Dingo 🌼

عايزين نتكلم بالمنطق ما شاء الله ٣ سنين ونص مش قليل في مكان يعني اخدت/ي علي المكان وعلي البيئة المحيطة غير خبرتك المحسوبة هناك غير ان الوضع حاليا صعب ان الواحد يلاقي شغل بسهولة و ظروف متستحملش ان حد ياخد Risk ان يسيب مكان شغله بسهولة لان مفيش فرص شغل كتير متاحة حاليا ده( لو هنتكلم بالمنطق والعقل و هنبعد الجانب النفسي من الموضوع ) نيجي للجانب النفسي ضغط الشغل و ضغط السفر هما اللي تاعبين نفسيتك المشاكل مش بس هي اللي تراكمت و خلتك تتعب/ي بس عايزه اقولك ان تفكيرك مركز علي السلبيات بشكل كبير يعني اكيد هناك مش مشاكل بس ! اكيد في مميزات قصاد المشاكل دي ليه بس عمال توري نفسك المشاكل و تتكلم عنها طيب ما مشاكل اللي هناك دي هتلاقيها في اي شغل تاني بردو مفيش شغل بيخلو من المشاكل و الضغط انا عايزاك تعيد حساباتك تاني مش في لحظه زعل و ضغط تاخد/ي خطوة كبيرة زي الاستقاله و ترك الشغل الوضع الاقتصادي مش سهل و انك تلاقي فرص عمل حتي لو صاحب خبرة اصبح صعب جدا و افتكر انك اي مكان عمل يوجد في ضغط ومشاكل .

عامله ايه ❤️ خطوة الطبيب النفسي بشكل عام مفيدة للشخص لانك بتلجئ لمختص تحكيله مشكلة انتي حسه بيها (بس بلاش الدكاتره اللي من اول قعدة بتوصفلك ادوية ) انا معرفش انتي حسه باية بالظبط او المشكلة تحديدا بس قريت في كومنت ليكي انك بتقولي جاثوم و فرط تفكير .. ف لو دول بس ف فرط التفكير بيجي خصوصا للناس الحساسة اللي بتركز في تفاصيل كل حاجه و تحب تحلل المواقف بدماغها الموضوع بيبقي مرهق ليهم جدا حاولي تسيبي المواقف تعدي منغير ما تقعدي تركزي هي حصلت ليه و تركزي في كل تفصيله لان ده مرهق ليكي جدا ومهما حاولتي في حاجات محدش عارف هي حكمتها ايه سيبي المراكب تسير فرط التفكير بردو بيجي لما تفكري في موقف كان مزعلك تقعدي تسترجعي ذكرياته من الاول تاني قبل ما تنامي و في وقت فراغك طيب ايه رائيك لو حاولتي تشغلي نفسك في حاجه مفيده تقري مثلا طب لو مبتحبيش القراية اية رائيك لو شغلتي بالك بمواقف حلوة عدت عليكي تقعدي تسترجعي ذكريات حلوه.. اقفي كده مع نفسك وقولي انا هستفيد ايه لما اقعد افكر في حاجة حصلت من اسبوع من يومين من تلاته كانت مضيقاني يعني هل كده الحاجة دي اتغيرت بالعكس جبت لنفسي هم وزعل انا في غني عنهم .. نيجي بقي لنقطة الجاثوم انا عايزاكي متقلقيش من الموضوع ده لانه بيحصل لناس كتير جدا بس انتي قلقانه منه بس لانك بتفكري كتير و بتخلقي سيناريوهات هو الشخص اللي بيفكر كتير كده دايما عايش في قلق و توتر ف من النهارده ابدائي حاولي تريحي دماغك شويه متفكريش في اي حاجه عدت متكبريش اي موضوع يحصل وتفكري في كتير 🙏

