انا حاليا في 3 ثانوي بدأت السنه بحماس كبير من حيث الصلاة والقران والاذكار والمذاكرة وحصلت درجات حلوة اول شهرين بس في فترة جت وحصلت مشاكل كتيرة وبقيت مشتته قطعت صلاة وقرآن وأذكار ومذاكرة
انا اصلا كنت انعزالية بقيت منعزلة اكتر وبحس دايما في تقل وكان هموم الدنيا كلها على قلبي معنديش اصحاب ودراستي كلها اونلاين والدتي متوفية مقاطعة ابويا لانه السبب في كل حاجه وحشة حصلتلي في حياتي ومن رابع المستحيلات اسامحه بس هو كل شويه يعمل حاجه تاذيني نفسيا مع العلم انا مش عايشه معاه وعايشة مع جدتي ام ماما الله يرحمها ومش بشوفه ولا عايزة -
بقيت بضيع كل يومي في السوشيال ميديا والفديوهات والاغاني الهادية بتفرحني ولو لمدة 4 دقايق -
انا مش عايزة حاجه غير اني ارجع لربي ومذاكرتي بس مش عارفة اعمل اي حاولت كتير بالذات في الصلاة بصلي فرض واحد والباقي لاء اعمل اي؟
يا بنتي، أولًا أنا حزينة جدًا على اللي مرّيتي بيه — خسارة أمك، الخلاف مع أبوك، والشعور بالوحدة والضياع أحاسيس صعبة ومتفهمة جدًا. أنت قوية لأنك لاحظتي المشكلة وطلبتي حل—ده بداية كبيرة جدًا. هاقترح لك خطة واقعية وبسيطة خطوة بخطوة تقدر تبدأي بيها من دلوقتي. قبل أي حاجة: ارحمي نفسك وتفهمي إن التراجع وارد، ومش عيب. ركزي على خطوتين صغيرتين كل يوم وهنبني عليهم. خطة عملية قصيرة المدى (أول أسبوعين) 1) الصلاة والنية: - جهزي مكان الصلاة قبل الوقت (سجادة، ملابس، وضوء). خليه عادة بسيطة بعد فعل ثابت (مثلاً بعد الوضوء الصباحي أو بعد العودة من المنزل). - ضعي منبه 10 دقائق قبل وقت الصلاة وخلي موبايلك على الوضع الصامت عند الصلاة. 2) القرآن والأذكار: - اقرأي صفحة صغيرة أو حتى آيات قليلة يوميًا — 5 دقائق أفضل من لا شيء. ممكن تسمعي تلاوة أثناء المشي أو الأعمال المنزلية. - ابدئي بأذكار قصيرة بسيطة (سبحان الله، الحمد لله، لا إله إلا الله) 10 مرات صباحًا ومساءً. استخدمي تطبيق يذكرِك لو احتجتي تذكير. 3) تقليل السوشيال ميديا عمليًا: - حددي ساعتين فقط في اليوم للسوشيال (مثلاً بعد المذاكرة كـمكافأة) واستخدمي مؤقت. - احذفي التطبيقات اللي تضيّع وقتك أو حطيها في مجلد بعيد عن الشاشة الرئيسية. فعِّلي خاصية Screen Time أو Digital Wellbeing لو موجودة. - لو صعوبة في الحذف، جربي وضع الطيران أثناء فترات المذاكرة ووضعي إشعارات التطبيقات على الوضع الصامت. 4) المذاكرة بخطوات صغيرة: - ابدئي بجلسات قصيرة وبسيطة: 25 دقيقة تركيز (Pomodoro) ثم 5 دقائق راحة. الهدف: استعادة عادة المذاكرة مش إنجاز كل شيء فورًا. - حددي مادة واحدة سهلة للبدء كل يوم وهدف واقعي (مثلاً حل أسئلة أو قراءة فصل صغير). - ركزي على الأسئلة المهمة والملخصات وامتحانات السنوات السابقة — ده يعطيك نتائج أسرع ويحفزك. 