رَانْيَـ𓂆ـا عَـاطِـف

احيانا بيكون التجاهل الحل الأنسب مع الشخصيات دي انا مش هقولك تعمل اي مع الشخص دا بس هقول حاجه تاني انت ك شاب لازم تكون ثقتك بنفسك عاليه ف انت لازم تتعلم وتتطور من نفسك ومن مهاراتك وتكون مليان من جوا معلومات وعندك ثقافه علشان تعرف تتعامل مع المجتمع الي احنا فيه دا ١ علاقتك بربنا تكون كويسه وخليك علي قدر من الالتزام تعلم علم شرعي وقوي صلتك بالله ٢ العلوم الدنيوية تعلم مهاره اقرء كتب خليك مثقف بجد ٣ الجانب النفسي مينفعش تكون هش نفسيا ومن أقل موقف الحساسيه المفرطه تدخلك في زوم حزن لا تخلص من مخاوفك وتحرر منها بجد اعرف نفسك اعرف نقاط ضعفك ونقاط قوتك ٤ الرياضه انك تهتم بجسمك تنزل جيم دا هيزود ثقتك بنفسك تهتم بأكلك كل دي حاجات مهمه اتعلم فنون القتال والدفاع عن النفس لما بتكون حاطط هدف ليومك ومخطط يومك هيمشي ازي بيكون من الصعب انك تلتفت لشخص زي دا ومتسمحش لشخص زي دا انا يبوظ يومك لأن بكل بساطه وقتك اهم منه

اولا كدا انت تالته ثانوي وخلاص الامتحانات على أبواب ف ركز على مذاكرتك ومستقبلك ولما تجيب مجموع عالى آخر السنه وتدخل كليه كويسه هناك هتتعرف على صحبه كويسه على ناس شبهك متعلقش نفسك بأصدقاء الثانوي لأن كل واحد هيروح كليه مختلفه وهتتفرقوا وخليك عارفه ان في كل مرحله من حياتك هيكون عندك اصدقاء مختلفين بس نادر اما حد يكمل معاك للاخر بس لو عايز اصدقاء بجد ويكونوا عون ليك صاحب أصحاب المساجد أصحاب حلقات العلم أصحاب حلقات القران هما دول الصحبه الحقيقه فعلا الفتره دي محتاجه منك انك تركز على نفسك وبس والناس لما هتلاقيك ناجح هما الي هيكونوا عاوزين يتعرفوا عليك وادعى كتير أن ربنا يرزقك الصحبه الصالحه واتعلم ازي تكون صدقات وتكون اجتماعى لأن دي مهاره تكتسب برضوا بس الاهم دلوقتي هي تالته ثانوي لو فضلت مركز على صحابك هتلاقي نفسك ضعت ف ليه ركز في مذاكرتك ولما هتكون ناجح هتلاقي ناس كتير حواليك على العكس لو كنت فاشل

بصي انت لازم تتابعي مع دكتوره افضل علشان تمشي على نظام صحي افضل من انك تخسي بطريقه غير صحيه وهترجعي تاني بل هترجعى أزيد لازم تتعاملى مع أكلك بطريقه صح انك تخلى أكلك صحي بس دا مش لفتره لا دا يكون لطول العمر واهتمي بالرياضه مش لازم تنزلى جم نزلى تطبيق عندك على الفون والعبي كل يوم خلى هدفك انك عايزه يكون جسمك صحي مش علشان انت عايزه تخسي وخلاص لا لما هيكون هدفك انك عايزه تكوني صحيه هتبتعدي عن حجات كتير وانت متقبله الأمر قللي سكر ونشويات واكثري من شرب الماء

بصي انت اول حاجه حاولى انك تتكلمى مع أهلك وتفهميهم وضعك وبالنسبه للدراسه ف انت مخلصه المنهج ف لسه معاكي وقت انك تراجعى لسه فيه وقت بس استغليه صح اعملى الي عليكي وتوكلى علي الله واستعيني بالله ولا تعجزي لأن موضوع التأجيل دا هيكون مرهق جدا وانت اكتر وحده اعلم بنفسك إذا كنت هتقدري ولا لا بس من ناحيه الوقت ف هو لسه في وقت كافي باذن الله امشي مع المدرسين في المراجعه ذاكري الجديد اول باول والقديم حددي ليه وقت تحبيه فيه واهتمي بالحل اهم حاجه الفتره دي الحل

