مريت بظروف ومشاكل كتير وانا صغير في السن يعني 17 سنه دلوقت بثق في الناس بسرعه بس بعدين بندم انا مش بدخل اي حد فحياتي معنديش اصحاب كتير وحتا اخواتي يعني مش بكلمهم كتير مش بقعد مع الناس وضحك وهزر عادي وليا معارف كتير بس صعب ادخل حد حياتي واعتبره صاحبي كل مدخل حد فحياتي واثق فيه والمشكله اني بعتبره كل حاجه فالاخر بكتشف ياما هو بدأ يقصر معاي ياما مش بيعتبرني زي منا معتبره يعني فبدايق وبسكت ممكن المح للشخص يعني انه بيقصر معاي بس لو حسيت ان في تقصير بجد ببعد يعني او بقلل اهتمامي بالشخص ده لحد منبعد تماما مش عارف المشكله فين ساعات بجيلي وقت مش عاوز اكلم حد نهائي واقطع علاقتي بالناس كلها يعني القريبين عشان محدش مهتم بيا زي منا مهتم بيه ومحدش بيسأل
السلام عليكم، حاول تتعلم تكون وسطي في كل علاقاتك، متتعلقش بحد زيادة ولا تخلي شخص هو كل حياتك فلما تخسره تخسر ثقتك بالكل أو تحس حياتك واقفة بخسارته، ولا تبدأ صداقة بتوقعات عالية وتفهم إن الناس شخصياتهم مختلفة وطبيعتهم الاجتماعية مختلفة. أنت طبيعتك معطاءة واجتماعية بزيادة وبتحب تهتم جدا بالشخص اللي معك وغيرك طبيعته متلقية أكتر أو انطوائي أو مش عنده ذكاء اجتماعي أو عنده أولويات تانية. أنت بتنتظر منهم يعاملوك بنفس طريقتك وهم مش نسخة منك فبتحس بخذلان لما مش بتلاقي منهم نفس التعامل ومش كل الناس بتفهم التلميحات، لو حاجة ضايقتك خليك صريح مع اللي قدامك. حاجة كمان بتحصل، التعلق الزيادة بالناس وطلب اهتمامهم والخوف من خسارتهم ممكن بيسبب نفورهم وابتعادهم لا شعوريًا، على عكس إنك تركز على نفسك وتنشغل بحياتك مع جعل التعامل بتوازن دون إفراط أو تفريط، بيخلي الناس تقرب من دون أنت ما تبذل جهد في إرضائهم أو البحث عن اهتمامهم. بدل ما تقطع علاقاتك بالناس كلها، اتعلم التوازن في العلاقات. ممكن تشوف بودكاست عن العلاقات الناجحة وتدرب نفسك وإن شاء الله مشكلتك تتحل عن قريب. https://youtu.be/pJ0auP7dbcY?si=h9c5nBGvKR17LloS بالتوفيق.
تم النشر الاثنين، ٣ أغسطس ٢٠٢٦
لما تكون حابب تكون صداقات مع الناس، افتكر إن الشخص اللي يناسبك غالبا بيكون هو كمان حابب يتقرب منك عشان عندكم نفس الاهتمامات فلما تلاقي شخص حابب تصاحبه اتفاعل معاه بإنك تبدأ بحاجات بسيطة زي السلام بابتسامة لما تشوفه بالصدفة، أو فتح كلام بسيط، او بلي انتي شايفه مناسب التفاعل اتفاعل معاه ولازم تتفاعل حتى لو كنت متوتر او قلقان شوية كلنا كدا برضوا بس قول لنفسك موضوع سخيف بس لازم اعمل كدا عشان مفيش غير الطريق ده ولو هو مهتم فعلا هتلاقيه بيبادلك نفس الشعور والاهتمام ونقطة مهمة: ساعات الشخص اللي قدامك بيكون خايف أو متردد أو قلقان إنك متتقبلوش، زي ما انت بتكون حاسس، فبادر أنت عشان تعرفه انك فاتح الباب، ممكن يكون مستني خطوة منك وفي نفس الوقت، لازم تقبل حدود الناس زي ما الناس لازم تحترم حدودك: فيه ناس بتفضل إن العلاقة تفضل في نطاق الدراسة أو الشغل بس، بنضحك ونتكلم جوا النطاق ده، بس مش حابين يكبروا الدائرة، وده عادي جدا ومش عيب، ولا معناه إنك مرفوض أو إن فيه حد فيكم غلط وفيه ناس تانية بتفضل العلاقات تكون سطحية لكن فيها احترام متقابل، وده طبيعي جدا وحقهم
