انا بقالي فتره عندي فضول شديد اجرب الفيب الي هي السجاير الالكترونيه مع اني عمري ما دخنت ومن عيله محافظه جدا وانا محترم جدا وطول عمري بستحقر العيال الي بتشرب فيب بس بقالي حوالي اسبوع دماغي بتزقني على الفيب واني عايز اجرب وكده وانا عنيد وسواس قهري واضطراب قلق وده كل فتره يزقني على ذنب معين ولما ابقا خلاص هقع فيه احساس الدافع للذنب يروح وبعدها يجي دافع لذنب تاني
المهم انا سمعت ان السائل الي بتحط في الفيب دا بيبقا في نيكوتين زي السجاير وده المضر ففي سائل بدون نيكوتين قلت هبدأ بيه ولو زودت هشرب ٣ملي نيكوتين بس ودي نسبه لا تذكر في ناس بتشرب ٥٠ ملي وكمان انا مش هستخدمها كتير والفتره دي انا مضغوط بردو شويه وعايز حاجه افصل بيها والجأ لها لما اكون مدايق
بس المشكله اني افتكرت اني وانا صغير كان عندي حساسيه علي صدري او حاجه شبه كده وكنت باخد كورتيزون وفضلت اتعالج فتره طويله وكانو مناعين عني المواد الحافظه واللبن وكده بس الكلام ده وانا صغير من حوالي ١٠ سنين مثلا او ٨ سنين ودلوقتي انا كويس وطول الفتره دي متعبتش تاني فهل لو شربت فيب دا هيتعبني بسبب موضوع صدري ده ولا هبقا زي الشخص الطبيعي وعايز نصايحكم بردو في موضوع الفيب ده
السلام عليكم أنا مش عارف انت دلوقتى خايف من معصية الله عز وجل وانك هتتحاسب على كل جنية هتصرفة ؟ ولا خايف علشان ممكن تضرك وصدرك وكدا ؟ ع العموم هقولك معلومة أتمنى توصلك كان فيه شيخ بيشرح بيقول ان عمرنا ما بنعمل ذنب مره واحدة كدا طب ازاى يا شيخ ؟ قال ان فيه حاجة اسمها ذنب وفيه حاجة اسمها مقدمات الذنب يعنى فيه حاجة اسمها زنا وفيه حاجة اسمها مقدمات الزنا فيه حاجة اسمها الحاد وفيه حاجة اسمها مقدمات الإلحاد .. مقدمات ديه يعنى خطوات بتوصلك شئت ام أبيت للذنب يعنى من الأخرة فكرة خطوات الشيطان مش معقول الشيطان هيجى يقولك اشرب فيب براحتك و٥٠ مللى نيكوتين وعيش لا طبعا لازم الأول زى ما انت ذكرت بالظبط ايه رأيك نجرب يعم طيب نشوف من غير نيكوتين طب يعم لو طلبت نخليها ٣ مللى وهكذا بقى لحد لما يوصلك للى هو عايزة ف نصيحة أخوية من أخوك اللى عمرة ما جرب سجاير ولا حاجة من اللى الحاجات ديه لأنى خايف لما أقف قدام ربى وربك عز وجل ويسألنى جسدى فيما أبليتة ومالى فيما أنفقتة هرد أقوله إية وما كنتش بسمح لنفسى انى حتى مجرد أفكار انى عايز أجرب تجيلى لأنى مثلا مكنتش بحط نفسى وسط ناس بتعمل كدا لأن من عاشر قوما تخلق بخلقهم يعنى هيعمل زيهم انت شكلك كويس ومحترم اوعى يخويا تجرب واطرد الحوارات ديه من دماغك وخاف ربنا لأن دا اثم ومعصية ليه عز وجل حتى لو كل الناس بتعمل هدانا الله وإياك إلى ما يحبة ويرضاه 🤍
تم النشر السبت، ١٨ أبريل ٢٠٢٦
