السلام عليكم ورحمة الله وبركاته، أخباركم إيه؟، إن شاء الله تكونوا بخير ، عذراً كلامي هيكون طويل شوية. أنا دايماً بيجيلي إحساس اني معملتش حاجة لها قيمة في حياتي يعني دخلت المرحلة الابتدائية و بعدها الاعدادية و بعدها الجامعة الحمد لله انا في سنة ثانية حالياً ، معنديش خبرة كتيرة في الحياة لأني مكنتش بخرج كتير لأماكن مختلفة كان فقط من المدرسة او الجامعة للبيت و مش ملمة بأغلب التريندات او حتي الكتب و الكورسات، و ولا مرة اشتركت في مسابقة و انا صغيرة او حتي الإذاعة المدرسية او اشتركت في نشاطات، و بحس اني متأخرة عن الحياة بشكل عام ، على النقيض في بنات في نفس سني و نفس المنطقة اللي انا فيها ما شاء الله تبارك الله عندهم لباقة في الكلام و خبرة أكثر مني بمراحل كتبوا كتب سواء روايات او غيره و صحفيات او طلعوا في لقاءات صحفية او بيقابلوا ناس مهمة ليها قيمة في المجتمع ما شاء الله ، بيشاركوا في مسابقات او كورسات او غيره و معاهم شهادات كتير ما شاء الله ، أنا بحس من وقت للتاني ان في حاجة غلط عندي بجد كنت الأول بقول ممكن فرق المعيشة او المناطق لكن اتفاجأت انهم في نفس المنطقة اللي انا فيها!، عاوزة اعرف بجد اعمل ايه و اتعامل ازاي مع شعوري ده "بشكل سليم" ؟، يا ريت تعتبروا السؤال ده من أختكم الصغيرة و تدلوني علي طرف الخيط اللي اقدر اكمل بعده ، يمكن تكونوا شايفين حاجة انا مش شايفاها .
تم النشر الثلاثاء، ٦ أكتوبر ٢٠٢٦
تسلميلي يا قلبي عيونك الجميلة 💗، هبدأ حاضر و الله المستعان .
تم النشر الثلاثاء، ٦ أكتوبر ٢٠٢٦
شكراً يا فاطمة 💗
تم النشر الثلاثاء، ٦ أكتوبر ٢٠٢٦
بحثت عن البرنامج دلوقتي ، هشوفه حاضر و ان شاء الله خير .
تم النشر الثلاثاء، ٦ أكتوبر ٢٠٢٦
بجاهد نفسي بجد عشان أقدر أركز علي نفسي.
تم النشر الثلاثاء، ٦ أكتوبر ٢٠٢٦
سنة كام ؟
تم النشر الثلاثاء، ٦ أكتوبر ٢٠٢٦
بصي صلي علي النبي بجد ده مينفعش لو مش بيتسلي او بيتسلي ، و انتي اكيد عارفة ده .
تم النشر الثلاثاء، ٦ أكتوبر ٢٠٢٦
في حلول كتير الحقيقة انا جربت أغلبها و معظمها نفع معايا ممكن تجربي و تشوفي علي حسب شخصيتك و اسلوبك و طريقة مذاكرتك، اول حاجة ممكن تحاولي انك تحطي حافز ليكي قريبة مش بعيدة زي مثلا شوكلاتة او ثاني حاجة انك تقسمي المذاكرة 25 دقيقة و 5 دقايق راحة ، و رابع حاجة ممكن لما تذاكري متحطيش كل الكتب قدامك مرة واحدة لان من منظرهم اكيد هتحسي بالاجهاد و فقدان الشغف ، او خامس حاجة مثلا تضحكي ع نفسك تقولي ديه صفحة هقرأها و صفحة تجيب الثانية ، او سادس طريقة انك مثلاً تحددي خط نهاية و خط بداية و ديه اهم نقطة فرقت معايا و هيا ان انا اعرف اصلا هخلص امتي! ، لان ممكن سبب فقدان طاقتك انك بتحطي الكتب و بتقولي بسم الله من غير ما تحددي لنفسك خط نهاية "سواء وقت او كمية محددة تخلصيها" .
تم النشر الثلاثاء، ٦ أكتوبر ٢٠٢٦
بيبقي عندك طاقة لكن مجرد ما بتبدأي طاقتك بتروح !
تم النشر الثلاثاء، ٦ أكتوبر ٢٠٢٦
لعرض الملف الشخصي في فدني اضغط هنا