انا متجوزه بقالى 7 شهور فى بيت عيله حماتى من تانى اسبوع بعد فرحى وهى بدأت تفرض سيطرتها وتخلى جوزى يخانق معايا دايما وكان كل مره يطردنى ويقولى غورى على بيت اهلك كنت فعلاً ببقى عايزه امشي اهلى بيزعقولى انتى مش عايزه تسترى مش عايزه تعيشي ليه حماتى كانت تقعد تزعقلى وتعملى فضيحه لو اخرت لبعد الساعه 8 وجوزى للاسف زى ما امه بتقوله بيعمل بالضبط حاولت معه كتير اشرحله الموضوع من جهتى قالتلى لو بطلاقك امى هترضي عليا هطلقكك هو قعد معايا 3 شهور وسافر بردو امه تكلمه تسخنه عليا رن عليا الساعه 1 باليل لمي هدومك وامشى على بيت اهلك دا كله عشان اشتريت اكل احطه فى شقتى وتانى يوم الصبح طلعتلى اخدت المفاتيح وطردتنى بره الشقه وقالتلى ابنى مش عايزك غورى من هنا اهلى ادخلوا بردو وخلونى ابوس على راسها مش عارفة انا عملت اى لدا كله وقالتلى هقعدك بمزاجى وهمشيكى بمزاجي وهخلى ابنى يطلقك لو انتى اخر واحده فى الدنيا ما هتبقى على ذمته دقيقه دلوقتي مخليانى قاعده علشان انا حامل فى الشهر السادس حاليا مقعدنى عشان كدا عايشه معاهم وهى هديت عن الاول شويه لان مفيش اى تواصل بينى وبين جوزى ولا أعرف عنه اى حاجة ودا مخليها مبسوطه حتى المصاريف مش مخلياه يصرف عليا جنيه حتى وهى بتاخد الفلوس ليها مش معايا جنيه لما اكشف هى بتيجى معايا بتدفع لانى اشتكيت لناس ان مفيش حد بيصرف عليا مبقتش عارفة اعمل اى انا نفسيتى تعبانه جدا كل حاجة فوق طاقتى مبقتش عارفة اعمل اى حاسه انى عايشه معاهم عشان اخدمهم بس لا زوج ولا اى حاجة وكل ما اتكلم انتى مش عايزه تعيشي انا رحت فين من دا كله ليه محدش واقف معايا مبقتش عارفة مين الغلط ومين الصح وانا عايشه ليه فكرت كتير، فى الانتحار بس انا كنت دايما برجع عنه واستغفر ربنا دلوقتي بقيت مطفيه بطريقه ❤️🩹❤️🩹
أنا آسفة جداً على اللي بتمريه، ده موقف ثقيل ومؤلم جداً، خاصة وأنتِ حامل في الشهر السادس وبتحسي إنك عايشة في بيت بدون زوج أو دعم. مشاعرك التعب والإحباط والشعور بالعزلة طبيعية تماماً في ظل السيطرة والتهديدات اللي بتتعرضي لها، وأنتِ مش غلطانة في أي حاجة من اللي حصل. الزواج في الإسلام له حقوق واضحة: الزوج مسؤول عن النفقة والحماية والمعاملة الحسنة، وحماتك بتتعدى على دورها وبتحاول تفرض سيطرتها بطريقة تؤذي الأسرة كلها. من منظور إسلامي، الصبر مهم لكن مش معناه الاستسلام للظلم. ربنا أمر بالعدل والإحسان، ولو الوضع بيأثر على صحتك النفسية والجسدية وعلى الجنين، لازم تفكري في خطوات عملية تحمي نفسك. حاولي تتواصلي مع أهلك بطريقة أوضح وأقوى، واطلبي منهم يتدخلوا بشكل رسمي أو يجيبوا وسيط من العائلة أو شيخ موثوق يناقش الموضوع مع جوزك وحماتك. كمان، وثقي أي تهديدات أو تصرفات مالية أو طرد، عشان لو احتجتِ تلجئي لجهة رسمية زي مكتب تسوية المنازعات الأسرية يكون عندك دليل. ركزي دلوقتي على صحتك وصحة طفلك، وادعي ربنا كتير بالفرج والحكمة، واستغفري واطلبي منه ييسر أمرك. أنتِ مش لوحدك في المعاناة دي، وفي ناس كتير مرت بظروف مشابهة ونجحوا يحسنوا وضعهم بخطوات صغيرة زي البحث عن دعم قانوني أو مالي مستقل. ابحثي عن أسئلة مشابهة على فدني عشان تشوفي تجارب وآراء أكتر. لو نفسيتك تعبانة أكتر، فكري في استشارة متخصص نفسي أو اجتماعي يساعدك تتعاملي مع الضغط ده بطريقة عملية. خدي خطوة واحدة صغيرة النهاردة، زي كتابة حقوقك وما تتمنيه، وربنا معاكِ وهيفرجها إن شاء الله. ❤️