اهلا وسهلا بيك ابني العزيز بغض النظر عن ضرر الفيب والذي لايختلف عنه اثنان... او لا.... أنا أرى أنك شخص جيد وذكي ومحترم جدًا.. الرغبة الملحة ابني العزيز احيانا ليست بسبب وسواس قهري او القلق كما تتصور والغالب انت اكتسبت هذه المعلومات انك تتابع برامج او اشخاص يوعزون كل اضطراب سلوكي لـ(الوسواس او القلق ...) وهذا غير صحيح فكل شخص منا له أسبابه وظروفه وليس كل سلوك يسلكه الشخص يشابه سلوك المصابون بالوسواس بمعنى هو مصاب كذلك ابدًا... إنما ربما بسبب الفراغ الذهني أو العاطفي أو الإجتماعي أوالتشوهات الفكرية المعرفية التي تبرمج عليها عقله إما من البيئة أو الاهل أو مواقع الانترنيت .. انا انصحك ابني الطيب المحترم أن تكون صادقًا مع نفسك وتجلس جلسة مصارحة معها وتسألها (هل الفيب ينفعني بشيء؟ ولو كان تنفعني فبماذا؟ وماالذي احتاجه أنا الآن؟ وهل الفيب سيعوضني عن مااشعر باحتياجه؟ ولو كان الفيب لاينفعني بل يضرني فلماذا عندي رغبة ملحة باستخدمه؟ الاجابة على هذه التساؤلات ستوضح لك السبب في الرغبة الملحة وغالبا تكون شعورك بالرفض للفكرة اساسًا.. كونك تعلم انها عادة سيئة وليست صحية.. أو شعورك بحاجة اثبات الذات... أو شعورك بحاجة أن تكون مرئي... وربما اسباب أخرى بحسب وضعك وظرفك في الحياة...فتبدأ الفكرة بالالحاح اكثر وأكثر... الحل: أولاً: حاول تعرف ماالذي تفتقده بحياتك وتشعر بحاجته!. ثانيًا: حاول قدر المستطاع تلبية احتياجاتك النفسية والعاطفية وحتى الجسدية بشكل مشروع.. بمعنى سد احتياجاتك من طريقها الصحيح. ثالثًا: اهتم بالرياضة ولياقتك الجسدية واهم كثيرًا تمرين الاسترخاء .. التنفس العميق (شهيق٤ حبس نفس٦ زفير٨) كرره للتمرين لغرض الاسترخاء وتصفية المشاعر المكبوتة. رابعًا: احط نفسك بناس ايجابيين يدعمونك نفسيًا. خامسًا: ابتعد عن جهاز الهاتف قدر اللمكان ومتابعة البرنامج والاشخاص الذين يروجون لفكرة استخدام(الفيب). سادسًا: إذا وجدت نفسك لاتستطيع السيطرة على نفسك فالاولى مراجعة مختص سلوكي يتابع معك ويتولى بنفسه التوجيهات والارشادات اللازمة لمساعدتك. بالنهاية ثق أنك على خير وأن من الطبيعي أن تطلب المساعدة من الأشخاص الكفوئين وذوي الاختصاص وشكرًا لك.
تم النشر السبت، ١٨ أبريل ٢٠٢٦
ماتفكرش بالطريقه المبرره للخطأ دى تانى يعنى هى كدا كدا هتضرك علشان الجهاز المناعى هيستجيب ليها انت بتقول عندك حساسيه وانا صغير معنى كدا انها راحت اعتقد لأ ممكن ترجع فى اى لحظه بس مش ظاهره علشان انت بتقي نفسك مش اكتر فكرة انك هتبدأ بجزء صغير علشان مضغوط وعايز حاجه تفصل بيها دا مش تفكير لو بدأ بجزء صغير هتتعود وهتدمنها ومش هتعرف تمنع نفسك منها و هى اصلا مُضره جداااا للصدر دى غنية عن التعريف ابشع من السجائر العاديه وعلى الناحيه الدينيه فهى كدا كدا حرام طيب وليه من الاول سلبياتها طاغيه عليها ابعد عنها و إلجلئ لأي حاجه تانيه تفيدك وماتاخدش عليها ذنوب
تم النشر السبت، ١٨ أبريل ٢٠٢٦
يا حبيبي، أنا فاهمة تمامًا اللي بتمر بيه ده، الفضول الشديد ده مع الوسواس القهري والقلق بيخلي الدماغ "يزقك" زي ما بتقول، خاصة لما تكون مضغوط شوية. برافو عليك إنك محترم وعنيد في الخير، وبتفكر في عائلتك المحافظة – ده يدل على قوة إرادتك. عن موضوع الصدر والحساسية القديمة : حتى لو كنت كويس دلوقتي من سنين، الفيب (البخار) بيحتوي على مواد كيميائية زي الغليكول والنكهات اللي ممكن تهيج الرئتين أو تثير حساسية قديمة، خاصة لو كان عندك تاريخ مع الكورتيزون والمواد الحافظة. مش زي الشخص "الطبيعي" 100%، فيه خطر إعادة الالتهاب أو مشاكل تنفسية، حتى بدون نيكوتين. النيكوتين (حتى 3 مجم) إدماني ويرفع الضغط، و50 مجم دي جرعة عالية جدًا. الأفضل: استشر طبيب صدر أو حساسية قبل أي حاجة، عشان يقيم حالتك شخصيًا . نصايحي العملية : مقاومة الوسواس : لما الدافع يجي، قول "بسم الله" وقرأ آية الكرسي أو استغفر 100 مرة – ده بيهدي القلق وبيقلل الدافع تدريجيًا. حدد هدف: "مش هجرب النهاردة، هفكر غدًا"، وكافئ نفسك بحاجة حلال زي شرب شاي أخضر أو لعبة فيديو. بدائل للإفراج عن الضغط : مشي سريع 20 دقيقة يوميًا (يحرق التوتر ويحسن المزاج). رياضة بسيطة زي الضغط أو الجري في البيت. اكتب اللي مضايقك في دفتر وارميه، أو سمع قرآن. الفيب مش "فصل" آمن، وغالبا بيبدأ تجربة ويخلص إدمان. الإسلام بيحرم اللي يضر الجسم (قال تعالى: "ولا تلقوا بأيديكم إلى التهلكة")، فكر في رضا ربنا وعائلتك. لو عايز دعم أكتر للوسواس أو القلق، شوف الخبراء في https://www.fedni.net/experts – فيه متخصصين نفسيين وصحيين هيقدروا يساعدوك. ابحث كمان في فدني عن أسئلة مشابهة هتلاقي إجابات تفيدك. أنت قوي وهتقدر، خليك محترم زي ما أنت! 💪 إيه رأيك نبدأ بخطة يومية صغيرة؟ قولي. 😊 (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ١٨ أبريل ٢٠٢٦
عندك فضول صح؟ الفضول في الاخر هيأخدك طريق الإدمان، أنصحك بحلقة كريم أسماعيل عن الإدمان وأن أغلب الشباب بدأت بس بـ إنهم كانوا ما ناس بالتدخن، الموضوع مش سهل خالص وطريق مدمر حرفيًا، ونصيحة أنت قولت أنا بستحقر العيال الـ بتدخن؟؟ ليه تقول كدا لعل وعسى الكلمة هي سبب رغبتك في التجربة لا تستحقر ذنب أخيك وأدعو لهُ بالتوبة، صدقًا لما تستحقر المدخن المذنب إحتمال كبير تقع في الذنب وتتذوق مرارة الذنب فلما تلاقي حد أدعي بالعافيه وأن ربنا عافاك وكمان أدعي لشخص بتوبة ولا تستحقر أحد، الأمر الأهم وهو أنك بطمن نفسك إنك في صحة وعافية فعادي تجرب ودا صدقًا من عمل الشيطان الشيطان ممكن يقولك أبحث ومش هتلاقي ضرر لو جربت وشربت عادي!!! بس والله مش عادي ودي البداية هتلاقي نفسك في طريق الله المستعان!! الشخص لما يكون مصغوط بيدعي ويروح المسجد او مثلًا يخرج مع صحبة تخفف عنه بس الضغط مش مبرر إنك تعمل ذنب
تم النشر السبت، ١٨ أبريل ٢٠٢٦
حاول تكبر دماغك وتشغل نفسك بحاجه تانيه اول ما اشتغلت كنت عاوز اجربها وبعد فتره الموضوع نسيته في الغالب بتشوف حد بيشربها حاول تبعد عنه وحاول كل اما تشوفه تقول دعاء من رأى مبتلى اما تكون مؤمن ان ده ابتلاء هتلاقي نفسك بتسيب الموضوع
تم النشر السبت، ١٨ أبريل ٢٠٢٦
بلاش عشان دة اوحش من السجاير ودة مش معناة انك تشرب سجاير الاتنين في الاول حرام ولو انت مش عاوز تهتم بصحتك اهتم بسمعة عيلتك
تم النشر السبت، ١٨ أبريل ٢٠٢٦
لعرض السؤال في فدني اضغط هنا