كل عام انتم بخير محتاج ترشيح لكتاب او كتب او بلاي ليست على يوتيوب لشرح الاسماء الحسنى ؟
تم النشر الأربعاء، ٢٧ مايو ٢٠٢٦
السلام عليكم ورحمة الله وبركاته بدور على شيخ او مسجد او معهد على النت بيحفظ القرآن وبيفسره ويكون في تدبر ومعايشه للآيات. ياريت يكون في كفرالشيخ
تم النشر السبت، ٢٠ سبتمبر ٢٠٢٥
السلام عليكم ورحمة الله وبركاته. هل غض البصر عرض ولا مرض. في الغالب هو عرض عن مرض. المرض هو نسيان الدار الآخرة {أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِّنْهُمْ فَاسِقُونَ (16) اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا ۚ قَدْ بَيَّنَّا لَكُمُ الْآيَاتِ لَعَلَّكُمْ تَعْقِلُونَ (17) إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضًا حَسَنًا يُضَاعَفُ لَهُمْ وَلَهُمْ أَجْرٌ} اما بننسى احنا هنا ليه بيطول علينا الامد فبيقسى القلب ده طريق معلوم جربه الانسان كتير وذكره ربنا في كتابه. الحل الصحبه الصالحه، معايشة سيرة النبي والصالحين، معايشة الدار الآخرة. وكما قال ربنا {اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا ۚ قَدْ بَيَّنَّا لَكُمُ الْآيَاتِ لَعَلَّكُمْ تَعْقِلُونَ } الحياة مجاهده وكما قال النبي ان الرجل ليعمل بعمل اهل الجنة فيما يبدو للناس حتى لا يكون بينه وبينها الا زراع فيعمل بعمل اهل النار فيدخلها وان الرجل ليعمل بعمل اهل النار فيما يبدو للناس حتى لا يكون بينه وبينها إلا ذراع فيسبق عليه الكتاب فيعمل بعمل اهل الجنة. فيدخلها او كما قال . الحياه مجاهده باكد عليها عشان هي دي حقيقتها ممكن في لحظه يحصل حاجه تغيرها. كان قارون من علماء بني إسرائيل ويذكر انه كان من السبعين الذين حملوا التوراه. وخسف به لذنبه . وكان إبليس من اعبد الخلق كما في الاسلرائيليات فعصى فلعن. والانسان لا يدري من اي ذنوبه يكون عذابه. وحتى الذنوب الصغيره هي عظيمه لعظم الخطأ في جنابه عزوجل. خرج آدم من الجنه لاكله من الشجره
تم النشر الأربعاء، ٢٩ أبريل ٢٠٢٦
ازيك يا صاحبي بص كان في فيديو ل علي محمد علي عن امة الدوبامين او حاجه زي كده مش فاكر اوي. هل انت محافظ على الصلاه هل بتحافظ على جدول تعمله وتمشي علية لو لا الزم نفسك بحاجه بسيطه لمدة ٢١يوم وبعد كده مددها ل ٩٠ يوم وابدا ضيف حاجات تانيه هو الموضوع كله ضعف ارادتك ودي مشكله كبيره وحلها بسيط هو الاستمرارية. الاستمرارية هي اقوى قوه مؤثرة في الفعل وكانت في الحكمه بتقول ان نقطة الماء بتشق الصخر او حاجه زي كده مش متذكرها اوي وعن النبي انه قال {خير الاعمال أدومها وإن قل } كنت بتفرج على فيديو قريب بيقول ان مفيش فاشل بيفضل يحاول. المقاومه والمعانده اللي بتبذلها في الحياة هو ده الحياه نفسها وطبعا ان من مؤيدي مقولة اعمل بذكاء وليس بجهد لكن حقيقي الجهد عامل أساسي لوصولك للنجاح انت حاليا عارف فين مشكلتك ودي اول طريقه لحلها. في طريقه لذيذه اما بحتاج اعرف معلومه بدخل لكلود اقوله اعملي برومبت لبحث عميق عن الموضوع الفلاني واخد البرومبت وادخله لNotebookLM واخليه على البحث العميق وهو يعملي بحث من مصادر ويشرحلي الفكره ودي فكره قوية جدا لو جربتها
تم النشر الخميس، ٢٣ أبريل ٢٠٢٦
السلام عليكم ورحمة الله وبركاتة. الجمال هل هو مركزي او لا هل زميلتك ينفع تكون صاحبتك. قلت ثقتك في نفسك. اولا للاسف محدش هيحبك اكتر منك ومحدش هيخاف عليك اكتر منك اتقبلي نفسك يمكن تحت وانا بحاوب على السؤالين اللي فوق تشوفيه ليه تحبي نفسك. اولا انتي انسان مكرم عند الله خلقك وخلقك ابوك ادم واسجد له ملائكته وكرمك على كثيرا مما خلق في قدر ما من الإهتمام بنفسك والحب لنفسك هيخلي اللي بيتعامل معاكي يحترمك عشان لو لقاكي مش واثقه في نفسك يا تنزلي من نظره يا يستغلك. هل زميلتك تنفع تكون صاحبتك اظن لا وكان للنبي حديث يقول { لا تصاحب إلا مؤمنا ولا يأكل طعامك إلا تقي} انا مش عارفها بس حتى لو الولد قال كده هي ليه تقولك ده اولا وليه ولد ي يكلمها في حاجه زي كده الا اذا كانت بتصاحب شباب . الجمال واهمية الجمال لو قولنا إن في اساسيات وفي ثانويات الجمال اميل للثانوي عن الاساسي في الحقيقة وفي تقيم الدين للامر عنه صلى الله عليه انه في حديث تنكح المرأة لاربع كان منها لجمالها وقال واظفر بذات الدين تربت يداك. مش هقول إن الجمال مش مهمه بس هو مش متربع على عرش الاولويات ومش كل جمال المرأة في ملامح الوجه ومش كل الازواق واحده ولو اجتمع الغنى والدين والجمال والمال لإمراءه ده لا يعني بالضرورة انها هتتزوج او هتعيش اصلا ولو عاشت وتزوجت ده لا يعني انها هتنجب اطفال ولو انجبت ده لا يعني بالضرورة انها هتعيش سعيده. لا يوجد ضامن للسعادة الإنسان الا الله {مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ} وفرضا انك مش مقتنع بكل اللي قلته وانه متربع على عرش الاولويات وهو مصدر السعاده وده مش حقيقي اعتبريه مصيبه كانت المرأة على عهد النبي تتكشف {قال لي ابنُ عَبَّاسٍ: ألا أُريكَ امرَأةً مِن أهلِ الجَنَّةِ؟ قُلتُ: بَلى، قال: هذه المَرأةُ السَّوداءُ، أتَتِ النَّبيَّ صلَّى اللهُ عليه وسلَّم، قالت: إنِّي أُصرَعُ وإنِّي أتَكَشَّفُ، فادعُ اللَّهَ لي، قال: إن شِئتِ صَبَرتِ ولَكِ الجَنَّةُ، وإن شِئتِ دَعَوتُ اللَّهَ أن يُعافيَكِ، قالت: أصبِرُ، قالت: فإنِّي أتَكَشَّفُ فادعُ اللَّهَ أن لا أتَكَشَّفَ، فدَعا لَها} اعتبريها مصيبه واصبري عليها حابب الفت نظرك لحاجه اخيره لعله شر صرف عنكي وفي القيامه ترين بأم عينك الجميله الكاسيه العاريه التي تسير في الشارع اليوم وهي تعذب اشد العذاب فعنه صلى الله عليه انه قال {صِنْفَانِ من أهلِ النارِ لمْ أَرَهُما بَعْدُ : قومٌ مَعَهُمْ سِياطٌ كَأَذْنابِ البَقَرِ يَضْرِبُونَ الناسَ بِها ، ونِساءٌ كَاسِياتٌ عَارِياتٌ ، مُمِيلاتٌ مائِلاتٌ ، رُؤوسُهُنَّ كَأَسْنِمَةِ البُخْتِ المائِلَةِ ، لا يَدْخُلَنَّ الجنةَ ، ولا يَجِدَنَّ رِيحَها ، وإِنَّ رِيحَها لَيوجَدُ من مَسِيرَةِ كذا وكذا}
تم النشر الخميس، ٢٣ أبريل ٢٠٢٦
السلام عليكم ورحمة الله وبركاته. انا مش طبيب نفسي بس حابب اعلق على حاجات ممكن تفيدك في الغالب لو عندك مشاعر خوف وقلق وتوتر ده بياثر على المعده والقولون وحتى كنت سمعت من مجدي يعقوب ان بياثر على القلب فحاولي تقللي القلق اللي انتي فيه حاولي تسمعي لدكتور أحمد عبدالمنعم و دكتور عبدالرحمن ذاكر الهاشمي. د أحمد كويس جدا في إعادة تذكيرنا بأساسيات الدين و د عبدالرحمن هيعرفك اذاي تفهمي نفسك. اكيد ربنا غفور رحيم ده اكيد واظن ان ذنوبك مهما كبرت مش هتكون اكتر من اللي قتل 100 نفس ومعملش اي حسنه غير انه نوى بصدق التوبه ومات على ده {اعْلَمُوا أَنَّ اللَّهَ شَدِيدُ الْعِقَابِ وَأَنَّ اللَّهَ غَفُورٌ رَّحِيمٌ} في الحقيقة مفيش سنه مصيريه غير اليوم اللي هنموت فيه هو ده اليوم المصيري الحقيقي غير كده كله ممكن يتعوض بفضل ربنا اذا ارد عزوجل. في العموم يفضل يكون ليك صحبه صالحه تخرجك من اللي انتي فيه الطبيب نفسي مش هو اللي بيشفي ربنا هو اللي بيشفي اساليه الشفاء وروحي لطبيب او لو مش قادره إحكي مع اي حد تثقي فيه ده جزء من الحل. لو بتسمعي افلام ومسلسلات ياريت بلاش والاغاني او اي حاجه بتخليكي تحسي بموضوع الشخصيتين ده
تم النشر الخميس، ٢٣ أبريل ٢٠٢٦
عليكم السلام ورحمة الله اظن مفيش حد يقد يقول على حاجه عقاب او لا ربنا واحده يعلم بس اظن مش عقاب ولا حاجه بلاء نصبر عليه ده اولا اللي عملتيه صح انك ماقولتيلوش على ماضيكي من تاب تاب الله عليه ملوش لازمه نحكي لانسان ماضيكي شايف انك تكلميه بالعقل هل انت شوفت مني حاجه وحشه انا توبت واتغيرت واتودديله شويه ربنا يصلح حالكم
تم النشر الأحد، ١٥ فبراير ٢٠٢٦
الاول ادعيلها كتير تاني حاجه الاهتمام بالسوشيال ميديا هو عرض لحاجة تانيه شوفها واحكي معاها شوف دماغها فيها ايه هي حابه السوشيال عشان أصحابها عشان متضايقه عشان ايه بالضبط . كمان فكرة انك تحذف حساباتها حاجه مش مثاليه إلا لو كانت في ثانوية عامة مثلا غير كده مفيش سبب مقنع يخليك تحذف حساباتها وخاصة لو كل البيت ليه حسابات ما عدا هي ممكن تكلمها تقلل من استخدام الموبايل عموما وتشغل نفسها بحاجة تنفعها ممكن مثلا تشترك لها في درس تحفيظ قرآن او تشوفلها مسجد فيه دروس للنساء تنزل فيه وقت معين الأنشطة الاجتماعية هتشغلها عن وسائل التواصل كتير. أنصحك تقعد انت وهي تسمعوه بلاي ليست للمهندس أيمن عبدالرحيم تأسيس وعي المسلم المعاصر الجزء الاول والثاني و كمان التربية الإيمانية للمهندس فاضل سليمان اسمعوا مع بعض قناة انه القرآن وهدى للناس و المهندس محمد المقرمي رحمه الله اسمعوا مع بعض سلاسل الشيخ احمد السيد. ليه كلمتك تسمعوا مع بعض لان السوشيال بتتابعها عشان انت فاضي، لما تبقى مش فاضي ووراك جدول مش هتلاقي وقت للسوشيال
تم النشر السبت، ٦ ديسمبر ٢٠٢٥
انا ممكن احكيلك تجربتي في تلاته ثانوي ممكن تفيدك اول شهر كنت مواعد نفسي اني هقلل من الموبايل وكده بس لقيتني مش قادر وبيسحب وقتي وعلى فكره ايامنا كانت السوشيال اقل متعه من دلوقت المهم قررت وحذفت كل حساباتي وكل تطبيقات السوشيال من عندي وبعدة عن النت تقريبا طول فترة الدراسه تقدري تعملي ده اذاي دلوقتي عشان طبعا في دروس على النت في تطبيق تبع النظام على اوبو معرفش باقي الاجهزه فيها ده ولا ايه اسمه الرفاهية الرقميه بيعرفك مدة استخدام كل تطبيق وكمام تقدري تحددي منه الوقت اللي مسموح تتفرجي على التطبيق بعد الوقت المحدد ما يخلص التطبيق بيتقفل وما بيفتحش الا تاني يوم
تم النشر الأحد، ٢٨ سبتمبر ٢٠٢٥
في فنون تطبيقيه هي كليه هندسيه كان معايا زمايل خرجين صنايع بس ده على حسب تخصصك عندنا ملابس جاهزه و زخرفه واعلان وتصميم صناعي كان عليه حوار عشان ناس تدخله بس مش عارف كان تخصصهم ايه في اثاث معدني في فنون تطبيقيه حلوان
