𝔖𝔥𝔬𝔯𝔬𝔲𝔨 𝔄𝔥𝔪𝔢𝔡..🕸️

هو مبدئيا كده مش هيجي يتقدم وقت لما يقرب الوقت الخطوبه أو الجواز هتلاقيه مش موجود اصلا وهو هيتلكك ب اي حاجه معلش دا انا عندي ظروف معلش دا انا لسه محتاج فلوس معلش انا لسه ماكونتش نفسي ومن ده كتير بقا أصلك مش فاهمه دماغهم وكل الولاد شبه بعض ماتقوليليش دا انا عرفته وانا واثقه فيه مافيش منه الكلام ده كل تفكيره أنه بيسلي وقته ولما يجي وقت الجد كل تفكيره دي كلمتني من ورا اهلها يبقا لما اخطبها ممكن تكلم حد من ورايا حتى لو عارف كده هيختار واحده ما اتكلمش معاها هيختار الي مامته جيبهاله حتى ياستي لو الموضوع كمل وهو فعلا فاتح أهله هل أهله هيوفقوا ؟ بلاش أهله هل أهلك انتي هيوفقوا؟ دا لو جه اصلا ودي حاجه مستبعده ولو اتخطبتوا شك فيكي طول الوقت حرفيا خلينا بقا في غضب ربنا علينا علشان الحرام ده مبدئيا لو ربنا ستر عليكي وحصل نصيب هي سنه بالضبط وكل الحرام ده هيطلع في هيئه خناق ومشاكل لأن العلاقه مبنيه على حرام فربنا هياخد من الحاجات الحلوه علشان الحرام ده وانتي اصلا في ثانويه عامه هتذاكري ولا تكلميه؟ بصي حتى لو مريضه بيه روحي دلوقتي اعملي بلوك وكأن شيئا لم يكن

هو مبدئيا أتمنى يكون اللقاء شرعي واهلك عارفين علشان الحرمانية وكده والموضوع يكمل على الاقل تاني حاجه الي هيحبك هيحبك علشانك انتي علشان جوهرك علشان روحك وشخصيتك مش علشان شكلك الي بيحب بالشكل ده بيكون مجرد إعجاب وبيروح على طول مش بيطول وخلي عندك ثقه بنفسك كده هو كده معظم الجميلات ماعندهمش ثقه في نفسهم 🤦🏻‍♀️

طب ما تهتمي ب نفسك اكتر ولما يشوفك اتغيرتي ممكن يتغير ولو متغيرش دخلي حد كبير علشان كله إلا الكرامه وعزه النفس وهو طول ما هو شايفك ساكته وراضيه ولا حول ليكي ولا قوه هيتمادي في الي هو بيعمله لو لقاكي واخده موقف جامد هو ممكن يتراجع اصلا لأن طول ما هو شيفك خايفه من الطلاق وخايفه أنه يبعد ويسبك فهو كده عارف نقطه ضعفك فهيقول هي هتفضل ساكته فاعمل الي انا عاوزه بقا لما يحس أن الدنيا هتبوظ منه وهيخسرك ممكن يتراجع وربنا يصلح لك حالك يارب

ازاي تعرفي شخصيتك شوفي انتي بترتاحي في ايه ؟ يعني مثلا في الهزار ببقا مبسوطه وفرحانه أو لما يبقا ساكته ومش بهزر وكده ببقا مخنوقه ومش مبسوطه والعكس فا انتي تشوفي انتي بترتاحي في ايه وافضلي عليها وخليكي علي طبيعتك ولو بتحبي الهزار اكتر مافيش مانع لما يبقا في شويه كاريزما في النص شويه وقار

