السلام عليكم ورحمة الله تعالى وبركاته
هو انا شوفت التطبيق بالصدفه فعاوزه الصراحه استشير فحاجه
انا طالبه تالته ثانوي عام علمى علوم الحمد لله السنوات اللى فاتت كلها كان مستوايا كويس وكنت بطلع من الاوائل اما السنادى انا كنت بادئة السنه تمام وكل حاجه بس للاسف كان اليوم كله ضايع في الدروس عشان انا دروسى سنتر ومش حبيت الاونلاين عشان التراكم
فبقا دلوقتي انا خليت دروسى 3ايام بس في الاسبوع اللى هما سبت واتنين واربع وباقى الاسبوع لمراجعه النهج وحل عليه وكمان الحاجات اللي متراكمه اما الايام اللى بنزل فيها دروس بتكون على قد انا اجى اذاكر اللى خدته في اليوم ده
بس مش عارفة فى ايه من يوم ما عملت كدا وانا مش بذاكر اليوم بيضيع منى في الفاضى يعني اكون دخله اوضتى عشان اذاكر ممكن ادخل من 10صباحا ل 11 او 12 مساءا وانا مش ذاكرت الحاجه واليوم داع اجى ابص انا عملت ايه في اليوم مفيش عماله فاتحه سوشيال ميديا وخلاص جيت حذفتهم بقعد اضيع وقت برضو مش عارفه اعمل ايه وايا كان التحفيز مش بتحفز يعني ممكن حد يتكلم او اسمع فيديو تحفيزى والفيديو بيكون فيه كلام كتير اووووووووووى يخلينى اقوم اكل الكتب اكل
انا بس اللى مش عارفه فى ايه مع ان المنهج مش مستاهل ولو بس اهتميت شويه حرفيا النهج مش هياخد معايا حاجه مع العلم انى مش مراكمه كتير يمكن اكتر ماده مراكمه فيها هي الاحياء
انا حرفيا والله تايه اووووووووووى ومش عارفه اعمل ايه يعني دلوقتي في معسكر لم المنهج في 35 يوم وده كويس بس انا خلصت اول يوم ونص فيه وهو اصلا بقالى 10فيه
مع ان محتوى اليومين دول ممكن اخلصهم فى يوم عشان انا كنت مذاكراهم قبل كدا بس كنت هراجع واحل عليهم بس
ممكن حد بقا يفيدنى 😓😔
و عليكم السلام ورحمه الله وبركاته ، تالته ثانوي ، البعبع ، تحديد المستقبل ، اللحظة الحاسمه ، الفيصل في الحياة ، تكوني او لا تكوني ، كل ده طظ ، هتلاقي نفسك كويسه في الدراسة عمرك كله علشان انتي حابه الدراسة ، لكن اول ما تحطي الدراسة تحت ميكروسكوب المسميات اللي فوق دي مش هتبقى دراسة ، هيبقى هروب من المسميات فهتركزي عليها ف ايه بقى ، تحصل فعلا ، مع انها وهم ، بس انتي صدقتيه و عقلك صدقه و ركز عليه ، و الفكره اللي بنركز عليها بتزيد ، ارجعي استمتعي بدراستك تاني و حبي انك بتعرفي معلومات جديده و موضوع الدروس ده اختياري أصلا ، انا حاليا لما بشوف ملخصات الكتب للثانوية ببقى مش فاهم المدرس دوره ايه أصلا ، الملخصات بقت شارحه المنهج احسن من المدرسين ، و خرائط ذهنية و تقسيم للدرس ده غير ان فيه ادوات و تطبيقات دلوقتي تقدر تساعدك في الشروحات كمان ،اما بقى السوشيال ميديا فأنتي بتعفني دماغك بيها حرفياً ، عقلك بيتعود على المعلومه السريعه التافهه اللي مش محتاج يشتغل علشان يفهمها ، فبيتكاسل ، ومع التكرار بيتعفن ، فألحقي نفسك و عقلك و احترمي ذكائك و مجهودك اللي بذلتيه السنين اللي فاتت ، وبالتوفيق 😊
تم النشر الجمعة، ٢٧ مارس ٢٠٢٦
بصي يا دكتوره باذن الله انتي مشكلتك مش في المذاكرة خالص انتي مشكلتك في البداية وقلقك من التراكم مخليكي تهربي للتشتيت وتضيعي اليوم في الفراغ عشان كدة الحل انك تبطلي تفكير في المنهج كله وتفكري بس في الخمس دقايق الجايين يعني اول ما تدخلي الاوضة الساعة 10 افتحي الكتاب واكتبي مهمة واحدة بس تخلصيها في ساعة ومن غير موبايل خالص في الاوضة ولو حسيتي انك تايهة في المعسكر ده طبيعي جدا المهم انك متوقفيش عشان تكملي ال 35 يوم للاخر وبلاش فيديوهات تحفيز لان تحفيزك الحقيقي هو لما تشطبي على اول درس وتخلصيه وحاولي تغيري مكان المذاكرة عشان تكسري جو الاوضة اللي بيخليكي تسرحي وانتي قدها بدليل انك كنتي من الاوائل قبل كدة يعني العقل موجود بس محتاج شوية انضباط مش اكتر وجد ربنا يحفظك ويوفقك 😊
