ازاي اتخلص من كتر التفكير و العتاب بعاتب نفسي علي كل حاجه عملتها و حاجات معملتهاش بمجرد ما اتخيل نفسي عملتها بقعد اعاتب نفسي و بحس اني عملتها و بحس اني ظالمه الكل معايا و لما بشوف حد معدي في الشارع مثلا زعلان حياته وحشه او حتي ممكن يكون ماشي عادي بس بان لي زعلان بحس بتأنيب ضمير و مبقدرش استمتع نهائي و بقعد همي علي الكل و مش بحب اخرج ولا اروح في حته حتي لما بتكلم مع اشخاص غريبين شويه بحس بتوتر و بفضل اأنب نفسي علي حاجات غريبه بتبان عاديه للكل و جوايا شعور اني مؤذيه رهيب
هوني علي نفسك والأفكار دي تجاهليها تماما مينفعش لو جالنا اي فكره مؤذيه نفضل نكبرها جوانا بالعكس لازم تشغلي نفسك عنها حد النسيان وبلاش تعيشي نفسك في مود الذنب والمشاعر السلبيه اعتقد عندك وقت فراغ كبير بيخلي الأفكار دي تتملك منك نصيحه مني اشغلي وقتك ونفسك في اشياء مفيده تصرف فكرك عن الفكر المؤذي وارفعي وعيك واستحقاقك لنفسك انك تدعي عليها ظلم الآخرين وربنا ينور بصيرتك
تم النشر الخميس، ٩ نوفمبر ٢٠٢٣
لعرض السؤال في فدني اضغط هنا