و عليكم السلام ورحمه الله وبركاته بصي تعرفي أن وسواس النفس اسوء بكتير من وسواس الشيطان ...؟! ممكن يكون زي ما بتقولي سبب ضغط و اعمال يومية كتيرة كل دة طبيعي يأثر عليكي و طبيعي تتخيلي حاجات بس مش طبيعي تسيبي نفسك كدة عشان الموضوع ميتطورش .. شغلي سورة البقرة و شيلي الفكرة من دماغك و داومي عالاذكار يوميا و حاولي ترتاحي شوية من ضغوط الحياة ادي لنفسك فرصة تفهمي الحياة بدل ما شغالة و خلاص من غير معنى .. الضغوط بتسبب حاجات كتير و طبعا لو في اضطرابات في النوم دة شيء مؤثر اوي على الهلاوس .. متشربيش قهوة كتير و كافيين عموما و حاولي تظبطي نومك و استعيني بالله ف كل وقت و بردو عشان تبقي عارفة زي ما في جن و عفاريت شريرة في منهم طيبين ف ممكن وارد يبقوا حوالينا بس مش بيأذونا لأنهم طيبين .. اهم حاجة انتي بس اظبطي نومك و أن شاء الله خير و كله هيتحل ❤️
تم النشر الاثنين، ٨ أبريل ٢٠٢٤
بصي اول حاجة مفيش حاجة اسمها محدش بيحبني ...و اقل مثال اهلك اللي ف البيت محدش يقدر يستغنى عنك و اكيد في ناس من صحابك أو ناس اتعاملتي معاها بردو بيحبوكي لكن في فن تعامل يخلي الناس تنجذب ليكي من غير مجهود الحلول متعلقيش سعادتك على شخص قضي وقت اكتر مع نفسك و اهتمي بنفسك اكتبي كل اللي بيزعلك ف ورقة أو نوتة حاولي تغيري من اسلوبك مع الناس اللي متستاهلش اقرأي عن فن التعامل و كتب تخص التطور جربي تفهمى فرق المعنى بين كلمة لوحدك أو الوحدة و الوحدة هي انك تكوني في وسط ناس بس حاسة انك قاعدة لوحدك ولا كأن في مخلوق و دة بيكون ناتج عن سوء فهم أو عدم تواصل فكري ... و عشان كدة بنصحك بقراءة كتب كتير عن فن التعامل أما لو لوحدك دي لازم تقدري الكلمة دي اوي و اعرفي أن وقتك و انتي مع نفسك دة وقت ثمين ...يعني تقدري تعملي اللي بتحبيه و انتي لوحدك زي الرسم في الهدوء قراءة كتاب مفضل أو تعملي حاجة بتحبيها و تهتمي بنفسك كل دة يغنيكي عن الصداقات الزائفة و لما تقدري نفسك و تثقي نفسك انتي بكدة تقدري تكسبي ناس و تخليهم يثقوا فيكي و حاولي متموتيش الطرف اللي بيهتم طول الوقت عشان في ناس لازم تعامليهم على قد مكانتهم متديش حد اكبر من حجمه و متهلكيش مشاعرك عالفاضي ... و استعيني بالله و قربي من ربنا عشان الصلاة لوحدها هي الراحة النفسية
تم النشر الاثنين، ٨ أبريل ٢٠٢٤
بصي شكلك طالعة من موقف اذاكي أو خبرة مش كويسة ف محتاجة وقت لراحتك انك ترجعي تاني ... استني شوية و اصبري و هترجعي احسن من الاول لو عايزة اقتراحات ترجعي ازاي ... اولا لو مفكرة انك هترتاحي لما تبعدي عن الصلاة هتبقى غلطانة ...بصي مهما كنتي تعبانة ف يومك أو حتى مفيش ١٪ طاقة ..لو روحتي صليتي ركعتين أو قيام ليل ف اخر يومك و قراتي آية الكرسي و نمتى انتي كدة مش عايزة حاجة تاني بجد و عن تجربة كمية الراحة اللي ف صلاة الليل كفيلة تديكي طاقة نفسية داخلية كفاية انك حاسة أن ربنا راضي عنك و هيعوضك خير أما بقي لو عن عاداتك اليومية و تكاسلك حاولي متراكميش ف دماغك الحاجات اللي وراكي و تقولي اصل انا ورايا كذا و كذا و كذا و معملتش ولا حاجة ... طب ما انتي كدة مش هتطلعي من الدوامة ... اول حاجة استعيني بالله .. اتمرني أو روحي جيم أو العبي نشاط بتحبيه و اخرجي عن الcomfort zone بتاعتك و جربي حاجات مختلفة .. جربي تسيبي التلفون و أي جهاز لمدة ٨ ساعات ورا بعض أو خوديها بالتدريج اقرأي كتب اعملي انجازات بسيطة اخبزي حاجات صغيرة ووزعيها عالناس أو صحابك و قرايبك الخ.. طلعي صدقة بنية فك الضغط اللي عليكي ادي لنفسك مساحة تتنفسي و اطلعي من الخنقة اللي انتي مصورها لنفسك و اهم حاجة تفتكري انك تلجأى لربنا لو مخنوقة و ادعي لنفسك طول الوقت ✨❤️
