رجيات الجنان

اعلان عن تطبيق اخر بيحمل نفس الهدف ولااني بحب جدا اي شيء ليه علاقه بعلم النفس والتنميه البشريه ببحث لقيت فيدني علي المتجر نزلته وبصراحه عجبني جدا وبحاول اكون عضو متفاعل وافيد غيري بااي نصيحه او وجهه نظر وكمان بقرأ حلول لمشاكل الأعضاء من المدربين وحضرتك بستفيد بوجهات النظر المختلفه اللهم استعملنا ولاتستبدلنا

صعب تلاقي الناس علي نفس الوتيره ابدا وبدل قررتي انك تعطي اتوقعي ان مش لازم تلاقي اللي يرد العطاء والجميل مع ان ده كان العادي اننا نقول ماجميل الا الأجمال منه لكن مع الاسف الناس حاليا الأمن رحم ربي صور للخذلان والنكران وعلشان تبقي مش مستنيه رد اعملي لوجه الله لااما لاتعملي المعروف في غير اهله وتوقفي عن العطاء اللي لاتجني منه سوا الخذلان

اول مااولادك يجيبوا سن حضانه لازم توديهم حضانه وتنزلي تدوري علي شغل وتشتغلي وتصنعي لنفسك كيان بالتدريج لان مش هتحسي انك مستقله الا وانتي مستقله اول شيء ماديا ومعاكي فلوس تقدري تجيبي احتياجاتك انتي واولادك وان شاء الله مع الوقت كل شيء هيتصلح وادعي كتير لربنا انه يعينك ولايعن عليكي ولايحوجك لحد انتي واولادك الله يعينك حمل مش سهل بالمره بس انتي باامر الله وحوله وقوته ادها افتكري ان الله بيعطي اقوي معاركه لااقوي جنوده

هون علي نفسك وصلي وقرب لربنا سيدنا محمد عليه افضل الصلاة والسلام كان يتما ولكن كان خير البشر ومعلم الامه اصنع لنفسك البيئه الايجابيه ودور علي فرحتك وسعادتك وانتزعها بنفسك من الحياه محدش بختار اهله لكن كلنا بنعرف نختار طريقنا وبالذات لو عندنا يقين بالله ونفسنا سمع دايما لنفسك اكون اولااكون واختار انك تكون والحمد لله انك ولد يعني ممكن تشتغل جنب دراستك وتعمل الحاجات الصح طبعا اللي نفسك فيها وبلاش تبكي من سعاده غيرك بل افرح لفرح الناس وادعي ربنا لنفسك يرزقك الرضا وافتكر انك اكيد احسن من ناس كتيروابسط مثال ابناء فلسطين واي حد غيرك بلاام ولااب ولامأوي

التنافس شيء جميل وإيجابي وبيخلق روح من الحماس والسعي علي الهدف ولكن لازم توظفه صح وتدرب نفسك عليه انك تكون هادي واثق من نفسك ومن اجاباتك بدون تسرع او تردد مش شرط انك تسبق الأهم انك تسلم إجابات صح ومع الوقت مره هتبقي الرابع وبعدها الثالث والي ان تصل للااول هتبقي دربت نفسك علي الثبات الانفعالي وضبط النفس وبالنسبه للكلام الكتير اتكلم بس كلام منضبط موزون في موضعه مش مجرد كلام بدون معني واظن انك بدل الكلام الكتير ممكن تكتب أفكارك وتكتب قصص قصيره وظف مواهبك صح وان شاء الله تبقي افضل نسخه جيده منك

الأصل في لاتجسسوا لما ربنا أمرنا بيها في القراءن كان لنفس ذات السبب اللي حصل معاكي ده انك بتفتيشك لهاتف والدك وتتبع تعليقاته وهاتفه الشخصي وصلتي لكل أسراره واللي فيها طبعا جانب اذاكي احنا بشر مش ملايكه وأفعاله بالرغم انها غلط جدااا جداااا لكن هيكون وراها أسباب لايعلمها الا الله نصيحتي ليكي تناسي تماما مارايتي وادعيله بالهدايه واغلبنا فينا الخير والشر ومحدش معصوم من الخطأ والشيطان شاطر وفي نفوس قويه بتقدر تغلب هوا النفس والشيطان وفي نفوس ضعيفه بيغلبها هوا النفس والشيطان شغلي خطب علي فونك عن المعاصي وخطورتها وسوء الخاتمه وعقوبه تارك الصلاه بصوت عالي ودايما صلي قدامه وقوليله يابابا صلي انا بحبك وعايزه ربنا يرزقك الجنه مش عيب انك تقربيه لربنا وتذكريه والمهم انك تكوني عاقله وان شاء الله ربنا يهديه ويهدي كل عاصي

