هو المفروض إننا نتبع مذهب واحد بس من المذاهب الأربعة
لما نكون بنسأل عن حكم حاجه معينه
ولا عادي أي حد ؟
يعني مثلًا لما ببحث عن حاجه معينه زي الاختلاط في الدراسه مثلًا
بلاقي شيخ بيقول انه حرام وشيخ تاني يقول انه جائز بحدود
بس أنا بميل لرأي الشيخ اللي بيقول حرام لإني بشوف الأضرار لما بختلط
والحجاب بردو شيخ يقول إن الحجاب هو تغطية سائر البدن وشيخ تاني يقول إنه الوجه والكفين عادي وبردو بميل للرأي الأول
فالمفروض إني آخد بالرأي اللي أنا مرتاحاله ولا يكون ليا مذهب تبع دولتي آخد برأيه
بصي ي بنت الحلال المذاهب الأربعة دول كلهم صح وكلهم على راسنا واختلافهم ده رحمة بينا عشان الدنيا تبقى سهلة مش خناقة ولا حاجة وطالما إنتي مش دارسة فقه وعلم شرعي فالموضوع بسيط خالص مذهبك هو مذهب الشيخ اللي بتثق في دينه وعقله وتسأليه يعني من الآخر اسألي شيخ يكون وسط وموثوق واعملي بكلامه وإنتي حاطة في بطنك بطيخة صيفي وموضوع إنك تاخدي بالرأي اللي ترتاحي ليه أو بتميلي ليه ده جميل ومفيش فيه مشكلة طالما مش بتدَلعي وتنقّي السهل على مزاجك عشان تخلعي من الأحكام يعني لو قلبك ارتاح لرأي عالم محترم ومعروف امشي وراه وإنتي مطمنة وموضوع مذهب الدولة ده بتاع المحاكم والقوانين اللي بتمشي على البلد كلها عشان الدنيا متجوطش لكن في عبادتك وحياتك إنتي حرة تتبعي الرأي الأقوى والموثوق اللي يريحك فابسطيها على نفسك وكبري دماغك من الحيرة ومادام نيتك خير وبتسألي أهل العلم يبقى إنتي في السليم والتمام وطالما بتميلي للرأي الأحوط في الحجاب والاختلاط عشان شايفة فيه حماية ليكي فده خير وبركة طالما نابع من قلبك ولربنا وبدون تشدد وربنا يعينك .. أما لو دراسه ده حاجه تاني
تم النشر الاثنين، ١٨ مايو ٢٠٢٦
اول حاجة احنا مش بنمشى ورا كلام شيخ بعينه لانه فى النهاية انسان و بيغلط لكن بنتبع كلام ربنا الموجود فى القرأن و انا بقولك ان الحجاب فرض عدا تغطية الوجه و الكفين و ان النقاب مش فرض و الحجاب هو الزى الشرعى الخمار و هو مالا يصف او يشف اما الاختلاط ف هو اكيد حرام سيبك من اللى بيقول عادى الاختلاط لكن ليه بيقولو عادى عشان العصر اللى احنا فيه طبعا انت مش مفروض عليكى تنحبسى ولا ماتتعلميش ولا ماتشاغليش لكن ايه مفهوم الاختلاط اصلا طلما انت بتعاملى اللى قدامك انه زميلك و بس يحصل كلام عن الشغل و ربنا يسهلك او يكون مدرسك يدرس و بس دكتور يكشف و بس و هكذا
تم النشر الأربعاء، ٢٠ مايو ٢٠٢٦
السلام عليكم، أولا هو مش واجب أو فرض الالتزام بمذهب معين، اتباع مذهب معين جائز بشرط عدم التعصب ولا يشترط الالتزام بكل آراء المذهب لأن قد يُرجح رأي في مذهب آخر وتكون أدلته الفقهية أقوى. وعموما، اختلاف العلماء رحمة بالأمة، جايز أنتِ مقتنعة. برأي معين بيقول حرام كذا لكن غيرك مقتنعة بالجواز وما دام في الأمور الخلافية يحق لك تتبعي الرأي اللي مقتنعة إنه الأقوى والأصح. طالما الأمر خلافي شوفي الرأي الأقوى بالنسبة لك لكن لا تلزمي غيرك باتباعه أو تنكري عليه اتباع غير رأيك. لأن للأسف، كتير من الناس لما بتاخد برأي فقهي معين مش بتراعي نقطة الخلاف وبتتهم المخالف بالانحراف أو التهاون والوقوع في الحرام وأحيانا ممكن يصل الأمر للتكفير (في أمور خلافية أساسا). ** لو أنتِ طالبة علم، يُرجح تدرسي وتلتزمي بالمذهب المعمول به في بلدك. لو مقلدة وعاوزة تعرفي الآراء الفقهية في أمور حياتك فلا يلزم تتبعي مذهب معين أو تاخدي بكل آرائه لكن العلماء بيحذروا من تتبع الرخص. في السؤال ده إفادة أكتر بخصوص هل يجب على المقلد الالتزام بكل أراء المذهب. https://www.islamweb.net/ar/fatwa/56633/إلزام-المقلد-العمل-بمذهب-معين-فيه-حرج-ومشقة https://www.islamweb.net/ar/fatwa/369352/اتباع-المذاهب-الفقهية-بين-التعصب-والتفلت
تم النشر الاثنين، ١٨ مايو ٢٠٢٦
هو المفروض نتمذهب اه . بس حتى في المذهب الواحد ممكن بالشيء وعكسه يعني مثلا لا سمح الله هنقول ان على جمعه شافعي وهو افتى بان الاختلاط حلال بس جمهور الشافعية يرى بحرمة الاختلاط الا في حاجه. فالموضوع ده تحديدا ملهوش علاقه بمذهب قد ما هو هوى . يعني مثلا الشيخ المصري كان اسمه البيلي ظهر له فيديو خطبه وهو يخاطب ابو عبيده ويقول جاهد بالسنن مع ان جمهور علماء المسلمين والمذاهب الأربعة متفقين ان الجهاد فرض مش سنه اذا كان العدو يغتصب ارضك . فرض على مين فرض على الجميع رجال نساء اطفال . وده شيخ حنبلي مش شافعي. فالمشكله مش في المذهب المشكله في قلة الدين وعنه صلى الله عليه انه قال: يكون بعدي أئمة لا يهتدون بهداي ولا يستنون بسنتي وسيقوم فيهم رجال قلوبهم قلوب الشياطين في جثمان إنس . المهم ناخذ الفتوى حاليا من شيخ نرتضي دينه مش اللي على مزاجنا.
تم النشر الثلاثاء، ١٩ مايو ٢٠٢٦
لعرض السؤال في فدني اضغط هنا