انا طالبه في الثانوية العامة اتعرفت على شاب من خلال مواقع التواصل الإجتماعي في البدايه كنت خايفه ومتردده اكلمه ولا لا بس انا كان عندي وقت كتير فاضي فقولت اجرب او اوافق اكلمه المهم دلوقتى احنا لينا اربع شهور مع بعض
اكتشفت انه شخص محترم جدا للعلم هو أكبر مني بسنه هو حبني وانا حبيته وبعتلي صور اهله وعرفني عليهم وعمال يقولي انه هيتجوزني لما انا ادخل الكلية واتخرج بس قالي هخطبك لما تروحي الكليه يعني كمان سنه
دلوقتي انا خايفه جامد يكون بيكدب عليا ومش يتجوزني رغم اني واثقه فيه وانا هتقول هتقولولي ابعدي عشان حرام انا نفسي ابعد عشان حرام بس اتعلقت بيه جامد بقيت مش متخيله يومي من غيره واحنا دايما بندعي نكون من نصيب بعض
وهو قالي هعمل كل حاجه عشان اتجوزك للعلم اتعرفنا على بعض صدفه في البدايه بس متوقعتش ان ممكن احبه واتعلق بيه للدرجه دي وفي نفس الوقت خايفه من اهلي لو حد عرف منهم للعلم هو من أسوان وانا من البحيرة بس والله احنا عارفين ان طريقه حبنا جات غلط وبندعي كتير محتاجه رد حد علي حالتي
هو مبدئيا كده مش هيجي يتقدم وقت لما يقرب الوقت الخطوبه أو الجواز هتلاقيه مش موجود اصلا وهو هيتلكك ب اي حاجه معلش دا انا عندي ظروف معلش دا انا لسه محتاج فلوس معلش انا لسه ماكونتش نفسي ومن ده كتير بقا أصلك مش فاهمه دماغهم وكل الولاد شبه بعض ماتقوليليش دا انا عرفته وانا واثقه فيه مافيش منه الكلام ده كل تفكيره أنه بيسلي وقته ولما يجي وقت الجد كل تفكيره دي كلمتني من ورا اهلها يبقا لما اخطبها ممكن تكلم حد من ورايا حتى لو عارف كده هيختار واحده ما اتكلمش معاها هيختار الي مامته جيبهاله حتى ياستي لو الموضوع كمل وهو فعلا فاتح أهله هل أهله هيوفقوا ؟ بلاش أهله هل أهلك انتي هيوفقوا؟ دا لو جه اصلا ودي حاجه مستبعده ولو اتخطبتوا شك فيكي طول الوقت حرفيا خلينا بقا في غضب ربنا علينا علشان الحرام ده مبدئيا لو ربنا ستر عليكي وحصل نصيب هي سنه بالضبط وكل الحرام ده هيطلع في هيئه خناق ومشاكل لأن العلاقه مبنيه على حرام فربنا هياخد من الحاجات الحلوه علشان الحرام ده وانتي اصلا في ثانويه عامه هتذاكري ولا تكلميه؟ بصي حتى لو مريضه بيه روحي دلوقتي اعملي بلوك وكأن شيئا لم يكن
تم النشر الثلاثاء، ٤ أغسطس ٢٠٢٦
السلام عليكم، طيب خلينا ننسى إن أغلب العلاقات اللي عن طريق الإنترنت بتكون تسلية ومفيش جدية (ده بعد تجاوزنا نقطة حرام وحلال)، وخلينا نفترض إن الشاب ده محترم زي ما بتقولي وفعلا عاوز يخطبك وإن كل الكلام اللي حكاه لك عن نفسه حقيقي ومكدبش في حاجة. نفترض إن كل ده حقيقي، خلينا نشوف الواقع بيقول إيه؟ أنتِ ثانوية عامة وهو أكبر بسنة.. يعني هو أولى كلية. مين شاب في مصر مستعد يتزوج وهو في بداية الكلية؟ والده من الأثرياء يعني وهيصرف عليكم لحد ما هو يتخرج ويلاقي شغل؟ فرضنا أهله مش أثرياء وهو هيجهز نفسه ويشتري شقة ويكون معه فلوس يتقدم ويفتح بيت، تفتكري شاب في ثانية جامعة ياخد وقت قد إيه عشان يعمل ده؟ لما يتقدم لك وهو مش متخرج ولا معه وظيفة، أهلك هيوافقوا؟ **** يعني حتى مع افتراض صدقه فالموضوع صعب، وفيه احتمال كبير للفشل، حتى مع الوعود اللي بيقولها (واللي لو صادق فيها فهي مجرد وعود كلامية تحت تأثير مشاعر في فترة حلاوة البدايات) *** لو عاوزة نصيحتي، ابعدي عنه، واقطعي التعلق اللي أنتِ فيه وتوجعي شوية دلوقتي بدل ما الوجع ده يزيد بعدين ويتحول لكسرة صعبة في حياتك. خاصة وأنتِ ثانوية عامة ومرحلة عاوزة كل تركيزك. مينفعش تخلي يومك قائم عليه، ده هيؤثر على دراستك بطريقة سيئة جدا وعلى حياتك عموما. لو شغلتِ وقتك بالمذاكرة ووضعتِ اهداف تانية وسحلتِ نفسك فيها كل يوم، هتنشغلي عنه والتعلق ده هينكسر. فكري كويس واعملي اللي فيه مصلحتك. وربنا يوفقك.💚
تم النشر الاثنين، ٣ أغسطس ٢٠٢٦
مافيه شي يضمن انه بيتزوجك حتى لو كان صادق في كلامه معاك إن كان جاد فسوف يأتي من الباب عندما يستطيع أما الآن لا تعلقي مستقبلك بهذه الوعود كلها مجرد كلام في أي لحظة ممكن يتركك ركزي في دراستك ومستقبلك وحاولي تتركين هذا التعلق لان العلاقة من الاساس غلط ممكن ما يكون جاد ويلعب بمشاعرك وفي اي لحظة يختفي
تم النشر الاثنين، ٣ أغسطس ٢٠٢٦
أختي العزيزة، أفهم تمامًا الصراع اللي بتمرّي بيه، فالارتباط العاطفي بيخلي الإنسان يحس إنه مش قادر يتخيل يومه بدون الشخص التاني، وده شعور طبيعي في البداية، لكنه بيحتاج توجيه عشان ما يأثرش على مستقبلك وصحتك النفسية. أنتِ دلوقتي في مرحلة مهمة جدًا من حياتك، وهي الثانوية العامة، والتركيز على دراستك هي أفضل استثمار لمستقبلك، سواء كان الشاب ده نصيبك أو لا. من الناحية الإسلامية، العلاقة دي بدأت بطريقة غير شرعية، وده بيخلي القلق والخوف يزيدوا، لأن الراحة الحقيقية بتيجي لما نرجع للطريق الصحيح. أنتِ بتقولي إنكِ عارفة إنها غلط وبتدعوا إنكم تكونوا من نصيب بعض، وده أمر جميل، لكن الدعاء لوحده مش كفاية بدون خطوات عملية. جربي تعملي استخارة صادقة، وتطلبي من ربنا يبعد عنكِ أي شيء مش خير لكِ، وفي نفس الوقت ركزي على تقليل التواصل تدريجيًا عشان تقدري تفكّي التعلق ده بدون ما يحصل صدمة كبيرة. الخوف من إنه يكون بيكذب وارد، خاصة مع اختلاف المحافظات (أسوان والبحيرة) وإن الخطوبة مؤجلة لسنة، فده بيحتاج تفكير هادئ في التوافق الحقيقي بينكم، مش بس العواطف. ركزي دلوقتي على دراستك وتطوير نفسك، وادعي ربنا ييسر لكِ الخير، ولو حابة تشوفي تجارب مشابهة، ابحثي عن أسئلة مشابهة على فدني عشان تاخدي وجهات نظر إضافية. أنتِ قادرة تتجاوزي ده، ومستقبلك أهم من أي تعلق مؤقت.
تم النشر الاثنين، ٣ أغسطس ٢٠٢٦
تم النشر الثلاثاء، ٤ أغسطس ٢٠٢٦
حالتك مش محتاجة رد ... استغفري ربك واسترجعي الحياء .. العودة صعبة لكن ليس لها بديل
تم النشر الثلاثاء، ٤ أغسطس ٢٠٢٦
انا بثق فيه جدا بس مش قادره اسيبه يمكن اكون مريضه بيه
تم النشر الاثنين، ٣ أغسطس ٢٠٢٦
كيف هو محترم وانتي لا تثقي فيه وكيف هو محترم وبيكلمك في الحرام كيف لا تثقي فيه ويومك لا يمر بدونه .. يبقى دا مش حب دا تعلق مرضي
تم النشر الاثنين، ٣ أغسطس ٢٠٢٦
لعرض السؤال في فدني اضغط هنا