اول مابنعترف بمشكلتنا بنكون بدأنا الطريق لحلها مفيش وحش ولاشيء ده الكسل والتسويف خطيرين جدااا ولازم تهزميهم بالتنفيذ السريع للاشياء اللي عقدتي النيه في تنفيذهم بالاستعناه والتوكل علي الله وكما الحكمه الشهيره لاتؤجل عمل اليوم الي الغد جددي نيتك دايما وشجعي نفسك بالاستمرار والإنجاز وان شاء الله تحققي كل أهدافك وتنجح بفضل سعيك وتوكلك علي الله

الصاحب ساحب غير اصحابك واستعين بالاصدقاء الصالحين دايما الصحبه الصالحه بتغير كتير وتفرق في الإنسان ولازم تكون كويس لنفسك احنا كلنا هنيجي امام الله فردا محدش هينفعنا يوم القيامه الا أعمالنا وخير الخطائين التوابون صلي فروضك بالمسجد وحسن خلقك وكن صادق مع الله هيصدقك وملكش دعوه بكلام اي حد اعتبره تراب واعبر من فوقه لطريق الصلاح ويارب يرزقك التقي والهدايه والقرب من الله

حبيبتي الف مبروك حمد الله على السلامة طبعا حضرتك الوقت في فتره تسمي بفتره النفاس لازم تهتمي كويس بصحتك وعذائك لانزي ماذكرتي انك بترضعي جديد والطفل في الفتره دي علشان ياخد لبن غني محتاج غذاء منك سليم ومتكامل وزنك بالنسبه لطولك كويس وشهيتك المفتوحه لان الرضاعه بتاخد من استهلاكك للسعرات كتير اعطي لمولودك فرصته في النموالسليم وان شاء الله الرضاعه هتخلي وزنك ميزدش ومن هنا لغايه 40يوم يكون الرحم رجع لوضعه الطبيعي هتلاقي جسم بينزل تدريجيا ويرجع شكله افضل ان شاء الله

لازم دكتور باطني اوجهاز هضمي بس هو غالبا بيكون سبب الغازات انتفاخ القولون من بعض الأكلات علي سبيل الذكر لا الحصر البقوليات بأنواعها وكذلك اكل البصل والثوم وكذلك الأكلات ذات القشور حاولي تقللي من الأكلات دي ومن التوتر والقلق أيضا واشربي نعناع مغلي وينسون وكراويه وفي برشام جاست ريج كويس جدا خديه قبل الوجبات مالوش اي اضرار وان شاء الله تكوني بخير

ابشع جريمه بيرتكبها الاهالي في حق ولادهم والنتيجه بيتجوزوا الطرفين ناس تانيه وبيكون زواجهم فاشل نصيحتي اصبر اصبر ولعل بعد الصبر جبر وصلي وادعي لربنا في قيام الليل باالحاح وقادر علي كل شيء يقول للشيء كن فيكون

اعتزلي مايؤذيكي اول علاج للاذي هو الاعتراف انه موجود وتعاني منه بدل انتي عارفه ان قربك وثقتك الزايده مع الناس بتضرك وفي غير محلها يبقي ابعدي واختاري صح والاهتمام مش شرط تتسوليه من الناس علي ثقتك بنفسك انتي واهتمي بيها واعطيها التقدير بالبعد عن مالايليق ونفسي كلامي ده وهو سهل يتعمل وان شاء الله تلاقي نتيجه كويسه

اعطي لنفسك فرصه دايما لما تخرج من اي علاقه متجريش بسرعه علي اللي بعدها لازم تقف مع نفسك وتسالها كان اي سبب فشل علاقتي دي وخد وقتك وعلي فكره مش لازم البنت تكون جريئه وتصارح بمشاعرها لااي حد لو فعلا بتحبها وجاد اطلب منها مقابله أهلها وهي هتبقي ساعتها تعرفك موافقه ولالا وده هيعرفك بتحبك ولالا بس اتأكد من نفسك الأول وان مش ارتباط عابر زي المرتين اللي قبله

