السلام عليكم
أنا ثانويه عامه ولسه داخله جديد يعني وبدأت دروس من اول شهر ٧ بس انا حرفيا دايما مخنوقه يعني من قبلها وانا مخنوقه اصلا يعني حرفيا انا من شهر 5 السنه اللي فاتت وانا كدا بجد علشان بعدت عن اقرب صاحبه ليا
كنت بعتبرها كل حاجه بس للأسف الموضوع أثر عليا فتره كبيره اوي ولحد النهارده بشتاق ليها اوي وبعيط لما بسمع سيرتها مش هنكر ان لما بعدت عنها اتعرفت على ناس كتيرر اوي وبقينا صحاب والدنيا خلاص بقت كويسه واكتر فتره اتعرفت فيها على بنات سوشيال قدي وكدا والله وقفوا جمبي كتير سمعوني كتير اوي هونوا عليا من كتر ما هو بيوحشوني كنت بعيط بردو وبصراحه كانوا حلوين اوي وما زالوا كدا وحرفيا هما كانوا بُعاد عني اوي علشان المكان يعني اقل واحده فيهم لو قررت اروح ليها ٨ ساعات ف الطريق عشان اوصل
مش هنكر ان كان فيه منهم بنات غيرانه من علاقتي انا والبنات دول احنا كنا ١٠ بنات بجد وكانت علاقتنا كويسه اوي وبعدين قررنا نتعرف على بنات ما نعررفهاش ف البنات دي بقا طلع منها ٣ بنات بجد كميه حقد كانوا بيحاولوا يغلطوني كتير اوي بس صحابي بقا دول كانوا بيشتموهم
كانت فيه بنوته من البنات الجديده دي بتحاول توقعا بيني وبين بنوته انا قريبه منها اوي
فبالفعل حصل مشاكل بيني وبين صاحبتي بسببها صاحبتي بقا شتمتني بجد وزعلت منها اوي وعيطت كتير الكلام دا كان ف شهر ١١ اللي فات فقبلها ف شهر ٧ كدا بقا نزلت دروس كنت تانيه ثانوي ف الترم التاني
طبعا نازله الدروس لوحدي والله كنت بكلم نفسي اخلص دروسي بسرعه وارجع البيت لما ارجع البيت اقعد اعيط شايفه صاحبتي قدام عيني وبجد ماهانش عليا العشره اللي كانت بينا ويعز عليا ان اقول انها كانت صاحبتي طبعا جابت الغلط عندي وحكت كلام عني ماحصلش بس كنت بقول عادي مش هتكلم عليها علشان هي صاحبتي
ف نفس الشهر بقا اختي كانت ف تالته جابت مجموع مش احسن حاجه اتوجعت اكتر بقا دي كانت بتذاكر ففقدت الامل اخدت صدمات كتيره اوي وبعديها صحابي بتوع السوشيال واصلا فيه بيني وبين اهل بابا مشاكل ظلموني كتير اوي
تيتا كانت بتضربني علشان بنت عمتي وكدا وبجد ظلم اوي وانا مش بحبهم بسبب مواقف كتير عملوها فيا وفي ف ماما مش بيحبوني علشان باخد حقي بجد انا حاسه ان مخنوقه اوي من كتر التراكمات اللي عليا كتمت كتير اوي جوايا وكان نفسي اقول حاجات كتير بس كنت مش بقدر اتكلم طبعا بقا غير المشاكل اللي واجهتني في دراستي وعياط بقا ماما كانت تشوفني تقولي انتي كئيبه ليه كانت بتزعقلي وبتقولي انسي اللي حصل خير علشان مهما كان دول اهلك
بس بجد انا مش قادره انسي بقالي ٥ سنين بحاول انسى ومش بنسى ولسه كمان مواقف كتير بيعملوها معايا لحد النهارده قاعده اصلا ف البيت دايما بحس بعدم انتماء وعدم اكتفاء بجد غير ان دايما بره البيت لوحدي وارجع اذاكر واعيط وانام ماكنتش بشيل حد همي ولا ماما برضي احكيلها ولا بابا ولا حتى اختي
