Adam S

انما النجوى من الشيطان و الخوف ده مجرد ( وهم ) اداة بيلعب بيها الشيطان بيك و انت بشكل لا ارادي بتسلم له ، استعذ بالله لو الفكرة الخوف من الجلوس لوحدك فتذكر ان الله اقرب اليك من حبل الوريد ، للأسف احنا بندرب مخنا على الخوف و القلق كثير بدل ما ندربو على الطمأنينة و السلامه و الدفئ بحفظ الله لازم تجاهد الفكرة و انا عترف انها تقيلة في الاول اكن في الاخر والله هتستمتع بيها ماتطاوعش نفسك في الأفكار و الكلام النفسي كتير لأنه شبه المدينة هتتوه في طرقه و شوارعه و مش هتوصل لحل الحل اليقين بالله و قطع كل مداخل الوسواس عليك بالصلاه و الذكر و التعوذ. تشغل نفسك بقراءة القرآن او كتاب محبب او تتمشى اي شيء بعيد عن دائرة الفكر السلبي و ربنا يطمن قلبك دائما .

لازم قبل اي شئ حضرتك تعملي كل شئ يؤدي الي ارتخاء الاعصاب و كل شئ يهدي الحرب النفسية اللي جواكي مشكلتك مش مخ و اعصاب مشكلتك شيء مكتوم جواكي جدا ولازم يتفرغ و تسألي نفسك دايما انا ليه مصره امسك في التوتر و الخوف و القلق و ربنا مديني التمهل و الصبر و المنطق و الشيطان بيبقى مبسوط اوي و هو شايفك كده طيب يبقى نشوف المنطق الرباني بيقول ايه ؟ بيقول انني نرمي كل شيء عليه عارف ان جواكي صوت حاليا بيقول ( ازاي بس ؟ و أعمل كده ازاي و مش عارفه او مش قادرة ) الإجابة لا، انتي قادره جدا و لو صفيتي ذهنك من عوالق الاقكار السلبيه دي هتقدري تشوفي طريق الراحه انتي حاليا زي ماتكوني ماشيه بين اسلاك فيها اشواك و بتتعوري بس في ايدك بكل بساطه انك تمشي في طريق تاني لكن التشبث و التعود هو اللي خلى مخك محاط بالفكره دي عشان كده مخك الغلبان ده بقي ينام و يجز علي الاسنان و الفك ... تقبلي فكرة ان مخك ده غلبان جدا و طيب جدا و ذكي جدا و بيعتمد على المدخلات اللي بتدخليها له حاولي وقت النوم تدخلي كل شيء فيه راحه و ابتسامه بسيطه اشياء مريحه مبهجه فيها امل اصوات هاديه تعمل غسيل للمخ طبعا في الاول اه هتتعبي لأنه بيعاند و بيحمي فكرة التوتر اللي الغلبان اتعود عليها مش مشكلة مره على مره الغلبان ده هيفوق و يبدأ يتعود علي الراحه و هيكره فكرة التوتر للأبد إن شاء الله كل سلامه لك .

عايز حق ربنا بإجابة خاليه من اي شئ نمطي ... الإيجابة في كلمة ( إهدأ ) انت اكيد في مرحلة توتر شديد و قلق و ضغط و ده هو المسبب الرئيسي لصعف المعده و التهابها و التأثر بأي شئ ثاني شئ تاخد علاج خفيف مساعد للمعده حاجه زي بانتولوك مع مضاد حموضة شراب بسيط و اكل خفيف مسلوق يدون مقليات ولا توابل ولا حمضيات .... اسبوع هتلاقي معدتك بتشكرك بس بعدها غير نمط حياتك و اكلك و البيئه المحيطه و البعد عن الشكاوي و السلبيات و الاخبار و السوشيال اللي دمرنا كلنا ده صدقني هتخف المعده هتخف المخ هيرتاح و يريح المعده المود العام هيبقي تمام و يا سلام لو تواظب علي الصلاه و القرأن و العبادات جرب و قوللي .

