عايزه اتغير كاملا
انا بنت١٨ سنه مش حابه شخصيتي انا شخصيتي بتميل للفكاهه والضحك يعني بهزر وكدا بس مع صحابي وأهلي وبس
ومع الناس بره انطوائيه ومبحبش اكلم حد ومش بلاقي نفسي مع حد
عايزه أبقى شخصيه جديه شخصيتي أقوى من كدا ومش بخاف أتكلم مع الناس ولا بخاف حد يكلمني
اجتماعيه اكتر ومش بميل للضحك وخفه الدم اعمل اي
وللعلم حاولت اتغير كتير مش عرفت
وانا كلامي كتير عايزه أقلل كلام 😐وحاولت كتير أبقى هاديه بس مش بعرف
بصي اولا الموضوع ده مش صعب لكنه في نفس الوقت مش سهل في طرق كثير من نفسك او شخصيتك في تدريبات كمان لكن الموضوع ده له حدود برده لان ما فيش حاجه اسمها تغير جذري الشخصيه او في طبع الشخص نفسه الموضوع ده لو حصل بيكون على مدار السنين اما يكون انك عايزه تكوني جديه قليله كلام شويه فالموضوع ده مش صعب و في طرق كثير -اول حاجه بالنسبه لموضوع التعامل مع الناس ممكن تتعودي على كده بطريقه مباشره وتعامل مباشر مع الناس وده واحده واحده هيطور فيكي الحته دي ممكن بردو انك تنشري محتوى مفيد على أي منصه زي يوتيوب مثلا وده هيطور طريقه كلامك وتعاملك مع الناس لو مش هتنشري المحتوى ممكن تصوري فيديو تتكلمي فيه كل يوم مثلا كم دقيقه وتشوفي التطور على مدار الايام كل فتره تتكلمي عن موضوع معين تلاقي نفسك بعد كده لو هتتكلمي في الموضوع ده تكوني جاهزه ودي من احسن الطرق المجربه فعليا وممكن بردو انك تقرأي كتير القراءه بتطور للموضوع ده -اما بالنسبه للهدوء وقله الكلام فده بيجي عن طريق مصادقه النفس لازم تحبِ نفسك تتكلمي معاها اكثر من الناس والطريقه الثانيه والافضل هيّ الكلام مع ربنا عن طريق الصلاه وقراءه القران ودي طريقه انا مجربها شخصيا -اهم حاجه بقى والاهم انك تدعي ربنا بتغيير النفس- وفي دعاء صحيح اللي هوا (اللهم ات نفوسنا تقواها وزكها انت خير من زكاها انت وليها ومولاها) بس كده اتمنى ما اكونش طولت- واسال ربنا انه يجعلنا جميعا شخصيات كويسه اهم حاجه انه نكون راضي عننا لان ما فيش توفيق بعد رضا ربنا وتوفيقه
تم النشر الأربعاء، ١١ مارس ٢٠٢٦
كون شخصيتك بتميل للفكاهة دي حاجة مميزة فيكي وكويسة مش محتاجة تغيريها ومش محتاجة تكوني نسخة من حد عشان تبقى شخصيتك كويسة وبالعكس كل الناس بتحب الشخص المرح وبيحبوا يكونوا حواليه اما الانطوائية فكتير جدا من الناس عندها نفس المشكلة وانا برضو كانت عندي بشكل مبالغ فيه بس اتحسنت لما بقيت بخرج اكتر وبقيت مضطرة اتعامل مع الناس بسبب الجامعة والمواصلات والسفر فإنتي لما تخرجي كتير غصب عنك هتتعودي على الناس لوحدك بس الموضوع مش هيجي في يوم وليلة الموضوع محتاج وقت وخليكي صبورة مع نفسك
تم النشر الخميس، ١٢ مارس ٢٠٢٦
السؤال الأهم اللي محتاج إجابة ليه محتاجة تغيري شخصيتك؟ أو بمعنى آخر ليه مش متقبلة نفسك زي ما انتي على الرغم من إنه كل اللي قلتيه مش عيوب؟!
