hesham abdalghfar

يعنى هيا بتتواصل معاه ولا دا كان مستنبط من آخر فترة كانو مع بعض ف الشغل ؟

من الطرائف إن نفس الموقف دا تقريبا حصل مع صديقي فسافر عشان كان عارف إن فيه حد متكلم عليها

@mai mahfouz كلام وجية لاكن أنا اتكلمت على أساس كلامها إن كان ف اتفاق شفهى حتى لو مش تصريح

هوا مش جاهز دا هوا العائق الوحيد أمام اعترافه ولا هيا مش ف البال اصلا ، عشان لو مش ف البال خالص ف من باب أولى كرامتها قدام نفسها وتتخطى عشان حياتها هتقف على شيء مش معتبر ولا موجود غير بالنسبالها

طب متعترفله هيا و ع الأساس دا انت جاى ولا أشوف حياتى

الأصل في الجواز التأبيد مينفعش يكون فيه نية مشتركة مبنية على أساس إنك بتتوقعى الاسوء

طيب متلعبى مع الشيطان بطريقته آسف ف الوصف يعنى فاتك الفجر صلى الصبح وصلى الضحى و ممكن تصومى تطوع ف اليوم ده ال يفوتك فيه الفجر ، الشيطان هيعرف إنك لو فاتك شيء هتعوضيه بشيء أثقل عليه وأبواب الخير كثير

هو ميول طبيعى ف سنك ده لو مفيش ميول دا ضد الفطره ، لو اتيحت ليكى الفرصه تتجوزى بمواصفاتك ال بتقولى عليها اتجوزى ، كلنا ضعيف أمام الطرف الآخر ، بس الفكرة تصرفاتى مع الضعف ده هتكون ازاى ، انما جامده وتقيله وعندك لامبالاة ناحية الرجالة مفيش منه الكلام ، ربنا خلقنا ف أمس الحاجة لشريك حياة عشان نسعى لكده ويستمر نسل المؤمنين ، تكاثروا فإنى اباهى بكم الأمم يوم القيامة

هو طبيعى لما تبدأى تحلى امتحانات تغلطى كتير ، أنا فاكر اول امتحان حليته كان فاضل شهرين جبت فيه 10 من 50 على اخر 20 يوم كده كنت بجيب 50 اغلطى دلوقت وحلى كتير واعرفى غلط احسن متغلطى ف الامتحان وبالتوفيق إن شاء الله

أما والدك ف ربنا يرحمه ويسكنه فسيح جناته ويجمعك به في الجنة ف هو ولى ذلك والقادر عليه ، بس هو دا يكون هادد حيلك ومأثر على قراراتك ، لو شايفه إن ليكى حق ف اى حاجة متفرطيش فيه أنت ست العرايس

ال مش قادره عليه قولى زى ما هوا قال طالما هنقتسم المسؤوليه

اتكلمى مع بنت عمك بلطف

هوا حالته المادية تجبره إنه يتجوز بالتفاصيل دى " ايسركن مؤنة أكثرن بركة ، والجواز مسؤلية مشتركة إن ارتضى الأطراف كلها ، بس ف حاجات هوا مش قادر يعملها ودا شيء لا يعاب عليه ، لاكن من نفس المنطلق انتى كمان ف حاجات مش قادره تعمليها قولى كده ودا حقك ولا تلامى عليه ، مدام ارتضينا نقتسم الأمور فيما بيننا يبقى بالتيسير لكلا الطرفين مش طرف ااه والتانى ندبحه انتى راعيتى ظروفه المفروض هوا وأهله يراعه ظروفك ، ومن الحكمة اقساط الشقة ف التجمع غاليه جدا كن ممكن نشوف حتى درجة أقل نبدأ بيها حياتنا وبعدين ربنا هيبارك إن شاء الله ، ممكن منعملش الفرح الواو وتكمل ونفرش بيها باقى الشقه ، هنكون ضد العرف فيما يرضى الله يبقى نكمل على المبدأ ، وأخيراً خذوهم فقراء يغنهم الله