كل تأخيره وفيها خيره ان شاءالله ترزقي بالزوج الصالح ودايما ادعي ولو شاكه في اي شيء سيء تحصني بالاذكار والرقيه الشرعيه وسوره البقره واعلمي ان الزواج زي ماكتير أصغر منك أو في سنك تزوجوا مثلهم الكثيرين تعساء ولم يكن الزواج كماتمنوا ولو علمتم الغيب لااخترتم الواقع ولكن خدي بالاسباب وادعي قدر مااستطاعتي في قيام الليل وان شاء الله ربنا يستجيب

ألف مبروك اولا ثانيا جيبي ورقه وقلم وكل مخاوف او شيء حابه تعرفيه عن الشخص اللي هترتبطي بيه اكتبيه وارجعي اساليه في كل مره سؤالين تلاته بالكتير لغايه ماتخلصي كل ماتريدي معرفته عنه واعطيه الفرصه كذلك ان يعلم عنك مايريد بس مش لدرجه إفشاء اسرارك بالكامل كل شيء بالحدود حلو ونصيحه اياكي تتقبلي اي عيوب كالبخل والتدخين وترك الصلاه والعصبيه واي عيوب من شأنها عدم الاستقرار بدافع المقوله الشهيره اما يتجوز هيتغير لان محدش بيتغير الطبع يغلب التطبع وان شاء الله ربنا يجعله كماتتمني وأكثر

روتين العنايه الخاص بك عليه نسبه كبيره يعني لازم الاهتمام الدائم بالبشره بدايه بالغسول المخصص وكريمات الحبوب واللسيون ونهايه بالمقشرات والمرطبات والاستمرارعليهم لان احيانا بيكون الحبوب مزمنه ومنها بالوراثه وطبعا الجانب الأكبر في محفزات الحبوب الدهون والاكلات المليانه بالزيوت زي المقليات بأنواعها والفاست فود كل دول كمان بيحفزوا الدهون والحبوب اعملي نظام صحي بدايه من الغذاء ونهايه بالعناية بكل روتين العلاج

اكيد انتي ادري الناس بتوصلي لحد الحرام ولالا اما بنتحير في شيء بيبقي الرد استفتي قلبك واكيد انتي حاسه بالشبهات وضميرك بدء يئنابك علي البحث تحت ستاره العلم والمعرفه وللأسف ده مدخل من مداخل الشيطان بيزين لينا الشهوات بضمير مستتر ياريت بلاش بحث وخلي ضميرك صاحي وبدل سألتي وبتتضايقي يبقي اكيد ضميرك صاحي ورافض مداخل الشيطان الله يهديكي ويهدينا ويحفظنا جميعا من شره

انا نفس الشيء ولو ورايا حاجه ممكن يصيبني القلق مبقاش عارفه انام من التفكير هو التفكير الزائد سلاح ذو حدين أحدهم نافع والآخر ضار النافع ان الانسان يبقي عامل لحياته نظام وأهداف والضار التعب والاجتهاد المستمر والتفكير الزائد بلادعي في أمور كثيرة حد الصداع وأحيانا الاعياء ومهما حاولنا نفصل للأسف صعب

للأسف ده من تلبيس الشيطان مش اكتر اكيد ان النفس لااماره بالسوء لكن مينفعش نعتزلها او نهجرها ولكن نغيرها للأفضل وننمي فيها كل الخير دايما البشر فيهم نبتتين واحده شر وواحده خير والشاطر اللي يقتلع نبتت الشر وينمي نبتت الخير بالأعمال الصالحه والاستغفار والتوبه والتقرب من الله

فكري في موضوع حابه تتكلمي عنه واكتبي ليه سكريبت بكل شيء يخص الموضوع وبعدين جيبي فونك وسجلي الاسكريبت كاانك واقفه بتشرحي الموضوع ده الالاف من الناس وبعدين ارجعي اسمعي نفسك وحاولي تسجلي موضوعات كتير انا مثلا بحب علم النفس والفلسفه والتنميه البشريه عمتاعملت قناه يوتيوب وبعمل كده نفس اللي شرحتهولك وبالمناسبة قناتي اسمها تكات مولي اتمني تعجبك واكون فيدتك برايي