ان شاء الله تلحقي تلمي بس اول حاجه لو تعرفي تقعدي من السناتر خالص ياريت ودا هيخلي عندك وقت ويوفر مجهود اكتر فا انتي استغلي الوقت ده ورتبي حياتك بمعني مثلا انتي عندك خمس مواد شوفي ايه المواد الي بتفهميها ورتبهم علي حسب حبك ليهم يعني مثلا انا بحب الفيزيا فا انا النهارده هدخل الاوضه ويا انا يا الفيزياء النهارده وذكري ب تركيز وحلي كتير جدا جدا اقولك لو مالكيش في المذاكره والحفظ وكده حل اساله محلوله وحيب امتحانات السنين الي فاتت وحليها وربنا يوفقك يارب

ماتسبيش نفسك للخنقه والعزل وكل ما تحسي انك بدأتي تتخنقي قومي اعملي اي حاجه بتحبيها كلمي صحابك ارسمي اي حاجه بتحبها اعمليها شوفي عندك هويات ايه و اعمليها جربي حاجات جديده انزلي اتمشي حتى لو لوحدك اعملي شوبنج كده يعني وربنا يريح قلبك ويطمنك يارب

ممكن مثلا تطلبي من حد من المدرسين بتوعك يعملولك جدول مذاكره كويس ولو مش هتعرفي تطلبي خلي Ai مثلا يعملهولك ذي Chat gpt تاني حاجه و هو الفون والسوائل ميديا حرفيا دول اعدائك اكتر حاجه ممكن تشغلك عن كل حاجه حتي نفسك فا مثلا خصصي وقت في اليوم دا يبقا وقت المذاكره وادي الفون لحد في البيت وانسيه خالص دا هيسك كتير اوووي ومثلا ما تضغطيش علي نفسك في المذاكره مثلا إبداء واحده واحده مثلا النهارده هذاكر ساعه بكره ساعتين بعد تلاته وهكذا وخلي في بريك مابين كل فتره و التانيه علشان ما تمليش بسرعه واكتبي في ورقه خارجيه كده انتي عاوزه تذاكري ايه النهارده ونظمي المواد الي انتي ضعيفه فيها يعني مثلا انا شطره في العربي والرياضيات خلاص اركنهم دول علي جمب دلوقتي وتركز في المواد الي انا ضعيفه فيها وأشوف الدروس الي مقصره معايا وهكذا بقا

انتي عامة لسه صغيره وخليكي ثابته على مبدأك لان دا الصح والحلال وما تخافيش من حاجه في حاجه اسمها فتره خطوبه ودي كافيه انك تعرفي الشخص الي قدامك كويس جدا وهتبقى في العلن وفي الحلال وماننساش أن لا يصيبنا إلا ما كتب الله لنا ونصيبك مكتبلك وإن شاء الله تلاقي ابن الحلال الصالح

اولا انك تشوفي رجال علشان غيظك ده غلط كبير جدا لانه حرام واحنا مش بترد الغلط بغلط لازم تواجهيه وتعريفه انك عارفه وتحذريه وخدي موقف منه ثانيا ثقتك بنفسك دي هتخلي اي حد يحترمك ويخليك ليكي مكانه خاصه لا يا اما يبقا شايفك عادي وسوري يعني يستهزء بيكي لازم يبقا عندك ثقه بنفسك وانتي بتقولي انك بسم الله مشاء الله جميله ايه الي مخليكي مش واثقه ثقتك بنفسك تخلي الي قدامك يحترمك لانه عارف انك قويه حاولي تبيني للقدامك انك واثقه من نفسك وانك مش خايفه وبالنسبه لزوجك حاولي تتفهمي معاه خدي موقف

وعليكم السلام ورحمه الله وبركاته اولا انتي اختارتي غلط واكتشفتي أن الاختيار ده غلط ماينفعش نكمل في هذا الغلط اكيد علشان حد دي حياه ومستقبل الصح انك تسيبي الشخص ده حتي لو اهلك مش موافقين بس لازم تسببه انتي حياتك هاتدمر لو كملتي معاه انتي لازم تاخدي خطوه انك تسببه وبعدين تشوفي اهلك حطيهم قدام الأمر الواقع انك سبتبه خلاص هو هايحصل شويه مشاكل احسن من انك تعيشي في القرف ده مدا حياتك وبنا معاكي يارب