تم النشر السبت، ٢٧ سبتمبر ٢٠٢٥
مش عاوز اصدمك بس انا هقول اللي انا شايفه كويس جدا انك فكرت تاخد النصيحه وكويس انك التزمت في سنه ده وافتكر دايما حديث النبي ﷺ سبعة يظلهم الله في ظله يوم لا ظل الا ظله موضوع الزواج كلم اهلك فيه اذا كانوا يقدروا يساعدوك ممكن هما ساعتها يكلمه اهل البنت وبلاش كلام لحد كتب الكتاب الكلام ممتع اه بس تمنه هيكون كبير لو محصلش نصيب عليك وعليها لو محصلش نصيب هتلاقي ان الدنيا كانت تلفزيون الوان وبقى تلفزيون ابيض واسود ده ان كان فيه ابيض اصلا 😂 لو مش هيقدروا يساعدوك ابعد عشان الزواج مكلف بطريقه انت لسه مش متخيله مكلف ماديا ونفسيا واجتماعيا مكلف لو اخترت غلط وفي الغالب انت مختار غلط 😅 وشوف المحاكم والقواضي على اللي اتجوزه 😂 انا مقدر كل مشاعرك و طموحك بس الدنيا قاسيه بطريقه انت مش متخيلها اما تجرب تشتغل وتحتك مع الناس في سوق العمل شخصيتك هتتغير وتبع ده اختياراتك للناس هتتغير
تم النشر الخميس، ٢٥ سبتمبر ٢٠٢٥
انا معنديش اجابه بس حبيت الفت انتباهك لحاجه ان الدنيا الاصل فيها الصعوبه مش السهولة الصعوبات بتقوي الانسان بدنيا ونفسيا وعقليا الذكاء الصناعي معظم اللي بيتكلمه عليه بيدوره على الرتش والمشاهدات اكتر من انه يفيدك اظن الذكاء الصناعي مش هيقدر يفيدك في حل مسائل عالية الصعوبة عشان هو لسه ماوصلش لنقطة أنه يتقال عليه ذكاء فعلي وحتى لو فعلا قدر يحل هتضيعي وقت قد على الاقل قد اللي هتذاكريه كان في حد بيقول ان خان اكادمي عامل ذكاء صناعي لشرح العلوم فالمفروض هو ده اللي يفيدك
تم النشر الخميس، ٢٥ سبتمبر ٢٠٢٥
انا خريج كلية عملية ولو رجع بيا الزمن هشتغل وانا في الكليه انا شايف اصلا بالذات الكليات العمليه محتاح تشتغل بره الكليه انا عارف سحلت الكليه والله مثلا انا في مشروع التخرج كنت بخرج من الكليه اتنين بالليل في العادي ايام قبل التقييمات كنت بخرج ١١ ممكن قبلها بشويه بعدها بشويه وكان معايا ناس تانيه مش مديه الكليه نفس الاهتمام واشتغلوه مع الكليه اول ما اتخرجوه فتحوه مكاتب خاصه بيهم فالكليه مابتعلمش عاوز تتعلم اشتغل وشوف السوق الدنيا في ايه ساعتها هتشوف الكليه هتفيدك بي ايه وكمام معظم دول العالم الناس بتشتغل وهي في الكليه عشان تصرف على نفسها الموضوع مش سهل بس انت قبل الشغل مش انت بعد الشغل
تم النشر الأربعاء، ٢٤ سبتمبر ٢٠٢٥
مفيش حاجه اسمها كده اولا ممكن تحاولي السنه الجايه تدخلي القسم لو ينفع تاني حاجه في دكاتره ومابيشتغلوش في الطب وده معرفه شخصيه ليه وفيه مهندسين وبيشتغلوه في البرمجه وفي التصميم عمر الكليه ماكانت هدف ده تفكير لحد لسه مش عارف الدنيا قاسيه قد ايه وواسعه قد ايه لو اتعلمتي الماني مثلا في سنين الدراسة واشتغلتي بيه هيجيبلك فلوس اكتر من اي حد هيكون متخرج في اي كليه معاكي ممكن تتعلمي برمجه ممكن تصميم جرافيك (اعلانات وسوشيال ميديا و ui&ux و مونتاج و فديو ايديتنح الذكاء الصناعي ممكن يساعدك تختتري افضل مجال اطلبي منه يحدد معاكي ايه افضل مجال لشخصيتك وابدائي فيه
تم النشر الأربعاء، ٢٤ سبتمبر ٢٠٢٥
دي اقتباسات بحب اقراها اما اكون قلقان. اِعلَمْ أنّ ما قَدّره الله تعالى كائِنٌ لا محالة، ولو سَعى المرءُ للفِرار منه، كما قال تعالى: {قُلْ لَوْ كُنْتُمْ فِي بُيُوتِكُمْ لَبَرَزَ الَّذِينَ كُتِبَ عَلَيْهِمُ الْقَتْلُ إِلَى مَضَاجِعِهِمْ} [آل عمران:154]، وكما في الحديث: «وَاعْلَمْ أَنَّ مَا أَصَابَكَ لَمْ يَكُنْ لِيُخْطِئَكَ، وَمَا أَخْطَأَكَ لَمْ يَكُنْ لِيُصِيبَكَ». (رواه الطبراني مرفوعًا، وغيره موقوفًا) - فمَن أَيْقَنَ بهذا استراح قلبُه! صفوت بركات. كثرة الهم والحزن تُميت الخواطر، وتُذهب المعاني، وتُضعف القلب وتُفقده بصيرته.ولكل شيء أسبابٌ تُقرِّبه منك أو تباعده عنك.فإذا عُرف السبب؛ وجب العمل على قدر الوسع والطاقة، ولا يكلف الله نفسًا إلا وسعها. أحمد عبد الباقي. كل من اعرض عن القرآن فى النوازل وركن لعقله وذخيرته من العلم وما تطيره مصادر الاخبار تهدمت أركانه واستبد به الوهن وعلل القلوب وغزت نفسه الشبهات دون حصن لها ،،. الأغلبية لا تلجأ إلى الله الا بعد العجز أو تسد فى وجهه الابواب. والصواب المؤمن ينبغى ان يذكر الله قبل الفعل ولا يقصدإلا لله فى الكبير والصغير من الأفعال ولو ملك كل الأسباب ولا ييأس من عطاء الله ومنه عليك ولو فقد كل سبب ولا حول ولا قوة له فهو قوتك وحولك فكم من ملك السبب لم ينل مراده وكثيرا ممن عدموا الأسباب حقق الله آمالهم صفوت بركات. 27 يناير 2024. أطمئن،،، ولن يطمئن إلا العبد المتعبد بحق "إِلَيْهِ يُرْجَعُ الْأَمْرُ كُلُّهُ فَاعْبُدْهُ وَتَوَكَّلْ عَلَيْهِ"
تم النشر الأربعاء، ٢٤ سبتمبر ٢٠٢٥
انا مش طبيب بس ممكن اقولك حاجه عملتها انا حكيت للذكاء الصناعي كل اللي عندي وقولتله إسألني كطبيب محترف عن اعراض ممكن انا مش واخد بالي منها او ناسيها وحددلي التخصص الطبي اللي المفروض اكشف عنده وطلع فعلا في اعراض ماكنتش واخد بالي منها في حاجه كمان في اعراض بتكون من النفسيه فلو نفسيتك وحشه حاولي تغير جو وممارسة التمارين الرياضية ممكن في البيت مش شرط جيم