تم النشر الأربعاء، ١١ مارس ٢٠٢٦
يا حبيبتي، أول حاجة: أنا فاهمة تمامًا إحساسك ده، خاصة في سن 18 سنة، الشخصية بتكون لسة بتتشكل وده طبيعي جدًا. التغيير الجذري مش هيحصل بين يوم وليلة، بس ممكن تطوري نفسك تدريجيًا بطريقة ذكية ومستدامة. مش هتقدري "تمحي" اللي أنتِ فيه، لكن تقدري تبني عليه قوة وثقة. خلينا نركز على خطوات عملية: 1. ابدئي بقبول نفسك وصغّري الأهداف : اكتبي 3 صفات إيجابية في شخصيتك الحالية (مثل خفة الدم مع الأهل، ده يعني إنك قادرة على التواصل!). كل يوم اقرئيها عشان تبني ثقة. حددي هدف صغير يومي: "النهارده هكلم شخص واحد جديد بجملة واحدة بس" (مثل "صباح الخير، إيه أخبارك؟"). 2. للاجتماعية والثقة (لا تخافي تتكلمي) : مارسي "المحادثات القصيرة": في الجامعة أو الشارع، ابتسمي واسألي سؤال مفتوح (إيه رأيك في الدرس ده؟). كرريها يوميًا، هتتعودي ومش هتخافي. انضمي لنشاط جماعي زي درس قرآن أو نادي رياضي في المسجد/الجامعة. هيخليكِ تشاركي بدون ضغط. رياضة يومية (مشي 30 دقيقة) تبني قوة داخلية وثقة. 3. للهدوء وتقليل الكلام (مش مرحة زيادة) : قاعدة "استمعي أكتر": قبل ما تتكلمي، عدّي لـ3 في بالك واسألي نفسك "ده مهم؟". ركزي على الاستماع، هتلاقي كلامك يقل تلقائيًا. مارسي "الصمت الإيجابي": في الجلسات مع الأهل، حاولي تسمعي وتردي باختصار. لو زاد الكلام، قولي "خلاص، أنا هسمع دلوقتي". اقرئي قرآن يوميًا، وأكثري الدعاء والذكر. 4. للجدية والقوة : اقرئي كتب تطوير ذات زي "قوة الآن" لإكهارت تول أو "العادات السبع للناس الأكثر فعالية" (بالعربي متوفرة). ابدئي بـ10 صفحات يوميًا. حددي روتين يومي: صلاة، رياضة، قراءة، نوم مبكر. ده هيخليكِ أقوى وأجدى. حاولتِ قبل كده ومش نفع؟ عشان كنتِ بتحاولي تغيير كل حاجة مرة واحدة. ابدئي بـواحدة بس لأسبوع، وراقبي تقدمك في دفتر. هتشوفي فرق في شهر! لو عايزة دعم أكتر، دوري في فدني على أسئلة مشابهة عن "تطوير الثقة"، هتلاقي إجابات كتير. ولو محتاجة استشارة متخصص، شوفي الخبراء هنا: https://www.fedni.net/experts (فيه مدربين حياة ونفسيين رائعين). أنتِ قدها يا قمر، خطوة خطوة وهتبقي اللي عايزاها. 💪❤️
تم النشر الأربعاء، ١١ مارس ٢٠٢٦
اراقب الناس تقصدي الملاحظه المقصوده قرأت في كتاب شيء عن كدا جزاكي الله خيرا لفته حلوه والله
تم النشر الأربعاء، ١١ مارس ٢٠٢٦
ده بيجي بالتعود و الثقة بالنفس حاسه الكلام ده مش عملي بالمرة لكن العملي بجد انك اتراقبي اللي حواليك مثلا فموقع زي ده بيعملو اي و خليكي دايما تختاري لنفسك كل حاجه حتى لو نوع الاكل واحده واحده القرارات هتكبر
تم النشر الأربعاء، ١١ مارس ٢٠٢٦
عامه اعتقد كل حد فمرحلة من حياتو عدى بمرحله من الانطوائيه انا عن تجربتي كسرتها بصعوبة شديدة انا كنت كمان مش بعرف احط عيني فعين حد بس بتعدي انك تمثلي يعني اعملي نفسك اقوى اعملي نفسك بتضحك لو حاجه تضحك كده بس و هيعدي إن شاء الله 🤎
تم النشر الأربعاء، ١١ مارس ٢٠٢٦
انا بحب كوني انطوائيه لان مش كتير في ناس شبهي لكن مش بحب كوني مش بعرف اتعامل
تم النشر الأربعاء، ١١ مارس ٢٠٢٦
لعرض السؤال في فدني اضغط هنا