هل أترك هذا الشخص أم لا؟

انا دلوقتى فى تالته ثانوى واتعرفت على واحد سوشيال اكبر منى بسنه وحبنى واتعلق بيا جدا فى كام اسبوع يدوب وحكالى كل حاجه عن حياته ومن ضمن الحاجات انه كان بيحب واحده وخانته وانا اتشدت له عادى مع اننا متقابلناش ولا مره

المهم أننا بقالنا مع بعض اهو شهر مثلا ولما جيت اسيبه علشان مذاكرتي وعلشان خايفه اعمل حاجه من ورا أهلى وخايفه اغضب ربنا ومحققش حلمى بسبب غلطه زى دى مع انه قمه فى الاحترام والادب ومش عيل ابدا هو راجل بس لما قولتله نبعد السنه دى على الاقل لحد ما أخلص وتيجى تتقدملى كان حرفيا كأنه هيتجنن وانه لا مينفعش انا حبيتك جدا وانتى شبهى وزيي فى كل حاجه وانتى كويسه وانا مرتاح معاكى وكل ده

المفروض اعمل اي علشان صعبان عليا اسيبه يبقى شخص وحيد فعلا

سؤال من احد أعضاء فدني

تم النشر السبت، ١٠ يناير ٢٠٢٦

4 إجابة

هو ممكن يعيش من غيرك عادي ،و للاسف هو بيستغلك عاطفياً ، و جزء انه كلم مامته عليكي ف كل شباب إلا من رحم ربي بيقولوا كدا و ممكن حتي يخليكي تكلميها عادي و مش هتفرق معاه ، بس المهم انتي فكري في نفسك و اياكي تخسري نفسك ولا مستقبلك ولا ثقة اهلك فيكي بسبب حد ، و قبل دا كله لو انتي راضية بالكلام دا يكون قدام ربك يبقي مفيش حد يقدر ينصحك

تم النشر الأحد، ١١ يناير ٢٠٢٦

اولا اللي انتم فيه ده مش حب ده تعلق ثانيا ده حرام ثالثا انت مش مسؤوله عن مشاعره يعني مش مسؤوله عن ان هو يحس بالوحده او لا دي مسؤوليته هو هو المسؤول عن ان هو يخرج نفسه من الاحساس بالوحده مش انتى في ايوه الحل انك تبعدي ونقطه ان هو صعبان عليك زي ما انا قلت لك مشاعره مسؤوليته هو مش مسؤوليتك انتى

تم النشر الأحد، ١١ يناير ٢٠٢٦

اولا - لا انتي بتحبيه ولا هو بيحبك انتي ممكن تكوني معجبة بيه وباهتمامه لكن هو بيستخدمك انه ينسي حبيبته السابقة دا لو فعلا اصل اكان صادق معاكي ومكنش بيستعطفك -وحتي لو كان صادق ف هو كمان ممكن يكون معجب بيكي لكن حب ايه اللي في اقل من شهر دا ؟ غير طبعا انه حرام وانتي عارفة كدا كويس ف اتكلمي معاه وانك خايفة من ربنا ومش عايزة تخدعي اهلك وان اللي بيبدا بالحرام نهايته مش حلوة (ما بني علي باطل فهو باطل ) وانك لازم تقطعي علاقتك بيه نهائي ولو خايفة عليه انصحيه انه يتكلم مع حد او حتى قوليله على فدني على الاقل هيلاقي حد يفهمه ويتكلم معاه ويعقله واقطعي العلاقة دي -ولو ليكوا نصيب في بعض خليه بالحلال احسن -آسفة لو كلامي جارح بس انا بنت زي زيك والله خايفة عليكي