تم النشر الأربعاء، ٢٤ سبتمبر ٢٠٢٥
ممكن تحكي مع اي ذكاء صناعي عن كل اهدافك وهو يرتبلك بس الاهداف وبعد يوم او اتنين حاولي تشوفي ايه الواقعي فيهم وايه اللي مش واقعي وايه متناسب مع قدراتك وايه مش متناسب وبعد كده رتبي نفسك عشان تقدري تحققي احلامك بس اهم حاجه خدي راي حد يكون عنده خبره وحكمه في الاهداف اللي اخترتيها
تم النشر السبت، ٢٠ سبتمبر ٢٠٢٥
اولا مفيش حد كامل مفيش حد معصوم انت مش نبي لكن بروده كتر من الاستغفار لو متوفر فلوس كتر من الصدقه فالصدقه تطفئ غضب الرب كما في الحديث وقال ﷺ يا معشر النساء تصدقن فإني رأيتكن أكثر اهل النار وده يعرفك قيمة الصدقه والاستغفار قال الله عنه {وما كان الله معذبهم وانت فيهم وما كان الله معذبهم وهم يستغفرون} حياة المؤمن مبنيه على مجاهدة نفسه وحملها على الطاعه حتى تترك المعصية طول ما انت بتحاول تقرب من ربنا بالطريقة اللي ربنا شرعها ما تخافش واحسن الظن بالله وتذكر حديث قاتل 100 مات بعد ما قتلهم دخل الجنه لمجرد انه نوى واتجه اتجاه القريه اللي هيعبد ربنا فيها طول ما انت بتحاول ما تيأسش عشان ده الشيطان عاوز يوقفك عن المحاوله هو متضايق من محاولتك
تم النشر السبت، ٢٠ سبتمبر ٢٠٢٥
انا حاليا عندي نفس السؤال فمش احسن حد يجاوب بس انا هقولك تجربتي يمكن تفيدك انا عملت برومبت لتشات جي بي تي وحاكيتله كل اللي مضايقني بعد كده طلبت انه يخليها نقاط محدده عشان اقدر افهم انا بمر بي ايه واقدر اتعامل معاه اكتشفت اني عندي مشكله في فهم هل ربنا هو مدبر الكون وكل حاجه بتحصل هو فعلا ارادها او سمح بيها ولا الكون عشوائي اما اتاكدت انه مش عشوائي وان كل حاجه بتحصل لسبب وحكمه قررت افوض امري ليه واتوكل عليه واعمل اللي عليه واسيب النتايج كان عندنا مادة درسنها في ترم في الكليه عن الانتاج وكانت كلمة الدكتور مهمه جدا بالنسبالي ان القرار الجيد هو اللي بناخده بطرق علميه صحيحة حتى لو ادى لنتائج سيئه عشان احيانا بيحصل حاجات خارج قدراتنا وان القرار السيء هو اللي بيتاخد بعشوائية وبدون طرق علميه حتى لو ادى لنتائج جيده المقصود اننا اهم حاجه نعمل الصح والنتائج مش مطالبين بيها
تم النشر السبت، ٦ سبتمبر ٢٠٢٥
شكرا،جزاكم الله خيرا
تم النشر الأحد، ٣١ مايو ٢٠٢٦
بص الاحتياج هيفضل موجود والكل عارف بيه مش محدش حاسس بس الدنيا صاعبه وطاحنه الناس. وانت لسه قدامك بادري فركز في مذاكرتك وشوفلك شغلانه اول ما تدخل كليه هتشغل وقتك وهتغير شخصيتك كتير وتساعدك تتجوز بسرعه
تم النشر الاثنين، ٢٥ مايو ٢٠٢٦
انصحك بسورة البقرة والمحافظة على اذكار الصباح والمساء واذكار الصلاة. "ما مِن عبدٍ مؤمنٍ إلَّا وله ذنبٌ يعتادُه الفَينةَ بعدَ الفَينةِ أو ذنبٌ هو مقيمٌ عليه لا يُفارِقُه حتَّى يُفارِقَ وإنَّ المؤمنَ خُلِقَ مُفْتَنًا توَّابًا نَسَّاءً إذا ذُكِّرَ ذكَر خلاصة حكم المحدث : رجاله ثقات الراوي : عبدالله بن عباس | المحدث : الهيثمي | المصدر : مجمع الزوائد | الصفحة أو الرقم : 10/204"
تم النشر الاثنين، ٢٥ مايو ٢٠٢٦
بصراحه انا معترض انا كنت في يوم من الايام حد لطيف بس الدنيا ما بترحمش الشخص اللطيف الناس اما بتشوف حد لطيف بتاكله بيظهر كل شرهم. معتش مقتنع بفكرة انك تكون لطيف مع الكل دي فكره سيئه جدا. انا مع انك تكون لطيف مع اهلك طبيعي مع اصحابك حاسم مع اي حد ماتعرفوش
تم النشر الاثنين، ٢٥ مايو ٢٠٢٦
هو الجن موجود والسحر موجود. والرقيه موجوده. اما موضوع الذبح والكلام ده محتاجه شيخ يفتيك فيه . انصحك بسورة البقرة واذكار الصباح والمساء واذكار الصلاة وكثرة ذكر الله واختك
تم النشر الاثنين، ٢٥ مايو ٢٠٢٦
ده قلق بس مش اكتر اصبري واعملي اللي تقدر عليه هانت بقت ايام
تم النشر الخميس، ٢١ مايو ٢٠٢٦
اللي عملتيه صح وادعي ربنا بصلاح حالك
تم النشر الثلاثاء، ١٩ مايو ٢٠٢٦
هو المفروض نتمذهب اه . بس حتى في المذهب الواحد ممكن بالشيء وعكسه يعني مثلا لا سمح الله هنقول ان على جمعه شافعي وهو افتى بان الاختلاط حلال بس جمهور الشافعية يرى بحرمة الاختلاط الا في حاجه. فالموضوع ده تحديدا ملهوش علاقه بمذهب قد ما هو هوى . يعني مثلا الشيخ المصري كان اسمه البيلي ظهر له فيديو خطبه وهو يخاطب ابو عبيده ويقول جاهد بالسنن مع ان جمهور علماء المسلمين والمذاهب الأربعة متفقين ان الجهاد فرض مش سنه اذا كان العدو يغتصب ارضك . فرض على مين فرض على الجميع رجال نساء اطفال . وده شيخ حنبلي مش شافعي. فالمشكله مش في المذهب المشكله في قلة الدين وعنه صلى الله عليه انه قال: يكون بعدي أئمة لا يهتدون بهداي ولا يستنون بسنتي وسيقوم فيهم رجال قلوبهم قلوب الشياطين في جثمان إنس . المهم ناخذ الفتوى حاليا من شيخ نرتضي دينه مش اللي على مزاجنا.
تم النشر الثلاثاء، ١٩ مايو ٢٠٢٦
واعي https://share.google/72TmpxBRw5B6opony
تم النشر الثلاثاء، ١٩ مايو ٢٠٢٦
في فريق واعي للكلامي ده . عاوز اقولك نصيحه ما ترميش المشكله على حد المهم انك في مشكله ولازم تتحل. مش ببرأ اي حد وصلك لكده. بس دلوقتي لازم نحل المشكله. تتحل ازاي ابعدي عن النت وكل وسائل التواصل، ابعدي عن اي صاحبه تذكرك بحاجه زي كده، ابعدي عن الافلام والمسلسلات ،ابعدي عن الاغاني، حاولي تحضري دروس للعلم الشرعي لو مش هاتقدري شوفي اي منصه موجود كتير زي البناء المنهجي وأكاديمية زاد وابدئي اتعلمي حاولي تلعبي رياضه في البيت املي يومك بمذاكره بشغل طبعا حافظي على الصلاة. بالمناسبه احنا في افضل ايام الدنيا وفيها يوم عرفه الدعوات بتكون مجابه فيه ادعي باللي نفسك فيه . حابب اقول حاجه ان الطبيب النفسي مش ساحر هو هيحاول يرشدك ارشادات زي كده فإنتي ابدئي وممكن ما تحتاجيهوش . تابعي دكتور عبدالرحمن ذاكر الهاشمي هو طبيب نفسي. أنصحك بدورة التربية الإيمانية للمهندس فاضل سليمان
تم النشر الثلاثاء، ١٩ مايو ٢٠٢٦
اتفرجت شويه على الفديو تقريبا هو الفيديو
تم النشر الجمعة، ١٥ مايو ٢٠٢٦
مفيش حاجه اكيده اللي ينفع لغيرك ما ينفعش ليكي شوفي انتي عاوزه ايه ومحتاجه ايه انا عن نفسي مش عارف انتي بتخططي لايه. مثلا لاب توب ليه محتاج في حدود 200 الف جنيه عشان اقدر اشتغل عليه ومش هيكون مفيد اوي فلازم اشتري كمبيوتر فكل واحد بيشوف احتياجاته و يشتري. مجرد دبلومات اظن مش محتاجه جهاز بامكانيات ضخمه يعني. ده لو مثلا دبلومات في كليات زي تربيه او تمريض اما لو مثلا حاسبات او هندسه ليهم احتياجات تانيه
تم النشر الخميس، ١٤ مايو ٢٠٢٦
اظن الموضوع مش محتاج طبيب نفسي. محتاجه توقفي فورا مشاهدة المسلسلات وتقاومي على قد ما تقدري الافكار اللي بتيجي في دماغك واشغلي نفسك بحاجه تانيه تكون مفيد زي الدراسه عشان الامتحانات قربت. اسمعي للدكتور عبدالرحمن ذاكر الهاشمي وحاولي تتواصلي معاهم ممكن يساعدوكي
تم النشر الخميس، ١٤ مايو ٢٠٢٦
السلام عليكم ورحمة الله وبركاته. قراءة الكتب ونسيانها حاجه طبيعية جدا. اظن كان على محمد على اتكلم عن الموضوع ده مش متأكد والشيخ أحمد السيد اتكلم عنه في البناء المنهجي وعبدالله العجيري وكان تقريبا اتكلم عن كتاب لإبن تيميه وانه قراءه كذا مره . الكتب بتتقسم لاقسام كتب للدراسه وكتب للثقافة. كتب الثقافة مركزيه وغير مركزيه . المركزيه بتتقرأ اكتر من مره وبنكتب في الهامش بتاعها اهم الفوائد عشان لو حبينا نراجع الكتاب على السريع نقرا الهامش فقط . كتب الدراسه بيتكتب اهم الفوائد في الهامش وتتلخص وممكن تتشجر.
تم النشر الخميس، ١٤ مايو ٢٠٢٦
انا مش هقولك اللي مامتك بتعمله صح 100٪ بس خلي بالك من فرق الخبره وخلي بالك انها قلبها عليكي وخلي بالك من الحمل اللي هي شايلاه. خلي بالك ان سنك صغير وكل يوم ممكن رايك يتغير عن اليوم اللي قابله. مش بقول انها صح انا شايف ان دور الوالد مرشد وهو موحود يوقف ابنه اما يقع مش يمنعه من الوقوع عشان يتعلم وهو عايش بس بردوه مفيش حد كامل وهي بتعمل على قد ما تعرف . حاولي توضليلها المعلومه ما وصلتش بلاش تخسريها
تم النشر الخميس، ١٤ مايو ٢٠٢٦
للاسف الناس مختلفه فاللي بيفسر ان ده اهتمام في غيره بيفسره حاجه تانيه فمفيش راي واحد بيمشي على كل الناس . بس الاكيد انك لو خرجتي بره تفكيرك مش هيفرق معاكي هو شايف تصرفاتك اذاي
تم النشر الخميس، ١٤ مايو ٢٠٢٦
هو حوار الفلوس وذكرها كتير مش مشكله في حد ذاتها حتى لو كان الامر غريب بالنسبالك. الراجل في طبعه الغريزي انه بيحب القوه. الفلوس نوع من انواع القوه. انا مش بقول ان كتر ذكرها صح او غلط انا عن نفسي ما بحبش الاسلوب ده بس اظن مش سبب للرفض يعني ممكن تركزي ايه غرضه كن ذكرها كتير هل استعراض فقط . اظن لو كده عادي انتي مثلا بتحبي تلبسي ملابس شكلها حلو والكل يبقى شايفك في احسن صوره. اما موضوع الشورت ممكن تتكلمي معاه وتقوليله انه كده بيظهر عورته وهتشوفيه رد فعله واحترامه للدين وده اظن هيوضح ليك شكك الاخير انه غلط ولا لا. بالنسبه لي انا كنت رافض اسافر أوروبا بس حاليا بفكر بجديه في الموضوع ماظنش ان كل اللي بيسافر بيقع في الكلام ده وعلى فكره في مصر الموضوع سهل مش صعب انا مغترب من 2016 والموضوع موجود في مصر بردوه
