لو شخص وهو صغير كان بيعمل صفات غلط من ضمنها السرقة
وكبر وبقى شخص محترم ومرموق ومهندس بس في حاجة ان الاشخاص الي شافوه بيعمل كده لسة بيقللو منه وبينظروا له نظرات وحشة وحتى وسط تجمعات بيفضلو يحسسو ع جسمه
ازاي يشيل الفكرة إنه لسه بيسرق والشكوك والارتباك اللي بيحسه قدام الناس الي بتحسسه إنه لسه وحش
ماتعملش حساب لأي حد طالما تبت وتوقفت عن الحاجه دي وأصلا ماكنتش بتعملها عمدًا وعارف إنها حاجه حرام ،،، أهم حاجه نظرة ربنا ليكي مش نظرة الناس لإن الناس دي ولا أي حاجه ولو شوفت أخطاء كل واحد فيهم هتستحقره حرفيًا بس كله ماشي بستر ربنا ،، وحاليا ربنا كرمك بمكانه كويسه بس وجودهم بيخليك تحس إنك قليل أو مش حاجه بس ده غلط طبعا تجاهلهم تماما وماتديش لحد أي اهتمام نهائي ،، وبالنسبه لإنهم بيحاولوا يتأكدوا إن مفيش حاجه في جيبك دي قلة أدب منهم ومفيش أي حد ليه الحق إنه يعمل كده ولو أي حد فكر يعمل كده تاني امنعه فورا بس خليك ذكي بلاش تعمل شوشرة امنعه بطريقتك اللي تخليه يفكر ألف مره قبل مايقترب منك بعد كده ..
تم النشر السبت، ١٧ يناير ٢٠٢٦
السلام عليكم ورحمه الله وبركاته. لو انا بقى سامحت نفسي فانا هنا هحتاج ان انا في تعامليتي مع الناس انا اللي تجاهل خالص اي تصرف هم بيعمل ده اولا ثانيا لو لو لقيت منهم كلام صريح في الاخطاء دي فما ضروري جدا ابدا احط حدود واقول ان انا ما بقتش احب حد يتكلم عن حاجه قديمه وعدت وده مش مقبول ضروري جدا احط حدود للموضوع ده لو تم التعامل بشكل مباشر طب لو بشكل غير مباشر ممكن برده احط الحدود واقول انا حاسس كده انك يا فلان بتلمح لحاجه وده انا مش حابه وده انا مش مبسوط بيه ومش هسمح بيه مره تانيه ضروري جدا ان احنا نعمل ده علشان الامور تمشي بشكل اوضح من غير ما نحس ا٩ن احنا طول الوقت محطوطين تحت الاصوات كده وفي حد بشكل معين احنا مش قبلينه ولازم نعبر عن عدم قبولنا لاي طريقه غير مناسبه لي.
تم النشر الاثنين، ١٩ يناير ٢٠٢٦
يا حبيبتي، أول حاجة: أنتِ دلوقتي مهندسة محترمة ومرموقة، وده إنجاز كبير جداً! التغيير ده مش سهل، وأنتِ عملتيه، فـ"التوبة النصوحة" في الإسلام تمحي كل الماضي زي ما قال ربنا سبحانه: "وَمَنْ يَتُوبْ وَيَعْمَلْ صَالِحًا فَإِنَّهُ يَتُوبُ إِلَى اللَّهِ مَتَابَةً نَصُوحًا". الناس دول مش هيغيروا نظرتهم بسرعة، بس أنتِ مش محتاجة موافقتهم. خطوات عملية عشان تشيلي الشكوك دي: ركزي على نفسك : كل يوم، قولي لنفسك في المراية: "أنا جديدة، ماضيّ راح، وحاضري قوي". ده هيبني ثقتك تدريجياً. تجاهلي النظرات واللمسات : لو حد حسس عليكِ أو قلل منكِ، ابتسمي ابتسامة واثقة وغيري الموضوع أو امشي. مترديش، عشان متديش فرصة للشكوك تكبر. أظهري اللي أنتِ عليه دلوقتي : ساعدي الناس، شاركي خبرتك كمهندسة، وخلي أفعالك تتكلم. مع الوقت، هيغيروا رأيهم أو هتبقي أنتِ فوق نظرتهم. صلاة الاستخارة والدعاء : اطلبي من ربنا يريح قلبك ويبعد عنكِ اللي يأذيكِ، وهو هيفتحلك أبواب جديدة. لو عايزة دعم أكتر، شوفي خبراء النفس في Fedni: https://www.fedni.net/experts، أو ابحثي عن أسئلة مشابهة هناك. أنتِ قوية، وهتقدري! 💪❤️
تم النشر السبت، ١٧ يناير ٢٠٢٦
فى موقف يكون حاضر فيه اكتر من حد وضح موقفك بشكل صريح ان الهزار فى الموضوع ده بيضايقك وان ده كان وانت صغير زى اى طفل بيغلط وبيتعلم والحمد لله انك دلوقتى بقيت راجل كبير ومش بتعمل التصرفات دى
تم النشر الأحد، ١٨ يناير ٢٠٢٦