بصي انا حاسه أنه كان عاوز يقول حاجه ولما شاف ردته فعلك عاديه وسوري يعني بارده قال انا بهزر حتي لو كان بيهزر ما فيش مبرر أنه بهزر الهزار التقبل ده كان ممكن بهزر اي هزار تاني اشمعنا ده الي حب بهزر فيه انا من وجهة نظري حاسه أنه عاوز يقول علي حاجه شبه دي ولما لقاكي عادي بنسبالك رجع في كلامه وقال ده هزار علشان ميطلعش نفسه وحش قدامك والله اعلم برده

طب متحولي انتي اتحيلي عليه أنه ياخد يوم اجازه مثلا معرفتيش اخرجي انتي وأولادك اخرجوا خروجه واتبسطوا وشموا هواء واسترخوا واتبسطوا علشان متعملوش مشاكل مع بعض وطبعا لازم تستاذني منه انك تخرجي وانك تتبسطي بما أنه مش فاضي او مثلا في يوم يكون فاضي والوقت مناسب وهو هادي قوليه انكوا عاوزين تخرجوا وغيروا جو أو انتوا تحدود يوم في الاسبوع انكوا تخرجوا وتتبسطوا

هو انتي ليه مختيش موقف من اول مره لو كنتي ختي موقف كانت الأمور هتبقى احسن لان خد فكره أنها عرفت اول مره فتاني مره مش هاتتاثر ورابع وخامس هو محسش إن الي حصل عمل مشكله فبالتالي هايفضل يعمله وبالنسبه لحته انك بتحسين بقهره لانك لسه بتحبيه بس عقلك مش عاوز يفهمك كده بسبب الي انتي شوفتيه منه

طيب الاحساس ده من زمان ولا قريب وانت عندك مشكله صحيه ولا لا مضايق من حاجه معينه ممكن تكون الخاتقه عدم تقرب من ربنا او مثلا الملل والروتين حاول غير من حياتك حاول تغير من العادات غير الروتين عيش بطريقه تانيه !

اول حاجه نظم وقتك اهم حاجه في ثانويه عامه هي الوقت نظم وقتك كوييس جداا واعمل جدول مذاكره واقرب من ربنا علشان يوفقك في دراستك وبلاش تنزل سناتر كتير عمال علي بطال لأنها بتاخد من الوقت حاول تاخد اونلاين علشان تستغل كل وقتك ومتركمش حاجه عليك خالص ذاكر اول ب اول وحاول ظبت المواد الي انت واقع فيها وبتوفيق باذن الله

هو مبدايا اصلا مش مراعي حرمه البيت انتي بتقولي صور الصاله وبص علي مامتك دا واحد تامنيه علي نفسك اصلا ؟ ومفروض يبقا عنده نخوه كده وشهم مش يقولك اشتري الشقه وبعدها يقول هههه دا انا بهزر هو بيهزر علشان انتي تعرضي عليه الفكره بجد يقوم هو قايلك ماشي وانتي برده بتقولي حوار العزومه دي شكله بخيل والله اعلم ممكن أهله يكونوا تعبانين بس ماظنش وحوار النضافه ده برضه دا مفروض اصلا فتره الخطوبه الشخص ليحاول يطلع كل الحلو الي جواه وعاوزه اقولك أن الحب مش كل حاجه

هو ممكن يكون بسبب ذنب مثلا انت عامله فا خايف من الحساب أو ممكن برده بعدك عن ربنا هو انت قرب من ربنا وادعيله ديما بحسن الختام ومحدش بيموت ناقص عمر الي ربنا كتبهولك هتخده وهتنوله لما تقرب من ربما كل التفكير دا هيروح ومش هتبقا خايف اصلا من الموت

