سلام عليكم اخوانى فى الله
اعذرونى ان الكلام ممكن يبقى كتير شوية بس اتمنا الافاده
انا واحده كبرت فى الدنيا لقيت قدامى ابن عمى هو اكبر منى ب٦ او ٧ سنين بس من اول ما بقيت واعيه كدا وفى اعدادى ظهر هو قدامى بدا يبعتلى ونتكلم لحد ٣ اعدادى عرفنى انه بيحبنى وعايز يتقدم هو كان وقتها فى الجيش فكان عايز بعد ما يخلصه يتقدملى وانها مجرد خطوبة والجواز براحتنا عادى بس انا مكنتش لسه حسيت حاجه اتجاهه كنت شايفاه ابن عمى واخويا بحب اهتمامه بيا وسؤاله عليا بس مس اكتر فرفضت بحجه انى لسه صغيره على الكلام دا
ملحوظه بس احنا كلامنا كان كل فين وفين وعباره عن سلامات والاسئله التقليدية دى بس
عدت تالته اعدادى وهو خلص جيش وكان مصمم برضو عليا قالى هستنى لما تبقى فى ثانوى وبقيت فى ثانوى وهنا بدات احبه واتعلق بيه اوى كان بيستنانى وانا طالعه من المدرسة علشان يشوفنى ووانا رايحه دروسى كذالك وعدت اولى ثانوى وانا على الحال دا وجت تانيه ثانوى فضلنا كذالك بس طلب تانى يتقدملى وقال ان نتخطب ولما تبقى فى الجامعه نبقى نفكر فى الجواز وانا برضو رفضت بس المره دى لان كنت شايفه ان لسه صغيره وان مفيش حد فى بيوتنا بيتخطب او يتجوز بدرى كدا ولسبب تانى بصراحه وهو ان علاقة والدى ووالده مش اللى هو فخفت يحصل مشاكل او حاجه بس مكنتش عارفه اقوله كدا ازاى او اوضحله دا فقولتله انا خلاص داخله تالته ثانوى نعديها واللى عايزه معاك فيه وفعلا فضل معايا بس مع بداية السنه حصل عندى حاله وفاه حد عزيز عليا جدا او بمعنى اوضح جدى ودخلت فى حاله وحشه والشهاده لله هو كان معاها وبيصبرنى وبيسال عليا اخواتى دايما لحد ما بقيت احسن شويه . بس طلب تانى يتقدم وبصراحه مكنش وقته خالص يعنى هو كان شايف انا حالتى ازاى فرفضت من غير سبب المره دى ودى كانت بداية كل التعب اللى هتعرضله بعد كدا لان دى اول حاله وفاه اشهدها وانا كنت قريبة من جدى جدا
بعدها بدات الدراسة والدروس وكان بيستنانى وانا راجعه من دروسى علشان يشوفنى دايما وكان يكلمنى يسالنى على المذاكره ويشجعنى ويقوينى وانا بشهدله بكل دا والله
لحد دخول الامتحانات كان بيستنانى وانا رايحه ووانا راجعة وكان بيطمن عليا دايما وانا كنت وصلت لدرجه حب ليه متتوصفش والله وكنت فرحانه ان خلاص هخلص علشان يبقى فى خطوه وسمى ومفيش حجج باستثناء انى كنت خايفة من حته علاقة والدى ووالده دى بس كنت مسلماها لربنا
خلصت ثانوى وبانت النتيجه ربنا ماكرمنيش فزعلت ودخلت فى حاله اكتئاب وزاد علما التنسيق ظهر ودا كان فى شهر ٩ يعنى لنص ٩ كان معايا وعلاقتنا كويسه واخر حاجه كنا متفقين عليها قبل ما ادخل حاله الاكتئاب ان هيكلم اخويا وواحده قريبتنا فى العيله بس هى اللى مربية والدى وكدا فى مقام جدتى يعنى وفى بداية شهر عشرة كانت الدراسة بس لان مكنتش مرتاحه فى الكلية دخلت فى حاله انعزال ووحده وبعدت عن كل حاجه. مفوقتش غير على خبر خطوبته فى ١١
فوقت على خبر خطوبته وكسر قلبى ملقيتوش حتى علشان افهم منه ايه اللى حصل دا كنا خلاص فاضل تكه يعنى استنيت معايا وعدينت كل اللى فات دا ولما جه الوقت انت مشيت حتى موضحتش حاجه
