طيب وليه معندكيش ثقة ف نفسك ؟ مايمكن فعلا هو معجب بيكي من نظراته وممكن تكوني انتي حلوة ف نظره حتي لو كان هو اجمل منك ف الشكل شوية واصلا الجمال جمال الروح قبل مايكون جمال الشكل والجمال مسيره هايروح انما الروح هي الي باقية
معنديش ثقه في نفسي لأن كل الناس اللي في حياتي أهلي وصحابي بيحسسوني بالنقص وإني قليله لما باخد قرار أهلي بيحسسوني إني غبيه مش بفهم وان قراراتي كلها غلط . اصحابي كنت مجرد سد خانه مش اكتر . وصلت إني بقيت كارهه حياتي ونفسي بقرف ابص لنفسي في المرايا كنت دائما بسأل نفسي واحده زيك بشكلها ده وحياتها دي عايشه ليه حلمي اللي كنت ببنية من صغري اول ما دخلت الثانوي كنت مقررة إني أدخل قسم كذا عشان ادخل كليه كذا عشان ابقي كذا وده اللي رسمته جه بابا وهدم حلمي ده ورسم طريق حياتي عشان امشي عليه وانا حاليا في الكليه والكليه دي أنا دائما كنت بقول لو اخر كليه مش هدخلها وحاليا أنا فيها مش حابه الكليه ايوه اتعرفت علي ناس جديده في فرق كبير اوي ما بينهم وبين اللي كنت اعرفهم . جملة يمكن معجب بيكي قولتها لنفسي بس قولت بردوا مستحيل شاب زي ده يبص لوحده زيي معتش حد بيدور على الروح ولا الجمال جمال الروح هو الشكل حلو وجميل خلاص غير كده لا
تم النشر الأحد، ٢٣ أبريل ٢٠٢٣
لعرض الإجابة في فدني اضغط هنا