ماذا أفعل مع زوجي الذي تغير معي وأشعر أنّه لم يعد يطيقني؟

Question

انا متجوزه من 3سنين واعرف جوزي من قبل الجواز كنا بنحب بعض 5 سنين قبل الجواز وبعد الجواز كنا كويسين جدا جدا مع بعض وخلفت بنت عندها سنتين وولد عنده شهرين هو متغير معايا اووووي اووووي وكل يوم بيبعد عني عن اليوم اللي قبله انا عارفه أن في ضغط كبير اوي عليه بسبب المصاريف وبسبب ضغط الشغل بس هو حتى وقت لمابيكون كويس بعيد برضو المشكله عندي أن انا متعلقه بي اووووي وهو بقا متعلق ببنتي انا مش دي المشكله انو متعلق بيها لا المشكله انو بقا مش طايقني ومش طايق مني كلمه بقالو فتره كبيره مش طايقني وده وجعني اوي وان هو بقا بيهددني انو كل مشكله هيكلم بنات وفعلا اخر مشكله بينا كلم واحده وبقا عادي عنده ممكن يسبني في اي وقت عادي وبيقولي عادي اهم حاجه بنتي امشي انتي وسيبي بنتي وللاسف انا مقدرش اعيش من غيره وهو عارف كده انا لما بيكون زعلانين من بعض بحس أن الدنيا اسودت في وشي لدرجة اني كذا مره فكرت اموت نفسي انا تعبانه بسبب اني مش بقدر ابعد عنه وإن حياتي كلها متوقفه عليه هو بس انا بحبه اوي اكتر من نفسي فعلا انا كرهت الدنيا بسببه مش حاسس بيا خالص اعمل اي انا مدمره نفسيا بجد اعمل اي انا جربت اتكلم معاه بس هو مش حاسس بيا بالعكس هو بيتغير كل يوم عن اليوم اللي قبله

Accepted Answer

احنا مشكلتنا ان احنا دائما بنبقى متخيلين ان حياتنا بعد الجواز. هي هي نفس حياتنا قبل الجواز الورد يا ابراهيم والرومانسيه والكلام الحلو والحب وخصوصا لو انا يعني واخده جوزي عن حبه وبنا قصه حب كبيره فبتبقى متعشمين ان حياتنا تفضل كده الست بتبقى عاطفيه اكثر من الراجل الراجل العقلاني جدا حتى لو متجوز عن حب برده بيبقى بعقلانيه. لكن الست دايما حتى بعد الجواز بتبقى محتاجه لجوزها وناسها وسندها في الدنيا وتفضل تسمع الكلام الحلو اللي كان بيقوله لها والرومانسيه اللي كانت عايشه فيها اولا في جانب لازم كلنا نعرفه بالنسبه للزواج الجواز. مسؤوليه اولاد فتح بيت ضغوط وفي ظل كمان الظروف الاقتصاديه اللي احنا بنمر بيها فالراجل بيبقى عليه عبء كبير جدا وبيبقى شايل كثير ومضغوط لكن بالنسبه لك انت وحالتك انت اولا خلي بالك انا ما اقدرش احدد واقوله هل جوزك انسان نرجسي هل جوزك اناني ما بيحبش غير نفسه ااا هو حبك وعلقك بيه تعلق مرضي لدرجه ان انت ما تقدريش تستغني عني عنه ولا تعيشي من غيره وفي الاخر سايبك. ومش مش طايقك فممكن يكون انسان نرجسي. تعلقه ببنته دي حاجه ثانيه بس هو تعلقه بنته مش ابوه بس هو بيغيظك ببنته عايز يقول لك ان انت مش مهمه انت بس المهم عندي ان انت جبتي لي بنتي وانت مش مهمه خلاص ودي قالهالك فكره انه يهددك ويقول لك هكلم بنات ويتكلم بنت ده معناه انه انسان غير سوي وانسان مش مقدر قيمه الحياه الزوجيه وان هو زوج واب لازم انت تتخلصي من التعلق دوت بكل طريقه ممكنه اشغلي نفسك فكري في حاجات كثيره ايجابيه حبي نفسك ااا اعملي لنفسك وقت تعرفي تستمتعي بيه تخرجي تنزلي انا ما اعرفش انت بتشتغلي ولا لا بس لازم يبقى لك حياه مش ما تحسسيهوش ان حياتك واقفه عليه لان طول ما انت محسساه كده هو بيستمر وبيزيد في سوق معاملته ليكي ليه هو خلاص حس ان انت مسكك تملكك وما لكيش حياه من غيره وما تقدريش تروح ي حته وتبعدي عنه لا هو لازم يحس ان انت لك حياتك المستقله لك شخصيتك اعملي لنفسك قيمه واعتبارك ممكن يكون هو في مرحله لخبطه في المشاعر مع المسؤوليه ويرجع تاني يبقى كويس ما فيش مشكله يمكن هو زي ما بقول لك انسان نرجسي او او هو ما بيحبكيش او هو اكتشف ان هو استعجل احنا انا.