5) تنظيم يومك (نموذج يومي بسيط): - صباحًا: وضوء + صلاة + قراءة قرآن أو استماع. - بعد الظهر: جلسة مذاكرة مركزة 25-50 دقيقة × 2. - مساءً: مراجعة خفيفة + وقت سماح للسوشيال (30-60 دقيقة). - قبل النوم: كتابة 3 أشياء شكرتي عليها اليوم (حتى لو بسيطة). تعامل مع الجراح العاطفية والأب: - من حقك تضعِ حدود مع أبوك ولا تلزمي نفسك بالعفو الآن. الشفاء يأخذ وقت. - لو بتأثر تصرفاته عليك نفسيًا جدًا فقد تحتاجي دعم مهني (معالج/أخصائية نفسية مختصة). لو حبيتي، ممكن تلاقي مختصين محترفين على صفحة الخبراء في فدني: https://www.fedni.net/experts نصائح نفسية عملية: - ابدئي بمذكرات صغيرة: 5 دقائق تكتبي فيها مشاعرك أو ثلاث أمور مشيت كويس النهارده. - قسمي المشاكل: اكتبِ اللي تقدرِ تغيّريه واللي مش بيديك حل دلوقتي. ركزي على اللي في نطاقك. - لا تضعي توقعات صارمة. كل يوم تقدمي خطوة صغيرة اعتبريها إنجاز. مصادر ومساعدة خارجية: - لو حسيتِ إن الحزن أو القلق بيمنعك تمارسي حياتك اليومية لفترة طويلة، استشيري أخصائية نفسية. على فدني فيه خبراء ممكن يساعدوك - ابحثي في فدني عن أسئلة مشابهة، هتلاقي نصائح وتجارب من بنات تانية مروا بنفس المرحلة. دعائي لك: يثبتك ربي ويرزقك السكينة والقوة. أنا معاكِ خطوة بخطوة.
تم النشر الأحد، ٩ نوفمبر ٢٠٢٥
أنا فاهمكى جدا السنة دي صعبة طبيعى تحسى بالاول ب حماس كلنا حسينا كده بس احنا بنى ادمين مش الالات طبيعى يجى علينا وقت ونفع فيه بس الشاطر اللى ميسلمش لوقعه يقوم تانى ومفيش حد يلومك على ده لكن المهم دلوقتي تبدأي خطوة بخطوة. ممكن تعملي كده قربى من ربنا حتى لو دقيقة أو دقيقتين دعاء قراءة قرآن أو ذكر صغير، ده هيريح قلبك ويهدّي دماغك. نظمى مذاكرتك اختاري مادة واحدة في اليوم وخصصي لها ساعة أو ساعتين، ركزي فيها بالكامل من غير ما تحملي نفسك كل المواد مرة واحدة. قللي السوشيال ميديا حطي وقت محدد كل يوم مثلاً ساعة أو ساعتين بس، وابقى منضبطة فيه، الباقي ركزي على نفسك ومذاكرتك وفى برنامج بقفل السوشيال ميديا كلها لحد ما تخلصي مذاكره
تم النشر الاثنين، ١٠ نوفمبر ٢٠٢٥
اتمني بجد ربنا يربط علي قلبك ويرزقك هداه واتمني يعوضك يارب ويسعدك و والله واسمعي مني مليكي حد غير ربنا قربي وادعي دايما وربنا يريح قلبك ياحبيبتي
تم النشر الاثنين، ١٠ نوفمبر ٢٠٢٥
ممكن اقترح عليكي انك تصلي كل يوم ركعتين قيام ليل وتطلبي فيهم من ربنا انه يقربك ليه ويرجعك زي الأول ويصلح بينك وبين والدك قوليله انك مش قادرة تسامحي والدك بس نفسك متموتيش علي ده اشتكيله حالك وصدقيني والله الركبتين دول لو استمريت عليهم فترة حياتك كلها هتتظبط وترجعي لكل حاجة بل واحسن بس بشرط تصليهم بعد الساعة واحدة لأن ده بيكون الثلث الاخير من الليل وربنا بيتنزل فيه فهيكون قريب منك سبحانه وبحمده أسأل الله عز وجل أن يشفي غلتك وأن يبرد قلبك ويرزقك السكينة
تم النشر الاثنين، ١٠ نوفمبر ٢٠٢٥
السلام عليكم ورحمة الله وبركاته ـ صراحة كل النصائح لن تجدي نفعا لأن الذي سيوفقك قد تم عصيانه الا وهو الله سبحانه وتعالي ـ الصلاه هي الحل عودي للصلاه وتوبي إلى الله ولا تقطعي الصلاه ابدا انا لا ادري ما معنى قطع الصلاه لكن على اي حال الحل الوحيد هو الالتزام في الصلاه باي شكل من الاشكال.
