استشارة لحل مشكلة

Question

االبنت باباها ومامتها اخدين بعض عن حب المهم مكانش أهل باباها موافقين علي الجوازة بسبب أن باباها مش معاها وسايبها هي واخواتها من زمان وأنها تربية ست مامتها اتجوزت باباها وهي صغيرة في بيت العيلة كانت بتخدمهم وتراعيهم وكانت تخرج بإستإذانهم وتوريهم الحاجة الي جايباها لما تيجي ولو معملتش كدا يتخانقو معاها واه لما حملت في البنت دي اول مرة مكانش عاجبهم أن أول خلفتها بنت وكانت جدتها بتحرض ابنها أنها بنت تعدي الايام وأبو البنت دي كان ظروفه وحشة بس هو علشان بيحب مامتها بيشتغل بالشغلانتين في ظل أنه بدأ يخون ثقة مراته ويعمل حاجات كتير وحشة وكانت بتعديهاله وتقول هيتغير وكانت بتعدي لأنها بتحبه خلفت مرتين بعد البنت ولاد وبرضو مكانوش الأهل عايزين ويقولو مش وقته ف كل مرة لدرجة أن الأم كانت عايزة مش عايزة حمل بعد الابن الي بعد البنت عالطول بس علشان كدا ربنا ابتلاها فيه وجتلو كهربا علي ألمخ كان هيروح فيها وطلعت الفكرة من دماغها وخلفت تاني كل ده في مشاكل برضو بس هي بتنفض من ناحية جوزها وأهله وكانت تسبب الطلاق بس هي بتعافر علشان بتحبه الاب بدأت حالته تتحسن واشتغل شغلانه حلوة وعيش عياله كويس لفترة البنت دي بدأت تكبر ف الام شايفة أن الأب لا بياخدهم ف حضنه ولا بيحن عليهم من الاخر فجأه الاب استغل أن ياخد بالذات بنته ف حضنه ويعمل حاجات مش كويسة معاها ويبصلها أنها مش بنته كل ده وهي ف تالتة اعدادي هي مكانش فاهمة أن الموضوع دي كارثة البنت دي غلبانة ومع كدا كان بيقولها ده سر ما بينا محدش يعرفه غيرنا تمر الايام وهو بيعمل كدا لحد ما اجت الفرصة والام عرفت من آلبنت الي بيعمله كانت طبعا هتطلق بس اخت الام راح ليها الاب وعمل نفسه بيعيط وأنه عارف نفسه غلطان ومش هيعمل كدا تاني وبالتالي نجح أنه يخلي خالة البنت تقصر علي اختها وتخليها تديله فرصة ومع ذلك هو حاول يعمل كدا مع البنت تاني بعدها علي خفيف بس مش زي الاول بس البنت برضو مكانتش فاهمة حجم الموضوع ومقالتش بقي لمامتها تاني الاب بقي يتعامل مع البنت أنها هي السبب ف أن مراته تتغير معاه للاسوء وبقي حاطط بنته أنها سبب ف كل خناقة معنه هو الي كان بيعمل كدا وبيغلط دلوقتي وبعد ٥سنين من الواقعة وبعد ٢١ من جوازهم الام اكتشفت خلاص أن الأب مريض نفسي وكانت بتروح لمامتها كذا مرة وبيرجعوها بس بقالها شهرين سايبة البيت والعيال مع باباهم هو مش عايز يطلق مامتها ومصمم انها ترجع والكل المشكلة متعاطف معاه لأن هو بيعرف يتقن الدور ويكسب الاستعطاف وبيعامل عياله بطريقة مادية الي هو اعملو بالفلوس الي بتاخدوها وبيدي عياله ويروح يقول علي كل جنيه بيديهالهم علشان يبين أنه مش مقصر ملحوظة أنه دخله اتحسن جدا وهو مقالش لمراته وبيخبي الفلوس في البنك وبيديها نص المرتب بس دلوقتي هي كل ما تجيلو الفرصة أنه يضرب البنت وأخوها الصغير لدرجة أنه ضربها مرة ضرب محدش يستحمله بالشد بالشعر والجر منه والكفوف وكل ده باين عليه بإنتقام البنت حالتها صعبه جدا جدا ونفسيتها واعصابها ميقوش قادرين لدرجة أن ايديها بقت ترتعش وبقت بتعيط واعصابها تتعبها من اقل صوتها عالي لأنها عاشت عمرها كله ف خناق ما بين الام والاب ودائما الخناق بيكون قدامها ( للاسف دي انا وحالتي بتسوء واعصابي بدأت أنها تنهار انا تعبت ومش عارفة اعملي اي وخصوصا اني بنت ومينفعش امشي من البيت ) ملحوظة ده حصل معايا وانا ف تالتة اعدادي انا دلوقتي عندي ٢٠ سنه يعني عدي حوالي خمس سنين عايزة كل الي يشوف المسج يدعيلي بظاهر الغيب ولكم بالمثل واضعافة يارب