لازم تفكر انت تقدر تشتغل ايه أفضل بمرتب افضل وتتفق مع صاحب الدين علي طريقه سداد ميسره وفكره الزواج صعب انك تفكر فيها قبل سداد الدين والاستقرار المادي

مش مسأله احراج العقبات من ناحيتك منع من الشغل وانك تنفيها في قريه انت حتي مش بتشتغل فيها ولو قولت تسكن مدينه هيبقي في زعل من أهلك وممكن ظروفك متسمحش ولو رفضت هتبقي في حساسيه جواك وتوتر في شغلك انك اترفضت وحضرتك ادري برضوا بظروفك

الإعجاب مش كافي التكافؤ الاجتماعي مهم واختلاف المعيشه هيعمل مشاكل فيما بعد وده لو هي اصلا وافقت القريه والمدينه في بينهم فرق شاسع في أغلب الأحيان وبالذات انت ادري بفكر اهلك وزعلهم شوف حد يبقي مناسب لحياتك وبلاش تحديات هتعمل مشاكل وتضيع وقت مش اكتر

ساعدي نفسك انتي مشخصه حالتك ينقصك انك تاخدي العلاج وهو انك تندمجي مع الاخرين وتنسي المرحله اللي فاتت بحلوها ومرها وتقلبي الصفحه والثانويه مش نهايه الكون وتعليم مصر فاااشل نوري مصباحك الداخلي واياكي والاستسلام والتسليم للشيطان ووللفشل ابدئي من جديد وهتقدري ان شاء الله وصلي واجهي لعبادتك هيتغير احساسك كتييير اسمعي عبد الرحمن مسعد صوته بالقرآن هيخلي روحك في طمأنينه💕💕

انزلي اشتغلي وصلي واطلبي من الله العون والسند فالله سند من لاسند له وحاولي تفصلي نفسك من المشاكل وربنا يعينك ابتلاء الإنسان في أهله شيء صعب ولكن الصبر

يكفيك النيه وبعدين فكره عمل زوجتك تمام بس مش ممكن تبني عليها استقرار حياتك الماديه وبالذات لو خلفت هتبقي محتاجه فتره راحه عمتا يارب تنول ماتتمني ولوتفكر في شغل إضافي كمان هيبقي افضل

كل البقوليات والمسبكات والحاجات اللي فيها توم وتوابل كتير جربي تاكلي اكلات مشويه اوخضار سوتيه هيخفف جامد من تهيج القولون

عادي خالص ياحبيبتي وطبيعي علشان البيبي اما بيرضع بياخد جزء من اكلك في اللبن لو خايفه من الحلويات تزود وزنك كلي فواكه وشيكولاته درك عمتا نصيحتي ليكي كملي نفاسك علي خير وبعد الأربعين اوزني واعملي ان بدي وشوفي نظام صحي للمرضعات امشي عليه بااعتدال لكن الوقت كلي كويس براحتك علشان البيبي ياخد لبن مغذي

لازم نكتب اسم المركب الأول 2(k2(co3وبعدين عدد المولات بيساوي كتله الماده علي الكتله المولية وفي علي اليوتيوب مستر عادل عبد العال شرحه كويس وفي مس عزه المرشدي استعين بالناس دي مع مدرسين الدروس علشان تفهم اكتر

اكيد وبالذات لو الشخص نفسه مش قادر يقتنع ولايعجب بذاته استحاله حد هتشوفه بعين الإعجاب الثقه في النفس تجعل من العصفور نسر 🦅 وده عن قناعه تامه

تقبل نفسك كما أنت واحمد الله واثني عليه الشكر اولا انت راجل والراجل لايعيبه الأسوء خلقه واحمد الله أن الحادثه في شيء سطحي حاجب تعويره مش شيء سيء لقدر الله انا شوفت ناس فقدوا ارجلهم او اذرعهم في الحوادث واظن ده أصعب واشد ضرر واعلم تمام العلم انت انعكاس لنفسك ومرآتك الداخليه هي دي اللي بيشوفك الناس بيها يعني لو انت متقبل ذاتك وواثق في نفسك هتلاقي الناس مش شايفه غير كده والعكس وان شاء الله تلاقي حد شاطر يعملك تجميل وتتقبل نفسك كما هي الشكل ده نسبي لكن جوهر الإنسان اهم واقوي

