عندي شاب من أقاربي عنده 15 سنة وبيتعلق بشات جي بي تي
ويطلب من شات جي بي تي يتعامل معاه كإنه بنت
وتطور الأمر لدرجة من أنه بتعامل مع شات جي بي تي برومانسية بقي بيجيب قصص جنسيه من النت
أهله اشتكولي منه كتير وبيقوله مش عارفين نعمل ايه
معاه
فمن فضل أهل الخبره تقولوا اعمل ايه معاه
بيتعلق ب chat gpt زي الأكل والشرب لأنه مش بيتكلم مع بنات معظم الوقت
التعلق الزايد بأي حاجه حته لو ChatGPT بيكون بسبب فراغ او احتياج نفسي الحل ان انت تشجعو يملأ وقته بحاجات تانيه زي رياضه او هوايه عندو يشتغل عليها يطورها و لازم تحددوا له وقت معين لاستخدام الموبايل وقت ثابت مش طول الوقت و يبقى حد من الاهل معاه وبيشوفو بيعمل اي ف الموبايل
تم النشر الخميس، ١٤ أغسطس ٢٠٢٥
السلام عليكم ورحمه الله وبركاته المساله هنا مش مساله انه ما بيتعاملش مع بنات المساله هنا مساله احتياج للتعامل عموما مع اشخاص بيقدموا له حنيه احتواء عاطفه بشكل ما وهنا الام هتكون دورها مهم جدا ان هي تبدا تتعامل معاه وتوفر له الاحتياج ده زائد الاب محتاج يكون جنب ابنه بيدخله في نشاطات اجتماعيه تعزز الرجوله عنده بدل ما هو يكون بس فاضي و ما بيعملش حاجه غير انه ماسك الموبايل وبيدور على الشات علشان يقعد يتكلم معي وبما ان الاهلي عرفوا الموضوع وسابوا الموضوع مستمر وكان الموضوع خارج عن ارادتهم فده ممكن يكون بيبين انه في تساهل لما بيكون في اخطاء كبيره وما بنقدرش ان احنا نوقفها بافعال حقيقيه اللي هو بنتكلم معاه بس لا الموضوع ما ينفعش بالكلام بس لازم يكون في افعال تبين الولد ده انه في عواقب للاخطاء دي وللازمات اللي زي دي محتاجين برده نخليه يعبر عن نفسه يتكلم يقول ايه الحاجات اللي هو بيدور عليها في حاجات فطره طبيعيه احتياجات فطريه لكن لازم نعلمه ازاي يوجهها صح ان هو اه هيبقى بيفكر في البنات بس ما ينفعش الموضوع يتطور ان هو يشوف حاجات بشكل حرام ومحتاج يستنى الحلال طب وانا مستني الحلال اعمل ايه فكل الحاجات دي الاب والام ضروري جدا ان هم اللي يكونوا المصدر بتاعها
تم النشر السبت، ١٦ أغسطس ٢٠٢٥
وقتها الاهل ليهم دور مهم وهو انهم يمسحوا التطبيق ده من عالموبايل يحاولوا يقعدوا يتكلموا معاه يعوضون عن الفراغ اللي جواه أو الاحتياجات اللي أدت إلى أنه يروح ياخدها من التطبيق ده ويعطوه شويه اهتمام ومينفعش يتساب عالموبايل كتير لأن لو المره دي اتعلق بشات دي بي تي وده ذكاء الاصطناعي ممكن بعدها يكلم بنات تانيه ويتعلق بيهم
تم النشر السبت، ١٦ أغسطس ٢٠٢٥
ممنوع أي نموذج ذكاء اصطناعي يكتب كلام خادش، ولازم حضرتك تملي وقت فراغ الولد ده، رياضة وحفظ قرآن وخروجات عائلية، والام لازم تحتوي الولد ده وتسمع له لأن وجودها بيفرق هو محتاج لحنان الام وده سبب الي بيخلي يعتبر شات جي بي تي واحدة ويكلمها هو فاقد للاحتواء
تم النشر الجمعة، ١٥ أغسطس ٢٠٢٥