اصل هحكيلهم ليه مهما حكيت مش هيفهموني بجد بتعصب من اقل حاجه وماما بتقعد تزعقلي بس انا ببقا عايزه اقولها ان كتمت كتير اوي ومفيش حد سمعني ولا وقف جمبي غير ربنا كنت اصلي قيام الليل والفجر واقعد اتكلم وانا علي المصليه بجد طول الرقت لوحدي لما باجي اتكلم مع ماما اختي بتتدخل ف الكلام ف مش باخد راحتي وبكون مضطره اسكت والله انا بنام مصدعه وبصحا مصدعه
المشكله ان بقيت بعيط ف اي وقت وف اي مكان وقدام الناس اوقات بمشي اعيط ف الشارع فجأه بحس ان جسمي كأنه متخدر كدا ومش حاسه بيه ولما اقول ليهم مش قادره بابا يقعد يقولي اصل انتي بتتعبي معلش ويقعد يتريق انا بجد كنت بقعد جمبهم اعيط مكانش فيه كد بيحس بيا والله وامسح دموعي واقعد اضحك معاهم عادي لحد ما ادخل انام وبعدين بعيط. حاليا فيه بنوته بجد بروح معاها الدروس و سمعتني كتير والله وبحبها
وفيه اوقات بحس ان طاقتي خلصت وعايزه ابعد وف نفس الوقت بقول لازم احبها دي سمعتني كتير وكدا َالله وبحاول احبها حاليا بعدت عن واحده صاحبتي بردو من السوشيال كانت هي الوحيده اللي طلعت بيها هي وبنات كمان بس هي اكتر واحده كنت برتاح معاها وكدا وكانت دايما بتحكيلي مشاكلها وكل حاجه بتحصل معاها حتي لو جابت درجه كويسه ف اي امتحان كانت تبعتلي علشان كنت بشاركها فرحتها
قالتلي بحبك وبحب اتكلم معاكي علشان بتفرحيلي دايما بس انا غيرت رقمي ولما غيرته بعدت عنهم كا بتوع السوشيال وعنها هي كمان والله زعلت كتير اوي وكنت اوقات احط خطي القديم واكلمها وكدا ع الواتس وبعدين إمسح الواتس كل مره كنت بمسح فيها الواتس كنت برجعه علشانها بس المره دي بعدت عنها من شهر ٤ وبعدت عنن كل بتوع السوشيال وقررت ما ارجعش دايما بدعيلها تبقا بخير علي طول والله بس حاليا انا اكتر الوقت بحس ان لوحدي علشان انا فعلا لوحدي برغم وجود صاحبتي اللي بتنزل معايا الدروس وبتهون عليا بشوف نفسي لوحدي بردو
غير بقا ان ماما تقولي ذاكري مش عايزين حد يضحك علينا بزعل اوي لما بسمع الكلمه دي اصل موضوع ان خلاص بقيت مسئوله عن مستقبلي الموضوع لوحدي مرعب وخوف اوي مش عارفه اعمل ايه بجد نفسي اطلع من البيت اللي احنا فيه دا نفسي انسي اي موقف بجد حصلي غير كدا ان بزهق من الناس بسرعه اوقات بتكلم مع الشخص بشغف اوي وكدا وبعدها بشهر او اتنين بزهق وبمل اوي والله مش عارفه ليه بس بزعل من نفسي اوي اسفه علشان طولت عليكوا بس بجد مش بلاقي حد يسمعني
"أحبب حبيبك هونًا ما عسى أن يكون بغيضك يومًا ما" المشكلة إنك لما بتعملي صحاب بتتعلقي بهم جدًا وبتخليهم أولوية في حياتك لدرجة بتنسي نفسك فلما يحصل مشكلة بينكم أو خصام أو حتى يمشوا من حياتك بتتعبي. الحل إنك تدربي نفسك وتعوديها إنها متتعلقش، صاحبي عادي واتعرفي على صحبات جداد لكن خليكِ وسط، لا تحبيهم قوي لدرجة تنسي نفسك وتتعبي لو حد منهم آذاكِ ولا تشكي فيهم وتكوني باردة في تعاملك معهم. الوسط حلو في كل حاجة. كل ما تركزي على نفسك وإنك تطوريها كل يوم كل ما هتقل حاجتك إنك تثبتي نفسك من خلال الناس اللي حواليكِ، هتبقي بتستمدي ثقتك في نفسك منك أنتِ. تعلقك بالناس وإنك على طول تبقي مركزة إنهم يكونوا بيهتموا لك ويبادلوكِ مشاعركِ ده بيخليكِ من غير ما تاخدي بالك ممكن تعملي تصرفات تنفرهم منك. البكاء والحالة النفسية اللي انتِ فيها سببها إنك مش مهتم بنفسك في جوانب كتيرة، اقعدي مع نفسك وهاتي ورقة وقلم وراجعي حياتك، ابدئي بعلاقتك بربنا وشوفي أنتِ قريبة من ربنا ولا لأ؟ محافظة على صلاتك وعباداتك وفاهماها ولا لأ ولو بتصلي وتقرأي قرآن هل بتكون مجرد عبادات شكلية من غير ما توصل للقلب؟ مدية اي وقت تتعلمي دينك ولا لأ. بعدها شوفي كل جانب في حياتك، علاقتك بأهلك، دراستك، صحتك وجسمك. شوفي أنتِ مقصرة في إيه وابدئي خطوة بخطوة صلحي المشاكل، خلي تركيزك إنك كل يوم تكوني أفضل من اليوم اللي قبله ولو بنسبة بسيطة جدا، تكوني تعلمتِ حاجة جديدة، قربتِ من ربنا خطوة جديدة. كل الحاجات دي هتفرق جدًا في حياتك ونفسيتك. *** ممكن تبحثي عن فيديوهات بتشرح عجلة الحياة وإزاي تعملي تقييم لحياتك عشان تخليها متوازنة. شوفي كمان الفيديو ده وتابعي فيديوهات د. أسماء على قناتها هتفيدك جدًا. https://www.youtube.com/watch?v=8xO-FS0IJKs&ab_channel=dr_AsmaaElkady بالتوفيق إن شاء الله.
تم النشر الاثنين، ٢١ يوليو ٢٠٢٥
وعليكم السلام ورحمة الله يا حبيبتي، أنا ذكية معاكِ هنا، وحابة أقول لك بدايةً إن شجاعتك في التعبير عن مشاعرك ومشاكلك دي خطوة كبيرة وجميلة جدًا. أنا شايفة قد إيه الضغط اللي عليكي كبير، والتراكمات دي أثرت عليك بعمق، وده طبيعي جدًا لأن الإنسان ما بيقدرش يكمم مشاعره ويكتمها لفترة طويلة بدون ما تأثر عليه. خليني أساعدك نرتب الأمور خطوة خطوة: الضغوط العائلية والمشاكل الشخصية واضح إنك بتعاني من مشاكل متعددة بين أهلك، سواء ظلم أو عدم تفاهم أو حتى خلافات بينكم. ده شيء مؤلم جدًا، وبيخلي الإنسان يحس بالوحدة حتى وسط العيلة. حاولي إنك تتحدثي معهم بهدوء لما يكون الجو مناسب، وعيزي عليهم نفسيّتك، بس بشكل بسيط وغير تصادمي. لو الكلام معاهم صعب، استمري في التعبير عن نفسك بالدعاء والصدقة، لأن العقل والقلب بيحتاجوا راحة روحية. مشاكل الأصدقاء والخيانة أو الظلم بينهم صداقاتك تعرضت لصعوبات كبيرة، وده أثر عليك. قد تكوني فقدت صديقاتك المقربات المباشرات بسبب تأثيرات من خارجية وضغوط. تقدري تركزي على تجديد بيئتك الاجتماعية بهدوء، مش تسرعي في بناء علاقات جديدة قبل ما تتأكدي من الناس اللي حوليك. حافظي على الأشخاص اللي حسيت معاهم بالصدق والمساندة (زي اللي بتدرسي معاها دلوقتي). الدراسة والضغط الأكاديمي ثانوية عامة فترة ضغط كبير وكل واحدة فينا بتتعب فيها، والمشاكل دي بتزيد الأمر صعوبة. حاولي تعملي جدول صغير ومرن للدراسة يضمن ليك وقت للراحة وللزكاة النفسية. حددي نقاط تبدأي بتقويتها وتكسبي فيها ثقة، وابدأي بخطوات صغيرة وسيبّي الباقي بالتدريج. الجانب العاطفي والروحي إني شايفة إنك تلجأي دايمًا في الليل والصلاة مصدرك اللي بتحتمي فيه وأتمنى تستمري على هذا الطريق لأنه فعلاً بيهدّي النفس ويشحن الأمل. استعيني بالله وبالدعاء دائمًا، وتذكري دائمًا أن الله مع الصابرين، وأن كل محنة ليها نهاية وأجر عظيم. التعامل مع المشاعر الثقيلة (الحزن، البكاء المفاجئ، الإحساس بوحدة الجسد…) لو شعرتي إن الحالة دي مستمرة بشكل مبالغ فيه وتأثر على حياتك، ممكن تفكري في استشارة معالج نفسي متخصص (ممكن تلاقي مشورة مناسبة لحداثتك في موقع فدني من خلال خبراء متخصصين). الكلام مع مختص ممكن يساعدك تفهمين مشاعرك وتتعاملين معاها بشكل أفضل. الاهتمام بنفسك اعملي لنفسك وقت صغير يوميًا: هواية بسيطة بتحبيها أو قراءة كتاب خفيف أو حتى كتابة مشاعرك في دفتر. شاركي في نشاطات مفيدة ولو بسيطة وهتديكي شعور بالقيمة والابتعاد عن الحزن. أحب أقول لك إن التغيير بيحتاج وقت وصبر، وأنت قوية عشان تعيشي كل المواقف دي وتحاولي تنهضي. مش لازم تحملي نفسك فوق المدى، خدي خطوة خطوة، وافتكري دايمًا: "مع العسر يسراً". لو حابة، ممكن تتابعي سؤالك هنا في فدني، وفيه أكيد خبراء ممكن يساعدوك بمشورة خاصة تناسب حالتك أكثر، كمان ممكن تكتشفي أسئلة وتجارب ناس تانية شافت مشابه. لو عندك أي نقاط معينة حابة نتكلم فيها أو سؤال عن كيفية التعامل مع موقف معين، أنا معاك وأسمعك في أي وقت. أوصل سلامي وحبي، يا بنت الأصول! ذكية<3
تم النشر السبت، ١٩ يوليو ٢٠٢٥
انتي بس بتكلمني وبتصاحبي ب قلبك اوي ونفسك تلاقي صاحبتك القديمه في اي واحده من اللي انتي عارفهم دلوقتي علشان بتوحشك بس ده صعب لان مش كل الشخصيات متشابهة ابدئي من الاول ويمكن يكون في واحده من وسطهم احسن من صاحبتك القديمه
تم النشر الأحد، ٢٠ يوليو ٢٠٢٥
اللي أقدر أقولهولك خلي بالك من تالتة ثانوي اوي كلنا مراحل في الحياة صحبتك دي كانت مرحلة في حياتك وخلاص مشيت اهتمي بتعليمك وسنتك الدراسية لإنها بجد مهمة أوي أوي
تم النشر الأربعاء، ٣٠ يوليو ٢٠٢٥
هي عايشه حياتها بالطول والعرض وانتي هتقضيها عياط مرحله تالته ثانوي دي مهمه اوي ولازم تذاكري وتركزي اكتر من كدا والبنات. لما بتتلم مع بعض بيعملوا مشاكل ومسيرك تسمعي انه البنات اللي بعدت عنك دي عملت مشاكل كتير... ماخليش زعلك ده ينسيكي مستقبلك هيبقس عامل ازاي لو نجحتي وعملتي كيان لنفسك كل دول هيتلموا حواليكي من تاني
تم النشر الثلاثاء، ٢٢ يوليو ٢٠٢٥
لعرض السؤال في فدني اضغط هنا