تم النشر الثلاثاء، ٤ أغسطس ٢٠٢٦
أنا فاهمة إن اللي بتمر بيه صعب جدًا، خاصة في سن 17 سنة، وإن الظروف اللي مريت بيها وأنت صغير خلّتك تحس إن الناس مش بتقدرك بنفس القدر اللي بتقدمه. ده شعور طبيعي لما الثقة بتتكسر مرات كتير، وإنك بتثق بسرعة وبعدين تندم ده بيخلّي الواحد يحس بالوحدة حتى لو محاط بمعارف كتير. خلينا نفكر مع بعض في الجانب العملي: أول حاجة، حاول تاخد وقت أطول في تقييم الناس قبل ما تدخلهم حياتك بعمق. يعني راقب تصرفاتهم على مدى شهور مش أسابيع، وشوف إذا كانوا بيبادلوك الاهتمام فعلاً ولا لأ، ده هيحميك من الندم السريع. ثانيًا، ركز على بناء علاقات متوازنة مش مبنية على إنك تعتبر الشخص "كل حاجة" من أول يوم. ابدأ بصداقات خفيفة ومتدرجة، وخلّي اهتمامك يتناسب مع اهتمامهم، عشان ما تحسش بالتقصير ده كل مرة. ولو لقيت نفسك بتقطع علاقات كتير، جرب تسأل نفسك: هل أنا باختار ناس مش مناسبين لي، ولا التوقعات عالية جدًا؟ ده مش عيب، ده درس بيتعلم. من منظور إسلامي، الثقة الحقيقية في الله أولاً، والبشر بيبقوا وسائل، فحاول تشتغل على نفسك وتطور مهاراتك وهواياتك عشان تلاقي ناس تشبهك طبيعي، وده هيقلل الشعور بالإحباط. أخيرًا، مش لازم يكون عندك أصحاب كتير عشان تحس بالقيمة، الجودة أهم من الكمية، وأنت لسه صغير ولديك فرص كتير تبني علاقات صحية. جرب تبحث عن أسئلة مشابهة على فدني عشان تشوف تجارب ناس تانية وتاخد أفكار إضافية. أنت مش لوحدك في الشعور ده، وبتقدر تتغلب عليه بخطوات صغيرة كل يوم.
تم النشر الأحد، ٢ أغسطس ٢٠٢٦
هو انت بتتعامل ب عاطفيه شويه لدرجه انك بتبقى خايف على مشاعر الشخص الي انت مصاحبه جداا وبتحاسب نفسك على كل كلمه انت بتقولها علشان ماتقولش كلمه تجرحه فا انت بتبقى عاوز من الشخص ده نفس الاهتمام فبتبدأ تلمحله وهو اصلا مش فاهم فهو مش فاهم فا انت بتفكر أنه مش عاوزك تكون صاحبه فتقوم انت باعد عنه وهكذا مع كل الي حواليك فالحل انك ماتفرطش في التعامل مع الي حوليك اتكلم على راحتك مش لازم نفصص الكلام في دماغنا قبل ما نقوله ماتخليش الشخص أو صديقك ده جزء من حياتك هو صديق بس مش حياتك فاهم قصدي ؟ يعني تسألوا على بعض تخرجوا تذاكروا كده يعني وصلح علاقتك بإخواتك واسأل عليهم مره في مره هما هايبدأوا يطمنوا عليك زي ما انت بتعمل
تم النشر الاثنين، ٣ أغسطس ٢٠٢٦
انا زي كده برضو بس اتعلم ان يبقا شخص ده مش جزء من حياتك متخليش شخص واحد تبقا دنيا متعلقه بيه لا خلي يبقا زي زي غيرو صاحب اكتر من حد عشان لما حد يمشي وقتها هيبقا في بديل في ناس بتحبهم برضو بمعنى متتعلقيش
تم النشر الأحد، ٢ أغسطس ٢٠٢٦
خليك وسط ف كل شئ سواء تعامل او ثقه او حب او غيره .. خلى الامور تاخد وقتها وانت مع الوقت هتقدر توازن وتفهم وتدى كل واحد هلى اد قدره
تم النشر الأحد، ٢ أغسطس ٢٠٢٦
لعرض السؤال في فدني اضغط هنا