تم النشر الخميس، ١٣ نوفمبر ٢٠٢٥
انا مش عايزة ارجعله ومش عايزة اكلمه لان والله اللي عمله مستحييييييييييييييييييل انساه ولو مر عليه الف سنه وهومفكرش ليه اني بنته من دمه ولحمه -واصلا دلوقتي المشاكل مش معايا انا بس لاء دا بقت مشاكل كبيرة بين عائلات والموضوع كبر جدا وانا كنت بنساه وبتمني انساه ونفسي يسافر لشغله ويستقر هناك مع مراته وميرجعش تاني بس هو رجع من كام يوم وخالي اتخانق معاه خناقة كبيرة
تم النشر الخميس، ١٣ نوفمبر ٢٠٢٥
ربنا سبحانه وتعالى بيسامحك في أي وقت، بس لازم تاخدي خطوات صحيحة وتخلصي كل المشاكل مع والدك، وترجع الأمور لنصابها الصحيح، بغض النظر عن اللي عمله والدك بس لو مشيتو صح كل إللي فات هيتنسي مهما حصل، ومتنسيش إنك بنتو من لحمه ودمه، حاولي تصلحي علاقتك بيه علشان ترتاحي نفسياً ، وعلشان ترجعي لصلاتك وأذكارك ودراستك أقطعي المشتتات زي التيك توك والفيس بوك وغيره، علشان ده هو الفخ الكبير إللي مدمر حياتك حالياً ومضيع صلاتك ودراستك ، أنصحك بأول خطوة دلوقتي إنك تسمعي المحاضرتين علشان تعرفي طريقك وضعك.
تم النشر الخميس، ١٣ نوفمبر ٢٠٢٥
انا مش برحله اصلا ومش عايشة معاه انا عايشة عند اهل ماما الله يرحمها وهو عمل مشاكل مع اخوالي وجدتي مع انه هو وجدتي ولاد خالة لكنه محترمش حد الاذي اللي سببهولي كان نفسي ومادي وكل حاجة لدرجة وصلني للانتحار مرتين وقعدني من تعليمي علشان يجوزني لكن الحمد لله رجعت للتعليم لما عشت مع جدتي ومش بيصرف عليا ولا علي اخواتي الصغيرين وجدتي واخوالي هما اللي متكفلين بينا لغاية مؤخرا رفعنا قضية نفقة وحضانة رافضة اشوفه او اني حتي اكلمه بالتيلفون حتي منعت اخواتي انهم يكلموه لغاية من فترة خوفت ربنا اني امنعهم واني اخد ذنب اكبر واكتفيت بذنبي لاني مش ببره ومش عارفة ابره ومش هعرف - كمية الاذي اللي اذاني بيها والله مش قادرة اسامحه وكل ما احاول انسي موقف يطلعلي الف موقف اسوا ورغم اني بعيد عنه هو لسه بيظلمني وبيتهمني حتي وهو مش شايفني انا من فترة تعبت نفسيا جدا واتجهت للعلاج النفسي واخدت ادوية ومحدش عرف بدا لاني كنت خايفة لان عندنا في الصعيد مش بيصدقوا في حكاية التعب النفسي دا قوي وانا في الاول كنت ضعيفة جدا وكل ما يعملي حاجه انا كنت باذي نفسي وبس لكن دلوقتي انا بقيت انسانه اقوي بقدر اواجه مبيقاش عنديي خوف ولما حصلت بيني وبينه مواجهة انا مخفتش واتكلمت وطلعت كل اللي جوايا وانه ظلمني وظلم امي لكن لا حيا لمن تنادي زي ما هو وبعترف ان طريقة كلامي في الوقت دا غلط جدا انا خايفة من ربنا هل هيسامحني ولا ربنا عارف انا مريت بايه وهيسامحني
تم النشر الخميس، ١٣ نوفمبر ٢٠٢٥
