الحمدلله ربنا رزقني بصحبة صالحه بس في بعض الأمور بحس إني محتاره فيها
كلنا ٥ بنات منتقبات وعندنا ١٨ سنه بس اللي قريبين مني أوي وباخد بنصايحهم ٢
المهم إن في البدايه ال ٢ كانوا ودودين معايا جداا جدا وكنت بحكيلهم مشاكلي وبيساعدوني أحلها
واحده فيهم كانت حازمه في كلامه وواحده كانت متعاطفه جدا بس من فتره صغيره حسيت إنهم بدأوا يتغيروا يعني بقا في نوع من الحدود بس مش نفس الدرجه عند الاتنين واحده تصرفاته بقت حازمه وفيها جفاء يعني لما تشوفني بتتعامل بهدوء تام ومش زي الأول بتجري تسل عليا
والتانيه لسه قريبه منها لكن بردو في نوع من الحزم في طريقتها
في مره اشتكيت لها من صاحبتنا التانيه وإني حاسه إنها اتغيرت تمامًا
قالتلي لأ دي بتتعلم تكون وقوره وأنا كمان نفسي أوصل للمرحله دي
تعالي نتعود على الصفه سوا
فأنا حبيت الفكره وبالفعل عرفت أتعامل بالصفه دي
عن طريق إي أقلل كلام جدًا وأمنع هزار وأقلل مبالغة في ردود أفعالي
بس حاسه إني مبسوطه بس مش مرتاحه لإني بحس إن الموضوع بيكون فيه ذل للي قدامي
وكمان بقيت أتعامل مع أهلي كده بردو
الطريقه دي بتجعل اللي قدامي يحترمني ويحترم حدودي بس مايحبنيش لإن مافيهاش قرب
أنا مش عارفه هل هو ده المعنى الحقيقي للوقار ولا الأمور دخلت في بعضها وده ممكن يبقى كبر وشده
ولا ده الصح واللي أنا فيه ده وساوس
الوقار مش تكشيرة الوقار الحقيقي هو اتزان. يعني أضحك وأهزر بحدود من غير ما أفقد هيبتي مش إني أمنع الهزار خالص وأبقى ناشفة مع الناس. الرسول ﷺ كان أوقر الناس، وبالرغم من كده كان "بساماً ضحوكاً". الوقار بيخلي الناس تحبك وتحترمك، لكن الجفاء بيخلي الناس تخاف منك وتتجنبك. ولو حاسة إن طريقتك فيها ذل للي قدامك أو كبر، يبقى إنتي دخلتي في منطقة غلط. الصح أرد بكلمة طيبة وابتسامة هادية، ولو حد تجاوز حدوده أوقفه بأدب. واني أتعامل ببرود يوجع اللي قدامي أو أحسسه إنه أقل مني. ده كِبر مش وقار. وأكبر فخ ممكن تقعي فيه هو معاملة الأهل بـرسمية أو برود تحت مسمى الوقار. الأهل محتاجين حنية وقرب. الوقار مع الأهل هو بر وطاعة الدين مش بس مظهر، الدين خُلق البنت المؤثرة بجد هي اللي الناس بتشوف فيها جمال الروح قبل التزام الظاهر. لو قربك من ربنا خلاكي أصعب في التعامل مع البشر، يبقى فيه حاجة محتاجة تتصلح في الفهم. نصيحتي ليكي ما تخليش حد يبرمجك على شخصية جامدة تخسرك أهلك وصحابك. خليكي هينة، لينة، قريبة من الناس، بس في نفس الوقت محافظة على حياءك ورزانتك. الوقار "أنا محترمة نفسي ومحترمة اللي قدامي." الكِبر "أنا أحسن من اللي قدامي ومفيش داعي أعبره." إنتي عندك فطنه كفاية إنك حسيتي بـعدم ارتياح، وده دليل إن فطرتك لسه سليمة وبتقولك إن اللين أجمل وبعتذر عن الايطاله 😊وجد ربنا يحفظك ويسعدك
تم النشر الأربعاء، ٢٨ يناير ٢٠٢٦
الطريقه دي اشطا تتعاملي بيها بس مع قليل مع اني مفضلهاش وافضل تكوني ع طبيعتك ولكن لو انتي حابه الطريقه اعمليها مع ناس مش قريبه ناس جديده أما فكرت انك تعمليها مع أقرب حد ليكي لا لاني انتي مع صحابك بتبقي انتي حرفيا بطلعي كل حاجه هبله تافهه ضحك هزار وصحابك معاكي عشان يعملوا ده برضو وتتبسطوا سوا وتنسوا الدنيا وانتو مين اصلا وتهزرو طبعا ده بحدود هيدخلنا في قصه تانيه زي اني صوتكوا ميعلاش في الشارع ... بس ده مش قصتنا المهم تعرفي تفرقي بين الصح والغلط هنا أهلك دول اكتر ناس عارفينك وهما ممكن يقولوا متشدده ومعقده والوقار هو انك تدري لنفسك قيمه فعلا ومش تضحكي ع اي حاجه وتكوني هاديه بس ده في التعامل مع حد تاني الي الأشخاص القريبين زي أهلك صحابك وكده كده الوقار بيطلع لوحدو من طريقه تفكيرك وكلامك...