تم النشر الاثنين، ٨ أبريل ٢٠٢٤
اولا مش هقولك ارجعلها و عاتبها و خليها تندم ... من رأيي أن الشخصية دي مينفعش بعد اللي عملته يبقى لسة عندك قبول ليها و بدل وقت تفكيرك الزائد ب قراءة كتب مثلا ، روح gym و الاهم قوي علاقتك بربنا و افهم أن العلاقات المحرمة اخرتها مش حلوة و تبقى زعلة ليك انت و اعرف ان ربنا عمره ما اختار لينا الوحش و عشان كدة ربنا كتب علينا أن دة محرم .. استغفر و ارجع لربك و لو أذنبت الف مرة و متزهقش .. راجع نفسك و استمر في التطور و شوف اهتماماتك لايه و اعمله اعمل صحاب كويسين جدد و اخرج معاهم و سلي وقتك و طلع صدقات وقت تحس نفسك مخنوق اتعلم مهارة جديدة استمتع بالحياة لأن محدش هيقولك استمتع ربنا يوفقك بإذن الله
تم النشر الاثنين، ١ أبريل ٢٠٢٤
ممكن دة يكون بسبب البيئة المحيطة... يعني لو و انتي صغيرة كان بيتقال بنتنا هتدخل طب دي الدكتورة بتاعتنا ، اوعي تشمتي الناس فينا الخ .. .. مش كدة صح ؟؟ الخ من الكلام دة بيأثر علينا كأطفال و لكن عند سن معين ممكن نوعي دة و ممكن نكمل فيه يعني لو انقذتي نفسك منهم و فهمتي من الاول ليه بيعملوا كدة مكنتيش هتدخلي طب .. يمكن كنتي بتحبي الفنون مثلا بس لا انتي مش عايزة تخذليهم اصل هما عايزين يتقال الدكتورة بنت الحاج كذا ... اهي الدكتورة راحت الدكتورة جت بصي اللي عايزة افهمهولك أن احنا ف مجتمع بيبصوا كلهم نفس النظرة للمواضيع و كلهم عايزين اسم و شكل و قمة حتى لو هتعيشي ف فقر.. انتي لسة قدامك فرصة تختاري اللي يريحك و لو بعد سنين و تقدري تغيري مجالك أو تشتغلي حاجة تانية بعيدا عن شغلتك الأساسية .. اهتمي بنفسك و لنفسك متبصيش لكلام الناس .. ولا كلامهم هيأكلك و لا يريحك ف اعملي اللي يريحك انتي مش هما و اقنعيهم براحتك ❤️ اهم حاجة تكوني مرتاحة ف ال career اللي انتي عايزاه
تم النشر الاثنين، ١ أبريل ٢٠٢٤
أحسن حاجة عجبتني دلوقتي انك بتقولي بتحبيه كل الفترة دي و مش عايزة تعترفي .. خليكي ثابتة على مبدأك انتي صح ، اوعي تاخدي خطوة لورا ادعي ربنا ف كل صلاة ربنا يجعله من نصيبك و حل تاني انك تقولي لأهلك عليه و ممكن هنا يجيبولك حل او يتواصله مع أهله و يبقى في صلة الخ... كل اللي عليكي استخيري ربنا لو النصيب فيه كويس أو لا الاول بردو و ربنا يحققلك اللي بتتمنيه يارب و متفرطيش ف التفكير بردو عشان متإذيش نفسك و تتعلقي بشخص لسة متعرفيش هيبقى اه ولا لا اهتمي بنفسك و اشغلي وقتك و لتعرفي على صحاب جدد و اخرجي من المود و التفكير الكتير و اقراي كتب .. بالتوفيق ليكي
تم النشر الاثنين، ١ أبريل ٢٠٢٤