هل المجالات دي متعلقه ب بعضها

هو اكيد النجاح مش سهل ولما تحاول وتفشل ما تستسلمش طول ما عندك إرادة وانك فعلا عاوز تغير من نفسك هتلاقي ده وتوكل على الله بس انت بتاخد كورسات ايه 😑

هو مبدئيا جوزك شخص محترم وعنده حق لو حد غيره كان قالك متروحيش عندهم تاني ودا احسن ليه علشان هتفضلي في البيت على الطول لا هو راعي ظروف باباكي وقالك أنه مريض فأنا من وجه نظري أنه شخص سوي نفسيا ومش عاوزك تاخدي ذنوب ومعلش اصبري وربنا هيجزيكي على ده وهيكرمك علشان لما تقفي قدام ربنا تقوليله انك ماقصرتيش صح ولا ايه وما احنا ياما انضربنا 😑💔

بصي متقوليش حاجه فعلا علشان المشاكل حاولي قربي منها روحي كده في وقت تكون هي رايقه قولتلها يا ماما في حاجه مضايقاكي مني قوليلي وانا أغيرها أو مش هعملها تاني سايسيها كده وامشي معاها صدقيني بعد الكلمتين دول هتكلمك ومش بعيد تاخدك في حضنها

انت متعلق بالكليه بس انزل جيم هتلعب رياضه وهيساعدك في التجنيد وتتعرف على ناس جديده يا عم والله انا الي نفسي في خمس شهور اجازه 😔

هو انت بتتعامل ب عاطفيه شويه لدرجه انك بتبقى خايف على مشاعر الشخص الي انت مصاحبه جداا وبتحاسب نفسك على كل كلمه انت بتقولها علشان ماتقولش كلمه تجرحه فا انت بتبقى عاوز من الشخص ده نفس الاهتمام فبتبدأ تلمحله وهو اصلا مش فاهم فهو مش فاهم فا انت بتفكر أنه مش عاوزك تكون صاحبه فتقوم انت باعد عنه وهكذا مع كل الي حواليك فالحل انك ماتفرطش في التعامل مع الي حوليك اتكلم على راحتك مش لازم نفصص الكلام في دماغنا قبل ما نقوله ماتخليش الشخص أو صديقك ده جزء من حياتك هو صديق بس مش حياتك فاهم قصدي ؟ يعني تسألوا على بعض تخرجوا تذاكروا كده يعني وصلح علاقتك بإخواتك واسأل عليهم مره في مره هما هايبدأوا يطمنوا عليك زي ما انت بتعمل

بصي انا معرفش اووي في الكلام ده بس موضوع المهر دا قدم اووي ومحدش بقا بيدفع مهر خالص إلا في محافظات قليله جدا وقد تكون منعدمه وبالنسبه للدهب فهو بصراحه قليل شويه انا خالي من سنتين كان جايب لجوازته التانيه دهب ب 150 الف وبنسبه للمؤخر فا انا لحد هنا واستوب علشان مافتيش 🙂

كليه طب بشري قسم باطنه تحفه وبنسبه لكليه الزراعه فا هي تحفه برده جميله اووي الكليه دي ودا كله علي حسب أولوياتك يعني لو في الطب البشري في كذا قسم انتي بتشوفي الي انتي مرتاحه فيه و عاوزه تكلمي فيه ماسرتك ودا اصلا بيتحدد في السنه السابعه في الكليه سنه الامتياز باذن الله

هو ايه موضوع انك تسلمي علي باباكي ب الايد ده معلش دا باباكي يا حبيتي يا الامان احضنيه وهزري معاه وابني علاقه كويسه وقربي منه وسوري يعني فكك من مامتك خالص الي ماتلقهوش في مامتك خدي الحنيه والدفاع من بابا ولا ايه مش لازم يعني لو بابا بعتلك فلوس تعرفيها ولو عرفت خليها تواجه بابا قوليها بابا الي بعتلي واخرجي من الموضوع خالص