عندي حل بإذن الله تعالى هيفيدك جداً في موضوع باباكي، والحل ده مجرب وعارف نتيجته بفضل الله، وهو حاولي بقدر الأمكان لما تكوني عنده في البيت إنك ما تبقيش في وشه بشكل مباشرة لأن النوعية دي من الأبهات بتحصل بينا وبينهم مشاكل من الهواء، يعني المكان اللي بيكون فيه لا تحولي تبقي فيه أبعدي أفضل ، بس بغير ما يحس يعني أتسحبي سحيب زي ما بنقول في الصعيد، ولو أتكلمتي معاه في موضوع أول ما تعرفي إنه رح يتعصب أو يضايق أسكتي وابعدي أحسن ، وقولي لنفسك، وكلامٌ لا يحلو بعده إلا السكوت، علشان الموضوع ميطورش لمشكلة ، وخليكي عارفة أنه مش هيفلت من الله جل وعز على أعماله دي ، وتذكري أنك مش مطلوب منك إنك تحسبيه اطمئني ده مش دورك أبداً الأمر ده بيد الله عز وجل، وعيشي حياة مطمئنة وتعاملي معاها بكل حكمة ووعي ، أنت مطلوب منك غير الأسلوب الكويس رغم الأخطاء والضغوط كيلا تضيعي على نفسك أخرتك وجنتك، ودعيلو في صلاتك ربنا يهديه، لأن في أي لحظة ممكن يتحول لواحد تاني خالص وهتحبيه جداً، وشاهدي فيديوهات تعلمك ضبط النفس وازاي تتعاملي مع الأذى أو تتجنبيها مثل مقاطع الدكتور ياسر الحزيمي والشيخ أبو إسحاق الحويني، نصيحة مني تابعي الحويني بكل قوة لأن كل كلامه راحة نفسية وفيه غزارة علمية في كل شيء، و أنصحك بأول محاضرتين وهما 1_ أيها التائه قف ، المحاضرة دي هتورلك طريقك وتعرفي هدفك كويس بإذن الله 2_ فن إدارة الحياة الزوجية المحاضرة دي روعة فيها حل مشاكل لكل شيء بفضل الله بالذات غير المتزوجين وفي نفس الوقت ممتعة ومضحكة لاقصى درجة.
تم النشر الخميس، ١٣ نوفمبر ٢٠٢٥
والله انا زيك اهو ومراكم كتير كمان بس الحمدلله رجعت لربنا ولسه عايز ابدا اذاكر
تم النشر الأربعاء، ١٢ نوفمبر ٢٠٢٥
شكرا جدا ليكم علي دعواتكم وكلامكم الطيب -بس هل انا كدا ربنا غضبان عليا بسبب موضوع الراجل اللي المفروض ابويا -انا حتى والله مش بقدر اقول كلمة بابا انا بقيت بكرهه وبكره الكلمة دي اوي -انا عارفة اني كدا مش منفذة امر ربنا ليا اني ابر والدي بس اقسم بالله العظيم مش قادرة
تم النشر الاثنين، ١٠ نوفمبر ٢٠٢٥
ان شاء الله هرجع لصلاة قيام الليل من النهاردة بس انا مش عايزة ربنا يصلح بينا ربنا عالم هو اذاني اد ايه دا وصلني للانتحار مرتين وضيع عليا سنة دراسية ومكنش هيخليني ارجع تعليمي لولا اني مشيت وجدتي خلتني اكمل وعمري ما هنسي اهماله فينا ولا في ماما اللي كانت بتموت كل يوم بالكانسر وهو ولا هنا انا والله حاولت بس مش قادر انا لو سمحت في حقي مش هسامح في حق ماما الله يرحمها -وشكرا لك اخي الفاضل
تم النشر الاثنين، ١٠ نوفمبر ٢٠٢٥
لعرض السؤال في فدني اضغط هنا