Accepted Answer

السلام عليكم يارب تكونى بخير الله يعينك ويهون عليكى ما انتى فية ويؤجرك على كل الرعب اللى انتى شوفتية دا يا بنتى ويرجع والدتك سالمة غانمة ليكم ويهدى ابوكى انا والله ما عارف اقول ايه سوى انى أدعيلك قربى من ربنا اووى هو ملجأك الأول والأخير ربنا يرزقك السكينة فى الحياة يارب 🖤

Answer

أنا آسفة جدًا لكل اللي مريتي بيه، وأقدر إنك تعبانة نفسيًا وجسديًا من كل الضغوط دي. اللي حصل معاكي مش ذنبك أبدًا، ومش من حق أي حد يستغل ضعفك أو يستخدمك ككبش فداء لمشاكله. أنتِ دلوقتي ٢٠ سنة، وده وقت مهم جدًا تبدئي تفكري في سلامتك النفسية والجسدية حتى لو الظروف صعبة. أول حاجة لازم تركزي عليها هي سلامتك. لو الضرب مستمر أو بيزيد، حاولي توثقي أي إصابات أو حوادث بصور أو ملاحظات بسيطة بدون ما يلاحظ، عشان لو احتجتِ تدعيم قانوني أو تدخل من جهة رسمية يكون عندك دليل. كمان، لو فيه أي فرصة آمنة تتكلمي مع حد من أهلك الموثوقين (زي خالتك لو ممكن تكوني واضحة معاها دلوقتي أكتر)، أو حتى مع جهة متخصصة في حماية المرأة أو الطفل في بلدك، متتردديش. في مصر مثلاً فيه خطوط ساخنة للعنف الأسري زي ١٣٧ أو منظمات زي المجلس القومي للمرأة، ممكن تسألي عن خدماتهم بدون ما تكشفي هويتك في البداية لو خايفة. نفسيًا، حالتك دلوقتي بتحتاج دعم متخصص، مش مجرد كلام. حاولي تبحثي عن عيادات نفسية مجانية أو مدعومة في منطقتك، أو استشيري طبيب نفسي حتى لو أونلاين في البداية عشان تساعدك تتعاملي مع الارتعاش والقلق والانهيار العصبي. ربنا ابتلانا بظروف صعبة أحيانًا عشان نتقوى، لكن الاستعانة بالله ما بتمنعش إننا نطلب مساعدة بشرية. أنتِ مش لوحدك في المعاناة دي، وكتير بنات قدروا يخرجوا من مواقف مشابهة لما بدأوا يخططوا بخطوات صغيرة زي تعلم مهارة أو البحث عن فرصة عمل تساعدهم يستقلوا تدريجيًا. خدي خطوة واحدة صغيرة النهاردة، زي كتابة مشاعرك أو البحث عن رقم مساعدة، وهتكوني بدأتِ رحلة التعافي. لو عايزة تحكي أكتر أو تحتاجي نصيحة في خطوة معينة، أنا هنا أسمعك وأدعمك. أنتِ قوية أكتر مما تتخيلي.

استشارة لحل مشكلة

نفسية

اكتئاب

سؤال من احد أعضاء فدني

تم النشر الأربعاء، ١٧ يونيو ٢٠٢٦

2 إجابة

2 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك