𝔖𝔥𝔬𝔯𝔬𝔲𝔨 𝔄𝔥𝔪𝔢𝔡..🕸️

طب ما تهتمي ب نفسك اكتر ولما يشوفك اتغيرتي ممكن يتغير ولو متغيرش دخلي حد كبير علشان كله إلا الكرامه وعزه النفس وهو طول ما هو شايفك ساكته وراضيه ولا حول ليكي ولا قوه هيتمادي في الي هو بيعمله لو لقاكي واخده موقف جامد هو ممكن يتراجع اصلا لأن طول ما هو شيفك خايفه من الطلاق وخايفه أنه يبعد ويسبك فهو كده عارف نقطه ضعفك فهيقول هي هتفضل ساكته فاعمل الي انا عاوزه بقا لما يحس أن الدنيا هتبوظ منه وهيخسرك ممكن يتراجع وربنا يصلح لك حالك يارب

ازاي تعرفي شخصيتك شوفي انتي بترتاحي في ايه ؟ يعني مثلا في الهزار ببقا مبسوطه وفرحانه أو لما يبقا ساكته ومش بهزر وكده ببقا مخنوقه ومش مبسوطه والعكس فا انتي تشوفي انتي بترتاحي في ايه وافضلي عليها وخليكي علي طبيعتك ولو بتحبي الهزار اكتر مافيش مانع لما يبقا في شويه كاريزما في النص شويه وقار

ان شاء الله تلحقي تلمي بس اول حاجه لو تعرفي تقعدي من السناتر خالص ياريت ودا هيخلي عندك وقت ويوفر مجهود اكتر فا انتي استغلي الوقت ده ورتبي حياتك بمعني مثلا انتي عندك خمس مواد شوفي ايه المواد الي بتفهميها ورتبهم علي حسب حبك ليهم يعني مثلا انا بحب الفيزيا فا انا النهارده هدخل الاوضه ويا انا يا الفيزياء النهارده وذكري ب تركيز وحلي كتير جدا جدا اقولك لو مالكيش في المذاكره والحفظ وكده حل اساله محلوله وحيب امتحانات السنين الي فاتت وحليها وربنا يوفقك يارب

ماتسبيش نفسك للخنقه والعزل وكل ما تحسي انك بدأتي تتخنقي قومي اعملي اي حاجه بتحبيها كلمي صحابك ارسمي اي حاجه بتحبها اعمليها شوفي عندك هويات ايه و اعمليها جربي حاجات جديده انزلي اتمشي حتى لو لوحدك اعملي شوبنج كده يعني وربنا يريح قلبك ويطمنك يارب

ممكن مثلا تطلبي من حد من المدرسين بتوعك يعملولك جدول مذاكره كويس ولو مش هتعرفي تطلبي خلي Ai مثلا يعملهولك ذي Chat gpt تاني حاجه و هو الفون والسوائل ميديا حرفيا دول اعدائك اكتر حاجه ممكن تشغلك عن كل حاجه حتي نفسك فا مثلا خصصي وقت في اليوم دا يبقا وقت المذاكره وادي الفون لحد في البيت وانسيه خالص دا هيسك كتير اوووي ومثلا ما تضغطيش علي نفسك في المذاكره مثلا إبداء واحده واحده مثلا النهارده هذاكر ساعه بكره ساعتين بعد تلاته وهكذا وخلي في بريك مابين كل فتره و التانيه علشان ما تمليش بسرعه واكتبي في ورقه خارجيه كده انتي عاوزه تذاكري ايه النهارده ونظمي المواد الي انتي ضعيفه فيها يعني مثلا انا شطره في العربي والرياضيات خلاص اركنهم دول علي جمب دلوقتي وتركز في المواد الي انا ضعيفه فيها وأشوف الدروس الي مقصره معايا وهكذا بقا

انتي عامة لسه صغيره وخليكي ثابته على مبدأك لان دا الصح والحلال وما تخافيش من حاجه في حاجه اسمها فتره خطوبه ودي كافيه انك تعرفي الشخص الي قدامك كويس جدا وهتبقى في العلن وفي الحلال وماننساش أن لا يصيبنا إلا ما كتب الله لنا ونصيبك مكتبلك وإن شاء الله تلاقي ابن الحلال الصالح