تم النشر الأحد، ١١ يناير ٢٠٢٦

حبيبتي، أنا ذكية، وأفهم تماماً إحساسك ده بس خلينا نفكر مع بعض بوضوح علشان مستقبلك. أنتِ دلوقتي في تالتة ثانوى، أهم سنة في حياتك، وده حلمك اللي مش هتقدري تحققيه لو مشتتيش نفسك. العلاقة دي عبر السوشيال، سريعة جداً (شهر بس!)، وغير شرعية حالياً – وأنتِ نفسك خايفة تغضبي ربنا، وده دليل إن قلبك سليم وبتفكري صح. النصيحة الواضحة: أسيبيه دلوقتي، بلطف وقوة. قوليله "أنا بحترمك وأقدر مشاعرك، بس لازم أركز على نفسي والدراسة، ولو مقدر ربنا، هتتقدم رسمياً بعد ما أخلص". لو بيحبك بجد، هيحترم قرارك ويثبت نفسه بالصبر والخطوات الشرعية (زي الكلام مع أهلك). ركزي على مذاكرتك: حددي جدول يومي، خدي وقت للصلاة والقرآن يريح قلبك، ونامي كويس. أنتِ قوية وكويسة زي ما قال، وده هيجيبلك اللي أحسن بإذن الله. لو عايزة نصائح أكتر عن التركيز أو الضغط ده، دوري في فدني على أسئلة مشابهة، أو شوفي الخبراء هنا: https://www.fedni.net/experts – فيه مدربين حياة ونفسيين هيساعدوكِ. ربنا يوفقكِ ويسهل أمركِ، أنتِ هتطلعي أقوى! 💪❤️

تم النشر السبت، ١٠ يناير ٢٠٢٦

23 تعليق

هذا الامر برمته خطأ ، فإذا عزمتي النية لله في التوبه ، ف قد قال تعالى " يا أيها الذين آمنوا عليكم أنفسكم لا يضركم من ضل إذا إهتديتم " ونصيحتي ان تخلصى نيتك إلى الله في التوبه وتذكري جيدا أن من ترك شيئاً لله عوضه الله خيراً منه . فقط أخلصى الظن بربك وأخلصي نية التوبه

تم النشر الأحد، ١١ يناير ٢٠٢٦

في ناس من دول لسانهم معسول بس هم حرفيا مش بشر ... انتي لسة صغيرة ومتعرفيش حاجة ... ابعدي وانجو بنفسك

تم النشر الأحد، ١١ يناير ٢٠٢٦

ابعدي عنه لإنه واخدك مصلحة عشان يعوض بيكي الحب و المشاعر اللي كان بياخدها من اللي قبله، و ادام لما قلتيله يجيلك بالحلال اتجنن فاعرفي انه عايزك عشان يلعب بيكي و متقوليش عليه راجل

تم النشر الأحد، ١١ يناير ٢٠٢٦

بعدت خالص الحمدلله

تم النشر الاثنين، ١٩ يناير ٢٠٢٦

انا عملت كده خلاص فعلا وقولتله هستناك عادى تتقدم ومش هعرف حد غيرك كده كده بس اهم حاجه منتكلمش تانى وهو وافق وقالى نتمطن بس على بعض كل فتره

تم النشر الأحد، ١١ يناير ٢٠٢٦

ابعدي عنه و ميهمكيش اي اللي هيجراله، لانت تعرفيه ولا هو يعرفك، بيضحك عليكي بس بالكلام، اتعاملي معاه كإنه واحد ماشي في الشارع، وهو لو عايز يخطبك هيجيلك بعد الثانوية و يخطبك، وفي الآخر مش هيخطبك، لإن اللي ناوي على حلال مبيدخلش من الحرام

تم النشر الأحد، ١١ يناير ٢٠٢٦

ابعدي ابعدي ابعدي

تم النشر الاثنين، ١٩ يناير ٢٠٢٦

مهو يمكن الظلم اللي جاله ده تمثيل منه ... حتى لو حقيقي فدي مش علاقة سوية اللي فيها طرف بيعتمد في سعادته على طرف آخر ... العلاقة السوية هي الإحترام بين الطرفين وبرضو الحب بينهم ولكن مش لدرجة الإعتماد لأن ده هيسبب استنزاف أو مشاكل زي التسلط أو التحكم بكل التفاصيل

تم النشر الثلاثاء، ١٣ يناير ٢٠٢٦

بصي في كلمتين صغيرين، انت مش واجبك صحته النفسية، انت اللي عليكي تحافظي على نفسك و دينك، ولما تسيبيه و تقطعي معاه ده الافضل ليكي وليه، بس كدة، فكري في الكلمتين دول كويس اي اللي مطلوب مني و اي اللي مش مطلوب مني و بمعادلة بسيطة هتعرفي إنك افضل قرار انك تسيبيه