ازاي اعمل جدول مهام اسبوعي بشكل صحيح لتحسين حياتي
السلام عليكم ورحمة الله وبركاته خلي في الاسبوع يوم او يومين للإستدراك ما فاتك من الجدول و كل يوم جمعة اكتب جدولك و ناوي بإذن الله تعمل اي الاسبوع الجاي و تراعي في الجدول الأولويات بمعنى عندك تاسك واحد لازم تعمله اليوم دا و مينفعش تأجله و ٣ تاسكات أقل في الأهمية من الاول و لكن لازم تعمله انهارده بعد كدا اي حاجات سهلة و بسيطة و مش بتاخد وقت او مش مهمة اليوم دا و بالتوفيق
تم النشر الأحد، ٢٦ يوليو ٢٠٢٦
السلام عليكم، الأول تحدد أهداف الأسبوع (اكتب أهداف ذكية... بطريقة SMART ) https://spskills.com/articles/الأهداف-الذكية-goals-smart-ما-هي-وكيفية-تطبيقها/ أهم حاجة، لا تتقل على نفسك بالأهداف، اشتغل على هدفين أو تلاتة بالكتير خلال الأسبوع، ده هيقلل التسويف وشعور الضغط في وجود مهام كتيرة. قسم أهداف الأسبوع لمهام يومية. *** تاني خطوة تحديد الأولوليات. عشان تعملها الأول اكتب في ورقة كل المهام اللي عاوز تعملها خلال الأسبوع، مش لازم ترتبها على طول، خرجها من دماغك وارجعها لها بعدين. (ممكن الخطوة دي تعملها في نهاية الأسبوع للاستعداد للأسبوع التالي) ارجع للورقة ورتب المهام حسب أولوية الأهداف، وممكن يفيدك مربع المهام (مصفوفة أيزنهاور) هتساعدك ترتب المهام اليومية حسب أولويتها وإيه ممكن يتأجل منها أو يتلغي خالص. *** في تقسيم المهام على اليوم، لازم تراعي طاقتك وتركيزك، المهام التقيلة واللي بتتطلب تركيز أكبر خليها في الوقت اللي طاقتك وتركيزك عاليين والعكس. *** بلاش الحماس الزايد وأنت بتكتب الأهداف أو بتضع المهام، كلنا بنتخيل إننا هنعمل حاجات كتير في وقت قصير لكن بنواجه الواقع بعد كده وبنحس بالتقصير لما مش بنعرف ننجز كل حاجة. ** الأفضل تكتب مهام اليوم التالي بالليل عشان تصحى محدد هتعمل إيه واليوم ميضعش منك. وضروري تعمل أوقات للراحة وتضع في بالك حساب الطوارئ. يعني خلي خطتك اليومية مرنة. ** ممكن تبحث على النت، فيه قوالب جاهزة للتخطيط الأسبوعي، جرب تنزلها وتطبعها أو تعمل نفس التصميم في أجندة خاصة. وأنصحك برضه تبحث عن فيديوهات بتشرح (نموذج عجلة الحياة المتوازنة) لو حبيت طريقة تساعدك تحدد أهداف لجوانب حياتك المختلفة بحيث تشتغل واحدة واحدة عليها وبتوازن. بالتوفيق.
تم النشر السبت، ٢٥ يوليو ٢٠٢٦
مرحبا بك يا بدر، إن إنشاء جدول مهام أسبوعي بشكل صحيح خطوة رائعة نحو تحسين حياتك، وهو يساعدك على تنظيم وقتك وتحقيق توازن أفضل بين الالتزامات والأهداف الشخصية. ابدأ بتحديد أهدافك الرئيسية لهذا الأسبوع، مثل تطوير مهارة معينة أو الاهتمام بالصحة أو الدراسة، ثم اكتب كل المهام التي تحتاج إلى إنجازها دون استثناء، وقسمها إلى فئات مثل الروحية (مثل الصلاة والقرآن)، والعملية، والشخصية. بعد ذلك، رتب المهام حسب الأولوية باستخدام طريقة بسيطة: حدد المهام المهمة والعاجلة أولاً، وخصص لها أوقاتاً محددة في الجدول بناءً على طاقتك اليومية، مثل تخصيص الصباح للمهام الذهنية الصعبة. أضف فترات راحة قصيرة بين المهام ووقتاً للنوم الجيد والعبادات، واجعل الجدول واقعياً بحيث لا تثقل نفسك بأكثر من 5-7 مهام رئيسية يومياً لتجنب الإحباط. في نهاية كل أسبوع، راجع ما أنجزته وعدل الجدول حسب النتائج لتتحسن تدريجياً. هذا النهج العملي سيساعدك على الشعور بالإنجاز وتحسين جودة حياتك بشكل ملموس. جرب تطبيقه لأسبوعين ولاحظ الفرق، ويمكنك البحث عن أسئلة مشابهة على فدني للحصول على أفكار إضافية من الآخرين.
تم النشر السبت، ٢٥ يوليو ٢٠٢٦
حط البوينت الأساسية حسب الأولوية و خليها ف الوقت اللى دايما بتكون فاضى فيه زى مثلا لو فاضى كل يوم بعد الفجر حط الحاجة الاكثر أولوية كمان متحطش حاجات مش معقوله زى مثلا كل يوم هقرأ كتاب مثلا دى ممكن احد حاجة عادية جدا بس لحد تانى بيقرأ تلت صفح بالعافية حاجة تقيلة موت ..بحيث فى الوقت اللى الشغف فيه يقل أو معنتش قادر تكمل تلاقى الحاجات بسيطة ف ميجيش ليك احباط ف تكسل .. خلى فى أوقات فرى متعملش فيها اى حاجة بحيث برضو. تفضى دماغك أو لو فى حاجات اخرتها تلحق تعملها قبل ما اليوم يخلص .. اتمنى اكون قدرت افيد بحاجة أو يكون ده القصد فعلا
تم النشر السبت، ٢٥ يوليو ٢٠٢٦
اشكرك على كلامك المفيد و باذن الله استفيد منه بشيء
تم النشر السبت، ٢٥ يوليو ٢٠٢٦
لعرض السؤال في فدني اضغط هنا