اولا انك تشوفي رجال علشان غيظك ده غلط كبير جدا لانه حرام واحنا مش بترد الغلط بغلط لازم تواجهيه وتعريفه انك عارفه وتحذريه وخدي موقف منه ثانيا ثقتك بنفسك دي هتخلي اي حد يحترمك ويخليك ليكي مكانه خاصه لا يا اما يبقا شايفك عادي وسوري يعني يستهزء بيكي لازم يبقا عندك ثقه بنفسك وانتي بتقولي انك بسم الله مشاء الله جميله ايه الي مخليكي مش واثقه ثقتك بنفسك تخلي الي قدامك يحترمك لانه عارف انك قويه حاولي تبيني للقدامك انك واثقه من نفسك وانك مش خايفه وبالنسبه لزوجك حاولي تتفهمي معاه خدي موقف

وعليكم السلام ورحمه الله وبركاته اولا انتي اختارتي غلط واكتشفتي أن الاختيار ده غلط ماينفعش نكمل في هذا الغلط اكيد علشان حد دي حياه ومستقبل الصح انك تسيبي الشخص ده حتي لو اهلك مش موافقين بس لازم تسببه انتي حياتك هاتدمر لو كملتي معاه انتي لازم تاخدي خطوه انك تسببه وبعدين تشوفي اهلك حطيهم قدام الأمر الواقع انك سبتبه خلاص هو هايحصل شويه مشاكل احسن من انك تعيشي في القرف ده مدا حياتك وبنا معاكي يارب

بصي انا حاسه أنه كان عاوز يقول حاجه ولما شاف ردته فعلك عاديه وسوري يعني بارده قال انا بهزر حتي لو كان بيهزر ما فيش مبرر أنه بهزر الهزار التقبل ده كان ممكن بهزر اي هزار تاني اشمعنا ده الي حب بهزر فيه انا من وجهة نظري حاسه أنه عاوز يقول علي حاجه شبه دي ولما لقاكي عادي بنسبالك رجع في كلامه وقال ده هزار علشان ميطلعش نفسه وحش قدامك والله اعلم برده

طب متحولي انتي اتحيلي عليه أنه ياخد يوم اجازه مثلا معرفتيش اخرجي انتي وأولادك اخرجوا خروجه واتبسطوا وشموا هواء واسترخوا واتبسطوا علشان متعملوش مشاكل مع بعض وطبعا لازم تستاذني منه انك تخرجي وانك تتبسطي بما أنه مش فاضي او مثلا في يوم يكون فاضي والوقت مناسب وهو هادي قوليه انكوا عاوزين تخرجوا وغيروا جو أو انتوا تحدود يوم في الاسبوع انكوا تخرجوا وتتبسطوا

هو انتي ليه مختيش موقف من اول مره لو كنتي ختي موقف كانت الأمور هتبقى احسن لان خد فكره أنها عرفت اول مره فتاني مره مش هاتتاثر ورابع وخامس هو محسش إن الي حصل عمل مشكله فبالتالي هايفضل يعمله وبالنسبه لحته انك بتحسين بقهره لانك لسه بتحبيه بس عقلك مش عاوز يفهمك كده بسبب الي انتي شوفتيه منه

طيب الاحساس ده من زمان ولا قريب وانت عندك مشكله صحيه ولا لا مضايق من حاجه معينه ممكن تكون الخاتقه عدم تقرب من ربنا او مثلا الملل والروتين حاول غير من حياتك حاول تغير من العادات غير الروتين عيش بطريقه تانيه !

اول حاجه نظم وقتك اهم حاجه في ثانويه عامه هي الوقت نظم وقتك كوييس جداا واعمل جدول مذاكره واقرب من ربنا علشان يوفقك في دراستك وبلاش تنزل سناتر كتير عمال علي بطال لأنها بتاخد من الوقت حاول تاخد اونلاين علشان تستغل كل وقتك ومتركمش حاجه عليك خالص ذاكر اول ب اول وحاول ظبت المواد الي انت واقع فيها وبتوفيق باذن الله

بلاش تأجيل لان في ناس اعرفهم اجلوا وندموا جداا فبلاش واجتهدي انتي وبلاش توتر واهدي كده وإن شاء الله خير