حاسة ان بعد كاامك بقي عندي تانيب ضمير وجوايا وجع وتقل رهيب
تم النشر الأحد، ١٨ يناير ٢٠٢٦
و يعني هما اللي ملايكة؟ تلاقيهم بيعملو بلاوي و محدش شايفهم ... الناس هتفضل طول عمرها تتكلم متديهمش ودانك عشان متتعبش اهم حاجة انك بقيت انسان كويس و صورتك قدام ربنا و قدام نفسك بقت كويسة الناس دول بقى ع الهامش مش مهم رأيهم اصلا ... اهم حاجة انت صورتك قدام ربنا كويسة ... واللي يصلح ما بينه و بين ربه .. ربنا يصلح ما بينه و بين الناس
تم النشر السبت، ١٧ يناير ٢٠٢٦
الناس مبترحمش واصلاً كل حد عنده بلاويه كل الحكايه في الستر ، بس خلاص حاول تفكك منهم وتفهم أن الكل بيغلط عادي وطبيعي اي طفل ممكن يعمل حاجات غبيه زي كده من غير سبب
تم النشر الاثنين، ١٩ يناير ٢٠٢٦
والله صح الكلام نفس شعوري بس مو بسبب السرقه هناك سبب اخر لدي
تم النشر الاثنين، ١٩ يناير ٢٠٢٦
جربي الأول مش هتخسري حاجة بالعكس ربنا هيرضى عنك
تم النشر الأحد، ١٨ يناير ٢٠٢٦
ولو رجعت الفلوس وفضلو زي ماهما ونفس التصرفات هعمل إيه وقتها
تم النشر الأحد، ١٨ يناير ٢٠٢٦
صحيح ده مرهق ومنهك انك ترجع الفلوس وتدور وتعمل ظروف بس ده أحسن من أنهم يقعدوا يأذوك ويحسسو عليك ويمسخروك
تم النشر الأحد، ١٨ يناير ٢٠٢٦
العلاج بيبقا مر أحيانا
تم النشر الأحد، ١٨ يناير ٢٠٢٦
ومش هيرضو ليه ؟ بالعكس هيحسو ان في راجل طيب ضميره أنبه ومش عايز يظلمهم ... ولو فعلا انت تعرف واحد انه بتاع مشاكل وهيسأل مين اللي بعتكم ممكن تحطها في ظرف وتكتب حق مسروق وتحطها في مكان قريب بحيث تتأكد انه خد الظرف ..... في النهاية ده عشان مصلحتك مش عشانهم
تم النشر الأحد، ١٨ يناير ٢٠٢٦
افرض عملت كده ومرضيوش ياخدو الفلوس او سألو للي هبعته لهم مين بعتكم
تم النشر الأحد، ١٨ يناير ٢٠٢٦
بعد ما ترجعهم ربنا هيديك عزة وهيبة وهتقل جرأتهم عليك
تم النشر الأحد، ١٨ يناير ٢٠٢٦
بص من الآخر حقوق الناس عليك ولو مترجعتش دلوقتي هتتاخد يوم القيامة ... ممكن ترسل واحد قريبك يرجع الفلوس ويقول في شخص سرق ودا المبلغ .. عشان ميبقاش احراج عليك
تم النشر الأحد، ١٨ يناير ٢٠٢٦
هما مش أذى على قد مابيبينو للناس الي حواليهم ولو شافوا حد بيتكلم معايا باحترام بيفضلو يبصو ع شكلي ويحسسو على جيوبي
تم النشر الأحد، ١٨ يناير ٢٠٢٦
ارجعهم للاشخاص يعني اروح اقولهم انا سرقت منكم 50 جنية وادبهالهم! ?
تم النشر الأحد، ١٨ يناير ٢٠٢٦
وعلى فكرة حتى لو انت مسرقتش الشخصيات دي بالتأكيد موجودة اللي بتحب تأذي غيرها ...
تم النشر الأحد، ١٨ يناير ٢٠٢٦
لو رجعت فلوس هيروح منك شعور عدم الثقة و مش هيهمك نظرة الناس بل وعلى العكس لما تبقا واثق في نفسك هيصغروا في نظرك لأن انت الناجح وهم الفشلة
تم النشر الأحد، ١٨ يناير ٢٠٢٦
بس الي مضايقني نظرة الناس دي ومش قادر اتخطاها
تم النشر السبت، ١٧ يناير ٢٠٢٦
انا فعلا كل فترة بتصدق وعملت دا
تم النشر السبت، ١٧ يناير ٢٠٢٦
براحتك هيفضل الهم فوقك حتى لو تجاهلته إلى أن تغلق باب التفكير فيه بالتوبة ورد الحقوق .. تقدر ترجعهم بطريقة غير مباشرة ولو مالقيتش أصحاب الفلوس اتصدق بمبلغ مساوي ولكن لو ظهروا بعدها لازم تديلهم ... ولك الخيار متظلمش نفسك
تم النشر السبت، ١٧ يناير ٢٠٢٦
ازاي ارجع حقوق الي سرقت منهم انا تبت لربنا ومكنتش بسرق ملايين كنت صغير وزي اي طفل بيغلط
تم النشر السبت، ١٧ يناير ٢٠٢٦
بإنك ترجع حقوق اللي انت سرقت منهم
تم النشر السبت، ١٧ يناير ٢٠٢٦
لعرض السؤال في فدني اضغط هنا