Menna 3laa

تبلد كبير ف المشاعر دا من كتر النفاق الي حواليكي تفكيرك العميق وشخصيتك وكثرة علمك خلتك تحسي ان مفيش حد هيفهمك ودي حقيقه لو بصيتي للناس حوالينا دلوقتي هتلاقيهم ناس فاضية من جوه ونسبة انك تلاقي انسان حقيقي غير متصنع نسبة قليلة جدا وتكاد تكون معدومه في مجتمعنا سواءكان كبار مشغولين بمشاغل الحياة والماديات والتعامل مع الناس والأهل او حتى الي في سننا دلوقتي اغلبهم مشغولين بالسوشايل ميديا والمظاهر ودماغهم فاضيه،انا قدك عموما عندي ١٧ سنه عايزه اقلك أن انتي مش محتاجه لحد اصلا انا عارفه ان انتي جواكي نار قاتلاكي من الوحده وفنفس الوقت مش لاقيه حد يفهمك وانتي محتارة في النص مش عارفه تعملي اي انتي بس محتاجه انك تتعلمي ازاي تكتفي بذاتك حطي هدف لحياتك وركزي عليه اعتقد انك داخله تالتة ثانوي السنه دي ودا هدف كافي يشغلك لمدة سنه كامله،اتعلمي عن حاجهة جديده او اتعلمي عن حجات كتير مع بعض وهتلاقي نفسك بتنجذبي لمجال معين عايزة تتعلمي فيه اكتر،اليوتيوب مليان حجات كتيير وكان ومازال سبب رئيسي في اني اتخطيت المرحلة دي،اتعلمت حجات كتيير عن نفسي وعن الناس وعن كل حاجه تقريبا ،لهفتك ف انك تتعلمي حاجه جديدة هتنسيكي اصلا انك كنت محتاجه حد يفهمك ويكون جمبك انشغلي بنفسك ودايما حاولي تطوري منها وركزي على مستقبلك وفكري ف افكار جديدة ومختلفه حطي خطة وروتين يومي وامشي عليه حددي هدف عايزة تحققي وهتلاقي نفسك بتنشغلي بيه،مثلا انا هنام واصحى بدري،اشوف نفسي بآكل اكل صحى او ل،هل انا بعمل كل واجباتي الدينية لدرجة اني مساعدة اقابل ربنا دلوقتي،ابسط الاشياء في حياتنا مش بناخد بالنا منها لان احنا فعلا بقينا مغيبين وأهم حاجه انت قلتي انك بتصلي وبتحفظي قرآن بس خليني اقولك ان دا مش بس كفايه لازم يكون في خشوع انت ممكن تكوني بتعملي دي بس مش حاسه باي حاجه ودا غلط جدا لازم تتعلمي اكتر عن دينك زي مثلا لما بيكون عندك شغف انك هتدخلي تجربة جديدة اعملي دا مع الدين اكتفشي اكتر وابحثي بعمق وقوي إيمانك بربنا احفظي القرآن بالتفسير وافهمي معني كل كلمة بتحفظيها وأسباب نزول السور وطبقي الي بتحفظي ف حياتك،اتعلمي أحاديث جديدة عن الرسول،اقرأي قصص الأنبياء،اتعلمي درس جديد في الدين،حقيقي الانشغال بالأمور الدينيه وبربنا بيخليكي تنسي احتياجك لانسان مش هيزود ولا هينفعك بحاجه دا غير انك بتقربي لربنا ودا هينفعك دنيا واخره

للاسف ف الاغلب دا بيكون جن عاشق انا مش عايزه اصدمك ولكن لازم وضروري جدا تروحي لشيخ مضمون مش اي شيخ ف البلد عشان في منهم بيكونو دجالين لازم لازم لازم تروحي وتطمني بدري قبل ما الموضوع يتطور وحاولي تقربي من ربنا على قد ما تقدري واهم حاجه تطمني من شيخ عشان تتاكدي ان الموضع دا صح ولا غلط ،عمتي كان معاها الموضوع دا للاسف وطلقت من زوجها ولكن الحمد لله ربي رزقها بزوج افضل،انا مش بأكد كلامي ولكن ارجو انك تروحي عن شيخ وتطمني واهم حاجه يكون شيخ مضمون، لان كل كلامك مش بيوضح غير حاجه واحده،ربنا يحميكي يارب

في واحده اسمو ناصر العقيلي على يوتيوب بيقدم برنامج اسمو دوبا ميكافين هو بيجيب كتب علميه وبيشرح محتوها المهم ان في سلسله نزلها بيشرح فيها كتاب اسمو لماذا ننام تقريا ٨ او ٩ حلقات السلسله دي لازم لازم لازم تسمعيها جدا ضروري جدا والله هي الي ليها الفضل بعد ربنا اني افهم اصل المشكله فين، حاولي ترتبي حياتك ويومك وتعيشي ف هدوء شويه خلي بالك انا حتى بعد ما عرفت الحل مكنتش عارفه اعمل شيئ لان اصلا الاوضاع مش مستقره نهائيا ومحدش فاهم اني عايزه انام واصحى بدري ولحد اللحظه الي انا بكتبلك فيها وانا مصدعه والله 😂 بس زي ما قتلتك حاولي على قد ما تقدري تنظمي يوك ونومك وتنظمي افكارك وتكزي ف الثانوي ومتضغطيش على نفسك ابدا ف التفكير وحاولي تقوي علاقتك بربنا وترمي كل حاجه وراكي لان بجد احنا في الاخر هنموت ومش هناخد حاجه من الدنيا والحل للمشاكل لو كان بايدنا كان فادنا التفكير الزياده دا لكن احنا مش هنقدر نغير الظروف مهما حصل فاالحل ان احنا ندعي ربنا، ربنا بيدبر حياة النمله الصغيره الي احنا ما نشوفها ويدبر يومها ورزقها مش هيدبرلنا حياتنا احنا ويحل مشاكلنا لازم ندعي ونتضرع ونقرب ليه لما نرمي مشاكلنا ورا ضهرنا ونقرب لربنا هنتلهي عن المشاكل دي وهنحس باحسس الامان الي افتقدنا من اهلنا ومن صحابنا وهنحس بالتركيز والوضوح الذهني وهنفهم احنا عايزين اي ونوبات التشتت هتقل بشكل ملحوظ لان احنا بقا لينا هدف واضح وهو القرب من ربنا وبس كل الدنيا دي ولا تسوى حاجه بعد كده الخلاصه هي النوم-القرب من ربنا-عدم التفكير