طيب ما تكلي الي انتي عوزاه وفي نفس الوقت تنزلي الجيم الي هو تكلي كل حاجه وتنزلي الجيم تحرقي كل الي كلتيه

هو بقي رهبه وخوف من الموقف بس فا ممكن تركبي في موصله مافيهاش شباب واركبي برده في الكنبه الاخيره الي هو مايبقاش فيه داعي للخوف خالص

كلمي شرطه الانترنت واوعك تقابليه وبلاش تبيني انك خايفه منه لأن كل ما يتأكد انك خايفه اكتر هيتمادى في ده ولازم تعرفي كلماتك أو باباكي

حاسبات ومعلومات دلوقتي علي ما اظن هي أحسن حاجه والهندسه تحفه برده ولو كانت هندسه معماريه أو بترول

ليه دا كله ؟ انتي في غفله حرفيا يلبسك دبله ويقعد جنبك ويغمزلك !؟؟؟؟؟؟ انتي مستوعبه الي انتي بتقوليه؟

طول ما هو شيفك ضعيفه هيستغل كده

الم في اللثه دا بقا اكيد حساسيه والله اعلم فا اعرض نفسك علي دكتور او روح الصيدليه

والله انتي الي عسل اهم حاجه مذاكره وصلي صلي ومذاكر ربنا يصلح حالك ويهديكي يارب 💗😊

مستعجله علي ايه بس الجواز جاي جاي اهم حاجه ركزي في مستقبلك علشان يجيلك عريس كويس وربنا يصلحك حالك بلا جواز بلا كفته 😂💗

اعملي بلوك ومتروحيش الصيدليه تاني ومتديش الموضوع أهميه ولو عمل حاجه تانيه قولي لمامتك أو باباكي والافضل يكون عند مامتك معرفه ب الي حصل علشان لو حصل حاجه تاني وربنا يحفظك يا جميل 💗

هو بصراحه ممكن يكون فعلا علشان موضوع الطول ده لان في بنات كتير عندها عقده من حوار أن يبقا العريس اقصر منها + مش لازم يكونوا بيتنمروا عليك هما ممكن يكونوا عملين عليها حفله الي هو فلان اهو ويفضلوا يقلشوا علي صحبتهم ويرخموا عليها مش شرط خالص يكون بيتنمروا عليك طب ما انت قدامهم من زمان جاين يتنمروا دلوقتي ؟؟ ذي ما قولتلك هما بيحفلوا وعليها بس وكبر دماغك منهم انت ذي الفل هما الي عندهم نقص

طبيعي بحصلي كده وانا يعتبر نفس سنك اهم حاجه اشغلي نفسك عن التفكير السلبي كده قومي من مكانك واتحركي اعمل حاجه بتحبيها أو قومي اعمل رياضه

طب ازاي بتحس ب الم المفروض منتحسش علشان الدكتور المفروض يكون شال عصب الضرس كله

صلي وقربي من ربنا لان الصلاه تنهي عن الفحشاء والمنكر

التطبيق مجاني وينفع للمبتدئين في اللغه وكويس انا مجرباه وبتعلم منه الألماني والايطالي

طيب ليه ما جربتش تتكلم انت لوحدك مع عمتك وتحاول تعرف هي بتسمع ايه بضبط وبتحسب ايه ب الظبط ومن كلمها هتعرف هي فعلا صح ولا سوري يعني تعبانه

الي هقوله مجرد عرض مش اكتر مثلا ممكن تواجهين مامتك وتعرفيها انك عرفتي كل حاجه مثلا !!

كتاب الامتحان تحفه

هو كان الأفضل لو مش متأسسه كنتي تبدئي بدري عن كده وتاخدي كورسات افتحي فيديوز تأسيس من النت

خلي عندك معارف كتير وخلاص مش لازم يبقوا صحاب مقربين عادي وكلما انتي بتحبي الوحده عادي خلي عندك معارف