ذكرتى اقرب ما يكون العبد من ربه وهو ساجد ، نعم الحرص حرصك ، ما تجربى بقا أقرب ما يكون الرب عز وجل من عبده فى جوف الليل الآخر فإن استطعت أن تكون ممن يذكر الله فمن رواه النسائي والترمذي ، أدعى ربنا فى الوقت دا اللهم أفتح علينا بالدعاء ف السجود اللهم يا واصل المنقطعين صلنا إليك وهكذا ما يفتح الله عليكى ، سيدنا عمر رضي الله عنه كان يقول والله إنى لا أحمل هم الاجابه ولكنى احمل هم الدعاء ، واستغفرى الله

طيب ونتى بتصلى أدعى دعاء الرسول صلى الله عليه وسلم : اللهم إنا نعوذ بك من الهم والحزن ونعوذ بك من العجز والكسل ونعوذ بك من الجبن والبخل ونعوذ بك من غلبة الدين وقهر الرجال ، إن شاء الله هيغير حياتك

ربنا يبارك فيكم والله ، مثال لقول الرسول صلى الله عليه وسلم المسلم اخو المسلم ❤️

انتى بتصلى ؟

العفو يا فندم

@عبدالحكم عادل مشعل لا يا فندم دا بقا مشهور جدا فى مصر فى بنات بتعطى للشباب دهب من البيت ، وفلوس تحويشة العمر ، والجمعية ال طلع عين أهلها عشان تدفعها ،طبعا مش محتاج أقولك الدوافع تقدر تخمنها احتراماً للاعضاء

عادى انتى اهتميتى بيه فى لحظة ضعف و دى فطرة فينا كبشر وهوا لسبب ما مهتمش أو مش بيعرف يعبر عن اهتمامه أو هوا كمان قافل الباب بشكل عام ، محصلش حاجه يست الكل ، حاربى عقلك بس إن مهتمش بيه واغفرى لنفسك سابقا عادى مش لازم تحسى النقص إن هوا مهتمش دا ملوش اى لازمه ف تقييمك يعنى ، ونتى عارفه الباقي ذكرتيه فى السؤال

@Aѕмora ࣪ دا أحسن تفكير وأحسن تعليق بالنسبالى 🤍

انتى اتكلمتى معاها أولا وحاولتى تمنعيها ، ونتى كام سنه معلش وهيا كام سنه

ااه مشيت على الطريقة ال قولتلك عليها وبعدت بشكل كبير ، استعينى بالله بس وأشغلى وقتك بأنشطة واعيه ، حتى لو هتحاربى مخك كل دقيقه ادخلى حرب معاه نهايتها انتى الكسبانه إن شاء الله

كملى فى البعد على شخصك المزيف وبلاش تقوليله فيتكسر أكتر ، وكملى ف البعد على شخصك الحقيقى إل شاف إن ممكن يعرف وحده دخلت تكلمه من أكونت مزيف عادى يعنى عندى رفاهية إنه يعرف غيرك ف وقت لسه علاقتكم كانت شبه حيه ، متعترفيش بحاجه ومتحاوليش تصلحى حاجة صدقينى دا مدخل تانى للشيطان والمشاعر هتلعب دورها وهتغفروا لبعض الأخطاء وهنا محدش عارف الضربة الجاية هتكون عامله ازاى ، حاولى بس تصلحى علاقتك بربنا مش أكتر

إدمان الخيال شيء صعب ، شخصياً كانت فترات هجومه عليا هيا أكثر فترات انا فيها بعيد عن ربنا وف نفس الوقت عندى فراغ ف وقتى تقريباً 16 ساعة ، الشيطان ليه النسبة الأكبر من وصولنا للحالة دى ، زى م انتى قولتى بالتأكيد هروب من الواقع ، ركزى ف الأوقات دى انتى بتهربى من اى وحاولى تتقبليه وادعى ربنا انك تتقبليه زى ما هوا كده ويشرح صدرك ، أما المهم والاهم إنك تحاولى لو على موتك تلتزمى بالخمس صلوات على وقتهم لو تعارض مع أنشطة اليوم يبقى فوراً أول ما تفضى أول ما يملء داخلك بالسكينه وانشغالك بربنا هيبدأ يعالج كل القصص دى وحده وحده وعلى ذالك المنوال بقا خلاص عرفنا الطريقة : كل ما هتزودى طاعات واجبات ومستحبات كل ما هتقربى أكتر كل ما انشغالك بربنا والجنة والنار هيكون أكتر كل ما هتحسى بمراقبة ربنا اكتر كل ما هتستحى منه بالتبعية أكتر، الإناء ينضح بما فى داخله ، استغلى حبك للخيال بقا فإنك تكتبى مثلاً ( رواية ، محتوى ، إلخ . خدى دورات رسم وتصميم ، ادرسى 3D max والبرامج ال شبهه ، المقصد هنا سخرى موهبتك فى الخيال فى حاجات تانى و وحده وحده هتظبط معاكى

@mai mahfouz احنا فخورين إن ف شخص زيك موجود معانا فى البرنامج ، ربنا يبارك فى عمرك يا دكتور

اضغطى على 3 نقط هتلاقى حذف

حاولى تكتبى إجابة على اسألة الأخوة فى البرنامج ، كل إجابة مش تعليق على سؤال بتتيح ليكى فرصة تسألى سؤال

@حفصة كامل . ف قصة سيدنا لوط ربنا سبحانه وتعالى قال : اخرجوهم من قريتكم إنهم أناس يتطهرون ، على لسان قوم لوط ، بيعايرهم وينفروا منهم إنهم بيتطهروا وأصبح غير المألوف إن شخص يتطهر ، المتشابهات يستدعى بعضه البعض والشيء بالشيء يذكر ولله المثل الأعلى

مش معنى إنه بيذكر فلوسه إنه كده بيغريكى هوا الراجل شايف انك تستاهلى يقدملك شيء يليق بيكى من باب الهدية ، وهوا ميعرفكيش عشان يظن فيكى انك مادية المفروض لو عنده معلومة بكدة بعيداً عن انك نفيتى ده ميتقدمش ليكى ، هوا بيحاول يشترى خاطرك بطريقة ما يمكن خانة التعبير ، أما دولة أجنبية دى بصراحة أخطر ما يكون على المسلم ، عاوزه حد عقدتة وأخلاقك مثاليه أو شبة مثالية عشان ميتغيرش مع البيئة ال هناك ، حضرتك اتكلمتى عن تفاصيل كتير حلوه فيه ودا محبوب ، لاكن عندك معلومات كافية عن علاقته بربنا عن روتينه هناك عشان يقاوم الفتن دى ، ثم إن لا يحق ليكى تسمعى آراء ناس ف شغلانات الناس ف أوربا مثلاً فتحكمى إنها حرام لازم يبقى عندك معلومة عن مصدر دخلة بشكل تفصيلى لو قلقانه من كده ، ويمكن الشورت ال كان لابسه كان ف يوم نزهه بالنسباله ف مكان مش تجمعى وعادى كلنا بنغلط دا لو كان كاشف للعورة ، نصيحتى أسأليه عن كل ما يدور ف خيالك وعند تسائلات وتعليق عليه واستخيرى طبعاً ، وبالتوفيق إن شاء الله

زى ما حفصه قالتلك بس أهم حاجة متتوتريش وخلى بالك من نفسك و وحده وحده هيبقى الموضوع ابسط ما يكون لدرجة فيما بعد هتستغلى وقتك ف العربية زى إن تسمعى بودكاست أو حاجات دى

طيب مش هيا عاقله وكبيرة متواجهيها بكل ده

أنا تجربتى : لو هقول فيها نصيحة هقول إن اليوتيوب ممكن يخليك تجيب درجة نهائيه في كل المواد عادى لو عرفت تستفاد منه صح

أنا مش متخصص ومعنديش أى خلفية عن حلول الآلام دى بس صدقينى بدعيلك من كل قلبي ربنا يعفو عنك ويشفيكى شفاء لا يغادر سقما ، كل إل أقدر اعمله ادعيلك بظاهر الغيب لعل الله يتقبل منى ومن الجميع