قولي ايه الغلطات الي وقعطي فيها انصحيني 🥺 ها سمعاكي كلي اذان 👂🏻

تشكريني علي ايه هو مش البنات للبنات حطيها في الرغبات وان شاء الله خير كنت عاوزه اعرفك اني لسه داخله تالته ثانوي ادعيلي بقا 🙂

بصي ياستي نفكنا من الزعل ونفرفش كده علشان نشوف مستقبلنا انا عملت سيرش صغير كده عن المعاهد عندك معهد العالي للهندسه والتكنولوجيا دا مجموعه مش عالي اووي يعني باذن الله ممكن تلحقيه انتي ممكن تدوري كويس ولو لقيتي أن محافظتك مجموعها عالي شوفي محافظه تانيه مجموعها قليل شويه وروحيها سنه وانقلي محفظتك السنه الجايه واهو ياستي اهو حاجه هتشيلي فيها مسطره برده ولا ايه 😑💗

انا مش عارفه التنسيق بصراحه بس كليه زراعه تحفه

بصي اكتبي كل الي جواكي انا سمعاكي اهو بس بلاش تقولي لربنا ليه يارب ماينفعش يا حبيتي ربنا عارف وعالم ب الي احنا منعرفوش اصل بصي ثانوي مش نهايه العالم والله صدقيني وانتي لو متعشمتيش في ربنا هتتعشمي في مين ؟ خليكي راضيه ب الي ربنا قسمهولك واحمدي ربنا انك نجحتي في غيرك دور تاني وفي الي هيعيد تاني انتي والله والله في نعمه معلش يعني لو هكون متطفله شويه ممكن تقوليلي جبتي كام وممكن اساعدك ونستشير بعض واعرفك قدراتك ونشوف كليه مناسبه وان شاء الله خير وانا والله متاكده أنه خير

ليه كده بس انتي هاتكفري بالله ماينفعش نقول ليه ماينفعش ياحبيبتي انتي اكيد كان حلمك كليه طبيه وربنا مش عاوز كده ربنا ربنا مش يديكي حاجه اكبر منك او مش هتقدري عليها يعني مثلا الكليه الي انتي عوزاها دي انتي مش قدها مش هتقدري تمشي فيها حتي لو بتحبها وحبها ربنا عارف انك مش هتقدري تكملي فيها هاتقعي في النص ربنا عز وجل بيقول ايه لا يكلف الله نفسا الي وسعها والكليه دي مش في وسعك مش هتقدري عليها لو هي في وسعك لو كنتي هتفيدي بيها الناس لو فيها خير لو في وسعك ودي اهم حاجه كان ربنا كلفهالك هو ياحبيبتي حد باخد حاجه مش في وسعه؟ حد هيقدر يتكلف بحاجه مش هيقدر عليها ؟ عندك مثال لو عندنا عربيه فيها 12 كرسي وال 12 شخص ركبوا خلاص ينفع نركب كمان خمسه سته معاهم ؟ لا طبعا ماينفعش لان العربيه دي وسعها كده ماتقدرش تركب اكتر من كده انتي كده بقا انتي ذاكرتي واجتهدي ودعيتي وصليتي وتصدقتي انتي في مخيلتك أن ربنا ما تقبلش دعائك ؟ لا طبعا تقبل بس شيليك الاحسن والي هتلاقي في نفسك بعد كده والي هتعرفي تثبتي فيه كيانك و اجتهادك والله لما تخشي الكليه الي ربنا كاتبهالك هتقولي الحمدلله اني دخلت الكليه دي انا ازاي ماكنتش عاوزه ادخلها ربنا شايفلك أن دا الخير أن دا الصالح والمفيد ليكي وثانويه عامه مش اخر الدنيا يعني دي مرحله بناخدها في حياتنا وانتي خدتيها و ختي نصيبك فيها خلاص بقا نركز في المستقبل وننسي ثانوي بتعبه وهمه نركز علي الهدف الجاي ونركز علي الكليه الي هاندخلها ونحاول نحقق فيها نجاح كبير واستهدي بالله كده استغفري ربنا عاوزه تموتي علشان حاجه خير ليكي اصلا و ربنا بيقول عسي أن تكرهوا شئ وهو خير لكم وعسي أن تحبوا شئ وهو شرا لكم ركزي في كلام ربنا كويس ربنا يوفقك يارب 💗