بصي انا تالته ثانوي زيك وكمان انا ازهر وحرفيا خايفه جدا من يوم النتيجه اني مجبش مجموع انا عايزه اجيب مجموع علشان أهلى مش عايزه اكون سبب في كسرتهم بالرغم انا شبه عايشه لوحدي هما يعرفوا بس اني تالته ثانوي لاكن ميعرفوش كم المعاناة الي بعاني منها وكم الضغط الي انا فيه وانا امتحاناتي بعد شهر بالظبط ومراكمه مواد كتير جدا وهما طبعا ميعرفوش كدا ميعرفوش اني كل يوم بصحى مخنوقه وافضل ابكى بسبب اني نمت اصلا ف انا عشت السنه دي لوحدي ودا شعور صعب جدا انك انت بتذاكري علشان اهلك وهما مش حاسسن بيكى ولا حتى بيقولو لك كلمه حلوه بس برضوا انا عايزه اجيب مجموع علشان خاطرهم بس الفتره دي اكتشفت أن أهلى لو جبت مجموع أو مجبتش هما هيفرحوا شويه وينسوا بس انت الي هتعاني بعد كدا لو مجبتيش مجموع ودخلتى كليه مش حباها اهلنا عاوزين يشوفونا افضل ناس في الدنيا فعلشان كدا هتلاقيهم بيقارنوكي بحد بس انت ادعى ادعى كتير جدا ولو تعرفي تتكلمى مع باباكى وتعرفيه انك بتحاولى اعملى الي عليكي وتجيبي اخرك كل واحد فينا ليه تجربه مختلفه عن التاني ف اكيد مش هنتساوي مع بعض قولي ليه أن المقارنات بتتعبك وانك مش محتاجه تتقارني بحد لأن مفيش حد زيك

لا ادري إن كان هو المقصود بكلامك أم لا ولاكن هي بتبقى عباره عن فكره بتيجي في دماغك وبعدها بتنسى انك عايش علي أرض الواقع اصلا وابداء تسرد في أحداث الفكره دي وتحس انك عايش اصلا في الفكره والأحداث الي انت بتعملها وممكن يفضل التفكير وتسلسلك للأحداث دي لمدة طويله او سعات كمان ولو لاحظت هتلاقي انك بتعمل حياه تاني جوا دماغك بتبقى الحياه الي نفسك تعيشها علي أرض الواقع ودا بينشءلما بيبقى في نقص في حاجه معينه مثلا حب او اصدقاء أو عيله أو شغل أو نجاح أو اي حاجه وعلشان تعوض الحجات دي بتعوضها بالتفكير انك تنسي انك علي أرض الواقع واصلا وتبقى كانك عايش في الحياه الي في دماغك وبس وتاني سبب لدا هو الفراغ لأن بكل بساطه العقل مش هيعرف يفكر في حجتين يعني لو انت بتشتغل هتلاقي حالة التوهان أو الانفصال عن الواقع مش موجوده لأن عقلك بيكون بيفكر في الي انت بتعملو دلوقتي تالته حاجه قلل استخدام السوشيال الميديا تماما وخلي الكتابه شي اساسي في يومك أن اول ما تيجي لك فكره وتحس انك هتبداء تسرد في أحداث اكتب الفكره دي علطول في كراسه وقرب من ربنا جدا وصلح علاقتك بربنا اوي وخلي ديما لسانك مشغول بالذكر وانك تذكر ربنا دي حاجه كفيله أنها تغير حياتك تماما وراقب نفسك اول ما تحس انك هتداء تدخل في الحاله دي اشغل نفسك باى حاجه او انك تذكر ربنا واقراء قرآن كتير واسمع بودكاست كتير بحيث تشغل دماغك في التفكير بشئ إيجابي ولازم يبقى عندك عزيمه وصدق مع نفسك انك عاوز تطلع من الحاله دي والي بيحصلك دا اسمو التفكير الزائد ابحث عنو اتمني اكون أفدتك بشئ.

بصي زي ما قولتي الفتره دي هي أهم فتره لو اهملتى الشهرين دول انت كدا بتضيعي مستقبلك طيب تعملى اي اولا علاقتك بربنا دي اهم حاجه والدعاء اذكارك صلاتك قيام الليل متسبهومش المذاكره بقا بصي هاتي آخرك هاتي آخرك بجد الفتره دي . طبعا بدأتوا مراجعه عايزاكى تلتزمى بجداول المراجعه الي هيعملها كل مستر ومتعمليش جداول انت مع نفسك لأن غالبا مش هتمشي عليها وهتحسي نفسك مشتته علي الفاضي ف الاحسن انك تتبعي الخطه الي هيعملها المدرس. طيب تنزلى سنتر ولا اون لاين الافضل الفتره دي خليكي اونلاين طول ما انت بتعرفي تلتزمي السنتر هيضيع منك وقت جامد وهو اصلا مفيش وقت بالنسبه للمذاكره اهم حاجه الحل الحل الحل حلى كتير علي قد ما تقدري والدروس الي ناسيها راجعي عليها مراجعه سريعه وحلي عليها الحل الفتره دي اهم حاجه هيثبت معاكى المعلومات ويكشفلك نقاط ضعفك