Answer

السلام عليكم ورحمه الله وبركاته. الحب بيكون واحد من الاسباب اللي بتخلي الاشخاص يتجوزوا او واحد من الاعمده البيت يقوم عليها وده جميل لكن احنا ممكن واحنا بصينا على العمود بتاع الحب بنغفل عن بقيه الاعمده فما بناخدش بالنا ان هي مهمه زي الحب بالظبط ونبقى فاكرين ان الحب بس او المشاعر اللي هي كانت ما قبل الزواج واللي خلتني اصلا يعني نكمل خطوات الزواج انه ده كافي لكن الحقيقه هو ما بيبقاش كافي في اعمده ثانيه مهمه جدا بيقوم عليها البيت وبتقوم عليها الحياه الزوجيه يعني المهم انت تشوفي بقيه الاعمده دي وتشوفي هي حالتها ايه دلوقتي حالتها ايه في خلال الثلاث سنين دول كان كنت بتبصي عليهم او انت وزوجك بتتشاركوا فيهم ان انتوا يعني تحافظوا عليهم ولا اا كانوا مكملين انه ممكن لو انتوا الاتنين مش بصينا عليهم مش هتعرفوا. انه دي سبب المشكله الاساسيه ااا عمود منهم هو الامور الماديه وازاي احنا بنتعامل في الامور الماديه اا ده مهم جدا هل متشاركين مع بعض في الراي ولا اا لا الموضوع كله على الزوج وهو المسؤول مسؤوليه تامه واا انا مش بتصورك مع حتى في ازاي ندير الامور دي. المواضيع دي ما فيهاش صح هو غلط هي فيها اتفاقات الصح والغلط الوحيد هو اللي ربنا شرعه في دين الاسلام انه الزوج هو الملزم بنفقات البيت هو اللي عليه القوامه فهو ملزم بنفقات البيت ان هو يوفرها فد اا يا ريت تفكري في بقيه الحاجات وااا وفيه نقط ثانيه بس اسجلها لك في تسجيل اخر. هاخد من النقطه اللي حضرتك ذكرتيها في السؤال انه هو حتى لما بيبقى كويس طيب هو لما بيبقى كويس ده ممكن يكون اه مثلا مش مكشر لكن ده مش معناه انه ااا يعني باله خالي من التفكير في الامور اللي لها علاقه بالمصاريف او بضغط الشغل ده شيء وارد جدا ااا. في احتمال انه يكون حاسس انك مش حاسه بيه ويكون هو ده السبب في ان هو بدا يبعد عنك حاسس انك مش بتدعميه بالشكل اللي هو محتاجه ممكن مثلا تكوني ااا بتتصرفي في المصاريف بنفس الطريقه رغم انه ااا الاسعار غليت مش حاسس انك مراعيه النقطه دي ممكن تكوني مهتميه بمتطلباتك مثلا انت الشخصيه اكثر من انك تهتمي بمتطلبات وهو ااا ممكن حاجات كتير جدا فهنا ضروري جدا انت تحاولي تعرفي هو زوجك ايه الاشياء اللي ناقصاه ده مهم جدا لكن لو طول الوقت هنبقى باصين على نفسنا بس ده طبعا مش هيحل الموضوع معانا خالص الموضوع لازم يكون متبادل لازم يكون مشترك لازم اشوف زي ما اشوف نفسي لازم اشوف الطرف الاخر لازم احاول ان انا اغير. نظرتي عشان اشوف من ناحيته هو ده مهم قوي قوي قوي. النقطه بقى بتاعه ان انت حياتك محورها زوجك او انه انت اصلا بتتكلمي عليه مش انه هو زوجك قد ما هو حبيبك دي لوحدها طريقه في التعايش بتجيب مشاكل كثيره جدا اول ما المشاكل هتبقى عندك انت لانك طول الوقت هتبقي عايزاك جنبك حرفيا عايزاه طول الوقت بيكلمك بيسال عليك بيبعت لك رساله طبعا ده جوه الحياه الواقعيه مش هيحصل بالشكل الحالم بتاع الاحباء فاذا كان حياتك ماشيه بالشكل ده فدي مشكله عاتقه حلها موجود عندك انت انت ضروري جدا ااا تتغير عندك طريقه الحياه دي لان هي غير مناسبه تماما وغير مناسبه لك قبل ما تكون غير مناسبه لعلاقه الجذور لانه مش صح ان احنا نخلي محور حياتنا انسان. لا احنا بيكون الانسان ده هو جزء من حياتنا ممكن يكون جزء مهم من حياتنا لكن ما ينفعش يكون هو محور حياتنا ده بيبقى في ظلم لنفسنا وبيبقى فيه ظلم للطرف الثاني كمان لان احنا كده اا بنقول له الغي حياتك انت والغي تفاصيلك انت وتعالى خليك تبقى الاساس في تفاصيلي انا كلها وده طبعا اللي بيخلق المشاكل اللي احنا ما بنحسش بيها وبنيجي نقول هو في الطرف اللي قدامي اتخنق وزهق وبقى عاوز يبعد.ه واحد من الاعمده فيه عمود ثاني وهو ال ااا العلاقه ما بين الراجل وزوجته اا الامور الرومانسيه الامور العاطفيه الامور اللي فيها كلها ااا عاطفه وحميميه الموضوع ده احنا مهتمين بيه ومركزين فيه ولا لا في عمود كمان وهو ااا عمود الدعم والتشجيع في كل الامور انا بدعم الطرف الاخر ودائما موجود جنبه عشان يكون نسخه احسن من نفسه سواء بقى في الحلو او في الوحش ولا لا احنا بندعم بعض ولا كل واحد حاسس ان هو في دنيا لوحده.