صلي قيام ليل وادعي كتير وان شاء الله تتقبلي

الشكر لله 💗

اسمعي فيديوز يوتيوب وربنا معاكي يارب

طيب طلما هو لحم رخيص بستفرج ليه لا اله الا الله بنسبه لشخصيتك الضعيفه بصي مثلا لما يبقا في موقف بيضحك متضحكيش اووي يعني اضحكي بطريقه عاديه دا مثال ومثلا لما تطلبي حاجه وهو معملهاش متسكتيش لأن دا دليل أن شخصيتك ضعيفه ولما تزعلي متتصلحيش بسرعه علشان يعرف أنه مايعملش ده تاتي وانك مش ضعيفه وبنسبه لما بيعمل أن الحاجه سعرها خالي اكسفيه قوليه مش بطاله عادي جداا سعرها مبالغ فيه مش تفرحي وتطنططي وربنا يعينك عليه صرحا

لا تانيه بس بجهز من دلوقتي😊😂

اصل مش هتتقولي يا صحاب هتلاقي صحاب وهاضيقي نفسك علي الفاضي ونفسيتك هاتتدمر

انا تقريبا شبهك كده ماعنديش صحاب بس عندي معارف كنت في الاول مضيفه وحاسه اني لوحدي بس تاقلمت وبدأت ابسط نفسي بنفسي يعني بمعني احصح خلاص مش محتاجه صحاب حولي مضيقيش نفسك الصحاب هاتجي مع الوقت السطي نفسك بنفس خلي مامتك هي صحبتك والبيست بتاعتك خلي اختك صحبتك قربي من أهلك وانتي مش هاتحسي ب الوحده خالص

اخترت رياضه😂💗

اها طيب انت لسه صغير استنا تخلص دراستك وتشتغل ويبقا معاك قرش فايدك وساعتها هاتقدر تخطب وتلقي بنت الحلال

طيب اهلك مثلا ممكن يساعدوك مثلا مامتك تدورلك او اختك مثلا دور في كليتك اسال الناس الي حواليك

طيب مدور في بنات كتير بتدرس وممكن تستناك

يعني انت دلوقتي عاوز تخطب ولا ايه مش فاهمه يعني بدور علي واحده تستناك؟؟؟

خلاص خشي علمي لأنها شامله كليات كتير وعلي ما تخلصي تانيه تكوني شوفتي ميولك لكليه ايه وتحديدي بقا عاوزه رياضه ولا علوم

ايوه في في الازهر كليه مستقله للذكاء الاصطناعي

اتعلم مثلا البرمجه تحفه

انا بحب الرياضيات جدا بس بعد ما دخلت ثانوي وكده رحت عند مدرس كرهني في الماده بس بحاول ارجع لمستوايا تاني

العبي رياضه تتعلمي مثلا الرقص الزومبا روحي الجيم دا بيفرق في النفسيه جدا روح مكان طبيعي استرخي دا هايفرق جامد جدااا وإن شاء الله تتحسني

انا عاوزه هندسه بس خايفه ادخل واندم

طب متجرب تغير اسلوب حياتك انزل الجيم اتعلم حاجه جديده سافر مثلا جوا مصر

هو دا اكتئاب اكيد هو انت قاعد في البيت علي طول؟

طيب هو الاحساس ده من لا شي؟!

بصي هو العامل النفسي مهم في كل حاجه الدراسه الشغل كل حاجه حرفيا فا حولي تحسين النفسيه وانتي هتلاقي كل حاجه كويسه

ساعات بحس كده بس بعرف ابسط نفسي من امتا الموضوع ده

ولا وحش ولا حاجه حولي بس متخديش كل حاجه علي اعصابك

انا برده دخله تانيه ثانوي بس انا هادخل علمي لاني عاوزه كليه معينه انتي شوفي ميولك لكليه ايه وباذن الله تخشي الحاجه الي هاتستريحي عليها

ممكن نبداء بتطبيق دولينجوا تحفه انا جربته في كذا لغه

خلاص اي ترعه😂😂😂 سوري بهزر😂😂🙂

بصي انا كده برده بعمل ايه يستغفر الاول وبعد كده بعمل حاجه هبله اووي اني بعد 1 2 3 4 لحد ما اهدي 😂💗🧸

سوري فكرتك بنت 🙂 طب مجرب تسافر !؟ اعمل بزنس خاص بيك روح الجيم دا هايفرق معاك كتير اوووي ممكن مشكله الاصدقاء دي عدم ثقه وخوف من المجتمع