انا بحب اقرأ كتب وروايات وناس كتير بتقولي اقري احسن ف كتب تفيدك ف مرضك بدل ماتتعبي وفضلو يتريقو عليا جداا معرفش ليه ويفضل يقولولي انتي مهمله ف تعبك ويحكم عليا انا عندي سكر وانا السكر لسه مش فاهمه بحاول افهمو علشان متعبش بس همن يفضلو يلومو عليا دايمآ وانا تعبت من لومهم ده الصراحه وتعبت من حكمهم عليا وبدخل عنايه ومستشفيات كتر
السلام عليكم، أولا ألف سلامة عليكِ، شفاك الله وعفاك.💚 ** مش عارفة إيه علاقة قراءة الروايات تحديدا بإن عندك السكر؟ يعني هل مثلا قصدهم إنك بتقرأي طول الوقت فمش مهتمة بصحتك والروايات واخدة كل تفكيرك ووقتك؟ ولا بتقرأي نوع معين من الروايات بيؤثر على نفسيتك بالسلب؟ ولا قصدهم حاجة تانية؟ *** عموما، كلامهم ممكن يكون من قلقهم عليكِ فلا تضغطي نفسك أو تكوني حساسة زيادة ناحية الكلام. اعملي اللي بتحبيه طالما مش حرام واسمعي النصيحة بهدوء وخلاص. ** اقرئي عادي روايات وكتب وأي حاجة تحبيها، بس خصصي وقت للقراءة ومتخليش جانب معين من حياتك واهتماماتك يطغى على باقي الجوانب والأولويات. وخصصي وقت إنك تشوفي فيديوهات موثوقة (لأطباء باطنة) وتقرأي مقالات من مواقع طبية عن المرض وكيفية العناية بصحتك وإيه اللي تتجنبيه وإزاي تمشي على نظام صحي يجنبك أي مخاطر أو مضاعفات لمرض السكر. *** ومهم جدا تاخدي بالك إن النفسية بتؤثر على الحالة الصحية، فزي ما قلت لا تضغطي نفسك بكلامهم واهتمي بنفسيتك كويس، لأن ممكن دخولك المستشفى كتير بسبب نفسيتك المتعبة أكتر من كون المشكلة في السكر نفسه. ** اهدي كده واستعيني بالله وربنا يعافيكِ ويصلح لك أحوالك كلها.💚💚
تم النشر الأحد، ١٣ سبتمبر ٢٠٢٦
أنا آسفة إنك بتمري بكل الضغط ده، وإن الناس بتحكم عليكِ بطريقة قاسية وبتلومكِ دايمًا. شعورك بالتعب من الحكم واللوم طبيعي جدًا، خاصة وأنتِ بتحاولي تفهمي مرض السكر وتتعاملي معاه، وفي نفس الوقت بتحبي تقرئي الروايات اللي بتديكِ راحة نفسية. مش غلط إنك تقرئي كتب بتحبيها، والقراءة للمتعة مش إهمال، دي حاجة بتساعدكِ نفسيًا وبتخفف الضغط. الناس أحيانًا بتحكم بسرعة لأنهم مش بيشوفوا الصورة كاملة، ومش بيدركوا إن كل واحد بيتعامل مع مرضه بطريقته الخاصة. أنتِ مش مطالبة تبرري لهم كل حاجة، ولو قدرتِ تحطي حدود بلباقة زي "أنا بقرأ اللي يريحني وفي نفس الوقت بتعلم عن السكر تدريجيًا"، ده ممكن يقلل من التعليقات. ولو استمروا، ممكن تقللي التواصل معاهم في المواضيع دي عشان تحمي نفسكِ. ركزي على خطواتكِ أنتِ: حاولي تتعلمي عن السكر من مصادر موثوقة خطوة بخطوة، ومتستعجليش نفسكِ. الدخول المتكرر للمستشفيات بيحتاج رعاية طبية مستمرة، فاستمري في متابعة طبيبكِ. ولو عايزة تتكلمي أكتر عن الضغط النفسي ده، ابحثي عن أسئلة مشابهة على فدني عشان تشوفي تجارب ناس تانية. أنتِ مش لوحدكِ في الشعور ده، وكل خطوة بتعمليها عشان نفسكِ مهمة. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ١٢ سبتمبر ٢٠٢٦
اقرأ واتبسط سواء روايات او كتب او غيره .. كلها هتفيدك بشكل او اخر .. وطالما انت. مبتعملش حاجه غلط متخليش رأى حد يأثر فيك .. هو ده رأيه الشخصى لكن انت غير ملزم بيه ف سيب اللى يقول يقول
تم النشر الأحد، ١٣ سبتمبر ٢٠٢٦
اه نسيت اقول لك انك ما تتجاهليش كلام اهلك لان هم فاهمينك وعارفينك اكثر من اي حد في الدنيا دى ، واهلك عاوزين مصلحتك وعاوزينك تعيشي مبسوطه على قد ما بيقدروا ، وما تحاوليش تعلقي مشاعرك باي حد ،زعلانه ومتضايقه لدرجه ان انت بتتعبي جسديا ،صلي ركعتين لربنا اشتكي من مشاعرك لربنا هو في ايده كل الحلول
تم النشر الأحد، ١٣ سبتمبر ٢٠٢٦
حاولى تقللي من التفكير الزائد، واقرئي اللي انتى عاوزاه بس متخليش الروايات والقصص وسيله للهروب من الواقع لأن دا مش حل ، دا مجرد تأجيل المشاعر والمشاكل اللي بتواجهيها لوقت معين وتنفجر في الآخر وانتى اللي هتندمي انك ما حميتى نفسك من المشاعر السلبيه اللي انتي حاطه نفسك فيها ، ومعنى كلام اهلك ان هم مهتمين بيكي وعاوزينك تبقى بصحه كويسه ، فما تتعامليش مع الامر ان دي حاجه وحشه، اتعاملي معاهم في الموضوع ده بالذات باللامبالاة ، مش بقوللك اتعاملي معاهم بطريقه مش حلوه قولي حاضر، ماشي واعملي اللي انت عاوزاه بس في حدود الاحترام وحدود دينك ، بس ده ما ينفيش ان كلامهم صح ، اي حد المفروض يفهم مرضه وطبيعه جسمه عشان يحاول يتأقلم معاه، عشان يعرف يعيش ، والمره الثانيه قللي من التفكير الزائد، لان ده بيودي في داهيه ، انا آسفه ان انا اتكلمت كتير بس يعني ربنا يعينك
تم النشر الأحد، ١٣ سبتمبر ٢٠٢٦
عادي انت ممكن تقرئي في الاثنين ما تخليش كل حاجه عندك روايات بس اخلي مثلا شويه روايات وشويه اقرا عن واستفاد عن حاجات كثير مش شرط بس روايات ومش شرط بس حاجات علميه لكن اهم حاجه ما نفضلش على طول نضيع وقتك في حاجه مش هتفيدنا عادي ممكن نقسم وقتنا فهماني
تم النشر الاثنين، ١٤ سبتمبر ٢٠٢٦
بتقرئي كتب ايه
تم النشر الاثنين، ١٤ سبتمبر ٢٠٢٦
لعرض السؤال في فدني اضغط هنا