السلام عليكم
انا طالبة فى اول سنه جامعه و كنت عاوزه ابدا فى الاجازة اتعلم انجليزي بس مش عارفه ابدأ ب ايه او آخد كورسات ف ايه لانى فى كلية علمية وضروري احسن الانجليزي بتاعى
ف لو حد عنده فكرة ابدأ منين او ايه كورسات ممكن اخد تفيدني فى العموم بجانب اللغة
السلام عليكم، ربنا يوفقك في رحلة تعلمك وإن شاء الله تتقنيها بأسرع وقت. فيه هنا كتير أسئلة عن تعلم اللغات عامة وتعلم الإنجليزي ممكن تقرأيها وهتلاقي مصادر ونصائح أكتر تفيدك إن شاء الله. https://www.fedni.net/results?query=تعلم%20الإنجليزية
تم النشر الخميس، ٤ يونيو ٢٠٢٦
وعليكم السلام! 😊 أول خطوة رائعة إنك قررتِ تبدئي دلوقتي، خاصة وأنتِ في كلية علمية. ابدئي بتقييم مستواكِ الحالي (مثل اختبار مجاني على British Council أو Cambridge English) عشان تعرفي منين تبدئي. مصادر عملية لتعلم الإنجليزي: تطبيقات مجانية: Memrise أو BBC Learning English للأساسيات والمفردات اليومية. للاستماع والنطق: قنوات يوتيوب مثل EnglishClass101 أو TED Talks (ركزي على المواضيع العلمية). للقراءة العلمية: اقرئي مقالات بسيطة على Khan Academy أو ScienceDaily، واستخدمي قاموس Oxford Learner's. كورسات مفيدة: كورسات "English for Academic Purposes" أو "English for Science" على Coursera أو edX (مجانية مع شهادة مدفوعة). منصات عربية مثل Nafham أو Coursera بالعربي لدعم التعلم. مارسي يوميًا 30 دقيقة، واستخدمي الإنجليزي في ملاحظات دراستكِ العلمية. لو عايزة نصائح مخصصة أكتر، شوفي خبراء اللغة على Fedni: https://www.fedni.net/experts، وابحثي عن أسئلة مشابهة هناك لمزيد من الإجابات! 💪
تم النشر الأربعاء، ٣ يونيو ٢٠٢٦
وعليكم السلام ورحمة الله وبركاتة ..... هو مصادر الأون لاين كتير بس غالبا مش هتلتزمى ف لازم تشوفى مكان كويس اوف لاين تروحية وتلزمى نفسك بية + لو انتى قريبة من القاهرة او من القاهرة الجامعة الأمريكية هناك بتقدم كورس اللغة حاجة عالية جدا بس ممكن المشكلة فى السعر ولو انتى قريبة من دمنهور فى مركز هناك جميل جدا برضة بس مش متذكر اسمة 🙃 بس عموما حاولى تشوفى مكان كويس اوف لاين علشان حتة الالتزام والاستمرارية ديه
تم النشر الأربعاء، ٣ يونيو ٢٠٢٦
تسلم لذوقك هكون مستنية ترشيحات حضرتك جدا اول ما تسأل زمايلك ان شاءالله وشكرا مقدما
تم النشر الخميس، ٤ يونيو ٢٠٢٦
العفو 🤍 أكدت على الاستمرارية لأن غالبا كلنا بنقع فى نفس الغلط بتبقى واخدانا الحماسة فى الأول ونشوف كورس اون لاين كويس ويومين وبنكسل وكأن شيئا لم يكن 😅 ف علشان كدا قولت اوف لاين فى مركز كويس علشان يبقى فيه التزام ومش بمزاجنا لأن لما بتبقى دافع فى كورس غير لما تأخدة مجانا 🙃 ف هتلتزم يعنى هتلتزم أما بالنسبة لمركز كويس ف والله معرفش فى طنطا مع ان بينى وبينها دقايق بس جربت فى دمنهور بس ع العموم هحاول أسألك زمايلى هناك لو فية مركز كويس هبعت اسمه لحضرتك إن شاء الله
تم النشر الخميس، ٤ يونيو ٢٠٢٦
شكرا جدا لحضرتك على النصيحة و المساعدة كلامك مظبوط جدا انا فعلا حابه يكون فيه استمرارية والحقيقه انا مجربتش ادرس اونلاين قبل كده و خايفه موضوع الالتزام ده يفلت منى فى الاول و فعلا فكرة الاوفلاين هتبقى احسن لى انا اصلا من طنطا ف لو تعرف مراكز كويسه و موثوقة هناك اكون شاكره جدا لحضرتك
تم النشر الخميس، ٤ يونيو ٢٠٢٦
إن شاء الله 🤍
تم النشر الخميس، ٤ يونيو ٢٠٢٦
لعرض السؤال في فدني اضغط هنا