السلام عليكم ... كان لدي نفس شعورك يوما ما لكن الموت علينا حق مثل الحياه المشكلة اننا كلنا ننظر للموت كأنه شئ صامت اسود ساكن خالي من الوقائع ولكن لم ندرك بوعي حقيقي ان الموت بوابة إلى حياه اروع و اجمل فأكثري من الاستغفار و الشكر و التسبيح وربنا سيبدلك نفسا مطمئنه ، اولادك لهم الله يرعاهم مدبر كل التدابير من دبر لك الامر لترعي اولادك قادر يدبر لهم الامر ايضا بلا شك، انت سليمه و الام العضلات و ضيق الصدر ببساطة ناجم عن التوتر الشديد مع ارتفاع هرمون الادرنالين اللي بيقبض العضلات ليحافظ عليها من الاذي ... سلمي الامر كله لله و توكلي عليه بتسليم خالص و توكل صادق ولا تفكري في من مات و من ولد هذه حياه ناس تأتي و ناس ترحل شجره تموت و تنمو مكانها اخري و تغيب الشمس و القمر و يشرقوا من جديد في يوم جديد أسأل الله العظيم لك خالص الهداية و السكينة بإذن الله و لا تنسي الرقية الشرعية ولا تخافي شيء ورب العباد موجود عز وجل .

بكل بساطه اهملي اي شئ اخر. تقنعي نفسك انه مش موجود و وتعمليه صامت واقفلي الاشعارات الا لو بس حبيتي تبصي كل ساعتين مره و بعدين واحده واحده الموضوع هيبقي زي كده فين و فين لما ببص علي التليفون لحد ما بقيت بقعد بس استخدم التليفون مره الصبح نص ساعة و مرة بليل ساعة كده

صلي استخارة و ما يمليه عليك قلبك فإذا كان خير لك توكل علي الله و ان لم يكن ستشعر بذلك استفتي قلبك اولا في هذه الايام هناك تخبط شديد بين الحق و عير الحق ولا نعلم ما هو الصحيح و ما هو الخطأ لذلك الرجوع لله افضل حل

تقديم المشيئة و الاستعانة علي قضاء الحوائج بالكتمان و لازم تفصل بمعني انك لا تظل علي شئ طوال الوقت لكي لا تمل منه و تضعف رغبتك ابتعد ثم واصل و اكمل و هكذا و من ثم ستجد لديك شغف دائم للشئ الذي تفعله

بصي خلينا نقسم المشكلة الي اقسام الاهل و السبب المرضي و الاعراض و العلاج اولا احنا كلنا هنا اخواتك يعني هنقف جنبك قدر المستطاع بقلوبنا و انتي مهمة عندنا و كتير بنمر بضفوطات نفسية عائلية بسبب زعيق خناقات عدم تفهم ضرب و حاجات من دي المهم انك تدخلي في حياتك عنصر الاحترام و الصمت و اللامبالاة يعني يقولوا اللي يقولوه لو انتي مش غلطانه و ما ترديش الا بما يرضيهم و ما تركزيش علي كل كلمة بتتقال حني لو جارحه لأن الاهل ما ينفعش للأسف تركهم هم قدرنا و ممكن يكون مستواهم الفكري في فهم اننا في حالة مرضية ضعيف و ما يفهموش ده ... المرض اللي هو الخوف و الضيق و الدوخه و التوتر دا موجود عندنا كلنا بس بنسب اقل و زيادة عند ناس تانية خصوصا أصحاب المعده و القولون العصبي لو قدرنا نسيطر علي الخوف و نحطه في خانة الوهم او ان الخوف ده مجرد فكرة مش مرض عضوي هنقدر واحده واحده نقلل الاعراض النفس جسمانية او الاعراض اللي بتظهر علي الجسم و الاعضاء كأنها مرض ولاكن في الحقيقه هيا كلها مجرد ردود فعل للخوف و زيادة الادرينالين في جسمك بصورة مستمرة بأدي للتوتر و احيانا رعشه و تسارع نفس و ضيق الصدر فلازم تكوني طبيبة نفسك و تهدي و العلاج تتحدي كل المؤثرات الخارجية بأنك تشوفي اهدافك بس و انتي عايزه ايه و ما تشوفيش غيرها و طنشي الناس و كلامهم اللي حرفيا مش بيفيد لاكن بيضر و بالنسية للمشاكل المادية و العلاج هتلاقي هنا نضائح كتير مجانية في دكاترة محترمين معانا و في ناس عدوا بخبرات و تجارب صعبه زي و زي غيري فا الافادة هنا ان شاء الله بدون اي ماديات المهم سلامتك النفسية و البدنية و صحتك و تستعيدي سعادتك و الانتحار ده مش حل انتي لازم تعيشي و تعافري في الدنيا غصب عن كل الناس اللي بيضايقوكي و تنجحي لنفسك ... كوني طيبه مع نفسك الطيبه لأن نفسك هي الوحيدة اللي هتبقي معاكي العمر كله و ربنا و كفي بالله وكيلا و تكرري ده كتير جواكي ان طالما ربنا معاكي محدش هيقدر عليكي و دي الحقيقه المطلقه فا عيشي حياتك و سنك و قومي تاني و عافري في الدنيا بلا كلل لأننا جينا هنا عشان نعافر و نتعلم و نكبر و نكون اقوي بفضل الله ... ربنا يحفظك من كل شر .