تم النشر الخميس، ٢٦ مارس ٢٠٢٦
وعليكم السلام ورحمة الله وبركاته يا بسمة، أهلاً بيكي في فدني! 😊 أول حاجة، أنا فاهمة تماماً إحساسك ده، الثانوية العامة ضغط رهيب وده طبيعي يحصل مع بنات كتير زيكِ، خاصة لما التراكم يزيد والتركيز يروح. الحمدلله إنك عارفة المشكلة وبتحاولي، ده خطوة كبيرة! خلينا نحلها خطوة بخطوة بطريقة عملية وبسيطة، عشان تخلصي الـ35 يوم دول بقوة إن شاء الله. 1. ابدئي صغير جداً عشان تكسري الجمود: متفكريش في اليوم كله مرة واحدة. قومي دلوقتي واكتبي قائمة 3 مهام بس لليوم ده (مش أكتر). مثلاً: أحياء: أقرأ صفحتين بس من التراكم + حل 5 أسئلة. معسكر اليوم: خلصي نصه اللي فاضل (10 دقايق بس أول حاجة). مراجعة نهج: 20 دقيقة واحدة مادة. استخدمي تقنية البومودورو : ذاكري 25 دقيقة متواصلة (ضبطي المنبه)، بعدين 5 دقايق قومي تمشي أو اشربي مية. كرري 4 مرات، وخدي راحة 15 دقيقة. ده هيخليكي تشوفي إنجاز فوري ومش هتحسي بالضياع. 2. رتبي اليوم زي الساعة: من 10 الصبح: ابدئي بالأسهل (اللي تحبيه أو اللي متراكم أقل، زي النهج) عشان تدخلي في المود. حددي وقت لكل حاجة: مثلاً 10-12 أحياء، 1-3 معسكر، 4-6 مراجعة. استخدمي ورقة أو تطبيق زي "Todoist" (مجاني). أيام الدروس: ركزي على تطبيق اللي اتعلمته في نفس اليوم مباشرة، مش تسيبيه يتراكم. 3. للأحياء والتراكم: قسميها لأجزاء صغيرة: اليوم صفحة واحدة، بكرة حل أسئلة عليها. المعسكر هيساعدكِ تلمي المنهج، بس حددي هدف يومي زي "أخلص درسين" مش كله. لو حسيتي تايهة، ابدئي بـ"خريطة ذهنية" سريعة: اكتبي العناوين الرئيسية واربطيها بكلامكِ الخاص. 4. تحفيز داخلي: التحفيز الخارجي (فيديوهات) بيضيع وقت، ركزي على الدعاء والاستغفار : قبل الدراسة قولي "اللهم يسر ولا تعسر"، وصلي ركعتين حجة أو شكر. تذكري رضا الله والقبول في كلية حلمكِ، ده أقوى دافع. كافئي نفسك: بعد كل بومودورو، أكلة صغيرة تحبيها أو سماعي قرآن 5 دقايق. يا حبيبتي، أنتِ مش تايهة، أنتِ بس محتاجة روتين صارم شوية. ابدئي دلوقتي بالمهمة الأولى، وهتحسي بالفرق غداً إن شاء الله. لو عايزة خطة أسبوعية مفصلة أكتر، قوليلي تفاصيل دروسكِ. دوري في فدني على أسئلة مشابهة عن "تنظيم الثانوية العامة" هتلاقي إجابات كتير، ولو احتجتِ خبيرة تعليمية، شوفي الخبراء هنا: https://www.fedni.net/experts ربنا يوفقكِ ويجعلها من عدهالكِ، أنتِ قادرة يا بطلة! 💪❤️ ادعيلي كمان.
تم النشر الخميس، ٢٦ مارس ٢٠٢٦
اللهم آمين يارب وان شاءلله ربنا يوفقنى واكون من اوائل الجمهوريه السنادى 💗
تم النشر الخميس، ٢٦ مارس ٢٠٢٦
ربنا يوفقك ويكتبلك الكلية اللى بتحلمى بيها
تم النشر الخميس، ٢٦ مارس ٢٠٢٦
حاضر باذن الله هبعده حالا دلوقتي وهروح اكتب مهام اللى لازم اخلصها النهاردة وهلزم نفسي على قد ما اقدر
تم النشر الخميس، ٢٦ مارس ٢٠٢٦
مشكلتك في نفسك انتى ذكرتى كذا مرا المنهج مش مستاهل أنا لو قعدت علية هخلصة طب هل انتى ذاكرتى لا هل قعدتى علية وخلصتية لا يبقى المنهج مش بالسهولة اللى بتتكلمى عليها بدليل انك دلوقتى فى أزمة طب هتعملى إية أول حاجة الموبايل اللى فى إيدك دا وبتقرأى منة رسالتى تقللى استخدامك لية تماما وتحددى لما تفتحية هفتح الموبايل لحاجة معينة وهأنجز حاجة معينة عن طريقة مش أفتح الموبايل وخلاص حلك هو إنك تجبرى نفسك بحيث ميبقاش قدامك حاجة تعمليها الا المذاكرة ودا علشان يحصل لازم تمنعى أى حاجة كانت بتشغلك تماما ربنا يوفقك ويكتبلك اللى فية الخير
تم النشر الخميس، ٢٦ مارس ٢٠٢٦
لعرض السؤال في فدني اضغط هنا