حاول تشتغل بقانون 8,8,8 و هو انك تنام 8 ساعات و تذاكر 8 ساعات و ال 8 ساعات الأخيرة شاملة اكل على مدار اليوم ممكن ساعة و جلوس مع أهلك ساعتين او على حسب الظروف طبعا تفرق كل يوم عن التاني و مثلا لو شاور أو بريك او تمارين ممكن 3 ساعات و خصص ساعتين مع ربنا شاملين الصلاة و طبعا لو عايز اكتر و تقلل ف حاجة تانية براحتك ❤️ اهم حاجة ترتاح و أما عن فكرة النظافة متراكمش الكركبة من الاول و لو عملت اي حاجة نظمها ف وقتها من غير تأجيل و أخيرا عن موضوع التسويف دة امشي بمبدأ مذاكرة و تركيز لمدة 45 دقيقة و ربع ساعة بريك و ياريت البريك ميكونش عالتلفون أو أي جهاز .. يفضل مثلا تفك جسمك أو تعمل meditation الربع ساعة أو تشم هوا نضيف أو تساعد حد ف البيت الخ... حاول طول الوقت التركيز على الهدف و الجزء الاهم انك تعمل journaling لليوم في بدايته .. احلى وقت للصحيان وقت الفجر عن تجربة شخصية ✨👌🏻 بالتوفيق ليك
تم النشر الاثنين، ١ أبريل ٢٠٢٤
أولا اعرفي نفسك بإختبار زي mbti personality test اعرفي نمط شخصيتك و افهميها ثانيا للحزب كدة ايه اكتر حاجة بتحبيها في الستايلات زي مثلا بتحبي الفورمال ولا الكاجوال ولا الشيك ولا السوفت ودة كمان ليه اختبار على جوجل بسهولة هتلاقيه اكتبي اختبار ستايلات اللبس و هيطلعلك موقع (مجلة الجميلة) أو غيرها المهم تعرفي انتي بتحبي ايه اخر حاجة مفيش مشكلة لو حبيتي نوعين لأن الإنسان بطبيعته مش شخصية واحدة محددة و لكن ممكن يكون مزيج بين شخصيتين او تلاتة جزء من هنا على جزء من هنا و دة مفهوش اي مشاكل بالعكس التنوع ممتع عشان متحسيش بالزهق ❤️ و ربنا يوفقك و يصلح حالك
تم النشر الأحد، ٣١ مارس ٢٠٢٤
ايه مشكلتهاا
تم النشر الثلاثاء، ٢٣ أبريل ٢٠٢٤
بعتذر عن الرد متأخر لأسباب .. حاولي تاني و متيأسيش و ادعي ربنا يصلح لك حالك و تبقى كويسة و تعرفي تخلصي يومك بنجاح
تم النشر الاثنين، ٢٢ أبريل ٢٠٢٤
و عليكم السلام ورحمه الله وبركاته بصي بالنسبة ل body splash ف كل الانواع اللي نازلة دلوقتي ب ١٤٠ تحفة و بتدوم بس مش فاكرة اسمها و لو على كريم مرطب للوش في shaan gel أو starville و الاتنين كويسين و يمكن (شان جيل ) افضل كمان و لو مرطب للجسم انصحك بمخمرية تكون نوعها نضيف تدوم على الجسم بردو
تم النشر الاثنين، ٨ أبريل ٢٠٢٤
عمرك قد ايه
تم النشر الاثنين، ٨ أبريل ٢٠٢٤
مش هعرف اقدم نصيحة بعد نصيحة الدكتورة 😅 بس اتفق في كل كلمة و ربنا يسعدك
تم النشر الاثنين، ٨ أبريل ٢٠٢٤
اول شيء ذكر الله و قراءة الأذكار و لازم لازم تداومي عليها و اقرأي المعوذات و جاهدين نفسك للخير و لما تسمعي الاصوات تجاهليها و هتمشي بعد فترة متقلقيش كل حاجة هتبقى تمام ❤️
تم النشر الأحد، ٧ أبريل ٢٠٢٤
بصي جملتين مختصرين .. اللي يغضب ربنا هيغضبنا ف يوم من الايام و لو مكانش النهاردة يبقى بكره .. جاهدين نفسك و مفيش حاجة تستحق تعملي ذنب كبير عشانها ... جاهدين نفسك و تشتغلي على نفسك كتير .. اتمرني, اهتمي بنفسك، اتلمي الطبخ أو مهارة جديدة ، اقرأي كتب ، داومي على الاذكار و انتي مش وحشة كل واحد بيغلط و لكن متستمريش ف الغلط و ارجعي لربك و استغفري و انبسطي في حياتك و بصي للحاجات الحلوة
تم النشر الأحد، ٧ أبريل ٢٠٢٤
طب حاولي تكتبي ف نوتة مع نفسك كدة بتقضي اغلب وقتك في ايه هل انتي مهتمة بالفن أو التصاميم أو الرسم أو التكنولوجيا الخ .. من مجالات ؟ ولا مش عندك اهتمامات لحاجة معينة و بردو اكتبي عن رايك في الحياة و في الناس و في أفعالك و في قدراتك .. لحد ما تطلعي اللي جواكي و ترتاحي و تفهمي نفسك و اكتبي بردو مميزاتك و عيوبك عشان تتصالحي مع نفسك و تطوري و هتحسي بفرق ..
