم. ده الصح.
تم النشر الاثنين، ٥ فبراير ٢٠٢٤
لعرض السؤال في فدني اضغط هنا