تم النشر الأربعاء، ١٣ مايو ٢٠٢٦
كتب ابراهيم السكران، فريد الانصاري، أحمد بن يوسف السيد،صالح الشامي. لو فديوهات دكتور احمد عبدالمنعم ،الشيخ أحمد السيد،عبدالله العجيري، حسين عبدالرزاق،إياد قينبي، دكتور هيثم طلعت، دكتور عبدالرحمن ذاكر الهاشمي. في فديوهات لابراهيم عادل. اهم حاجه الكتب لوحدها مش بتعمل حاجة اهم حاجه الاستمرارية سواء في قراءتها او تطبيقهاقناة ذا امريكان انجلش وطليف . اما كتب في الانجليزي مش عارف
تم النشر الأربعاء، ١٣ مايو ٢٠٢٦
بصراحه لو هنصحهم يحاول يحل اسئله ويسببه من مراجعة المنهج. وكان المفروض قبل كده بشويه كمان
تم النشر الأربعاء، ١٣ مايو ٢٠٢٦
اولا أنا مش هفتى فلو بتسالي عن حلال وحرام يبقى تروحي لحد تثقي في دينه. هو اللي عملتيه هيكون صعب عليها وممكن تقطع علاقتها بيك بس اظن هو الصح. هي غلط وانتي اتسالتي وماكنش ينفع تكذبي. وهي اللي غلطانه. اللي اعرفه ان الراجل اللي بيدفع فلوس وتبقى واحده مستغلاه اما اللي بتقولي عليه ده اول مره اسمعه
تم النشر الأربعاء، ١٣ مايو ٢٠٢٦
عنه صلى الله عليه انه قال عن ربه عزوجل { وما تقرب إلي عبدي بشيء أحب إلي مما افترضت عليه ، وما يزال عبدي يتقرب إلي بالنوافل حتى أحبه ، فإذا أحببته كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنه ) رواه البخاري .}
تم النشر الجمعة، ٨ مايو ٢٠٢٦
انك تتعلمي حاجات جديده هتفيدك ده مهم جدا. بس من تجربتي السوق مليان كورسات ليها تسويق وفي الاخر الكورس نصب فماتدفعيش فلوس في حاجه انتي مش متاكده منها اسالي عن الكورس على جروبات الفيس او لينكد ان واتاكدي انه فعلا كورس احترافي هيفدر يفيدك. ده من ناحية التعلم مش هتتعلمي او هيتبقى معاكي فلوس احفظيهم في سبايك او دهب مستعمل عشان الفلوس بتقل. اللاب لو مش محتاجها ضروري للكليه فكري تجيبي كمبيوتر ارخص وهيقدي نفس الوظيفه .
تم النشر الجمعة، ٨ مايو ٢٠٢٦
فكرة ان الدهب مش استثمار حفظ لقيمة الفلوس فكره صحيحه تمام. بس اللي بيتكلم بيتكلم غلط تمام ): ليه عشان عملتنا العزيزه لو معاك ١٠٠جميه وفي اخر السنه هيبقى ١٢١ جنيه كده انا استثمرت يعني في الغالب بتكون فقدت كل سنه اكتر من قيمة الاستثمار دي اصلا فهي الفلوس زادت عدادا قلت قيمة . فساعتها الدهب يعتبر استثمار عشان بلدنا العزيزه مفيهاش شركات نعرف نشغل فيها فلوسنا بالحلال ونكسب احسن من البنك اه نسيت اقول ان في حكم بحرمة فوائد البنك على انها ربا في ناس بتفرق بين الاسلامي والغير اسلامي لكن حتى البنوك الإسلامية في بيشوفها انها ربا بردو . اخر معلومه جولد مان ساكس كام متوقع زيادت الدهب اللي حصلت السنه دي بس بردوه كان متوقع ان الدهب هيوصل ل ٤٥٠٠دولا للاونصه على اخر السنه يعني هيقل شويه عن سعره الموجود حاليا انا مش متابع السعر بصراحه بقالي شهرين فانا بتكلم على من شهرين.في النهاية بالتوفيق
تم النشر الجمعة، ٨ مايو ٢٠٢٦
لو دخلتي الروشته لشات جي بي تي او جيميناي او كلود هيقولك ايه المكتوب بكل سهوله وحتى ممكن في جوجل اضاف بحث بالذكاء الصناعي ممكن يقولك ايه العلاج وسعره كام السعر مش هيكون ضقيق
تم النشر الجمعة، ٨ مايو ٢٠٢٦
السلام عليكم ورحمة الله وبركاته. اذيك يا طيب. اولا ما اظنش اني في علاج سحري اصلا للخنقه والاكتئاب. وحتى الشكوى للناس ممكن تخفف عنك وقتي لكن مش حل ده لو افترضنا ان اللي سمع اللي جواك ماستخدموش ضدك. كان حل الشيخ فرج الله كربه هي الصحبه الصالحه، اذا ما كانتش موجوده ممكن تعايش الانبياء والصالحين بقراءة سيرهم والتعلم منها الشيخ كان ليه سلسله باسم معايشة الدار الآخرة و معايشة الانبياء والصالحين. حاول تنزل مسجد قريب فيه دروس علم شرعي ممكن تلاقي حد هناك تكون معاه صحبه يخفف عليك شويه
تم النشر الجمعة، ٨ مايو ٢٠٢٦
صلى الله على محمد . عنه أنه قال {خيركم خيركم لأهله وأنا خيركم لأهله}.