بصي اكيد في شئ مر في حياتك خلاكي تكوني كده و الاكيد الاكثر انه مش هيتكرر تاني و ده لازم يكون عندك ايمان به فكونك خايفة من مجهول محصلش و مش هيحصل الا بأمر الله فا ده شئ غيبي ربنا قال الشيطان يعدكم الفقر و ربنا عايزلك الخير فا اي فكرة خوف هي من الشيطان بيوسوس لك بكده و بيبقي مبسوط اوي لحزنك في حين ان ربنا لما بتبكي بيسأل الملائكة ماله عبدي حزين ليه و بيبكي ليه طبعا ربنا عارف كل شئ ولاكن ده دور الملائكة و بيجاوبوا و برحمته بنزل عليكي الفرج و الشفاء و بدل الحال للفرح طيب حد سكون معاه ربنا و الملائكة و يخاف من حتة شيطان اكيد لأ و يكفي انك تعرفي انك قوية بالله و بحفظ ملائكته الكرام لك و بتستمدي قوتك منهم و من القرأن و من الأنبياء جميعاً عليهم الصلاة والسلام و جميع الأنبياء كانوا في ابتلاءات مختلفة و تذكري كلام ربنا الجميل في قرأنة الجليل بسم الله الرحمن الرحيم (( ولَنبلونكم بشيءٍ مِنَ الخوفِ والجوعِ، ونقصٍ مِنَ الأَموالِ والأَنفسِ والثمراتِ، وبشّرِ الصابرينَ الذينَ إذا أصابتهم مصيبةٌ قالوا: إنّا للهِ وإنّا إليهِ راجعونَ} (البقرة: 155- 156 ) أولئك عليهم صلوات من ربهم ورحمة وأولئك هم المهتدون ... ربنا ابتلاكي لأنه بيحبك و عايزك تكوني اقوي و بيحضرك لكي تكوني شخصية افضل و اقوي و اتقي و قد تكوني يوما ادما انتي اللي بيقود الناس للخير و الفرح فمتخافيش من حاجه و توكلي علي الله افتحي قلبك و زراعيك للحياه و التزمي بحبل الله اولا و اخيرا و ايزشئ تخافي منه اضحكي عليه لأنه مش حقيقي و تافه و مجرد اختبار لحضرتك فقط ربنا يحفظك من كل مكروه و حرفيا انطلقي مع اصدقائك كوني مجتمعك شاركي عائلتك كل شئ كوني انتي البسمه لهم و الشمعه المضيئة و محفوظة دايما بإذن الله و رعايته و استمدي قوتك دايما من الله الخالق الذي لا خوف الا منه وحده عز وجل اما بني ادم بتوع انهارده دي عالم تضحك مش تخوف 🙂 سيبيها علي الله و توكلي عليه في كل امورك بلا خوفي و واجهي امورك و اللي يخوفك اغضبي عليه هتلاقيه هو اللي بيخاف منك والله هي دي الدنيا و حقيقتها. ربنا يحفظك بإذن الله.