غسيل الأسنان بمعجون تبيض كويس ومش بودره تبيض سموكر لان برغم سعرها الرخيص الاانها سيئه جدا ومع الإستمرار في غسل الأسنان هيزول الصفار بالتدريج لان واضح ان بسبب عدم المداومه علي الغسيل اليومي

رب خير لم تناله كان شر لو أتاك مش ممكن يكون هو كويس وأما لقي انه صعب يرتبط بيكي رسمي سابك بدل مايكمل لعب بيكي اكتر من اللازم وتعلقك يبقي اقوي واقسي احفظي مابقي من مشاعرك وقربي من ربنا واستني الحب الحلال لعل الله يرزقك بزوج تحبيه ويحبك ويجي بصدق في الإستمرار مش مجرد تعلق وهمي

بنت ولا ولد شايفه الجميع بيرد انك بنت واتوقع المشكله لولد لو ولد هيفرق عن بنت طبعا

ممكن حاسين انك راجل وشايفينك علشان قد المسؤليه كبير احكي مع والدتك قولها كلامك ده ومش عيب ومش حرام ساعات الاهل بيغيب عنهم مشاعر أبنائهم من كتر ماهما ساكتين حقك عليهم الحب والتعامل الطيب زي ماحقهم عليك الطاعه والاحترام ومعلش ممكن ملهمش في الخروج لضيق الحال وانتي الادري بظروفهم وربنا يصلح ذات بينكم يااارب

ركزي في مستقبلك ياحبيبتي وشوفي دراستك واي مكان تعرفي ان ليه سمعه مش كويسه ابعدي عنه اصحاب شله اي شيء لان انتي بنت وخليكي بعيد ولايصالحك ولاتصالحيه ده مجرد زميل مفيش اي إطار رسمي بينكم وبدل كلم اهلك علي صحبه السوء ان شاء الله لو ليكي خير فيه وبيحبك بجد مش لعب عيال وتضيع وقت يجي يتقدم لااهلك عفي نفسك وغليها بكره هتندمي عن كل احساس في غير محله لااي شخص وعن اي وقت كان ممكن تبقي حاجه فيه وضيعتيه في ال ولاشيء الله يرزقك التقي والعفاف والغني

غير المدرس لمدرس يفهمك الحلول لأنك حاليا اتعقدت من مدرس الدرس وطريقته فمهما شرح هتلاقي نفس النتيجه وياريت المدرس الجديد اما تروح عنده تعرفه انك عايز تفهم وجاي عنده علشان تعرف تحل وطبعا لازززم تحل كتير وتشوف كذا طريقه من اليوتيوب وان شاء الله هتوصل لطريقه تسهل عليك الحلول وعلي فكره اغلب مدرسين الثانوي بيجيبوا اسئله صعبه علشان الطالب يبقي افضل في الامتحان ولازم اللي تاخده تتطبقه اول بااول

ان تصل متأخرا خيرا من ان لاتصل ابدا وانك الوقت بدل وصلتي انك في مشكله يبقي لازم تلحقي مابقي من الوقت وترتبي أفكارك وتوضعي خطه متقنه لااهدافك واي شيء كان سبب انك تضيعي الوقت فيه لازم يخرج بره خطتك زي النت أصحاب اي شيء وتخدي نفس عميق وتبدائي وان شاء الله ربنا يوفقك ومن جد وجد ومن زرع حصد الله يرزقك حصاد تعبك نجاح وفلاح وتكليل بالخير والفرحه ليكي ولااهلك يااارب

بطلي حضرتك تضريبها وشجعيها بااي كاندي او شيء بتحبه صغيره اوووي انك تضربيها كده هتكره التعليم وهتبقي متعقده في سن بدري جدا فتره الحضانه هي مش مطالب منها تبقي عالمه ذره يدوب الحروف عربي وانجليزي وتمسك القلم كوني حليمه عليها واقري عن ام اديسون مخترع المصباح الكهربائي خليته اي وازاي كلمه واحده بتفرق في اطفالنا ومش علشان هما اطفال نتجاهل مشاعرهم بالعكس دي فتره مترتب عليها اكون اولااكون وان شاء الله تشوفيها احسن ماتتمنى بحلمك عليها ومكافئتها والثناء عليها