وبما أن السنه الماضيه فتحوا كليات ذكاء في الأزهر ف دي فرصه حلوه انك تدخل المجال الي عايزه بس برضوا محتاجه مجموع كبير يعني محتاج تذاكر اكتر وخلاص السنه بتخلص يعني مفيش وقت للكلام دا

بما اني كنت طالبه تالته ثانوي ازهري السنه الماضيه وكنت بقول نفس الكلام اني مش عايزه طب وانا اصلا بتعلم تصميم ومونتاج ولاقيه نفسي اكتر في الفريلانس والمهارات والتكنولوجيا ف كنت طول الوقت بخدع نفسي بطريقه غير مباشره اني مش عايزه كليه طبيبه أو مش هتفرق يعني لو مدخلتهاش بس في الحقيقه انا كان حلمي طب من وانا طفله اصلا لدرجة اني كنت بتعلم عن الطب من وانا في ثانوي جيت في تالته ومع الضغط بدأت اقنع نفسي اني بحب التصميم وفعلا انا بحب التصميم وتعلمت في تالته ثانوي واخدت كورسات لاكن دا مكنش حل بعد ظهور النتيجه دخلت قانون وعمري ما كنت اتخيل اني ادخله كليه زي دي وحاليا بس استوعبت اللعبه الي عملها عقلي علشان اهرب من الواقع الحمدلله دخلت الكليه وطلعت الترم الاول بامتيازات كمان وحبيت المجال بس لسه عايزه طب وفعلا عايزه طب ومش مستوعبه اني تخليت عن حلمي بالسهوله دي ولما بشوف حد في طب أو صيدله ببقى بنهار داخلياً وبندم اني مطحنتش نفسي في تالته ثانوي حرفيا ولو في فرصه قدامي اني اعيد السنه هعمل كدا بالرغم اني طورت نفسي في التصميم والتصوير وبدأت اتعلم برمجه كمان واخد كورسات إلا أن حلم الطب معرفتش احققه الخلاصه اركن المهارات كلها دلوقتي ركز علي دراستك اهم شي صدقني هتندم لو مجبتش مجموع عالي المهارات هتقدر تتعلمها في اي وقت لاكن تالته ثانوي لا اقعد مع نفسك وشوف عايزه اي هل فعلا مش عايز طب أو كليه عليا زي ما بيقولوا ولا دي مجرد خداعات علشان تهرب أو علي الاقل لازم تطلع من السنه دي بأعلى مجموع يتيح ليك كل الكليات الي عايزها وانت تختار بأهوائك

كون انك بطيئه احسن من انك تقفي خالص شوفي اي الي بيشتتك مثلا خلي التلفون بعيد عنك وحطي تايمر قدامك علشان تبقي شايفه الوقت بيعدي ف تنجزي اكتر المهم انك بتشتغلي وتعملي الي عليكي اقعدي مع نفسك شوفي انتي بتبقي بطيئه ليه يعني بتفقدي تركيزك ولا بتسرحي انت وبتذاكري شوفي المشكله وابدئي بالعلاج وادعي ربنا كتير يباركلك في وقتك

بصي ابدئ حددي التراكمات الي عندك تمام وهاتي شرح علي اليوتيوب احضري الشرح وبعدين ذاكري وحلي عليه يعني مثلا حددي انك بكرا هتخلصي وحده انجليزي هاتي شرح للوحده وافهميه كويس وذكريها وحلي عليها المواد الشرعيه ابدئيها من الاول لو مش مشتركه مع مدرس مثلا لو مشتركه امشي مع المستر الجديد اول باول والقديم حددي ليه وقت تخلصيه فيه وممكن مثلا تاخدي ماده زي التوحيد وتخلصيها في اربع ايام مثلا وهكذا

انا زيك تالته ثانوي أزهري بس انا اول سنه يعني مش قاسمه وحرفيا ضايعه في كل المواد ومواد تاني لسه مفتحتهاش بس عايزه اقولك متستنيش حد ابدئ مع نفسك حددي التراكمات الي عندك وابدئ ذاكري بصي مفيش حل غير انك تذاكري مفيش حل تاني اعتمدي علي نفسك وهاتي اخرك الفتره دي معلش فتره وهتعدي اعملي الي عليكي وادعي كتير وابداء بتنظيم علاقتك مع ربنا ونظمي يومك وذاكري

من وجهة نظري انك تصلي استخاره وتدعي ربنا يهديك الي ما فيه الخير لك دنيا واخره ولو بعد صلاة الاستخاره لقيت اشاره أو في هدايه في قلبك انك تفضل متمسك بالبنت دي ف اعمل كدا وربنا اكيد هيجمعك بيها لو الأمر دا في خير ليك أما لو لقيت العكس ف ابعد عنها وانساها وادعي ربنا يرزقك ب وحده صالحه تقيه واعلم أن بعد ما تستخير ربنا في الأمر اي كان الطريق الي هتاخده ف دا هيكون الاحسن ليك وليها