السلام عليكم ورحمه الله وبركاته
كنت عايزة أبتدى شغل دروس أونلاين علوم إبتدائى فبفكر أبداء بس بالطبقة ال A class بحيث إنى أشتغل وقت قليل بس بعائد أكبر ومش عارفة أستقطب الفئة دى و فى نفس الوقت ابداء أنزل فيديوهات شرح مبسط على اليوتيوب و تيك توك
السلام عليكم ورحمة الله وبركاته.. يا رب تكوني بخير حال يا معلمة. التعليم الشغل فيه مسار تراكمي، مش بيجي من مجرد فيديو ولا ماركتنيج... بل بيبدأ من تحسين جودة شغلنا ثم تحسين طريقة وصولنا للناس ولغتنا اللي بنكلمهم بها. فعايزين الأول نبدأ نحسن جودة ما نقدمه... طيب عشان نقدم حاجة للـ A class، فهل إحنا فاهمين مشكلاتهم واحتياجتهم؟ هل عارفين هما بيدوروا على إيه؟ طاب المدارس اللي بيروحوا فيها؟ ده كله عشان أقدر أحدد طبيعة الجودة اللي محتاجينها... الـ A class على الأغلب هيكون محتاج حاجة خاصة، بلغة خاصة، وتقدم له بطريقة خاصة... فشوفي الأول اللي شغال معاهم وافهمي منه. يفضل في النقطة دي تشتغلي مع مكان شغال معاهم، وبعدين تستقلي.... لو لم تشتغلي مع الانترناشيونال قبل كدا، يفضل تبدأئي خطوة خطوة... تقدمي ده للخاص العربي، ثم تحسني اللغة فتقدمي للخاص لغات، ثم مع التحسين والشغل مع أكثر من مكان توصلي للـ A class. طيب نقطة الماركتينج؟ هل هتستنى تماركتي لنفسك بعد ما توصلي لهم؟ من دلوقتي ابدأئي اعلمي لنفسك باروسنال برانيدنج... اتكلمي عن نفسك من خلال ما تقدميه.. ليه أنتي مدرسة علوم؟ ليه مهتمة بالتعليم؟ إيه المختلف عندك؟ هتساعدي الولاد إزاي؟ احكي عن ده وعن قصص بتقابلك مع الولاد وقصصك انت شخصيا مع التعليم وإزاي بتحسني ده... ثم بقى تحاولي تعرفي لغة الـ class a عشان تفهمي تكتبي بلغتهم وتوصلي لمكانهم. ثم هقولك في النهاية شيء مهم.... التعليم رسالة، فكوني دايما صادقة فيه، سواء بتقدمي لل a أو غيرها فابذلي أقصى ما في جهدك وأصدقي فيه وهتلاقي الطرق بتفتح لكِ.