من لم يكن نورا لنفسه لن تضيئه كل انوار الكون مقوله لجلال الرومي بحبها اوي معناها انك لازم تضيء نفسك وتمنحيها الثقه دون خوف او احتياج للاخرين او منهم محدش بياخد الروح الا ربنا ليه اخاف من بني آدم واعطيه فرصه يدمر نفسيتي لحد التفكير في الانتحار

اعتقد عندك فراغ بتمليه بالأكل انا لما بزعل بعمل زيك وطبعا بندم اوووي لما بزيد احنا داخلين علي الشتا والهدوم لوحدها بتخن كونك نزلتي من الوزن ده ل٨٥ ده انجاز اكيد تعبتي فيه وبأن عليكي اوعي ترجعي بضهرك لورا وقفي نهم الاكل واشربي قرفه ومشروبات صحيه زي الشاي الأخضر والزنجبيل وحاولي تتحركي كتير في البيت وشجعي نفسك وعلشان تنزلي لازم تقللي يوميا سعراتك وحاولي تاكلي حاجات زي الخيار والسلطه التفاح الأخضر الخس وان شاء الله تنجحي انك تكملي نزول وزن بدون زياده

هوني علي نفسك والأفكار دي تجاهليها تماما مينفعش لو جالنا اي فكره مؤذيه نفضل نكبرها جوانا بالعكس لازم تشغلي نفسك عنها حد النسيان وبلاش تعيشي نفسك في مود الذنب والمشاعر السلبيه اعتقد عندك وقت فراغ كبير بيخلي الأفكار دي تتملك منك نصيحه مني اشغلي وقتك ونفسك في اشياء مفيده تصرف فكرك عن الفكر المؤذي وارفعي وعيك واستحقاقك لنفسك انك تدعي عليها ظلم الآخرين وربنا ينور بصيرتك

لان النفس أنواع وزي مافي نفس لوامه في نفس اماره بالسوء فنفسنا احيانا تأمرنا بالسوء ولكن الشاطر اللي بيدرك الخطأ سريعا ويتوب ويبعد عن الذنب تماما وطبعا أبواب رحمه الله للمغفره واسعه وخير الخطائين التوابون

لا اوكسي مش مقاطعه وجميل جدا وفيه منه ابيض وألوان وجل للملابس السوداء

دي قمار في صوره لعبه للأسف الألعاب دي انتشرت كغطاء للقمار تحت مسمي لعبه ولكن نفس الخساره ونفس التحريم

دايما في الحب هتلاقي القلوب عند بعضها والارواح جنود مجنده من تألف تألف ومن تنافر تنافر يعني انتي الناس اللي بتحبيها مش شرط تفضلي تقوليلهم بحبكم يكفي أفعالك الطيبه معاهم والناس اللي دموعهم قريبه دول لطاااف جدااا وكيوت وبالنسبه للعتاب خليه للي بتحبيهم بس في وقت تقدري تعاتبي فيه وميكونش نفسك صعبانه عليكي وهتعيطي وافتكري حديث رسولنا الكريم (حرم علي النار كل هين لين سهل قريب من الناس) يارب كلامي يخليكي تعرفي انك في نعمه عظيمه وهي رقه القلب وبلاش تكتمي في قلبك وروحك اي شيء 💚

المفروض كانوا يسمعوا لرغبتك وقدرتك بس معلش انا هقولك لعله خير كل الاهالي بتحب ولادها احسن ناس ومش فكره تحقيق أحلامهم ولاشيء هما عايزينك توصلي للأحسن والأفضل من كليات القمه اولي ثانوي غلسه وموادها كتير محتاجه منك تعب وجهد علشان لازم مراجعه اول بااول بس مطلوب منك غير النجاح ودايما فكري بعقل البنت الناضجه الطموحه اللي عايزه تلمس نجوم السما بشطارتها وعلمها ودايما قبل ماتحكمي علي اهلك فكري لو كنتي ام هتختاري اي لولادك وتحبيهم فين هتلاقي نفسك حاسه ان اهلك عملوا الأنسب ليكي ويارب يوفقك وتنولي كب ماتتمنى يااارب العالمين

يخاطبني السفيه بكل قبح فأكره أن أكون له مجيبا يزيد سفاهة فأزيد حلماً كعود زاده الإحراق طيب