ازيك ❤️ عارفه بداية مشكلتك فين انك حكمتي علي نفسك انك انطوائية وعندك رهاب الحل كله اصلا هنا بمعني انك عشان يكون عندك ثقة في نفسك لازم لازم توطي صوت الناقد الداخلي بتاعك الناقد الداخلي ده اللي بيقعد يقولك انك انطوائية مش هتعرفي تتكلمي مع حد او يقعد يقولك بلاش تتكلمي هيكسفوكي بيقعد يديكي كلام سلبي عن نفسك مش موجود اصلا فيكي دي اول خطوه لازم تعمليها تبطلي تحكمي علي نفسك تمامآ . ٢- بطلي تركزي في ردود افعال الناس اللي حواليكي و ركزي في نفسك و في اللي عايزه تعمليه يعني مثلا انا النهارده عندي بريزنتيشن او عندي ميتينج مع المدير اركز في الكلام اللي هقوله في الميتنج مش اسيب كلامي و اسيب الميتنج واركز المدير بصلي ازاي ولا زمايلي بصنلي ازاي ! ٣- صدقي في نفسك بمعني انك انسانه ليكي حقوق علي نفسك الحقوق دي انك من حقك تحبي نفسك و انك من حقك تعبري عن رأيك و تتدافعي عن حقوقك و تتكلمي عن نفسك سواء مع صحابك مع زمايلك في اي مكان من حقك علي نفسك انك متقلليش منك او تهمشيها . آخر حاجه بقي عشان طولت عليكي .. تعاملك مع زملاء العمل و المديرين لازم تفهمي حقوقك بالظبط عشان محدش يتعدي عليها و متتكسفيش ابدآ انك تطالبي بيها لو حد تعدي علي حقوقك بكل ذوق واحترام طبعا . خليكي لطيفة مع الكل بس لازم مع اللطف يبان انك مبتسمحيش لحد انه يستغلك اللطف والمساعده في حدود المعقول ❤️ متنسيش اهم نصيحة * متنتقديش نفسك ابدا وتصدري احكام سلبيه عن نفسك *

عدم الثقه بالنفس بتيجي من اننا بنركز علي اللي قدامنا بيستقبل كلامنا ازاي و يا تري هو شايفني ازاي طب رد فعله ايه طب هل انا كنت بتكلم كويس ولا لا طيب دول ممكن يتريقو عليا ف بالتالي لما ابقي رايحه اكلم حد و حطه كل الحاجات دي في دماغي هتلعثم و مش هعرف اتكلم طيب الحل ايه ؟ الحل اني اركز في الكلام اللي هقوله و مركزش اللي قدامي هيستقبله ازاي و ابقي عارفه اني شخص مش قليل و ان كلامي مهم و ابقي عارفه قدر نفسي كويس طول مانا مركزه علي نفسي اكتر ما مركزه اللي قدامي شايفني ازاي لا هتحسي انك قليله وهتبقي واثقه في نفسك و هتعرفي تتصرفي في اي موقف انتي محطوطه في و خليكي عارفه ان اللي حواليكي مش مركزين في الكلمه اللي تلغبطي فيها وانتي بتكلمي ولا الحاجه اللي نسيتي تقوليها لا عادي اتعاملي عادي ومتديش المواقف اكبر من حجمها و ركزي علي نفسك اكتر من تركيزك في اللي حواليكي و شايفينك ازاي ❤️

اكيد في اكتر من حاجه في الدنيا محتاجه وجودك ومحتاجه تتسند عليك مشاعر الحزن والاكتئاب اللي عندك هي اللي مسيطره عليك حاليا ومخلياك شايف ان مفيش حاجه محتاجه وجودك .. انت لسه الحياه قدامك الدنيا مبتقفش علي حد لكن حياتك واقفه عليك ابدا من تاني وانسي المشاعر السلبيه دي انسي محاولة الانتحار اللي حصلت زمان والعلاقة اللي فشلت ابداء من جديد .سؤال بجد هل لو انتحرت كده انت ارتحت ؟؟ كده بقيت مبسوط ؟؟ بالعكس دلوقتي انت لو حاولت تغير من حياتك و تنسي اي ماضي وتبدا بدايه جديده هتبقي كسبت نفسك ❤️

