ازاي الواحد يقدر يقوي شخصيته و يبقي عنده لباقه وسرعة بديهه في الرد وانو يعرف ازاي ياخد حقه بدون ما يركب نفسه الغلط ويرد بذكاء وخاصة عالناس اللي بتبقي شايفه نفسها ما بتغلطش رغم أنهم هم اللي بيبقوا غلطانين
أولا لازم تعرفي ان واحد من السلف اسمه الأحنف بن قيس سئل، لماذا لا يرد على السفهاء؟ قال: إن نبح عليّ كلب..أأنبح عليه؟. ثانيا الصمت والتجاهل هو افضل حل وافضل وسيلة لتعذيب الآخر بس على نار هادية وده شئ م...
خلى عندك كلمات ثابته زى حضرتك ويا فندم وكل الاحترام ليك وبعد اذنك واعتذر واقبل ولا اقبل . زودى الكلمات وخليها اساسيه وانتى بتكلمى حد والالقاب متتنازليش عنها. دى خطوة هتحسس اللي قدامك انه مش سهل يخليكى...
في البدايه لازم تعرف ان شخصيتك جميله زي مهي وميعبهاش اي حاجه لانها بصمتك وان اي موقف بتمر بيه هو تدريب بتتعلم منه فلازم تقيم نفسك بعد الموقف انا كان لازم اتصرف بالطريقه دي كان مينفعش اقول الكلمه دي وه...
الصمت لغة العظماء والتفكير في الكلام قبل الرد
تكوين الصداقات حتي لو بالكدب و كوني اعلي واحده في نظرك و متتنرفزيش بسرعه عن تجربة
القدرة على بناء روابط مع الآخرين ... البعد عن المحبطين والقرب ممن يحفزون غيرهم ... تطوير المعلومات وطريقة التفكير ... القراءة والتمكن من اللغات ... عدم التحدث فيما ليس من اختصاصاتك ... طريقة الجلوس والمشي ... التودد للآخرين وبشاشة الوجه ... الاستماع النشط
مش دايما بتعرف تصمت في ساعات بيحرقوا دمك فلازم هترد وانا من النوع اللي بيستفز بسرعه
لا ماليش في الصداقات الكتيره وخاصة في الشغل كلها مشاكل وحوارات مش بحبها
أولا اعرف نفسك كويس و اعرف قدراتك بلاش تبرمج عقلك الباطن علي الفشل لأنك هتفشل.. ازاي تبرمجه علي الفشل اقولك.. انك تفضل تقول لنفسك كلام من نوعية ( انا بخاف مش هقدر أواجه، مش هقدر ارفع راسي، مش هقدر اقابل فلان، مش هنجح، مش هبقي زي فلان، فلان احسن مني،انا تعبان و مش هخف إلخ) دي برمجة سلبية.. برمج نفسك علي الإيجابيات و بالمصري.. قول لنفسك هعدي في اي شيء و اي حاجه و هقابل اي شخص و معايا ربنا مقويني / هنجح / هسترد عافيتي / ربنا هيشفنيي / هقوم علي رجليا من تاني / ربنا هيكرمني، اللي راح مني ماليش نصيب فيه و ربنا هيكرمني بحاجه احسن) ثانيا اسأل نفسك هل مخاوفك منطقية هل ليها مكان علي ارض الواقع ولا دي مجرد اوهام و وساوس داخلية، أو افكار غلط و انت صدقتها. ثالثا ضع في رأسك فكرة ان كل شيء بيتغير ولا دوام الا لله، يعني لا المشكلة هتفضل مشكلة ولا الايام الوحشة هتفضل مستمرة كل شيء و له وقت، و بعد كده خلاص بينتهي و برضه متفرحش قوي و تهمل لو الظروف أتحسنت و اعمل حساب نفس الجملة ان مصير الحال يتغير رابعا احسن الظن بالله.. ظن في الله كل شيء جميل انه كبير و قوي و متعال و انك عبده و انه بيحب عبده الطلائع و انه بيرزق و بيدي بدون حساب بدليل انه بيرزق الكافر و المسلم، اللي يستحق و اللي ميستحقش علشان هو عدل و مقسم الأرزاق بالعدل و ظن في ربنا ان دايما جنبك اللي يمشي في سكة الله بطريقة سليمة صحيحة ربنا يكون معاه في كل خطوة و يحميه من كل شيء حتي لو اتعرضت لخطر او مكروه اعرف انه برضه فيه خير ليك مفيش قوة شخصية من غير قلب مطمئن و مفيش قلب مطمئن بعيد عن ربنا
انا عايشه في الدنيا دي بستر ربنا والله وبكرمه عليا ويمكن الضغوطات اللي بتعرض ليها هي زياده بس اكيد ربنا ليه حكمه فيها بس الفكره في قوة تحملها والواحد بيدعي ربنا يصبره ويديله القوه ....... بس انا بتكلم علي قوة الشخصيه بالنسبه للتعامل مع الناس اللي بتبقي ليها نفوذ والإنسان اللي بيبقي مش كويس لان دولت يقابلهم كتير في طريقي ودائما ولازم اعرف ازاي إبان قويه واعرف ازاي ارد عليهم وابان قدامهم اني مش خايفه
صح وبتيجي كمان من قناعتك بنفسك وثقتك بنفسك وازاي تعرف تعمل كنترول علي نفسك وتخبي انفعالك ورهبتك من الموقف ايا كان
عالعموم شكرا لحضرتك علي كلامك الرائع ده وربنا يقدرني واعرف أنقذه
الشكر لله.. عموما اللباقة و سرعة البديهة و الردود السريعة بتيجي لما منطقك يكون سليم و يكون عندك معلومات صحيحة كافية، و بعض البشر من الأفضل تجاهلها تماما.
كله تمام وعادي اما ايه التودد للآخرين وطريقة المشي
لعرض السؤال في فدني اضغط هنا