السلام عليكم ورحمة الله
كان فيه بنت زمان بتحبني جدا وحبيتها وكان الصله بينا خالها ومتجاوزتش حدودي وطلبتها وقالي هجيبلك الرد وبعدها بشهر قالي مش موافقه وهتتتخطب لابن عما قولتلو ربنا يهنيهم يارب وحضرت خطوبتها وحصلت مشكله وكنت اول الي حلو المشكله والخطوبه مشيت يومها بعدها بشهر كلمتني قالتلي ليه سبتني قولتلها انتي الي سبتيني قالت لا خالي قال ان انك هتتجوز بنت خالتك حصلت مشاكل كتير لحد ما هددوني بالسلاح لو مبعتش عنها برغم اني عمري ما حاولت اوصلها الاول اتجوزت حاولت تكلمني كنت بصدها بعد الموضوع ده مرضتش اتجوز او مكنش عندي قابليه للموضوع لمده ٧ سنين واتجوزت علشان كان لازم اتجوز والحمد الله بتقي ربنا في مراتي وعيالي بس السعاده نفسها مش موجوده السؤال مين الظالم والمظلوم في الحكايه دي
السلام عليكم ورحمه الله وبركاته. يعني احنا مش هنقول ظالم ومظلوم ولكن هنقول انه خالها هو كان السبب في انه الاقدار تمشي بالشكل ده دائما بيكون في اسباب بربنا بيقدرها علشان الخير اللي مكتوب لكل شخص يسري كما هو فانت الخير لك هو في زواجك بعد سبع سنين وزواجك بزوجتك الحاليه ربنا يحفظكم لبعض وهي الخير ليها في الزواج اللي هي تزوجته من سبع سنين. للشخص اللي هم خلوها ترتبط بيه خلينا نقول انه وقتها انه خالها كذب عليك وكذب عليها او وصل الامور بالشكل ده ده الخطا اللي هو عمله ولكن هو التدبير اللي حصل ان عند ربنا في اوله في الاخر وشخص زي ده غلط عشان انتوا اقداركم تمشي بالشكل اللي مكتوب ليها وتتزوجه الاشخاص اللي مكتوبين لكم في القدر يعني. ما تفكرش في الموضوع لانه طالما الشيطان بدا يفتح لك الباب ده عشان يقول لك انت مش حاسس بنفس السعاده الاحساس مش نفس الاحساس اهلا وسهلا هو كده بدا يدخل علشان يبوظلك علاقتك بزوجتك فخلي بالك كويس جدا جدا لان د مع البنت اللي انت كنت بتحبها دي كنت بتحبها من بعيد لبعيد وكان المشاعر كلها الدافع بتاعها هو الفضول وانتظار الحاجات اللي احنا عايزين لكن هنا انت بتحس حقيقيه بمواقف حقيقيه مع زوجتك فهنا ده احساس وده احساس ما تخلوش يضحك عليك بالحته دي مستعيذ بالله من الشيطان من وسوسته ما تمشيش وراه الباب اللي هو عايز يفتحه.ه بتكون البدايه دي كده فتحه الباب فاقفل الباب بسرعه وما تسمعش كلام الشيطان ده اللي جاي بيفتح لك موضوع قديم عشان خاطر بقى يفكرك بحاجات قديمه عشان يبدا يكرهها في سقطك قوي يحسسك انه لا مهما هي عملت مش هتحسي منها نفس اللي انت كنت بتحسه في الحب القديم الكلام ده اصلا كله كلام فارغ جدا واا خالي من المعاني الحقيقيه لانه نوع بتاع المشاعر اللي انت دلوقتي بتجربه مع زوجتك ما لوش علاقه خالص بنوع المشاعر اللي انت جربته
تم النشر الأحد، ٦ يوليو ٢٠٢٥
السلام عليكم، أيًا كان اللي حصل في الماضي فكلها أقدار وهي في النهاية مكنتش مكتوبة من نصيبك وكل واحد في النهاية بقى مع شخص تاني. متفهمة إن يفضل فيه أسى ناحية الماضي وتساؤلات لكن هيفيد إيه تعرف مين ظالم ومظلوم أو تفضل تفكر في الماضي ونقول ليه أو لو. الله أعلم ليه خالها تصرف كده وهل كان عنده مبرر لرفضك واتحرج مثلا يقول لك إنه مش عاوزك تتزوجها وليه مكنش صريح معك احنا دلوقتي في الحاضر. بتقول إنك بتتقي ربنا في زوجتك وأطفالك لكن مش حاسس بالسعادة وده طبيعي طول ما أنت بتفكر في الماضي وإن دي كانت فرصة سعادة وبسبب شخص ما تدمرت وطول ما شاغل نفسك بده هتفضل مش شايف السعادة في الحياة والواقع الحالي. اقفل باب الماضي تمامًا واشغل نفسك بالحاضر وادعي ربنا يرزقك السعادة والحب مع زوجتك وأولادك. تحياتي.
