اجابه يعني من صلب تجربتي انا انا واحد يعتبر برضو عندي نفس الموضوع ده واخر ما وصلت له هو اكيد والدك ووالدتك مثلا عمرهم كبير بس على العموم. حاولي تقفي. مع والدتك بحيث انها توفي معاها معنويا وما تخليهاش لوحدها وتحاولوا توصلوا انتم الاتنين لنوع من من اللامبالاه ازاي يعني اي مشكله تحصل عادي طول ما هي مشكله بسيطه ومش ما اذيتش حد خلاص ما تبصلهاش جه والدك مسك في المشكله ولا لازم يعمل منها مشكله خلاص اقفوا وخليه يعمل مشكله وخلوه يزعق وخلاص واقعدوا ساكتين مثلا ده طب بعد كده بقى مش هينفع الوضع ده يكمل كده تيجي لوالدك مع نفسه تقولي له حصل واحد اتنين تلاته وما ينفعش يحصل صح فبالتالي يعني نحاول نراعي بعضينا نحاول نعدي لبعض يعني احنا المفروض اسره نحب بعضينا وكده بس ده اللي اقدر اقوله لك حاولي هم الاتنين ناس كبيره الاتنين يبقوا يوصلوا اهم حاجه درجه اللامبالاه عشان ما فيش حد ياخد الموضوع على اعصابه وبالتالي يقلب معه تعب جسدي انا في مره نمت وانا زعلان قمت تاني يوم عينيا كانت وارمه فمنصحش اي حد ابدا انه ينام زعلان ابدا ابدا عشان ما حدش هيحس به هو اللي المفروض يحس بنفسه هو اللي المفروض يقدر نفسه عشان وحاولت تشغلي نفسك مثلا تقري كتب. عشان نفسه دي من مسئولياته هو. بس ده اللي اقدر اقوله لك اهم حاجه اهم حاجه اعصابك ثم اعصابك ثم اعصابك.
ثانية بس صدقيني بصي من برا حلقة المشاعر و احسبي كل حاجة بدات ازاي و تخيلي سيناريهات للنهاية و تخيلي الحلول و صدقيني في ظرف ساعة بالكتير هاتكوني حاله الموضوع و ع الاقل عارفة تدي حل علي قد كل واحد
تم النشر الأحد، ٧ مايو ٢٠٢٣
انا بتعالج من الغده الدرقيه و طبعاً الدكتور مانع اي نوع من الزعل او التوتر يحصل عشان مايأثرش عليا سلبي ، و دا ماحصلش و المشاكل بتزيد و خصوصاً تيتا بتزود المشاكل، وصل بيا الحال ان بقا يجيلي صداع نفسي متعب جداً اكتر من القولون و طبعاً اتحذرت منه ومافيش فايده ، لو عملت كده امي تقولي مالكيش دخل مالكيش دعوه و نفس الحال بابا بس انا مش عارفه لو اتكلمت مع بابا هيشرح من وجهة نظره ان الراجل ليه مطالب و لازم و لازم ،أنا معاك يا والدى بس بردو لو هنقول من الناحيه دي الست ليها مطالب بردو ، المفروض احنا كمسلمين نمشي علي نهج سيدنا محمد صلى الله عليه وسلم و نعامل زي ما كان بيعامل مراته و العكس ، اه والدي مضغوط و ليه حق يحرر الطاقه لكن في حاله لو محدش بيسمع لكن امى بتسمع و بتحاول و بتفكر معاه تعتبر ضميره المتجسد، فا دا اللي يتعب اكتر ان اكتر حد بيفهمه اكتر حد تاعبه وانا بتعب بردو، فا بجد بتمني من ربنا يسهل الحال بجد
تم النشر الأحد، ٧ مايو ٢٠٢٣
لعرض الإجابة في فدني اضغط هنا