تم النشر الأربعاء، ٢٩ أبريل ٢٠٢٦
اظن تسال على جروب جات في السوسته على الفيس الناس هاتفيدك هناك عن هنا. انا مش عارف والله
تم النشر الأربعاء، ٢٩ أبريل ٢٠٢٦
توب لربنا الاول والتوبة دي عشان نفسك ربنا مش محتاجك ولا محتاج لتوبتك وارجع صلي وحافظ على صلاتك وراجع القرآن واهتم بمذاكرتك وواجه خطاءك عادي الانسان بيغلط المهم انه يتعلم من غلطه لسه الدنيا ما خلصتش ولسه معاك فرصه تبقى احسن مماكنت . البنت اللي ماحبتكش لو حبتك يعني كنت ها تتجوزها اكيد لا عشان لسه في التعليم فالحب دلوقت غلط . بص هو مش غلط بس تصرفك غلط . انت مش بتذاكر عشان اهلك اولا انت بتذاكر عشان نفسك وهما عاوزينك عشان نفسك وعشان الاسلام والمسلمين وهلك . يمكن ربنا صرف عنك شر وبيأدبك عشان تتعلم
تم النشر الاثنين، ٢٧ أبريل ٢٠٢٦
استخدامه سهل خالص. اهم حاجه ما تتعامليش معاه انه ذكي يعني او عاوزه حاجه بتوصفيها بالضبط عشان هو ما يخمنش ويدكي النتيجه اللي انتي عاوزاها. ممكن تتابعي قنوات يوتيوب بتشرحه زي غريب الشيخ . قناه اسمه اظه انفولجي التعليميه. اهم ملحوظه ان كتير من اللي بيتكلم عن الذكاء الصناعي بيهول منه عشان يحقق مشاهدات فاهم حاجه التجربه نفسها هي اللي هتوضحلك قدرته
تم النشر الاثنين، ٢٧ أبريل ٢٠٢٦
مش عارف كبري دماغك وخدي على الظاهر بس
تم النشر الأحد، ٢٦ أبريل ٢٠٢٦
اتعلمي دينك. احفظي قران في حاجات كتير في الحياه تتعمل. في مثلا اكاديميه زاد لو عاوزه حاجه خفيفه. في البناء المنهجي لو حاجه اعمق . في الأزهر عامل حاجه في كل محافظه لتعليم الدين لو حابه يكون اوفلاين . ممكن تتعلمي انجليزي ولغات كتير ابرهيم عادل وغيره عاملين قنوات على يوتيوب . ممكن تتعلمي حاجات كتير جدا وتستخدمي الذكاء الاصطناعي كمرشد ليك
تم النشر الأحد، ٢٦ أبريل ٢٠٢٦
معنديش حل بس الحياه عموما مجاهده حاولي ما تقطعيهوش حديديله وقت ويكون اخر اليوم بعد ما تذاكري. خلصي اللي وراكي وبعد كده اكلمي معاه شويه. بس عموما حولي تتخلصي منه عيب الذكاء الاصطناعي انه مبني على ثقافه غير ثقافتنا وعلى افكار عكس افكارنا فللاسف. التعلق العاطفي بيه هيوديكي حته مش كويسه . اكتر مشكله هي اني مفيش صحبه صالحه لو تعرفي هتخفف عنك كتير . لو مفيش كان الشيخ بيقول نعمل معايشه مع قصص الانبياء والصالحين والسيره النبوية ونجمع اهلنا معانا يسمعوا احنا وهما هنتغير بده وهنبقى عملنا الصحبه الصالحه اللي بنقول عليها
تم النشر الأحد، ٢٦ أبريل ٢٠٢٦
انا مش عندي اي خلفيه عن مجال المحاسبه بس في برنامج اسمه JobHunt عليه فرص شغل ومجمع من كل المواقع اللي بتنزل فرص شغل
تم النشر الجمعة، ٢٤ أبريل ٢٠٢٦
السلام عليكم ورحمة الله. أسأله زي ايه ده على حسب اهتماماتك وأولوياتك. بتختلف من شخص للتاني. بالنسبه لي لو خطيت نفسي مكانك هكون محتاج اعرف حاجات كتير بصراحه. اول حاجه لو في اختلاف مين هيحكم بينا ونرضى بحكمه ايه اولوياتك في الحياه. لو حاجه انا بحبها وهي غلط يعملها ولا لا. لو عاوز اعمل حاجه بعملها ولا بكسل. عيشتي منظمه ولا لا. النظافه ايه شكلها عنده نضيف مش نضيف موسوس. الفلوس ايه اهمية الفلوس درجة كرمه وبخله. مين الشيوخ اللي بيتابعهم.فيه ضرب ولا مفيش وليه. هو شايف نفسه اذاي. اختارك ليه . اما بيزهق بيتصرف اذاي . اما بيزعل بيتصرف اذاي . بيغير ولا لا وهل هي شك ولا لا . حاليا في الكليه الوضوع هيكون ايه وخاصة ان صيدله موادها تقيله. بيحب اللي بتلبس واسع ولا ضيق. بيحب اكل ايه . ايه نظرته لاهله شايفهم غلط في ايه وصح في ايه . هيربي عياله اذاي. عاوز كام عيل . عاوزك تشاركيه في الحياه والمصاريف. ولا عاوزك ما تخرجيش من البيت وليه . هو مسافر فهتسافري ولا هتقعدي في مصر . اولوية الدين في حياته . مين قدوته في حياته. هل فعلا عنده مشروع عشان يدخل الجنه ولا عايش وخلاص. بيفكر في ايه للمستقبل. في اساله ضخمه ممكن تتسال وياريت السؤال ما يبقاش سؤال يبقى حكايه عشان الاجابات المختصره ممكن ما توضحش كل حاجه. بالنسبالي اي حد يحل بنسبة ٧٠ ل٧٥ ٪ من الاساله هو كويس وكده نجح مفيش حد كامل حتى انتي المفروض تسالي نفسك الاساله دي وتجاوبي عليها عشان تقدري تحددي في تقارب او لا وفي الاول وفي الاخر مفيش غنى عن الاستخاره واللي ربنا يكتبه مفيش احسن منه
تم النشر الجمعة، ٢٤ أبريل ٢٠٢٦
حبيبي ربنا يوفقك
تم النشر الجمعة، ٢٤ أبريل ٢٠٢٦
اهلا. يمكن الموضوع ملوش علاقه بالعمر خلصت سنتين وربع قرن في هذه الحياه ونفسي كمان الاقي حد يعمل معايا كده بس في الحقيقة محدش بيعمل كده مع نفسه عشان يعمله مع حد تاني فمفيش حد هيساعدك غير نفسك . في برنامج ظريف على جوجل بلاي اسمه الرفاهية الرقمية منه تقدري تفرضي وقت على كل تطبيق بتشغليه . فكرة الصحبه الصالحه وان كانت مش سهل تكون موجودة لكن لو قدرتي تعمليها دي هتخفف عليكي كتير في احتياجاتك النفسي. انك تكافئي نفسك مش رفاهيه دي حاجه مهمه جدا جدا. ممكن تلعبي رياضه منزليه في تطبيقات على جوجل بلاي للرياضه المنزلية بتنشط الواحد وبتحافظ على صحته وتركيزه ونفسيته
تم النشر الخميس، ٢٣ أبريل ٢٠٢٦
أسأل الله العظيم رب العرش العظيم ان يوفقك
تم النشر الأربعاء، ٢٢ أبريل ٢٠٢٦