السلام عليكم انا زيك بالظبط نفس ظروفي أهلي تطلقو من من شهرين وحياتنا كلها مشاكل احس نفس اعراضك من ٣ سنين انا بكره هخلص اخر امتحان ف تانيه ثانوي من اول ما دخلت ثانوي وانا مفتحتش كتاب بسبب الاعراض دي والمشكله انها مش اعراض واضحه ممكن افهمها واحكيها ولكن الحمد لله بعد سنتين من التعب والضغط الذهني ونفس اعراضك بالظبط روحت لدكتور وشخصني بالصداع الشقيقه والصداع التوتري مش عارفه انت بتحسي بيه ولا لا هو كان بيبقا دوخه ف الاول وعدم تركيز وتشتت دايم واحساس بالخنقه وتحسي كده بتعيشي ايامك بدون اي ادراك وكنت عايشه بالصداع كنت بنام وبصحى بيه وكانت نوبة الصداع الواحده بتمتدت ل١٥ يوم متواصل وفوق دا كلو مكنتش بشتكي او اقول حاجه لاني انا مش عارفه انا فياا اي اصلا انا بحكيلك كده ليه عشان انت حكيتي نفس الاعراض بالظبط وعشان متحسيش ان انت لوحدك لان فعلا انت عرفتي تحكي الي مكنتش عارفه احكيه ليا سنتين ان مشكلتك فعلا ليها حل الخلاصه بعد سنتين تدوير عن الحلول الحل بجد هو انك تنامي نوم منتظم من العشا للفجر والله دي اهم حاجه النوم ثم النوم ثم النوم لما تنامي وتصحي بدري هتنظمي يوم دا غير ان السهر والحده بيجبرك ان تفكري ف الاوضاع وان الدنيا هتمشي ازاي وهعمل اب وتفكير ملوش اول من اخر وتشيلي اي حاجه من ذهنك وتبطلي تفكير احنا الحمد لله مسلمين وعندنا رب بيدبر كل حاجه ف تفكيرنا الزايد دا مش هيعمل اي حاجه ولا هغير الظروف لان احنا مش بايدنا حاجه فعلا التفكير الزايد والسهر ولخبطة النوم علمياً بيعمل اعراض جسديه خطيره ودا الي انا اكتشفته متاخر للاسف لما روحت للدكتور وشخصني قالي انت حالتك بتاعة ناس ٣٠ و٤٠ سنه حالتك دي بسبب التفكير الزائد

ازاي حضرتك اتمنى اقدر افيدك، بصي انا كنت زيك بالظبط وحاسه بكل كلمه بتقولها وفاهماكي كويس بس انتي عشان تحلي الموضوع دا لازم تفهمي نفسك من جوه الاول تقعدي مع نفسك وترتبي حياتك اسئلي نفسك انا عايز اي من الدنيا دي بجد وهل صحابي الي بيأذوني هيفيدوني ف حاجه و اي اقصى حاجه ممكن تحصل لو خدت قرار وبعدت عنهم هل هيموتوني مثلا ولا اي حاجه لو انتي ف دراسه ف عادي حاولي تحولي دروسك منهم وتبعدي منهم ف المدرسه هتبقى لوحدك ف الاول انا عن نفسي خدت سنتين بنزل دروس لوحدي وكان الموضوع بيدايقني جدا ف الاول بالذات لو شوفتهم صدفه وكنت لوحدي بس صدقيني طنشيهم ولا كانهم موجودين لازم تحطي اولويات حياتك وتشوفي اي الاهم ثم المهم ركزي ف دراستك وحاولي تتفوقي هتلاقي انك اتشغلتي بحاجه حاولي تقربي من ربنا اكتر والموضوع دا هيفيدك جدا وهتحسي انك مش محتاج لحد اصلا اتفرجي فيديوز يوتيوب كتير عن المواضيع دي والمواضيع الي بتحبيها في قناة ع اليوتوب اسمها اخضر فيها فيديوهات جميله هتفيدك جدا انا عن نفسي لما اخدت قرار اني ابعد من صحابي كنت داخله اولى ثانوي دلوقتي انا داخله ثانويه عامه ولحد دلوقتي ملقيتش الصحاب الي ابقا قريبه منهم ولكن لقيت نفسي وفهمتها وشخصيتي بقت احسن بكتيرر وثقتي بنفسي بقت احسن بكتير بردو، لو اققدر اتواصل معاكي خاص ونبقى صحاب هبقا مبسوطه جدا

اكيد قسم مساحه،اداب علم نفس ملهاش اي مجال نهائيا في مصر عن تجربه

اتمنى ليا وليكي الشفاء العاجل باذن الله ❤️ كان دكتور مخ واعصاب بس حاولي تحكيلو الاعراض صح يعني متزوديش ولا تنقصي عرض عشان يشخصك صح باذن الله لان بالذات التخصص دا اققل حاجه بتفرق ف التشخيص

انا هنا يا حبيبتي كنت مستنياكي تفتحيي بس