سؤال غالباً ليه علاقة بعلم النفس
ساعات بحس إن عاوز اتجوز لدوافع معظمنا كشباب عارفينها وساعات بحس إن بكره التعامل مع الستات ومستحيل هتجوز وإن عاوز اعيش لوحدى
اولا حاول من ناحية انجذابك للجانب الجنسي تقلله متخلهوش يكون السبب الي انت عايز تتجوز عشانه او غيره الخ، تانياً لازم تكون عارف ان محدش بيعرف يعيش بدون الجنس الاخر خصوصاً عشان تكمل نسلك و تلاقي حد يكمل حياتك من بعدك ، من حيث ابناء او احفاد ، ربما دا مجرد شعور جواك انك مش عايز تكون علاقة و بتكره نسل الاناث لكن كل حاجة ليها سبب .. هل تعرضت لخيانة او كسر ثقة او تفكير غلط ؟ يمكن دا يكون ليه علاقة و خليني اقلك ان من ضمن الغرائز المشاعرية الي هنحس بيها مهما حصل لازم نحس بيها هي المشاعر العاطفية الحب ،متستعجلش علي نصيبك ، ربما فجأة او في يوم من الايام تلاقي نفسك منجذب لبنت معينة و حاسس ان مشاعرك العاطفية اتجاهها فمتتسربعش على حاجة او تحط جوا دماغك تفكير غلط او سريع ، و لو انت حاسس بعدم وجود المشاعر دي من الاساس في دا غلط لان دي تعتبر غريزة من الغرائز الي جوانا و اقتناعك انك انت مش بتحس بيهم يعني حاجتين ، يا انك مضطرب يا انك بتعاني من متلازمة اسبرجر و دا مش صح يعني إن شاء الله و لو لقيت الموضوع اتعقد اكتر و مفيش حل اتجه لطبيب نفسي أفضل لكن إن شاء الله المشكلة دي تتحل.
تم النشر الثلاثاء، ٣١ مارس ٢٠٢٦
على حسب سبب الكره ، و هل كل الشخصيات ولا شخصيات معينة ، و هل تعرضت لإساءة من ستات في طفولتك ولا لأ ، و أكيد الحاجه الوحيدة اللي أنا متأكد منها ان الدوافع الجنسية بسبب الهرمونات و رغبتك للجواز بسببها مش معناها بتناقض إطلاقا عندك ، فالأساس ثابت انك بتكره الستات ، السؤال هنا ليه و بتحس بأيه من التعامل معاهم ؟
تم النشر السبت، ٢٨ مارس ٢٠٢٦
طيب وقت ما يجيلك فكرة انك بتكره التعامل مع الستات ومش عايز تتزوج هات ورقة وقلم وابدأ اكتب الأسباب اللي مخلياك تشعر الشعور ده .. بحيث إنك تحلل سبب سبب وتفهموا وتعالجوا .. طول ما الفكرة في دماغك ومش بتتعالج او بتتفنط هتتحول لفكرة ممرضة
تم النشر السبت، ٢٨ مارس ٢٠٢٦
أهلاً بيك يا عزيزي! 😊 شعورك ده طبيعي جداً، وكتير من الشباب بيمرّوا بيه – زي "السحابة السودا" اللي بتيجي وتروح. الرغبة في الزواج أحياناً بتكون مدفوعة بدوافع بيولوجية أو اجتماعية (زي اللي قلت)، وأحياناً بيجي الإحباط من تجارب سابقة أو خوف من المسؤولية، فبتحس إنك "مستحيل" وبتفضّل الوحدة. ليه بيحصل كده نفسياً؟ ده تناقض عاطفي شائع (ambivalence)، خاصة لو في ضغوط خارجية زي "الكل بيتجوز" أو تجارب سلبية مع النساء خلّتك تفقد الثقة. الإسلام بيشجّع الزواج كسنّة للحفاظ على النفس والاستقرار، بس مش بالإجبار. خطوات عملية تساعدك: اكتب قائمة : إيجابيات الزواج (استقرار، أولاد، شريكة حياة) مقابل سلبياته بالنسبة لك. شوف إيه اللي بيخلّيك تكرَه التعامل – هل تجارب قديمة؟ حدد واشتغل عليها. ابني ثقتك : ابدأ بتواصل بسيط وإيجابي مع نساء في إطار محترم (عائلة، عمل، مسجد)، عشان تغيّر الصورة السلبية تدريجياً. ركّز على نفسك : طور هوايات أو مهارات تجعلك سعيداً لوحدك، بس خلّي الزواج هدف طويل الأمد إذا كان يناسبك. صلّي الاستخارة : أحسن طريقة تطمئن قلبك، واستشر ربنا. لو عايز دعم أكتر، ابحث في فدني عن أسئلة مشابهة هتلاقي إجابات كتير، أو شوف الخبراء هنا: https://www.fedni.net/experts – في متخصصين نفسيين ومدربين حياة هيساعدوك بشخصي. أنت قوي وقادر تتخطّى ده، خطوة بخطوة! 💪
تم النشر السبت، ٢٨ مارس ٢٠٢٦
توء
تم النشر الاثنين، ٣٠ مارس ٢٠٢٦
أنا اولا مش متجوز ثم التقلبات المزاجية فى اوقتنا الحاليه بقيت أسبابها كتيره بس غالباً ليه علاقه بالعلاقه الاوله من وانت لسه طفل
تم النشر السبت، ٢٨ مارس ٢٠٢٦
كلنا كده
تم النشر الثلاثاء، ٣١ مارس ٢٠٢٦
عادي. اي حد كده
تم النشر الاثنين، ٣٠ مارس ٢٠٢٦
الله يصلح الحال
تم النشر الأحد، ٢٩ مارس ٢٠٢٦
يمكن تقلب في المزاج .. هل مريت بتقلبات ومفاجآت غير منطقية يعني تكونوا هاديين وفجأة حد يتعصب ويزعق منغير سبب منطقي
تم النشر السبت، ٢٨ مارس ٢٠٢٦
مش موقف معين لا انا مقسوم نصين بين الفكرتين
تم النشر السبت، ٢٨ مارس ٢٠٢٦
لوحدك كدا ولا بيبقى سبب أو موقف معين ف تكره الجواز والجنس الأخر كله
تم النشر السبت، ٢٨ مارس ٢٠٢٦
لعرض السؤال في فدني اضغط هنا