السلام عليكم ورحمه الله وبركاته
كان فيه موضوع محيرني ومكنتش لاقي اجابه وافيه ليه فأتمنى لو حد يقدر يفيدني إفادة شافيه وعافيه
هل يجب على على كل مسلم أو كل منطقه أو كل بلد أنه يكون ليها مذهب فقهي مختص ولا يجب اتباع النص في كل الأحوال ولا يوجد احتياج إلى المذاهب اصلا ؟
وعليكم السلام مفيش اى حاجة تلزم اى مسلم بمذهب معين ...هى توجهات بس فى النظرة الفقهية للامور بس عشان ميكونش الانسان ماشي حسب هواه فيكون بينقى مثلا كل مره حكم مذهب يتماشى مع هوى نفسه كل مره ...فبيكون نوع من جهاد النفس انه يلتزم بمذهب واحد ويتبعه
تم النشر الثلاثاء، ٢ يونيو ٢٠٢٦
وعليكم السلام ورحمة الله وبركاته. ليس واجباً على كل مسلم أو بلد اتباع مذهب فقهي معين، فالأصل اتباع النص (الكتاب والسنة) حسب الدليل. لكن المذاهب الأربعة مفيدة للعامي لتجنب الخلط والخطأ في الاستنباط، ويُفضل الالتزام بمذهب واحد للاستقرار. أما طالب العلم فيتبع الراجح من الأدلة. ابحث عن أسئلة مشابهة في فدني لمزيد من الإجابات، أو استشر الخبراء هناك: https://www.fedni.net/experts .
تم النشر الاثنين، ١ يونيو ٢٠٢٦
تمام هسمعها بإذن الله متشكر جدا
تم النشر الثلاثاء، ٢ يونيو ٢٠٢٦
كان في حلقة على ساوند كلاود للشيخ علاء عبد الحميد بتتكلم عن التمذهب و ليه ناخد بالمذاهب ٤ و مش كل واحد يمشي على النص و خلاص .... حلقة جميلة و فيها كل الاجابات و الشيخ علاء خريج ازهر و حد كلامه رزين
تم النشر الثلاثاء، ٢ يونيو ٢٠٢٦
الى اعرفه ان طالب العلم بياخد مذهب معين و بيحاول يلتزم به فأغلب اوقاته الا لو فيه عذر و عموم الناس كل واحد يتبع شيخ ثقه و ياخد منه الاحكام و الاراء ( العامي على مذهب شيخه) ده الي كنت اخدته لما كنت بدرس علم شرعي كل مذهب مبني على نثق و قواعد فهي الفكره ان الواحد لو اخد كل مسأله مثلا و عمل عليها سيرش بدل ما يسأل شيخ ممكن ياخد رأيين مختلفين مثلا يعني خروج الدم بينقض الوضوء في المذهب الحنفي و و في المذهب الشافعي ملامسه غير المحرم بالسلام تنقض الوضوء فالواحد ممكن يعمل الفعلين و مياخدتش باله و ينتقض وضوئه على مذهبين و تبقى الصلاه مثلا غير صحيحه علشان الوضوء ...ده الي اعرفه مش عارفه بقى صح و لا ايه
تم النشر الثلاثاء، ٢ يونيو ٢٠٢٦
كل المذاهب صح طالما ليها دليل بس احنا بناخد بالاوثق لو كل منطقة ليها مذهب فدي هتبقي مشكلة كبيرة وممكن تحصل صراعات ومشاكل لحنا في غنى عنها
تم النشر الثلاثاء، ٢ يونيو ٢٠٢٦
بالظبط اصل سمعت اللي بيقول لازم تتبع النص وكده طب انا اصلا معييش الادوات اللي افهم بيها النص ولسا في الاول فالأمر كان شائك بالنسبالي
تم النشر الثلاثاء، ٢ يونيو ٢٠٢٦
مش فاهم صراحة يعني ايه الاوثق المفروض طالما كله صح يبقا أي مذهب صحيح
تم النشر الثلاثاء، ٢ يونيو ٢٠٢٦
لعرض السؤال في فدني اضغط هنا