تم النشر الأحد، ٢٩ مارس ٢٠٢٦
و عليكم السلام ورحمه الله وبركاته ، الفكرة في جودة الفيديوهات اللي هتعمليها ، كل ما كانت مظبوطة و متعزب عليها في المونتاج و بجودة حلوة هتقدري تعملي ده ببساطة بأدوات الذكاء الاصطناعي و في منها كتير دلوقتي ، و بعد كده تبدأي تنشري ده على حسابات السوشيال ميديا لحد ما يجيلك اول ٣ طلاب و بدخلهم تبدأي تعملي بقى حملات ممولة او بأنك مع الوقت تقدري تنشئي منصة تعليمية خاصة بيكي ، و فيه منصات تعليمية بتحطي عليها البروفايل بتاعك و فيديو تعريفي و تقدري تظهري نفسك عندهم في بداية الترشيحات و بيكون عندهم نظام تقييم للطلاب و كل ما بيزيد تقييمك كل ما بيزيد الإقبال عليكي ، وبالتوفيق 😊
تم النشر الأربعاء، ٢٥ مارس ٢٠٢٦
وعليكم السلام ورحمة الله وبركاته يا عزيزتي! 😊 فكرتك رائعة وممتازة، خاصة إنها تبدأ صغيرة وتركز على "الـ A class" (الطلاب المتفوقين) عشان وقت أقل وعائد أعلى. هتقدري تجذبيهم بسهولة لو اتبعتي خطة بسيطة، وفي نفس الوقت تنزلي فيديوهاتك على يوتيوب وتيك توك عشان تبني اسمك. إليكِ خطوات عملية: 1. جذب الطلاب الـ A class للدروس الأونلاين: حددي عرضك بوضوح: قولي "دروس خاصة للمتفوقين في علوم الابتدائي – تحضير للامتحانات الدولية/الأولمبياد مع تمارين متقدمة". سعر أعلى (مثل 200-300 جنيه/ساعة) عشان يعكس القيمة. استقطابهم: أنشئي مجموعة واتساب/تليجرام لأولياء أمور المتفوقين (ابحثي عن مجموعات فيسبوك لـ "علوم ابتدائي مصر" أو "أولمبياد علوم"). أعلني في إنستا/فيسبوك بـ targeted ads (استهدفي أهالي في القاهرة/الجيزة، دخل متوسط-عالي، مهتمين بـ "تعليم خاص"). قدمي درس تجريبي مجاني 30 دقيقة عبر زوم، وركزي على حل مشكلات صعبة. أدوات: استخدمي زوم أو جوجل ميت، وGoogle Classroom للتمارين. 2. فيديوهات يوتيوب وتيك توك: ابدئي صغير: 3-5 فيديوهات أسبوعياً، مدتها 5-10 دقائق، شرح مبسط + تمرين سريع + إجابة. اجذبي المشاهدين: عنوان جذاب زي "سر النجاح في علوم الصف X للـ A class 🎯"، هاشتاجات: #علوم ابتدائي #Aclass #دروس اونلاين #تعليم_مصر. تيك توك: فيديوهات قصيرة (15-60 ثانية) مع موسيقى تريندي وتأثيرات. يوتيوب: Shorts + فيديوهات طويلة، وفعلي التعليقات عشان التفاعل. نصيحة ذهبية: انهي كل فيديو بدعوة "احجزي درسك الخاص من اللينك في البايو"، وربطيها بـ Linktree. خطة أسبوعية سريعة: يوم 1-2: صوّري ونزّلي فيديوهات. يوم 3: أعلني وأعملي درس تجريبي. يوم 4-7: دروس مدفوعة (2-3 ساعات يومياً كحد أقصى). توكلي على الله، وابدئي النهارده بفيديو واحد – الخطوة الأولى هي الأصعب! لو عايزة نصائح أكتر، ابحثي في فدني عن "دروس أونلاين" أو زوري صفحة الخبراء https://www.fedni.net/experts لمدربين تعليميين. نجاحك قادم إن شاء الله، أنتِ قادرة! 💪❤️ إيه رأيك، جاهزة تبدئي؟
تم النشر الأربعاء، ٢٥ مارس ٢٠٢٦
إن شاء الله هعمل كدا شكرا جدا ليكم
تم النشر الخميس، ٢٦ مارس ٢٠٢٦
ابدائي عشان تعرفي اي المشكله ومتنتظريش المثالية ابدائي بأقل شئ فديوهات بسيطة وصغيره
تم النشر الأربعاء، ٢٥ مارس ٢٠٢٦
ادخلي علي جروبات الماميز علي الفيسبوك ونزلي فيديو صغير او ريلز بشرح مبسط وان شاء الله هتلاقي ناس بتكلمك علشان تعرف التفاصيل
تم النشر الأربعاء، ٢٥ مارس ٢٠٢٦
تم
تم النشر السبت، ٢٨ مارس ٢٠٢٦
لعرض السؤال في فدني اضغط هنا