كول سنتر طبعا

لا في هتلاقيه في سطر البيك والكومنت والشير بس لازم تخشي على السؤال من جوه مش من بره

مافيش حاجه اسمعها هصور ب الفون 12 ساعه دا انت تجيب كاميرا مراقبه احسن + التصوير لو عاوز تعمل ذي فيديوز تيك توك وانستجرام الي هي هذاكر لحد ما التلج يسيح والكلام الغريب ده فهما بيصوروا كذا فيديو ويعملوا اديت @Po A وعلى رأي الاستاذ ده ما تذاكر لوحدك صحيح 😂

يادي وجع القلب بلاش تعيدي ارضي ب الي ربنا قسمهولك

بصراحه الله يكون في عونك انا برده ثانويه عامه السنادي بس عام نصيحتي ليك انك ترتبهم حسب الأهم ثم المهم وانت نازل كده ورتب مواعيد دروسك بحيث تسيب يوم او اتنين في الاسبوع تاخد معظم اليوم مذاكره وكده و تبدأ مذاكره بعد صلاه الفجر بعد ما تصليها طبعا وقرب من ربنا اكتر لان دا هو التفوق الحقيقي انا مش هقول حاجه اكتر من كده علشان ماهبدش اي كلام ولسه ماخدتش التجربه وبوفيق ليا وليك

ادخلي علي السوال الي انتي عوزاه هيظهرلك تلت نقط تحت كده في اخر السوال اضغطي عليها وحذفي السوال

طمنينا عملتي ايه

بغض النظر هو ندل ولا لا مافيش حاجه اسمها أجبرني علي ده معلش يعني لو انا قاسيه شويه بس ماكنش ينفع الي انتي عملتيه لأن مافيش حد هايعمل حاجه غصب عنه دا مبدايا ثانيا انتي ازاي تسمحي لحد أنه يقرب منك حتي لو خطيبك عارفه مسكت الايد دي الشاب يفضل يفكر فيها ب الساعات ويقول دا خلتني امسك اديها خلاص الي حصل حصل خلينا في سوالك هو لو عارف انك اول مره تعملي كده وهو علي يقين ب ده شيطانه هيفضل يقوله لا دي عملت مع غيرك وغيرك كتير وطالما عملت كده علشان انا ضغطت عليها لو حد ضغط عليها كمان شويه هيعمل الي هو عاوزه ومش بعيد أنه يسوء سمعتك سبتها ليه يعم لا دي فيها وفيها وفيها يابنتي خلي بالك من نفسك البنت مننا مالهاش غير سمعتها وشرفها

خلاص يا حبيبيتي الي حصل حصل كفايه جلد ذات انا حاسه بيكي وقد ايه الشعور ده وحش بس ربنا عمره ماهيضيعلك تعب مش يمكن تجيبي مجموع كويس والله مش بعيده فكرتني مره كنت طالعه من امتحان التاريخ كنت مذاكره بس الامتحان كان صعب موت فا حرفيا هبت الامتحان كله وطالعه قايله اني شايله ملحق وفصلت اسبوعين مهمومه ذيك كده ومش عارفه اعيش ذي البنادمين يوم النتيجه والله نقصت نص درجه بس انتي متخيله سببها علي ربنا وان شاء الله خير

اكيد دا ميسي 😑

بلاش تأجيل لان في ناس اعرفهم اجلوا وندموا جداا فبلاش واجتهدي انتي وبلاش توتر واهدي كده وإن شاء الله خير