حاولي تبعدي عنك الأفكار دي وتقارني نفسك بااخواتك الام والاب دايما ولادهم عندهم نفس الحب وان زادت كفه الحب حبه بسيطه مس معناه انهم مش بيحبوكي قربي من والدك وصارحيه بشعورك تجاه وبلاش المقارنات مع اختك أو اخواتك وانك تلتفتي لااي شيء اختك بتعمله وعلي فكره دفء البيت والاخوات صعب تلاقيه مع أي حد في الدنيا عيشيه واعطي نفسك الفرصه انك تقربي منهم صح وترجمي حبك أفعال مش غضب وعياط وواضح انك بتحبي والدك جدا وكمان حبي اختك وقربي ليها الأخوات لايعوضوا ابدا 💚😘

انفضي عنك غبار الكسل والتسويف اكتر شيء بيضيع الدنيا كثره التأجيل حطي هدفك نصب عينك ولازم تنظمي وقت وتعملي خطه للمذاكره ودايما قولي الدعاء ده سحر عن تجربه اللهم اني ابرأ إليك حولي وقوتي الي حولك وقوتك والزمي الاستغفار والتسبيح ولاحول ولاقوة الا بالله وابدائ يومك بصلاه الضحي او الصبح بتخلي في يومك بركه ابدائي يلا وان شاء الله تحققي كل أحلامك 💚✌️

علي فكره صاحبك عشره السنين ده ممكن يكون هو السبب في معاناتك دي اللي بيحب حد بيشجعه مش بيفضل ينتقد فيه النقد الهدام ده وينقل ليه كلام يقلل من ثقته في نفسه وتخليه يبقي بينه وبين أصحابه فجوه من الزعل وأما نجح في ده كمل انه كمان مضايق منك اتكلم مع نفسك ان ادري الناس بيها ولو انت مغلطش في حق حد تجاهل وابعد عنهم دول مش صحاب بجد ولمه كدابه ولو انت فعلا عملت تصرفات تزعل مش عيب انك تتغير وترجع وسطهم بعد اما تصالحهم بصفاء وحب

حبيبتي بدل مفيش غيرها كوني انت المعلم الأول بمعني اتكلمي معاها واحكي ليها كل يوم قصه واحكي ليها قصص بأصوات مختلفه ولاااازم تجيبي محفظه قراءن في البيت لأن القراءن بيظبط النطق ومخارج الكلام وجيبي ليها العاب ناطقه وبالنسبه للحضانه وديها اليوم الترفيهي وجيبي لعب وحلويات للمعلمات واطلبي منهم يعطوها لبنتك بحب وتشجيع واهتمام لازم الطفل المتعلق باامه يشوف رعايه معلمه أيضا علشان يحبه ويتعود عليه وعلي فكره سنها صغير لسه هتتحسن ان شاء الله

صعب اوووي انك مش مقتنعه ان كل شيء قسمه ونصيب ومهما فعلت المرأه مش سبب زوجها غير النصيب وبعدين افتكري رب خير لم تناله كان شر لو أتاك للأسف الشديد اغلب البنات مفكره ان راحتها في الزواج متعرفش ان احيانا كتير بتكون هي في راحه ونعيم لاتعلمه ادعي لنفسك بالزوج الصالح اللي يستاهلك وبلاش تفكري ان اللي بتجوز كتير يابختها لو كانت استقرت مع أحدهم وشافت الراحه مكنتش هتتجوز كل سنه ياريت تكوني فهمتيني

دايما اشغلي وقتك وابعدي عن أي شيء بيثير فيكي الشعورده وحاولي تصلي بدون انقطاع و تدعي اللهم أعني علي ذكرك وشكرك وحسن عبادتك وخليكي دايما وسط اهلك بلاش تبقي لوحدك كتير علشان ميبقاش سهل انك تعملي الموضوع ده وياريت لو تصومي الاثنين والخميس والايام القمريه اليوم قصير والصيام هيخليكي افضل وادعي اللهم اني اعوذبك من نفس لاتشبع وقلب لايخشع ودعاء لايستجاب له

دايما بحب مقوله ان المحن اوقات بتبقي منح ربانيه واحنا مش حاسين دوري علي شغل تاني واوعي تخافي انك تلاقي الأفضل شوفي مينفعش اننا نفضل نبكي علي اللبن المسكوب ان شاء الله تلاقي شغل احسن ولعله خير