كنت معجبه بشخص من تانيه اعدادي تقريبا واحنا دلوقتي داخلين اولي جامعه الشخص دا مكنش يعرفني في الاول مع تكرار المواقف بينا تقريبا هو عرفني انا متعاملتش معاه قبل كدا خالص طول الخمس سنين تقريبا محاولتش اتواصل معاه بس كان بيبان عليا لما اشوفه حتي هو تقريبا واخد باله، من اسبوعين كان منزل استوري عملتله لاف ودخلت قولتله (اسمه)بس هو نزل استوري بعدها ومردش عليا وبعدها عدي الاسبوعين وهو مردش عليا انا ندمانه اني بعتله بجد انا مش بكلم ولاد ولا فكرت في الموضوع دا قبل كدا بس علي حسب اللي سمعته عنه من كذا حد فأنا وانا ببعتله كنت حاسه انه مش هيرد عليا بس كنت عايزه احط نهايه للموضوع دا جوايا عشان داخله علي مرحله جديده وعشان الموضوع طول أوي، بس أنا لسه مستنياه يرد وحاسه إن الموضوع لسه متحطلهوش نهايه ومش عارفه اعمل اي اللي اعرفه إن دا مش حب لأن مفيش حب بييجي من غير ما اتعامل مع الشخص واعرفه كويس، بس المشكله إني لسه زي ما أنا من 5 سنين
دا مش حب ثانيًا ليه عندك رقمه؟ وفعلًا أنتِ خطأ من الأول مكنش ينفع ترودي، وبلاش تنتظري رد حد عشان مينفعش البنت هي الـ تأخد الخطوة الأولى... متزعليش مني أنا بكلمك كـ أخت ممكن تشوفي كلامي قاسي بس أنا بكلمك بالعقل مش بالمشاعر... مينفعش تسجني نفسك خمس سنوات في حاجة أنتِ أصلًا مش متأكدة منها والله أعلم أخدت من وقتك وطاقتك كد أي أنا من رأيي سيبي الموضوع، وركزي في حياتك واحذفي الرقم.. الله يرزقك بالزوج الصالح
تم النشر الخميس، ١٠ سبتمبر ٢٠٢٦
دا اللي بيحصل معاكي اسمه تعلق أكتر منه حب أو إعجاب عابر، لأن الموضوع مستمر لخمس سنين بدون أي تواصل حقيقي أو معرفة متبادلة. التعلق ده بيحصل لما الدماغ بيربط الشخص ده بفكرة مثالية أو بذكرى قديمة، وده بيخلّي المشاعر تستمر حتى لو الواقع مختلف تمامًا. أنتِ دلوقتي داخلة مرحلة جديدة في حياتك (الجامعة)، وده وقت مناسب جدًا إنكِ تقفلي الباب ده بنفسك. الندم اللي حاسة بيه طبيعي، بس الرسالة اللي بعتيها كانت محاولة صادقة منكِ عشان تخلّصي الموضوع، ولو هو ما ردش فده في حد ذاته إشارة واضحة إن الموضوع انتهى عنده. انتظاركِ للرد بيطول عليكِ لأنكِ لسه ما حطيتي نهاية داخلية للموضوع. ركزي على نفسكِ في الفترة الجاية: ابدئي الجامعة بطاقة جديدة، حطي أهداف دراسية أو شخصية صغيرة، وكل ما تفتكري الشخص ده قولي لنفسكِ "ده فصل قديم وأنا دلوقتي بكتب فصل جديد". مع الوقت والتركيز على حياتكِ الجديدة، المشاعر دي هتخف تدريجيًا. لو حسيتِ إن الموضوع بيأثر على تركيزكِ، جربي تكتبي مشاعركِ في مذكرات يومية عشان تفرغيها. أنتِ قادرة تتجاوزي ده، وهتكوني أقوى لما تخلّصيه بنفسكِ.
تم النشر الخميس، ١٠ سبتمبر ٢٠٢٦
يمكن الشخص ده مكنش فيه خير ليكي اصلا ف ربنا بعده منك عشان متتعبيش ،ربنا ليه حكمه في كل حاجه بتحصل في حياتنا، واحنا بشر ف عادي يعني كلنا بنغلط ،انتي دلوقتي قربي من ربنا اكتر وصلي الصلوات في وقتها واهتمي بحياتك في حاجات كتير حلوه في حياتنا وربنا يرزقك بالزوج الصالح.
تم النشر السبت، ١٢ سبتمبر ٢٠٢٦
بصي دا فراغ انتي معجبه كنتي بيه بس م اكتر نصيحه ركزي لنفسك وعلي فكره للشيطان هرسملك حاجات مش تتخيليها يعني اوى خطوة اهو بعتيله عشان متفتحيش ع نفسك باب جهنم اقفلي الباب مم الاول واتقي الله لو نصيبك هيجيلك مش محتاجه تراقبي وتتابعي من بعيد ف بلاش بلاش نفتح سكة احنا مش كدها
تم النشر السبت، ١٢ سبتمبر ٢٠٢٦
حاولي تشغلي دماغك ب اي حاجه غير الموضوع دا و احذفي اللي بعتي دا الافضل بصراحه و انهي الموضوع مع نفسك من غير اي رد منه حفاظا على سمعتك وكرامتك و عشان ميردش رد قليل ذوق تفضلي تأنبي فى نفسك انك بعتي و قربي من ربنا و ادعي انك تنسي و لو ليكم نصيب مع بعض إن شاء الله هتتجمعوا ، حاولي تشغلي نفسك مع اهلك و صحابك و امور الدين و تعلم حاجه جديده او قراءه كتب مثلا اي حاجه تشغل تفكيرك بس بشغل كويس
تم النشر الجمعة، ١١ سبتمبر ٢٠٢٦
لعرض السؤال في فدني اضغط هنا