ليه طول الوقت بحس اني بعمل حاجات عشان فقط صورتي قدام الناس..يعني دخلت طب عشان الناس تقول عليه دكتورة ..بهتم بنفسي لو في مناسبه فيها تجمع ناس..اي حلم عندي بيكون مربوط بالناس مش ب اهتماماتي أنا !!
ابدأي في البحث عن اهتماماتك الحقيقية واعملي على تحقيقها و تذكري أن أهم شيء هو أن تعيشي لنفسك، لا للآخرين وسعادتك ورضاك عن نفسك أهم بكثير من آراء الناس ولا تخجلي من التعبير عن مشاعرك الحقيقية إليكي بعض الخطوات التي ستساعدك في البحث عن ذاتك: 1. تخصيص وقت لنفسك: خصصي وقتًا كل يوم للتأمل أو الكتابة في دفتر يومياتك أو أي نشاط آخر يُساعدك على الاسترخاء والتفكير في مشاعرك وأفكارك. 2. استكشاف اهتماماتك: جرّبي أنشطة جديدة واكتشف ما يُثير شغفك. 3. طرح الأسئلة: اسألي نفسك عن قيمك وأهدافك وما الذي يُهمّك حقًا في الحياة وليس ما يهم الناس. 4. تقييم علاقاتك: حددي العلاقات التي تُثري حياتك وتلك التي تُعيقك. 5. التعبير عن نفسك: عبّري عن مشاعرك وأفكارك بصدق دون خوف من أحكام الآخرين. 6. التعلم من تجاربك: تأملي تجاربك السابقة وتعلمي منها. 7. الخروج من منطقة الراحة: جرّبي أشياء جديدة وواجهي تحديات جديدة. 8. طلب المساعدة: لا تخجلي من طلب المساعدة من أخصائيّ أو مستشار. 9. الصبر والمثابرة: تذكري أن البحث عن الذات رحلةٌ طويلةٌ تتطلب الصبر والمثابرة. 10. الاستمتاع بالرحلة: استمتعي برحلة البحث عن ذاتك وكوني مُنفتحًه على التجارب الجديدة. الحياة قصيرة، لذا عيشيها كما تريديها أنتِ.
تم النشر الأحد، ٣١ مارس ٢٠٢٤
بنعمل علطول حساب الناس الناس هاتقول اى لو عملت كذا اوكذا بس ممكن نعمل حساب للناس لو هانعمل حاجةغلط اه سعتها هاقول لا الناس هاتقول اى لاكن فى الحلم وحياتنا لا الحلم دة انتى الى هاتعيشية مش هما ومهما نحاول نعمل اى علشان الناس مش بيعجبهم بيكلمو برضو اعملى إلى يريحك وينسبك والصح طالما ماشين صح خلاص سيبك إلى يتكلم يكلم طالما مش بتعملى حاجة غلط لاكن كدا ممكن تتعبى انك عايشة حياتك بتعملى علشان الناس مش علشانك
تم النشر الأحد، ٣١ مارس ٢٠٢٤
ممكن دة يكون بسبب البيئة المحيطة... يعني لو و انتي صغيرة كان بيتقال بنتنا هتدخل طب دي الدكتورة بتاعتنا ، اوعي تشمتي الناس فينا الخ .. .. مش كدة صح ؟؟ الخ من الكلام دة بيأثر علينا كأطفال و لكن عند سن معين ممكن نوعي دة و ممكن نكمل فيه يعني لو انقذتي نفسك منهم و فهمتي من الاول ليه بيعملوا كدة مكنتيش هتدخلي طب .. يمكن كنتي بتحبي الفنون مثلا بس لا انتي مش عايزة تخذليهم اصل هما عايزين يتقال الدكتورة بنت الحاج كذا ... اهي الدكتورة راحت الدكتورة جت بصي اللي عايزة افهمهولك أن احنا ف مجتمع بيبصوا كلهم نفس النظرة للمواضيع و كلهم عايزين اسم و شكل و قمة حتى لو هتعيشي ف فقر.. انتي لسة قدامك فرصة تختاري اللي يريحك و لو بعد سنين و تقدري تغيري مجالك أو تشتغلي حاجة تانية بعيدا عن شغلتك الأساسية .. اهتمي بنفسك و لنفسك متبصيش لكلام الناس .. ولا كلامهم هيأكلك و لا يريحك ف اعملي اللي يريحك انتي مش هما و اقنعيهم براحتك ❤️ اهم حاجة تكوني مرتاحة ف ال career اللي انتي عايزاه
تم النشر الاثنين، ١ أبريل ٢٠٢٤
كنت زيك في يوم من الايام لحد ما حطيت لنفسي مبدا كان فيه مثل بيقولوه كل اللي يعحبك والبس اللي يعجب الناس لكن انا غيرته وخليته كل اللي يعجبك والبس اللي يعجبك لانها حياة واحده ياتعيشها لنفسك ي تعيشها للناس اعملي اللي انتي عايزاه وراي الناس في الباسكت صدقيني حياتك هتتحسن
تم النشر الأربعاء، ٣ أبريل ٢٠٢٤
لازم تحددي انتى عاوزه اى ايه الى يريحك وهكذا الناس مش هتعيش لك انتى الى بتعيشي حياتك
تم النشر الأحد، ٣١ مارس ٢٠٢٤
لعرض السؤال في فدني اضغط هنا