انتى شغالة فى نشاط بتحبيه ولا من باب جلب المال أعانك الله ؟

أدعلها وكملى على ال بتعمليه

@محمد احمد جزيت بالمثل وأكثر يا أخى

أنا بس عندى ملاحظة بسيطة : بلاش فى إجابات المشاكل الصعبة والثقيلة على صاحبها والأسألة المهمه ال محتاجين توضيح فيها نقول ( ممكن ، وغالباً ، وتقريبا ، واحتمال ) يا عندك معلومة خلينه نقول أقرب ما يكون للصواب لأن معظمنا مش متخصص معظمنا من واقع تجربة وبعض المعرفة يا إما معندكش فأنتظر الإخوة فى البرنامج يجاوبه وانا وانت إن شاء الله نستفيد

إن شاء الله تعالى ، مشكورة جدا يا فاندم

والاحساس بالجوع بشكل هجومى بردو يعنى ساعات بيؤلمنى احساس الجوع

لا أنا 25 سنه بس الشعور بالحكه دا فعلا ساعات بيجيلى بتهور لمدة دقائق فعلا كنت بفسره إن مغترب وبحب اعمل أكل فى الفرن كتير والحرارة بتلسعنى فى جسمى كتير فبقول من الوقفه قصد الفرن

الأعراض دى معظمها عندى ، عموماً نقطع الشك باليقين أعمل تحليل تراكمى ، متشكر جداً لحضرتك

احرص على ما ينفعك " واستعن بالله " ولا تعجز 🙂

حصل مفيش حل غير إنك ترمى نفسك وهيا هتظبط وحده وحده ، أنا كان عندى تلعثم ورميت نفسى بقيت مضرب كلام 🙂👍، أما قرارك مش من دماغك فقدان ثقة فى النفس أولا قربى من ربنا اكتر هتعرفى يقينا مش مجرد كلام إن الله هو النافع الضار المعز المذل ، ثم اتعلمى حاجات ومهارات واعملى نجاحات تثبتى لنفسك بيها انك مهمة وتقدرى وإن وجودك كبير وفارق فى محيطك ، كل ما اتعلمت وبقا عندك شيء تقدمه كل م زادت ثقتك وكل ما كان عليكى الطلب أكتر وكل ما اعطاكى قيمة نفسك وحسيتى بذاتك ، وأقرأى لدكتور إبراهيم الفقى

تذكرى دائماً إنه إن شاء الله من أهل الچنة وحالياً يرى مقعده منها

الله يرحمه ويغفر له ويسكنه فسيح جناته , طبيعى جداً غالباً لسه صغير ثم إن الحادث مؤلم ومروع نسأل الله أن يجعله من الشهداء بحادثه ، مش انتى بس ال بتمرى بالحالة دى محيطك كله فى نفس الحالة اكيد

👌❤️

ولنفرض إن هوا كان اسوء واحد فى الدنيا قبل خطبتك ، ليكى تحاسبيه على تقديره واحترامة وامانته تجاهك من اول يوم خطوبة بينكم ،نا شخصياً كنت عاوز اخطب وحده كانت مرتبطه بواحد صحبى مثلا وهيا عندها 20 سنه يعنى لو أنا مش فى الخارج وكانت هتجيلى كان هييجى يباركلى فى شقتى فى مصر وهيا موجودة متخيلة المشهد ، لاكن واحنا 25 سنه ومقبلين على 26 سنه هيا افضل وحده دينا وخلقا فى السن ده فى المحيط بتاعنا جزمتها بس مش هيا شخصيا كمان ، عفا الله عما سلف يا ست البنات دا لو اصلا كان فيه حاجه 🙂

خليكى صريحة معاه وخليكى من باب الحرمانية ودا الصح والمطلوب فعله الباب دا مش هيحسسه بجرح فى شخصيته ، يومين وهيفهم إن دا عشان ربنا ، ثم إن اجمل حاجه هتعمليها فيه انك تمشى بلطف قبل ميكون متيم بيكى وتعلمية ميتعلقش غير بربنا

أحرص على ما ينفعك " واستعن بالله " ولا تعجز ، الحاجات ال مش قادرين نبطلها بأى خطوة مننا ، يعنى معندناش ليها طاقة لبذل الأسباب نفتقر للغني 🤍