تم النشر الأحد، ٥ يوليو ٢٠٢٦
ااه انتى مطلوب منك تتحملى بعض المشاكل عشان المعيشه تستمر ، ولكن لا يكلف الله نفساً إلا وسعها ، انتى حالياً نفسيتك تعبت محتاجه وقفه وحل المشاكل وطريقة التعامل دى ، مش محتاجة مثلا تجيبى شيء خاص بحضرتك ، مجاش ف دماغه اصلا إن أمه ملهاش انها تتحكم فيكى مادياً ، لازم تقنعى أهلك إنك مهانه ف البيت ده ودا بيهين اسمهم هما إنهم مفرطين فى حقك وفى كرامتك ، جوزك مفرط ف بيته كده ازاى ممكن تحت اى ظرف يتهد ؟؟؟
تم النشر الأحد، ٥ يوليو ٢٠٢٦
ايوا اهلى شايفين انى حامل وكدا واستحمل عشان خاطر اللى فى بطنى تعبت من كتر الكلام معاهم شايفين انى بدلع... حماتى قالت لزوجى مراتك مش محتاجه مصاريف وهو صدق ومكبر دماغه منى حاسه انى نفسيتى تعبت
تم النشر الأحد، ٥ يوليو ٢٠٢٦
اهلك غلط يعنى اى مش عاوزه تعيشى يعنى انتى بتفترى على حماتك مثلاً ، عاوزه تخربى بيتك ب ايدك اكيد لا ، انتى بس عاوزه حياه هادئه ومستقرة ، ومفيش حاجه إسمها ميصرفش عليكى امال راجل واتجوزك ازاى يعنى هوا راضى عن نفسه كده لا طاعة لمن لا ينفق ولا نفقه لمن لا تطيع وانتى طائعه ، بقالك شهر متعرفيش عنه حاجه هيا دى الامانة ال خدها ، هيا دى وصية الرسول صلى الله عليه وسلم استوصوا بالنساء خيراً ، هوا دا قول الله تعالى وعاشروهن بالمعروف ، اتكلمى مع والدك تانى وتالت ، وادعى ربنا ينچيكى من الابتلاء ده ، اللهم إنى اشكو إليك ضعف قوتي وقلة حيلتي وهوانى على الناس انت رب المستضعفين وأنت ربي إلى من تكلنى إلى بعيد يتجهمنى ، أم إلى عدو ملكته امري ، إن لم يكن بك على غضب ف لا أبالى ولكن عافيتك أوسع لى ، اعوذ بنور وجهك الذي أشرقت له الظلمات و صلح عليه امر الدنيا والآخرة من أن ينزل بى غضبك أو يحل عليا سخطك ، لك العتبى حتى ترضى ولا حول ولا قوة إلا بالله
تم النشر الأحد، ٥ يوليو ٢٠٢٦
انتى عائشه فى القرى غالباً ، اولا ربنا سبحانه وتعالى الملجئ الشديد ، مين ف حياتك ممكن يتولى أمرك ويقف ف صفك ويحل مشاكلك ، جدك . عمك . اخوكى . حكم من أهلك يعنى
تم النشر الأحد، ٥ يوليو ٢٠٢٦
فى فرق بين المشاكل اللى تحتمل بجد مشاكل بين الزوجين بنعديها ونتحمل بعض لكن انما اهله يدخلوا فى كل كبيره وصغيره لو حكيت لحضرتك بيدخلوا فى اى بالضبط هتغير كلامك وتقولى انتى اى اللى مقعدك وساكته كدا ليه
تم النشر الأحد، ٥ يوليو ٢٠٢٦
والله حاولت كتير اطلق انا زهقت تعبت مبقتش قادره اواصل كدا للاسف هما عارفين كل حاجة بس بيقولولى اكسبيها تبعد عنك واصبرى ربنا هيعوضك خير اتحملى مش قادره تتحملى بسبب طريقه كلامهم معايا مبقتش حتى حابه اروح عند اهلى قولتلهم متدخلوش ليا فى حاجة تانى اموت اعيش ميفرقش معاكم بقى ورغم انهم عارفين كانوا بيقفوا مع حماتى كل مره
تم النشر الأحد، ٥ يوليو ٢٠٢٦
لعرض السؤال في فدني اضغط هنا