اظن الموضوع كله نقص خبره مع الاحتكاك بالناس فتره الدنيا هتظبط إن شاء الله. في نصيحه لله، الشيطان ما بيبقاش شيطان واحده واحده بيتحول لشيطان والنفس سهله جدا انها تبرر لنفسها. هو يمكن الموضوع هتحسيه بعيد بس الاحتكاك مع الناس بيغير
تم النشر الأربعاء، ٢٢ أبريل ٢٠٢٦
انتي في سباق حقيقي الكل داخل مستعد بس قليل اللي بيفضل مستعد لاخر السنه اكيد ممكن نضيع وقت في اي وقت من السنه بس المهم اني الاحظ ده واغيره في اسرع وقت بالنسبالي بفضل الدروس تكون اوفلاين عشان الانتباه عشان الاونلاين النت بيسحب الوقت لو كنتي في القاهره او اسكندريه او اي بلد زحمه ممكن تلجئي للاونلاين بس يفضل يكون في جهاز للمذاكره وجهاز شخصي للاستخدام العادي او يفضل ما يكونش في اصلا استخدام عادي عن نفسي في ثانوية حذفت حسابي على الفيس ومكنتش بفتح نت بس ايامكم الوضع مختلف. افضل وقت للمذاكره بيختلف من شخص للتاني شوفي بالنسبالك ايه . طبعا يفضل كل اسبوع مذاكرته تخلص اول باول
تم النشر الأربعاء، ٢٢ أبريل ٢٠٢٦
بص يا عسل هي سنه صعبه فماتوترش نفسك ظبط وقتك حاول تعمل وقت للموبايل بعد ما يخلص ما ينفعش تفتحه او لتطبيقات معينه على الموبايل وحاليا في امكانيه لكده حاول تقلل قعادك على النت عموما . ما تبصش لبنات الناس وقلل من الذنوب على قد ما تقدر يسلام او تعرف صاحب يساعدك ويا سلام لو تنزل الجم ولو مرتين في الاسبوع ممتاز فوق ما تتخيل فترة الكليه كنت بنزل مرتين بيهديك ويخلي وقتك الباقي للمذاكره وشغل الكليه وافتكر انت كنت بتذاكر في الثانوية ليه وايه اهدافك . بالتوفيق كلها ايام وهتلاقي نفسك اتخرجت
تم النشر الأربعاء، ٢٢ أبريل ٢٠٢٦
اظن التفكير مش هيقدم او ياخر محتاجه تقعدي معاه وتشوفي طريقة تفكيره وحاولي تختاري اسئله صح بحيث يقدم اجابات واضحه مش محتاجه تحليل عشان تبقى عارفه بيفكر ازاي وفي الاول والاخر استخيري
تم النشر الأربعاء، ٢٢ أبريل ٢٠٢٦
مفيش حل سحري الحياه مجاهده شويه بنقع وشويه نقوم اهم حاجه حافظي على الفرائض وبعدها زودي في النوافل على قد ما تقدري وياريت يبقى في صحبه صالحه مفيش تقدري تسمعي قصص الانبياء والصالحين كان الشيخ حازم بيسميها معايشة الانبياء والصالحين
تم النشر الأربعاء، ٢٢ أبريل ٢٠٢٦
استخيري اكتر من مره وشوفي هتتيسر لايه بس نصيحه هندسه صعبه جدا وفعلا اقسامها كلها متعبه يمكن تكوني قصدك على الشغل من البيت لقسم عماره بس ده برده قسم تقيل مع انه مشهور انه اسهل اقسام هندسه وكمان عشان تشتغلي من البيت بتكوني محتاجه خبره عمليه وكمان تطوري نفسك على طول عشان مفيش حد هيطورك او هاسمعي معلومه من زميل شغل بصراحه كان نفسي حد يعرفني ان الهندسه صعبه كده
تم النشر الأربعاء، ٢٢ أبريل ٢٠٢٦
حابب اقول حاجه ما تستنيش الشغف اشتغلي عشان انتي مضطره لده لاسباب كتير لو فكرتي لوحدك هتلاقي نفسك فعلا مضطره مش رفاهيه اقلها ان الإنسان يسال عن اربع منها عمره فيما افنان وعن شبابه فيما ابلاه الصلاة مش رفاهيه ومش واجب ومش سنه هي فرض تركها اعظم من اي ذنب وعنه انه قال وما تقرب الى عبدي بأحب الي ممافتضرته عليه حابب اقول حاجه ما تستنيش الشغف اشتغلي عشان انتي مضطره لده لاسباب كتير لو فكرتي لوحدك هتلاقي نفسك فعلا مضطره مش رفاهيه اقلها ان الإنسان يسال عن اربع منها عمره فيما افنان وعن شبابه فيما ابلاه الصلاة مش رفاهيه ومش واجب ومش سنه هي فرض تركها اعظم من اي ذنب وعنه انه قال وما تقرب الى عبدي بأحب الي ممافتضرته عليه
تم النشر الثلاثاء، ٢١ أبريل ٢٠٢٦
اقطعي كل العلاقات دي وحاولي تغيري نظام يومك وقربي من ناس انتي عارفه انهم كويسين
تم النشر الثلاثاء، ٢١ أبريل ٢٠٢٦
حاول يكون عندك علاقات اجتماعية اصحاب واقارب و زملاء وكده
تم النشر الثلاثاء، ٢١ أبريل ٢٠٢٦
عنه صلى الله عليه وسلم {إِنَّمَا الْعِلْمُ بِالتَّعَلُّمِ، وَالْحِلْمُ بِالتَّحَلُّمِ، وَمَنْ يَتَحَرَّ الْخَيْرَ يُعْطَهُ، وَمَنْ يَتَّقِ الشَّرَّ يُوَقَّهُ}. جرب وبالمحاوله بتقدر عادي يعني وزي ما بتقول للناس بره ركز وعنه صلى الله عليه انه قال { خيركم خيركم لأهله وأنا خيركم لأهله}
تم النشر الثلاثاء، ٢١ أبريل ٢٠٢٦
انا مش هفتي انصحك تشوفي سلسلة من انا ولما انا للدكتور عبدالرحمن ذاكر الهاشمي. عشان بالنسبالي اما بشوف حد بيقول حاجه بعتبرها نصيحه حتى لو غلط بس بعتبرها نصيحه وهو ده تفكير اللي قدامي ولا غصه ولا اي حوار والنصيحة مهمه عنه صلى الله عليه انه قال الدين النصيحه قلنا لمن قال لله ولكتابه ولرسوله ولأئمة المسلمين وعامتهم . وفي حديث حق المسلم على المسلم خمس وحديث حق المسلم على المسلم ست إذا استنصحه نصح له . فالموضوع نصيحه مش اكتر يعني وانت اعملي اللي عاوزاه اما حوار ان والدك يقولك على حاجه وانت تعملي اللي في دماغك فا راجعي نفسك عشان دي حاجه مش كويسه. وربنا يهدينا ويصلح حالنا
تم النشر الثلاثاء، ٢١ أبريل ٢٠٢٦
ممكن وممكن ما كنش معجب اصلا
تم النشر السبت، ١٨ أبريل ٢٠٢٦
انا عاوز اقولك ان المكسب ممكن يبقى 2000 بس عمر ما يكون راس المال 25000 اولا ثانيا الدخل 2000 مش المكسب ثالثا البقاله مكسبها ضعيف جدا مقارنة باي مشروع تجاري تاني
تم النشر السبت، ١٨ أبريل ٢٠٢٦
حساب فيسبوك حساب تويتر حساب انستجرام حساب لينكد انلعرض الملف الشخصي في فدني اضغط هنا