تم النشر الاثنين، ١ أبريل ٢٠٢٤
بظبط اعرف انت عايز ايه و اشتغل عليه مش كل حاجة افكار ... ابدأ بالتنفيذ و ربنا يوفقك و يسعدك
تم النشر الاثنين، ١ أبريل ٢٠٢٤
نفس رأيي
تم النشر الاثنين، ١ أبريل ٢٠٢٤
خدي كورس أو تتعلمي على برامج زي Duolingo ,, cake ، EWA
تم النشر الأحد، ٣١ مارس ٢٠٢٤
نصائحي ليكي متبنيش سعادتك على شخص ابدأي اهتمي بنفسك و بس و استني الحد اللي تستحقيه و يستحقك و تكون علاقة رسمية متعلقيش مشاعرك بحد لكام يوم و بعدها كله بيروح ...
تم النشر الأحد، ٣١ مارس ٢٠٢٤
هو مش فارق معاه و حياته مكملة عادي ..انتي اللي لسة متمسكة و زي ما تكوني كنتي بنيتي سعادتك على شخص ميتعاشرش و هو لو كان بيحبك بجد كان استحمل عيوبك اللي انتي بالفعل كنتي قايلاهاله و كان متقبل .. التغيير دة ممكن يكون بسبب حد لعب ف دماغه او هو شاف حد غيرك وفي اسباب كتير .. و واضح أنه بيتلكك
تم النشر الأحد، ٣١ مارس ٢٠٢٤
و فكرة انك تشوف نفسك مش مستحق لمكانك .. إسأل نفسك و اكتب اللي مضايقك طب ليه انا مش مستحق المكان دة ، هو انا متبعبتش يعني ؟ مين اللي كان بيسهر عشان يوصل للقمة ، مين اللي كان يبقى يحلم يبقى هنا ؟ هل انا لسة حابب المكان و هل اصلا انا كنت عايز المكان دة ولا هما اللي كانوا عاوزني ابقى هنا .. اتعرف على نفسك اكتر و افهم عايز اي و مش عايز اي و خليك متصالح مع ذاتك
تم النشر الأحد، ٣١ مارس ٢٠٢٤
و بالنسبة لإنك شايف كل اللي حواليك اغبية حاول اقرا زي كتب surrounded by idiots. او 101 essays that will change the way you think .. أو this is how you heal .. اتمنى يفيدوك
تم النشر الأحد، ٣١ مارس ٢٠٢٤
اولا داوم على الاذكار و قوي علاقتك بربنا و ارجعله حتى لو أذنبت الف مرة توب بقلب سليم و جديد و جدد نيتك لحياتك.. يمكن مريت بحالة زيك فترة كبيرة بس الواحد مهما عمل مش هتلاقي أن في حد بيخاف عليه و عايز مصلحته غير ربنا . اسمع بودكاست زي وعي و فنجان و غيره كتير اقرأ كتب زي لانك الله .. أو رسائل من القرآن .. استمتع بكل لحظة ف حياتك لأن انت مش ضامن هتعيش لحد امتى شوف الحاجة بإيجابية و لو الدنيا كلها واقفة ضدك اعرف ان في واحد معاك و هو ربنا .. اتمنى تكون استفدت و ربنا يصلح حالك
تم النشر الأحد، ٣١ مارس ٢٠٢٤
لعرض الملف الشخصي في فدني اضغط هنا