قبل الحديث عن اي حلول يجب عمل تحليل هرمونات و فيتامينات و أخبر المعمل بذلك بعد ذلك نتحدث عن الجانب النفسي

معظم التحاليل جيدة ما عدا كرات الدم البيضاء او المناعه نوعا ما في المستوي الطبيعي المنخفض قليلا و ايضا الصفائح الدموية علي حدود المستوي المنخفض ايضا يرجي مراجعة طبيب في ذلك .

بصي اكيد في شئ مر في حياتك خلاكي تكوني كده و الاكيد الاكثر انه مش هيتكرر تاني و ده لازم يكون عندك ايمان به فكونك خايفة من مجهول محصلش و مش هيحصل الا بأمر الله فا ده شئ غيبي ربنا قال الشيطان يعدكم الفقر و ربنا عايزلك الخير فا اي فكرة خوف هي من الشيطان بيوسوس لك بكده و بيبقي مبسوط اوي لحزنك في حين ان ربنا لما بتبكي بيسأل الملائكة ماله عبدي حزين ليه و بيبكي ليه طبعا ربنا عارف كل شئ ولاكن ده دور الملائكة و بيجاوبوا و برحمته بنزل عليكي الفرج و الشفاء و بدل الحال للفرح طيب حد سكون معاه ربنا و الملائكة و يخاف من حتة شيطان اكيد لأ و يكفي انك تعرفي انك قوية بالله و بحفظ ملائكته الكرام لك و بتستمدي قوتك منهم و من القرأن و من الأنبياء جميعاً عليهم الصلاة والسلام و جميع الأنبياء كانوا في ابتلاءات مختلفة و تذكري كلام ربنا الجميل في قرآنه الجليل بسم الله الرحمن الرحيم (( ولَنبلونكم بشيءٍ مِنَ الخوفِ والجوعِ، ونقصٍ مِنَ الأَموالِ والأَنفسِ والثمراتِ، وبشّرِ الصابرينَ الذينَ إذا أصابتهم مصيبةٌ قالوا: إنّا للهِ وإنّا إليهِ راجعونَ} (البقرة: 155- 156 ) أولئك عليهم صلوات من ربهم ورحمة وأولئك هم المهتدون ... ربنا ابتلاكي لأنه بيحبك و عايزك تكوني اقوي و بيحضرك لكي تكوني شخصية افضل و اقوي و اتقي و قد تكوني يوما ادما انتي اللي بيقود الناس للخير و الفرح فمتخافيش من حاجه و توكلي علي الله افتحي قلبك و ذراعيك للحياه و التزمي بحبل الله اولا و اخيرا و أي شيء تخافي منه اضحكي عليه لأنه مش حقيقي و تافه و مجرد اختبار لحضرتك فقط ربنا يحفظك من كل مكروه و حرفيا انطلقي مع اصدقائك كوني مجتمعك شاركي عائلتك كل شئ كوني انتي البسمه لهم و الشمعه المضيئة و محفوظة دايما بإذن الله و رعايته و استمدي قوتك دايما من الله الخالق الذي لا خوف الا منه وحده عز وجل اما بني ادم بتوع انهارده دي عالم تضحك مش تخوف 🙂 سيبيها علي الله و توكلي عليه في كل امورك بلا خوفي و واجهي امورك و اللي يخوفك اغضبي عليه هتلاقيه هو اللي بيخاف منك والله هي دي الدنيا و حقيقتها. ربنا يحفظك بإذن الله.