طيب ما تكلي الي انتي عوزاه وفي نفس الوقت تنزلي الجيم الي هو تكلي كل حاجه وتنزلي الجيم تحرقي كل الي كلتيه

هو بقي رهبه وخوف من الموقف بس فا ممكن تركبي في موصله مافيهاش شباب واركبي برده في الكنبه الاخيره الي هو مايبقاش فيه داعي للخوف خالص

كلمي شرطه الانترنت واوعك تقابليه وبلاش تبيني انك خايفه منه لأن كل ما يتأكد انك خايفه اكتر هيتمادى في ده ولازم تعرفي كلماتك أو باباكي

حاسبات ومعلومات دلوقتي علي ما اظن هي أحسن حاجه والهندسه تحفه برده ولو كانت هندسه معماريه أو بترول

ليه دا كله ؟ انتي في غفله حرفيا يلبسك دبله ويقعد جنبك ويغمزلك !؟؟؟؟؟؟ انتي مستوعبه الي انتي بتقوليه؟

طول ما هو شيفك ضعيفه هيستغل كده

الم في اللثه دا بقا اكيد حساسيه والله اعلم فا اعرض نفسك علي دكتور او روح الصيدليه

والله انتي الي عسل اهم حاجه مذاكره وصلي صلي ومذاكر ربنا يصلح حالك ويهديكي يارب 💗😊

مستعجله علي ايه بس الجواز جاي جاي اهم حاجه ركزي في مستقبلك علشان يجيلك عريس كويس وربنا يصلحك حالك بلا جواز بلا كفته 😂💗

اعملي بلوك ومتروحيش الصيدليه تاني ومتديش الموضوع أهميه ولو عمل حاجه تانيه قولي لمامتك أو باباكي والافضل يكون عند مامتك معرفه ب الي حصل علشان لو حصل حاجه تاني وربنا يحفظك يا جميل 💗

هو بصراحه ممكن يكون فعلا علشان موضوع الطول ده لان في بنات كتير عندها عقده من حوار أن يبقا العريس اقصر منها + مش لازم يكونوا بيتنمروا عليك هما ممكن يكونوا عملين عليها حفله الي هو فلان اهو ويفضلوا يقلشوا علي صحبتهم ويرخموا عليها مش شرط خالص يكون بيتنمروا عليك طب ما انت قدامهم من زمان جاين يتنمروا دلوقتي ؟؟ ذي ما قولتلك هما بيحفلوا وعليها بس وكبر دماغك منهم انت ذي الفل هما الي عندهم نقص

طبيعي بحصلي كده وانا يعتبر نفس سنك اهم حاجه اشغلي نفسك عن التفكير السلبي كده قومي من مكانك واتحركي اعمل حاجه بتحبيها أو قومي اعمل رياضه

طب ازاي بتحس ب الم المفروض منتحسش علشان الدكتور المفروض يكون شال عصب الضرس كله

صلي وقربي من ربنا لان الصلاه تنهي عن الفحشاء والمنكر

التطبيق مجاني وينفع للمبتدئين في اللغه وكويس انا مجرباه وبتعلم منه الألماني والايطالي

طيب ليه ما جربتش تتكلم انت لوحدك مع عمتك وتحاول تعرف هي بتسمع ايه بضبط وبتحسب ايه ب الظبط ومن كلمها هتعرف هي فعلا صح ولا سوري يعني تعبانه

الي هقوله مجرد عرض مش اكتر مثلا ممكن تواجهين مامتك وتعرفيها انك عرفتي كل حاجه مثلا !!

كتاب الامتحان تحفه

هو كان الأفضل لو مش متأسسه كنتي تبدئي بدري عن كده وتاخدي كورسات افتحي فيديوز تأسيس من النت

خلي عندك معارف كتير وخلاص مش لازم يبقوا صحاب مقربين عادي وكلما انتي بتحبي الوحده عادي خلي عندك معارف

صلي قيام ليل وادعي كتير وان شاء الله تتقبلي

الشكر لله 💗