فضلت اكتر من ٦ شهور بدور عليه مبشوفوش خالص بمشى من قدام شارعهم وبيته على امل اشوفة مبشوفوش لغايه اما تعبت وروحت كلمته سالته ليه علقنى بيه ومشى من غير سبب كدا وايه اللى حصل لقيته بيقولى انتى متدنيش اجابة وانا تعبت قولتله احنا كنا متفقين انك هتكلم اخويا وقريبتى وبعدين استنيت ليه طيب من الاول كل السنين دى ما قولتلك من زمان شوف نصيبك ومتستناش رفضت وضيعت سنين عمرك فى ان تنستنى وعلقتنى بيك وخليتنى احبك وفجاه اختفيت كدا وقولتله ان انا دخلت حاله اكتئاب مفوقتش غير علىةخبر خطوبتك اللى قبل عيد ميلادى بيوم فقالى ان اكيد مكنتش بيلعب بيا ولا بيتسلى وانه حبنى بجد وانا مصدقاه فى كدا والله لان مش هو بتاع الحاجات دى
دعيتله وقولتله ربنا يوفقك وجه ميعاد الفرح والبيت عندى كان رايح اكيد كله فحبيت انى اعمل فستان مخصوص علشانه مش علشان حاجه والله بس انا كنت فرحناله بجد وكان اول فرح لحد فى سننا وشباب وكدا فكانت فرحه لينا وروحت الفرح بس قلبى وجعنى اوى اول ما شوفتهم سوا
هو مش شبهه ومش طباعه ودا كان باين عليهم فى الصور والكلام بينهم وكل حاجه حسيته مس مرتاح حتى اغلب الفرح كان سايبها ولوحده بس انا دعيلته والله ربنا يسعده ويفرحه
عدا الفرح وبعدها ب شهرين لقيت جتلى رساله فى طلبات المراسله بتاعت الفيس لقيته هو استغربت بس من فرحتى لقيتنى برد فى نفس الدقيقة معرفش عملتها ازاى فضل يسئلنى على الكليه والمذاكره وان اشد حيلى وكدا وانا كنت برد عادى لانه فى الاول والاخر ابن عمى
وبعدها بعتلى صورى انا بس اللى طلعت فيهم فى الفرح شكرته عليهم لقيته بيقولى هو ممكن نبقى اصدقاء على الفيس وافقت وقبلت طلبه
دا كل اللى حصل بينا بس انا مستغربه ليه عمل كدا من الاول وليه استنى ٦ سنين معايا وفى الاخر مشى ممشيش ليه من الاول وليه رجع بعدين يتكلم ويسال من تانى وليه عمل كل دا
هو ماتغصبش على الجواز لان اخته قالت ان هو اللى اختارها.. ممكن اكون انا غلطت انى كنت برفض او ائجل بس كان برضاه والله واستنى ولما جه خلاص الميعاد لقيته مشى وبيخطب غيرى ومن محافظه تانى كمان فممكن لو تفيديونى وتريحونى باى حاجه لان انا لسه فى مشاعر ليه جوايا وبييجى على بالى كتير ولسه بستناه يكلمنى تانى او حتى اشوفه صدفه
اولا ربنا بيسبب الاسباب ثانيا مشاعر واتكونت جواكى بالتدريج ووصلت لاقصى درجة ...فى الوقت اللى هو مشاعرة كانت اكيدة وبيأكدها طول الوقت . كل شخص وليه طاقة وخصوصا الرجل مبيستحملش الرفض المتكرر فطبعا انعزا...
فيه مواقف الواحد بيبقى محتاج يدوس فيها على مشاعره ويمضي في طريقه .. دة واحد منها! هو اتزوج وشاف طريقه وأنت لو كلمتيه كلمة واحدة فيها مشاعر هتبقى بتكلمي واحد متزوج فهل ترضي دة على نفسك؟ فنصيحة شوفي أنت...
٦ سنين كتير بارضو وعلي كلامك أخلاقه مش اخلاق نداله ! ويمكن من كتر رفضك ليه هو حس بإهانة فطالما هو تزوج وبقي ليه حياته ودعيتله اشغلي نفسك بقي وطوريها ومتفكريش فيه واستعيني بالله ورددي دائما وعسي ربنا أ...
اهلا بيكي .. اتمنى أنك تكوني بخير. أنتي قولتي بنفسك هو قعد يستنى كتير، الاحتمال المقرب أنه ممكن من كتر رفضك للموضوع ف كل مرة كان بيهزق .. لكنه كان بيفضل مكمل. كل ده بيبقى برده بياخد من مشاعره في كل مر...
لو هو ابن أعمك وحبك وعلاقة اهلكم فيها حب لبعض يبقى كان عايزك فعلا وطلع معك مراحل التعليم واحده واحده بس أكيد لكل فعل رد فعل...علشان محدش هيتمنى حاجه وحشه لبنت عمه...وعقاب ابن العم بيبدأ بنصائح وينتهي ...
لعرض السؤال في فدني اضغط هنا