تم النشر الأربعاء، ٢٨ يناير ٢٠٢٦
الحمد لله على نعمة الصحبة الصالحة يا حبيبتي، ده رزق كبير من ربنا، وأنتِ محظوظة إنكِ لقيتي بنات زيك. أشوف إنكِ بتحاولي تطوري نفسكِ، وده حلو جدًا، بس خليني أوضحلكِ الموضوع ببساطة عشان ترتاحي. الوقار الحقيقي مش جفاء أو شدة : الوقار في الإسلام، هو الهدوء والكرامة اللي بتحافظ على حدودكِ بدون ما تقللي من قيمة اللي قدامكِ أو تخلي العلاقات باردة. مش معناه تقفلي الكلام كله أو تمحي الهزار النظيف أو الابتسامة الدافئة. ده توازن: تكلمي باختصار وحكمة، تسلمي بفرح حقيقي، تسألي عن أحوالهم باهتمام، بس بدون مبالغة أو إفراط يخلي اللي قدامكِ يحس إنه "أقل". لو حسيتِ إن الطريقة دي بتجيب "ذل" للغير، يبقى مش وقار حقيقي، ده ممكن يكون شدة أو كبر متخفي (والله يعلم النية)، أو حتى وساوس من الشيطان عشان يبعدكِ عن الصحبة الطيبة. ** نصيحة عملية عشان ترجعي مرتاحة : مع الصاحبات : قوليلهم "الحمدلله إحنا اتعلمنا الوقار، بس خلينا نحافظ على الود اللي جمعنا. الإسلام يأمر بالرفق حتى في الجد". جربي تسلمي عليهم بابتسامة واسعة وقولي "كيف حالكِ النهاردة؟" بصوت دافئ، وشوفي الفرق – هيحترموكِ أكتر ويحبوكِ برضو. مع أهلكِ : الوقار مع الأهل يعني طاعة واحترام، بس مع حنان. قولي "صباح الخير يا أمي" بقبلة على الخد، وشاركيهم يومكِ باختصار. مش لازم تكوني "حاجة كبيرة"، كوني بنت حنونة وقورة. أنتِ مش محتاجة تغيري كل حاجة، بس عدلي شوية عشان التوازن. لو عايزة مساعدة متخصصة أكتر روحي لصفحة الخبراء https://www.fedni.net/experts، فيه متخصصين في التنمية الذاتية والإرشاد النفسي هيقدروا يساعدوكِ أكتر. أنتِ قوية وبتعملي الصح، استمري وهترتاحي إن شاء الله! 💕 😊
تم النشر الثلاثاء، ٢٧ يناير ٢٠٢٦
لا ملهاش علاقه بالوقار ، اه الحوار هيعمل حدود بينك وبين الناس وهيحترموكي بس لمجرد الحدود دي بس ايه الوحش في الكلام والهزار؟ اتكلمي وهزري مع اصحابك واهل بيتك دا مش حرام
تم النشر الأربعاء، ٢٨ يناير ٢٠٢٦
اعتقد والله اعلم أن التعامل مع الأصحاب ورغم أن فيه حدود لكن المقربين منهم بيبقى الموضوع بسيط مش لازم وقار وحدود ،هو الوقار لازم كدة كدة يكون عند البنت وعند الرجل كمان ،لكن دلوقتي بنتكلم على البنت فهى تميز بس امتى لازم اتعامل بحزم وانتى عادى و ربنا يبارك فيكم ويجعلكم صحبة صالحة
تم النشر الجمعة، ٣٠ يناير ٢٠٢٦
الوقار صفة جميلة ولكن باعتدال لأن التشديد على النفس يؤدي إلى الإنتكاس ... فالإنسان اذا عرف يجمع الوقار مع اللطف فهذا شئ كريم
تم النشر الأربعاء، ٢٨ يناير ٢٠٢٦
مقدرش اقولك اجابة دينية بصراحة في الجانب ده، بس اللي أقدر اقولهولك إن اللي عليكم إن الغريب اللي يشوفكم من بعيد يشوفكم بالصفات دي، أما ان تعاملتوا كدة مع كل الناس، الناس القريبة هتبدأ تنفر منكم وفي الآخر هتلاقوا نفسكم لوحدكم
تم النشر الأربعاء، ٢٨ يناير ٢٠٢٦
لعرض السؤال في فدني اضغط هنا