انا عاوزه اعرف اتعامل مع الناس يعني مش بعرف افتح مواضيع خالص و على طول في اي تجمع بكون انا أقل واحده بتتكلم لاني بكون مش لاقيه كلام أقوله أو يعني مش بعرف اقول اي في اي موقف كله بيكون فاكر اني هاديه بطبعي بس انا اصلا مش عارفه اندمج في الكلام معاهم
عاوزه طريقه اتعلم بيها افتح مواضيع واتكلم كده عادي وارد ازاي بسرعه في المواقف ؟
دا ميعيبكيش خالص، وعادي جدًا تبقي مستمعة أكتر من إنك تتكلمي.بس طالما إنتِ مش حابة كده وبتقولي إنك اجتماعية، فأكيد إن شاء الله هيبقى سهل عليكي تتكلمي وتتفاعلي مع الوقت، لأن المشكلة دي بتحصل مع ناس كتير. جربي تقري أو يبقى عندك فكرة عن المواضيع اللي الناس حواليكي بتحب تتكلم فيها. يعني مثلًا لو زميلاتك بيتكلموا عن الطبخ، ادخلي اسألي عن وصفة معينة أو اسألي أي سؤال يخليكي تشاركي في الكلام، وبعدها هتلاقي الحوار مشي لوحده. وكمان شوفي فيديوهات على يوتيوب عن مهارات التواصل وازاي تفتحي مواضيع، هتديكي أفكار حلوة، بس حاولي تطبقي اللي تتعلميه في الواقع، لأن التطبيق هو اللي بيفرق. وفي كتاب اسمه" كيف تكسب الأصدقاء وتؤثر في الناس" لـ ديل كارنيجي، عارفة إن عندك أصحاب عادي، بس الكتاب مش بس عن تكوين الصداقات، هو كمان بيتكلم عن التعامل مع الناس والتواصل بشكل أحسن. ولو حسيتي إنه طويل شوفي ملخص ليه، هيبقى مفيد برضو.
تم النشر الأربعاء، ١ يوليو ٢٠٢٦
أفهم شعورك جيدًا يا صديقتي، وهو شائع جدًا بين الكثيرات اللواتي يرغبن في الاندماج لكن يجدن صعوبة في البداية. الخبر السار أن القدرة على فتح المواضيع والرد السريع مهارة يمكن تعلمها بالتدريج، وليست موهبة فطرية فقط. ابدئي بخطوات صغيرة وواقعية حتى لا تشعري بالضغط. أولاً، ركزي على الاستماع النشط كبداية آمنة: في أي تجمع، استمعي لما يقوله الآخرون ثم علقي بتعليق بسيط أو سؤال مفتوح مثل "هل جربتِ هذا المكان من قبل؟" أو "كيف كانت تجربتك مع كذا؟". هذا يجعلكِ تشاركين دون الحاجة إلى بدء موضوع من الصفر. كذلك، احتفظي بقائمة ذهنية صغيرة من مواضيع عامة آمنة ومحايدة مثل الطقس، أو حدث حالي، أو شيء مشترك في المكان (مثل الطعام أو الديكور)، وابدئي بها بابتسامة. ثانيًا، مارسي الرد السريع من خلال التدريب اليومي: جربي في مواقف بسيطة مثل التحدث مع البائعة أو زميلة في العمل، وردي بجمل قصيرة ثم أضيفي سؤالًا. مع الوقت، ستصبح الردود أسرع. تذكري أن الناس يقدرون الإنصات والاهتمام أكثر من الكلام الكثير، وهذا يتوافق مع قيمنا الإسلامية في حسن الخلق والتواضع. ابدئي بتجمعات صغيرة أولاً، وستلاحظين التحسن تدريجيًا. إذا أردتِ المزيد من الأفكار، يمكنكِ البحث عن أسئلة مشابهة على فدني لتري تجارب أخريات. أنتِ قادرة على ذلك، وكل خطوة صغيرة تقربكِ من هدفكِ.
تم النشر الثلاثاء، ٣٠ يونيو ٢٠٢٦
شكرا إن شاء الله هحاول
تم النشر الأربعاء، ١ يوليو ٢٠٢٦
لازم تتقبلي الاول فكرة إنك مش عارف تفتحي مواضيع ، و إنك بتبقي اقل حد بيتكلم في اي قاعدة ، لو تقبلتي الفكرة اللي انتي عايزه تغيريها صدقيني هتتكلمي بارتياح بعد كدة ، و تفتحي مواضيع، وممكن كمان تبقي اكتر حد بيتكلم في القاعدة بعد كدة ، اهم نقطة عشان نتغير هي تقبل الوضع الحالي . انا كنت بمر بالمشكلة دي ، و كنت مش راضي عن نفسي و كنت محبط جداً، بس لما تقبلت الوضع دا و ركزت اهتماماتي في حاجات تانية ، بقيت اهم شخص في القعدة ، بقيت وقت ما اعوز اكلم حد حتي لو غريب بروح و اكلمه و انا مرتاح و مش مجبر إن اثبت حاجة ،
تم النشر الأربعاء، ١ يوليو ٢٠٢٦
خليك على طبيعتك .. مش لازم كلنا نعرف نتكلم كتير اومال مين هيسمع ولا لازم كلنا نبقى اجتماعيين بزيادة .. الحلو والجميل اصلا فى الاختلاف ف لو دى طبيعتك ومرتاحة فيها خليكى فيها ..
تم النشر الثلاثاء، ٣٠ يونيو ٢٠٢٦
لعرض السؤال في فدني اضغط هنا