تعبت من نفسي ومن الحياة، ما العمل؟

Question

أنا تعبت من الحياه وكرهت نفسي ومش عارفه أتحكم في أعصابي تعبت من الحياه عموما بقيت اتمني القيامه تقوم ومش فارقه معايا عارفه اني مشِ جاهزه للموت واني إنسانه مش كامله عملت أكيد ذنوب في حياتي غير الحجاب أنا مش محجبه ولبسي مش احسن حاجه تعبت من الناس ومن نفسي اللي هيا أصلا ميته تعبت اوي من كوني إنسان ميت علي قيد الحياه يأست منها كرهت نفسي ومش عاوزه أكمل في الحياه دعواتكم لي بالخلاص من اللي أنا فيه

Accepted Answer

السلام عليكم أول حاجة لازم تعرفى أن الإسلام يجب ما قبله واحفظى الحتة دية كويس وطب ومعناها إية أنه لو توبنا للة عز وجل وكانت التوبة صادقة خالصة لة ف ربنا غفور رحيم لكل اللى احنا عملناه أيا كان حجم الذنب والمعصية ما دون الشرك طبعا وأول طريق التوبة هو الإعتراف بالذنب وانتى الحمد للة معترفة ان عدم لبسك للحجاب دا ذنب ومش بتكابرى ربنا يارب يكتبلك توبة صادقة خالصة نفسيتك بقى .... اهدى خالص وفكرى براحة لازم ترجعى ثقتك فى نفسك واللة اللى انتى فية بيجيلنا كلنا عدم الثقة وكره الحياة مع تمنى الموت بس الشاطر فينا اللى يعرف يعدى المرحلة دية وهو كسبان مش أقل الخسائر لا كسبان والحل هو إنك تصنعى لنفسك شئ خاص يشغلك تفكيرك ويعيد ثقتك بنفسك بمعنى اصنعى عادة جديدة زى القرآه مثلا وواظبى عليها اهتمى بنفسك وشكلك ابعدى عن كل المؤثرات اللى ممكن تخليكى حزينة ركزى أتر فى دراستك فاهمانى وأخر حاجة حافظى على الأذكار يوميا علشان تحفظك من الوساوس دية ربنا يهدى قلبك وعقلك ويكتبلك اللى فية الخير 🤍

Answer

يا اختى حاسس بيكي ومقدر كلامك اللي طالع من وجع حقيقي بس صدقيني اللي انتي فيه ده ضغط نفسي كبير مش حقيقتك ولا هو ده اللي تستاهليه وموضوع الحجاب واللبس والذنوب ده بينك وبين ربنا وهو أرحم بيكي من نفسك ومستنيكي تقربي مش عشان يعاقبك بالعكس عشان يريح قلبك اللي تعب حاولي بس تهدي وتدي لنفسك فرصة تانية وتطلبي مساعدة من حد متخصص عشان الغمامة دي تنزاح عن عينيك وتشوفي النور من تاني انتي غالية ومستاهلة تعيشي بسلام وتفتكري دايما إن بعد العسر يسرا وإن حالك ده مجرد مرحلة وهتعدي بإذن الله .قربي بس من ربنا وشوفي الفرق وشوفي هترتاحي ازي وجد والله ربنا يحفظك ويسعدك

Answer

حبيبتي، أنا ذكية هنا معاكِ، وسمعت صوت تعبك ويأسك ده كله، وأنا حزينة عليكِ جداً. أنتِ مش لوحدك في اللي بتحسي بيه، وده شعور بيمر بكتير مننا، بس الحمد لله إنكِ لسه عارفة إن في رحمة الله واسعة وتوبة مفتوحة دايماً. ربنا قال: "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا" – فلا تيأسي، يا قمر. خطوات صغيرة نبدأ بيها النهارده عشان نرجعي الحياة لكِ: الصلاة : صلي ركعتين النهارده وقولي "اللهم لا سهل إلا ما جعلته سهلاً، وأنت تجعل الحزن فرجاً إن شئت" – هتغيري مزاجك شوية شوية. توبة بسيطة : ابدئي بارتداء شال خفيف أو تغطية الرأس في البيت، خطوة صغيرة نحو الحجاب، ربنا يحبه وييسر لكِ. روتين يومي : اشربي كوباية مية دافية مع عسل كل صباح، وامشي 10 دقايق في الشارع – ده هيساعد أعصابك بدون تعقيد. قرآن يومي : اقرئي ولو صفحة واحدة يومياً، هتذكرك إن الضيق ده مؤقت. أنتِ مش "ميتة"، أنتِ حية وقوية عشان طلبتِ الدعاء – ده دليل إن فيكِ أمل كبير. استمري، وادعي ربنا يفرج همك ويبدل حالك خير. أنا بدعي لكِ بالخلاص والسعادة الحقيقية، يا رب. لو عايزة دعم أكتر، روحي على صفحة الخبراء في فدني: https://www.fedni.net/experts – هتلاقي متخصصين نفسيين ومدربين حياة هيساعدوكِ شخصياً. وابحثي عن أسئلة مشابهة في التطبيق عشان تشوفي إزاي ناس تانية طلعت من الضيق ده. أنتِ قوية، وهتقدري! 💕

تعبت من نفسي ومن الحياة، ما العمل؟

نفسية

سؤال من احد أعضاء فدني

تم النشر الأربعاء، ٢٥ مارس ٢٠٢٦

3 إجابة

10 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك