السلام عليكم ورحمه الله وبركاته بصي يا جميله هي دي حاجه بيقع فيها الصحاب القريبين من كتر ما هم قريبين بيبقى لما بيتشافوا مع بعض بيكونوا خلاص يعني مرتبطين فلانه وفلانه ممكن في حد بيكون حابب انه لا انا مش عايز دايما اكون مربوط بصاحبتي حتى لو هي صاحبتي القريبه مني انا عايز الناس لما نكون موجودين يشوفوني انا فللأسف بيعملوا ده من غير ما يحسوا من غير ما ياخذوا بالهم بانهم يبدأوا يبينوا نفسهم على حساب اللي معاهم فتبقى بتزود قوي في الهزار عليك او تبقى بتتكلم بطريقه مش لطيفه او تتريق عليك على اساس ان هي اكثر حد عارفك كل ده ممكن تبقى من غير ما تاخذ بالها من غير ما يكون قصدها بتعمله هل كده هي بقت صاحبه وحشه وانت المفروض تبعدي عنها ل،ا لانه مش ضروري تكون قاصده ده خالص انت محتاجه بس تتكلمي معاها وتعاتبيها وتاخذي موقف لو حصل واتكلمت بطريقه انت مش حباها او قالت حاجات انت شوفتي انها بتقلل منك فضروري تاخدي رد فعل حتى لو كان رد الفعل ده قصاد الناس قصاد الناس يعني انا بقول لك اهو بمعنى الكلمه احرجيها في مره وفي مرتين لو هي عاتبتك وقالت ليه احرجتيني انت كمان هتوضحي لها انك عاتبتيها وقلت لها بلاش طريقه الكلام دي او بلاش التصرف ده لانه بيضايقني وهي ما اهتمتش بده فكان واجب انها ان انت تحرجيها قصاد الناس محتاجين ان احنا نعمل ده حتى مع صحابنا اللي بنحبهم اه لانه ده واجب الصداقه واجب الصداقه ان احنا نصلح لبعض الاخطاء اللي ممكن تطلع مننا واحنا مش حاسين او واحنا متغفلين او ان في حاجه هي اللي شدانا بنعمل تصرفات هي مش احسن حاجه.
تم النشر الثلاثاء، ٢٥ فبراير ٢٠٢٥
بحس لو عاتبتها هتستغل ده وتجرحني اكتر وتعرف انها كدا بتأثر عليا وانها مش هتبطل بصراحه بحسها بتغير مني اوي بس بتحاول متبينش ده وفي مره واحده كانت حابه تتعرف عليا وتكلمني قالتلها دي مشكلجيه وقعدت تحكيلها علي كل مشاكلي اللي هي تعرفها وعاشتها معايا انا محكتلهاش حاجه فهي كدا مش امينه تفتكري اسيبها ولا استحملها وخلاص واعاملها بالمثل بس انا مش بحب اكون بعامل صحابي بالند
تم النشر الثلاثاء، ٢٥ فبراير ٢٠٢٥
لعرض الإجابة في فدني اضغط هنا