لو هدف عايز تحققه ركز عليه و افتكر السعاده اللي هتبقي فيها لما تحققه و في نفس الوقت بلاش بلاش بلاش جلد ذات لو مشيت ورا المغريات كل ما تقع و تتشد للمغريات ارجع حاول تاني وهكذا بس بلاش بجد جلد ذات لانه لا بيقدم ولا بيأخر

ميهتموش الناس هتقول ايه وشايفاهم ازاي و ميقرنوش نفسهم بحد لان المقارنه بوابة التعب النفسي

قسم وقتك وابعد عن السوشيال ميديا خااالص بجد اكتر حاجه بتفقد الانسان تركيزه وتشتته النت والفيس والواتس والهري ده اقفلهم الفترة دي و ابدا قسم وقتك هتلاقي الدنيا بتتلم و الدنيا بتتظبطت ومتحطش نفسك تحت ضغط ان لو مجبتش امتياز هعمل ايه و كده بلاش تحط نفسك في ضغط نفسي

كل الناس ولا اشخاص معينه مضايقينك وهل في سبب لكده؟

بلاش ادوية بدون استشارة دكتور مختص و الف سلامة ربنا يجعلك في احسن حال يارب🌼🌼

طيب انا جيالك من المستقبل و هقولك علي الحاجات اللي ندمت اني معملتهاش ١- خدي كورسات بجد لازم الفتره دي تاخدي كورسات و تستغليها صح عشان الكورسات دي هتفيدك مستقبلآ جدا و متبقيش ضيعتي وقت. ٢- اخرجي بجد متكسليش لما انتي وصحابك تتفقو علي خروجه 😂 لا اخرجي و جربي تروحي اماكن جديده ارشقي في رحالات الكليه و مع صحابك . ٣- اقري شوفي المجال اللي بتحبيه واتثقفي و اقري كويس عنه القرايه يجد هتفيدك جدا . ٤ - و اخر حاجه هي نصيحة امهات 😂 بس بجد هي حقيقة وعن تجربة اختاري اصحابك بعناية اوي ابعدي عن الصحاب الكسولة اللي ضاربين الدنيا صرمة اللي مش هيشدوكي انك تاخدي كورسات اللي حياتهم كلها لعب بلاش منهم بجد انا هفهمك حاجه لما ربنا يكرمك وتتدخلي كليه وتتخرجي سوق العمل سوق كله جري و محتاج يكون عندك خبرة و تكوني تقيلة من حيث الكورسات و التعليم وكده ف انك تكوني متخرجه معاكي كورسات و شاطره ده هيوفر عليكي مجهود رهيب عشان كده بقولك خدي كورسات متكسليش ❤️ ربنا يوفقك يارب اتمني اكون افادتك

ازيك ❤️ انا حسه بيكي جدا جدا علي فكره و فاهمه انتي مش عايزه تاخدي خطوة الدكتور النفسي ليه عارفه انك شخصية كتومه مبتحبيش تحكي لحد حاجه و مبتحبيش تحسي انك تقيله علي حد او انك تباني ضعيفه لما تحكي . بس بم ان الكلام بالذات في الاكتئاب بيريح الشخص و بيشيل من عليه كتير ف هقولك حل هاتي كشكول اكتبي كل اللي حاسه بي وكل اللي نفسك تقوليه و بعد ما تخلصي كتابه امسكي الورق ده وقطعيه كل ما تجيليك لحظه تبقي نفسك تنفجري فيها اعملي كده هتحسي ان شحنة السلبيه اللي جواكي طلعت في حاجه و خرجتيها .. و خليكي عارفه ان اللي حصل زمان والمواقف اللي عدت كلها خلاص راحت كلها بقت ماضي الماضي لا هنعرف نرجعه ولا نغير في ف ركزي علي مستقبلك و ركزي علي قدام عارفه ان اكتئاب بحط غشاوة علي عينك وبيحسسك ان لا فارق معاكي قدام واللي يحصل يحصل بس لا في قدام وفي مستقبل محتاج انك تفكري في سيبك من كل اللي فات انتي صاحبة القرار و في ايدك تخلي اللي جاي احسن بكتير .

مش من الضرورة ان السعاده تكون موجوده بوجود الصحاب او بوجود شخص انت ممكن تكون سعيد منغير حد بس اولآ لازم تشيل من دماغك فكره ربط السعاده بوجود شخص .. طب نفرض انك لازلت محتاج وجود حد لازم تكون مستعد لفكرة الرفض يعني لو كلمت واحده و رفضتك عادي جدا متخليش الموضوع ده يكسرك او يزود حزنك لان الرفض ده طبيعي يحصل لاي حد تخطي الصدمه دي و ابدا حاول تاني لكن محاولش عشان بتكسف وخايف تحرجني لا الكسوف هو اللي بيخلي معندكش اصدقاء لانك بتخاف تاخد خطوة انك تتعرف علي حد اكسر الخجل بانك تبادر الكلام مع الناس تبادر انك تعرض علي حد خروجة و هكذا مره علي مره هتكون شخص اجتماعي و لي اصحاب اتمني اكون افادتك 🌼❤️

علي ايه ♥️♥️

يعني انا قريت في رسالتك انك محتاج حاجه تتسند عليهاو تدعمك نفسيآ معني كده انت مستعد ان يكون حد جمبك وتحكيله اكتر ليه متاخدش خطوه المعالج النفسي

طيب فكرت تروح لمعالج نفسي يساعدك انك تفضفضله وتحكيله

جميلة اوي

علي ايه ربنا معاك وتحقق كل اللي نفسك فيه

الموضوع سهل تجنبهم راحتك وسلامة نفسك اهم بكتير من التعامل مع حد بيأذيك نفسيآ ف بالتالي افضل حل انك تتجاهل كان الاشخاص دي مش موجوده حط/ي حدود شخصيه لنفسك متخلوهمش يعدوها و لو حد منهم جه يعاتبك تقول/ي الاسباب بكل وضوح وبدون احراج التجاهل هيريحك جدا جدا جدا

شكرا علي ايه بجد اتمني تكوني في احسن حال وربنا يرزقك سعادة الدنيا كلها ربنا يريح بالك يارب

ايوه فاهماكي بس بردو متبطليش كتابه اصل بصي انتي جواكي شحنه كده من المشاعر السلبيه و الافكار اللي بتضغط عليكي و بتدخلك في مود الاكتئاب انتي بتكوني اصلا محتاجه تخرجيها حتي لو بتقولي هسند نفسي بنفسي و مش هتكلم ومش هحكي مفيش حاجه اسمها كده مفيش انسان مش محتاج انه يحكي و يتكلم الكتمان اللي انتي بتعمليه هو اللي بيزود المشاعر دي و طالما مش حابة تحكي لشخص او معندكيش اوبشن الدكتور اكتبي كل اللي بتحسيه حتي لو حاسه ان ايه ده انا مش حاسه بحاجه لا هو علي فكره انتي فرغتي طاقة و طلعتي كل اللي عايزاه في اللحظه دي افضلي اكتبي انتي بس حسه كده عشان الكشكول مش متفاعل معاكي زي ما انسان هيتفاعل يعني عارفه انا مثلا بكتبلك اهو انا انسان وبكتبلك بس انا واثقه ان اللي واصلك مجرد كومنت وكلام بتقريه لكن مش واصلك المشاعر فعلا الحقيقية اللي عايزه اوصلهالك مجرد اصلا انك بتبصي للشخص وانت بتحكيله بيحسسك ان في حد جمبك بتفضفضيله . حل الكشكول بجد هيفيدك جدا افضلي اكتبي حتي لو حسه ان عادي انتي بتفرغي طاقة كبيره جدا .