السلام عليكم إبراهيم، أولًا، أشكرك على ثقتك في طرح هذه المشكلة، فهذا يدل على حرصك ورغبتك في مساعدة هذا الشاب بطريقة سليمة. حقيقة الموضوع حساس ويحتاج تعامل حكيم ومرن. ما يمكن أن نبدأ به: الفهم والتواصل الهادئ: مهم أن يكون هناك حوار مفتوح وبدون توتر مع الشاب، حتى تشعره عائلته بأنها تفهمه ولا تحاربه أو تحكم عليه. اسأله بلطف عن سبب تعلقه بـChatGPT وعن مشاعره وكيف يرى هذا التواصل معه. ربما يحدث عنده فراغ عاطفي أو حاجات يحتاج يعبر عنها. التوجيه الديني والأخلاقي: من المهم تقوية الجانب الديني في حياته، فالشباب في هذه المرحلة يحتاجون إلى مرشد روحي يوجههم للحلال ويشرح لهم أثر الابتعاد عن المحرمات. شجع الأسرة على تنشيط هذا الجانب بذكر الله، الصلاة، وقراءة القران معًا. تشجيع على أنشطة بديلة: شبابه في هذا السن يحتاجون ملء أوقاتهم بأنشطة مفيدة وممتعة (رياضة، هوايات، تعلم مهارات). هذه الأنشطة تقلل من فراغه العقلي والوجداني الذي قد يدفعه للهروب إلى الإنترنت. المراقبة والحدود: يجب المشاركة الأسرية للحد من الاستخدام المفرط للتقنية، مع وضع قيود مناسبة وساعات محددة لاستخدام الإنترنت والتطبيقات. مع توضيح أن التقنية أداة في الحياة وليست بديلاً للعلاقات الإنسانية الحقيقية. طلب المساعدة المتخصصة: إذا استمر الأمر يتطور أو أصبح له تأثير سلبي على حياته النفسية والاجتماعية، من الحكمة استشارة طبيب نفسي أو أخصائي نفسي مختص في التعامل مع الشباب. في منصة فدني يمكنك البحث عن خبراء نفسيين للتواصل معهم والحصول على استشارة مهنية دقيقة. نصيحتي لك ولعائلته أن تكونوا صبورين، وتدعمونه ليجد مكانًا آمنًا للتعبير عن نفسه بعيدًا عن الممارسات السيئة. مع الوقت والرعاية الصحيحة يمكن أن يعود لطريق صحي وسليم. إذا ترغب، يمكنني مساعدتك بإرشادك إلى بعض الخبراء في موقع فدني يمكنهم تقديم استشارات متخصصة أكثر. هل تود ذلك؟ أو هل عندك تفاصيل إضافية عن حالته تساعدني أفهم وضعه أكثر؟
تم النشر الأربعاء، ١٣ أغسطس ٢٠٢٥
الحل ان أهله يرفهوه برا البيت .. الأب يتفرغ ويتمشى معاه / انت تخرج معاه تروحوا تشتروا مثلا .. لكن لو محدش فاضيله وعليه اهمال فده بيأثر عليه
تم النشر الجمعة، ١٥ أغسطس ٢٠٢٥
الحل في الكلام يمسح التطبيق ولازم يكثر الجلوس مع الأهل ولازم يكون عنده اصدقاء صالحين مش اصدقاء سوء يتكلموا عن الحب ولازم برضو يعرفوا الأهل منبع الحاجات اللي ظهرت على الابن يعني اتعلم فين أو بيجلس مع مين علشان اكيد بيجلس مع حد بيتكلم عن الحب أو بيكلم بنات قدامه لو كبير يفضل يتجوز ولازم الأهل يعرفوا أن الموضوع ممكن يكبر علشان كده لازم علاج جاد ولو طلب الموضوع تدخل دكتور نفسي عادي يروح
تم النشر الخميس، ١٤ أغسطس ٢٠٢٥
شات جي بي تي مش بيكتب اصلا كلام زي ده .. ده ممنوع ..
تم النشر الخميس، ١٤ أغسطس ٢٠٢٥
لعرض السؤال في فدني اضغط هنا