تم النشر الأحد، ٦ يوليو ٢٠٢٥
وعليكم السلام ورحمة الله وبركاته أخي العزيز، قصتك تحمل الكثير من المشاعر والمعاناة، وأقدر جدًا شعورك بالحيرة والتساؤل عن من هو الظالم ومن هو المظلوم في هذا الموقف الذي ألمّ بك. دعنا ننظر إلى القصة من زوايا مختلفة، وأضع لك بعض النقاط التي قد تساعدك على الفهم والتصالح مع الموقف: الحب والنية الطيبة: أنت بدأت العلاقة بصدق وحب، واحترمت الحدود وطلبت يدها، وهذا يدل على نبل أخلاقك وحسن نيتك. الرفض والتقدير: رفض البنت في بداية الأمر قد يكون له أسباب كثيرة ربما لا تتعلق بك أو بشخصيتك، ولكن بما أنك قبلت القرار برحابة صدر وكنت من أوائل الأشخاص الذين ساعدوا في حل المشكلة خلال خطوبتها فهذا يدل على نضجك وتعففك. المشاكل والتهديدات: الجانب المؤلم في قصتك هو تعرضك للتهديد بالسلاح بسبب رحيلها، وهذا ظلم واضح منك ومن قبل من هددك. لا يجوز أن تُجبر أو تُهدد في مسألة شخصية تخص مشاعرك. الجمود العاطفي وتأثيره: مرور سبع سنوات وأنت تحمل هذا الجرح يؤثر على حياتك، وهذا طبيعي جدًا، لكن من الجميل أنك قدمت التزامك لزوجتك الحالية وحافظت على تقوى الله في المعاملة، وهذا من أعظم النعم. السعادة والرضا: أنت تسأل عن السعادة، وبحكم تجربتك فإنها ليست مرتبطة فقط بشخص معين بل بفهم النفس وبالرضا. ربما تحتاج إلى رحلة داخلية للتصالح مع الماضي، حتى يسمح لك قلبك بأن يعيش بطمأنينة وسعادة. الظلم والمظلوم: الظلم هنا قد يكون من جهة من أقدم على التهديد والضغط النفسي. المظلوم هو قلبك الذي حبّ بصدق ولم يؤخذ ما يستحقه. ربما هناك ظلم في فهم المواقف من طرف الآخر لكن لا يمكننا ضبط النيات إلا لله وحده. نصيحتي لك: احرص على الاستمرار في التعامل بحسن خلق مع زوجتك وأبنائك، فهم نعمة عظيمة. حاول أن تفتح صفحة جديدة مع نفسك، ولا تحمل هم الماضي كثيرًا، فالحياة أعظم من أن يسرقنا الماضي حزنًا. إذا شعرت أن التجربة أثرت على صحتك النفسية، لا تتردد في البحث عن متخصص نفسي أو مدرب حياة يمكنه مساعدتك على تجاوز هذه المشاعر. ابحث عن السعادة في العبادات، وفي تقوى الله واستشعار رعايته ورضاه. أنت رجل قوي تحملت الكثير، وعليك أن تكرم نفسك بالسلام والراحة. إذا أردت، يمكنني أن أساعدك في كيفية التعامل مع هذه المشاعر أو أوجهك لأحد المختصين في فدني يمكنه مساعدتك بشكل أعمق. وأيضًا أنصحك بالبحث في منصة فدني عن تجارب مماثلة، ربما تجد فيها جوابًا يدعمك. أنا هنا دائمًا معك يا أخي، وإذا حبيت تتكلم أكثر أو تحتاج دعم فأنا ذكية معك. 🌹
تم النشر الأحد، ٦ يوليو ٢٠٢٥
الظالم الوحيد هنا هوا الراجل دا والمظلوم هوا انتا وهيا بس حاول تخلي كل حاجه حلوه كنت بتحيها ف البنت دي ف مراتك
تم النشر الأحد، ٦ يوليو ٢٠٢٥
خلاص متفكرش مين الظالم ومين المظلوم انسى هى اتجوزت وانت ربنا كرمك بزوجه اتقى الله فيها وانسى اللى فات اصل مش نصيبك ف خلاص متفكرش فى الموضوع هى زوجه لراجل تانى سواء قبل كده كانت عاوزه تتجوزك أو حاولت تكلمك وخالها كدب عليكوا بس انت لو بتسأل على مين الظالم ومين المظلوم ف ماشى انت وهى اتظلمتوا بس فى الاول والاخر ده نصيب وقدر عند ربنا مش مكتوبالك بس خلاص
تم النشر الأحد، ٦ يوليو ٢٠٢٥
اخونا افضل حاجة انك خلاص تترك الأمر لأنك تزوجت وهي تزوجت .. فطريق العودة مليان بالمشاكل في زوجتك وزوجها وغير خالك اللي موقفه غريب والله اعلم ليه عمل الحركة دي واي اهدافهم بالضبط .. ولكن افضل شئ حماية لك وحماية للبنت ان خلاص تختم معها الكلام بإني كنت معاكي صادق وحصل اللي حصل غصب عني ولعله خير وانك تركز على اسرتك بانك تعمل خروجة مثلا .. انت متعلقتش بالبنت وببساطة قلت ربنا يسهل لهم ده مؤشر إيجابي لأن في ناس بيتعلقوا بشخص وميقدروش يعيشوا الا بيه .. فالخلاصة اترك الأمر وامشي لقدام فالرجوع ملئ بالعقبات ولعله خير
تم النشر الأحد، ٦ يوليو ٢٠٢٥
لعرض السؤال في فدني اضغط هنا