Answer

الجواب ده لحالات نادرة جدا واحتمال كبير انه يكون مجرد كلام لا له علاقة بواقعك ... فممكن ببساطة كل المشاكل اللي عندك بسبب نقص هرمون معين في الجسم احتمال يكون من أصحاب عقدة النقص اللي •بيخدعك في البداية بحب وعشق وحنان ودفئ وكله بيكون تمثيل •يحرمك فجأة من الحب ده ويحسسك انك انتي مقصره ومتستاهليش •تقومي انتي تسعي لرضاه أو تعاتبيه وتبكي وتصرخي عشان بس يديكي الحب القديم •وهو ده الهدف انك تسعي تبكي وتصرخي ولكن ليه هو عايز الهدف ده •ببساطة لأن ممكن يكون عنده عقدة نقص فمش بيحس بقيمته ووجود وتأثيره وشخصيته •فصراخك وبكائك هو دليل قاطع انه قدر يؤثر على بني آدم باختصار ١-لا تنتظري منه أي حب ٢-عالجي نفسك نفسيا لأن النوع ده مرهق جدا وممكن يدمرك نفسيا ٣-ادعي الله كثير ولا تسخطي من الله

ماذا أفعل مع زوجي الذي تغير معي وأشعر أنّه لم يعد يطيقني؟

نفسية

اجتماعية

زواج

سؤال من احد أعضاء فدني

تم النشر الجمعة، ٩ مايو ٢٠٢٥

4 إجابة

6 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك