السلام عليكم ورحمة الله تعالى وبركاته هو انا شوفت التطبيق بالصدفه فعاوزه الصراحه استشير فحاجه انا طالبه تالته ثانوي عام علمى علوم الحمد لله السنوات اللى فاتت كلها كان مستوايا كويس وكنت بطلع من الاوائل اما السنادى انا كنت بادئة السنه تمام وكل حاجه بس للاسف كان اليوم كله ضايع في الدروس عشان انا دروسى سنتر ومش حبيت الاونلاين عشان التراكم فبقا دلوقتي انا خليت دروسى 3ايام بس في الاسبوع اللى هما سبت واتنين واربع وباقى الاسبوع لمراجعه النهج وحل عليه وكمان الحاجات اللي متراكمه اما الايام اللى بنزل فيها دروس بتكون على قد انا اجى اذاكر اللى خدته في اليوم ده بس مش عارفة فى ايه من يوم ما عملت كدا وانا مش بذاكر اليوم بيضيع منى في الفاضى يعني اكون دخله اوضتى عشان اذاكر ممكن ادخل من 10صباحا ل 11 او 12 مساءا وانا مش ذاكرت الحاجه واليوم داع اجى ابص انا عملت ايه في اليوم مفيش عماله فاتحه سوشيال ميديا وخلاص جيت حذفتهم بقعد اضيع وقت برضو مش عارفه اعمل ايه وايا كان التحفيز مش بتحفز يعني ممكن حد يتكلم او اسمع فيديو تحفيزى والفيديو بيكون فيه كلام كتير اووووووووووى يخلينى اقوم اكل الكتب اكل انا بس اللى مش عارفه فى ايه مع ان المنهج مش مستاهل ولو بس اهتميت شويه حرفيا النهج مش هياخد معايا حاجه مع العلم انى مش مراكمه كتير يمكن اكتر ماده مراكمه فيها هي الاحياء انا حرفيا والله تايه اووووووووووى ومش عارفه اعمل ايه يعني دلوقتي في معسكر لم المنهج في 35 يوم وده كويس بس انا خلصت اول يوم ونص فيه وهو اصلا بقالى 10فيه مع ان محتوى اليومين دول ممكن اخلصهم فى يوم عشان انا كنت مذاكراهم قبل كدا بس كنت هراجع واحل عليهم بس ممكن حد بقا يفيدنى 😓😔
تم النشر الخميس، ٢٦ مارس ٢٠٢٦
مفيش حاجة اسمها كدا يا عمرى كله بايدك انتى انتى اللى بتحددى شخصيتك حاولى انك تحبى نفسك وتثقى في نفسك اكتر من كدا حاولى ان اى حاجه تحصلك انك انتى اللى تاخدى القرار حاولى انك تتعاملى مع ناس اكتر وكمان اى حاجه قدامك اتقدمى عليها وشاركى فيها واى تجمع احضريه وانتى بتتكلمى اثقى في نفسك وردى بهدوء وثبوت وكمان بصى فعين اللى بتتكلمى معاه مش تنزليها مهما كان ده بيخلى اللى قدامك يشوفك قويه وانتى اى موقف يحصل قدامك مش تضحكى على الفاضى كل لما يكون كلامك قليل وثابت وكمان الضحك قليل ده بيخلى اللى قدامك يخاف من شخصيتك ويعملك حساب فعشان كدا مش تشغلى نفسك بحد ولا ده قال ايه ولا دى بتبصلى ازاى ده لو حده هلاك اهتمى بنفسك ولبسك ده هيذود من ثقتك في نفسك هيخليكى ماشيه وبتتعاملى بكل اريحيه وكل ثقه فانتى شيلى كل الافكار دي من دماغك واقنعى نفسك انك مش ضعيفه انا قويه وقويه جدا كمان
تم النشر الأربعاء، ١ أبريل ٢٠٢٦
بصى هقولك حاجه الانسان دايما مش بيحب اللى بيكون جنبه على طول يعني بمعنى انى كل لما احتاجك القيكى جنبى كل لما اعمل حاجه القيكى موجودة فاهمه يعني هو كدا لقيكى انتى اللى هتموتى عليه فهو بيحاول يسوق التقل عليكى ليه عشان عارف ان انتى اللى لزقاله فضامن وجودك بمعنى الكلمه فانتى حلك الوحيد انك مش تبينى له انه موجود اصلا وتتعاملى اكنه حاجه عاديه وكمان تخدى بالك من شكلك ولبسك وتتعاملى معاه اكنه شخص غريب مش اول لما تشوفيه تجرى تسلمى عليه لا انتى اتعاملى اكنه مش موجود اصلا فاهمه قصدى كل لما انتى تتجاهليه هو هيتشد ليكى اكتر صدقينى البنادم مش بيحب الحاجه اللى بتيجى له بسهوله بالعكس كل لما الحاجه يتعب عشان يوصل لها كل لما يتعلق بيها اكتر
تم النشر الأربعاء، ١ أبريل ٢٠٢٦
نصيحه منى راجعى علاقتك مع ربنا انا كنت زيك كدا بس راجعت نفسى رجعت انتظم في الصلاه حتى وانا مش ليا نفس وكنت في كل صلاه افضفض واقول كل اللى مضايقنى كل اللى مش بحبه كل اللى انا تعبانه منه وواحده واحده لقيت نفسى بتمنى وقت الاذان يجى عشان اقول كل اللى فى قلبى لربنا وبجد هتلاقى فرق كبييييير اوى وخليكى عارفه ان قليل دائم خير من كثير منقطع يعني انتى لو كل يوم هتعملى حاجه بسيطه جدا تقربك من ربنا حرفيا هتلاقى اختلاف كبير جداً في نفسيتك 💗
تم النشر الجمعة، ٢٧ مارس ٢٠٢٦
حاضر وشكرا بجد ❤
تم النشر الجمعة، ٢٧ مارس ٢٠٢٦
حاضر وشكرا بجد ❤
تم النشر الجمعة، ٢٧ مارس ٢٠٢٦
اللهم آمين يارب وان شاءلله ربنا يوفقنى واكون من اوائل الجمهوريه السنادى 💗
تم النشر الخميس، ٢٦ مارس ٢٠٢٦
حاضر باذن الله هبعده حالا دلوقتي وهروح اكتب مهام اللى لازم اخلصها النهاردة وهلزم نفسي على قد ما اقدر
تم النشر الخميس، ٢٦ مارس ٢٠٢٦
لعرض الملف الشخصي في فدني اضغط هنا