السلام عليكم انا كل مشاكلي عباره عند الدراسه واهلي وان محدش بقي يستحملني لما كنت في اول مرحله دراسيه اللي هي ابتدائي مكنتش شاطره اوي لان مكنش حد مهتم بيا في كل سنيني الدراسيه عموما كلهم.بيستنوا النتيجه حتي والدتي اخواتي اي حد دخلت بعدها اعدادي اللي هي المرحله الدراسيه التانيه وطلعت في نهايتها من اوائل المدرسه انا دايما بحب اكون متمكنه من المكان اللي انا فيه دخلت بعدها ثانوي مرحله جديده كنت في اول سنه منها كنت بزاكر بس بطريقه غلط لان نظام الدراسه في المرحله دي بيتغير ومطلعتش من الاوائل ولا حتي.جبت نتيجه حلوه وطبعا كله بس بيستني النتيجه وحاليا انا في تانيه ثانوي اتعلمت من.غلطاتي في اول سنه وبدات السنه جد وزاكرت بس مكنتش باخد.راحه خالص كنت بزاكر كاني في تالته ثانوي االي هي سنه تحديد مصير بس اكتشفت ان دي مزاكره غلط لان مكنتش بنام كويس وكمان مكنتش بجصل مع اني.كنت بزاكر طول الوقت وراكمت كل المواد تقريبا حاليا كل اما اتكلم مع حد اقوله يشوفلي حل يقولي متضغطيش ع نفسك كل الناس تقولي كدا انا خاسه فعلا اني ضغطت ع نفسي وحتليا ضايعه وعندي اكتئاب ومبزاكرش وليصعب عليا الفلوس اللي اهلي بيدفعوهالي
الحلو في كلامك انك مدركة ان طريقة مذاكرتك فعلا خطأ. حتى لو انتي في 3ث مينفعش نهائي ان حد يضغط على نفسه بالطريقة ديه .. نتيجة الضغط هتكون اسوء مما تتخيلي. نسيان، وتوتر، فقدان طاقة، وطبعا صحة جسدية مش افضل حاجه. ف الحل انك تاخدي كام يوم نقاهه حلوين .. لانك محتاجة لكده. بعدين لما ترجعي متضغطيش ع نفسك بالشكل اللي كنتي فيه .. اهم حاجه صحتك لان لو صحتك راحت انتي مش هتعرفي تعملي اي حاجه. قسمي وقتك .. وححدي ساعات معينه لليوم في المذاكرة، + يكون في اليوم بتاعك جزء ترفهي بيه عن نفسك حتى لو كان ساعتين مثلا. ويكون فيه يوم ليكي في الاسبوع تاخديه راحة متعمليش فيه اي حاجه علشان تريحي دماغك. وتقدري اليوم ده تعملي فيه اي حاجه بتحبيها. علشان تشحني طاقتك من تاني. لو مش عايزة تاخدي اليوم كله يبقى مثلا نص يوم. المهم حاولي يوم كده لازم تفصلي فيه خالص.
تم النشر الأحد، ١٥ أكتوبر ٢٠٢٣
حبيبتى اول هام انتى كويس انك بتلحقى نفسك من اول السنه وعاوزه تركزى استهدى بالله واستعينى بيه ودايما ذاكرى بذكاء مش بجهد المذاكره مش دش وحشو و٢٤ ساعه مذاكره ودايما متعتدميش على نظام الحفظ جربي انك اما تيجي تذاكرى تمسكى اسئله الدرس وتحليها وتذاكرى معها نقاط الدرس الامتحان مش هيجي يقولك سمعى الدرس وخلى دايما فى كل ساعه مذاكره ١٠ دقايق تفصلي فيها وفكرى بانك تذاكرى عالطول بحل اسئله والممارسه هتخليكى اشطر ونصيحه متتعتمديش قوى على حد من زميلاتك فى المذاكره وجو تعالى نذاكر مع بعض او تاخدى بكلام واحده تقولك انا مبفتحش كتاب واعملى اللى عليكى وسيبى النتيجه على الله♥️
تم النشر الأحد، ١٥ أكتوبر ٢٠٢٣
السلام عليكم ورحمة الله وبركاته شكرا لحضرتك ع المشاركة بصي للجانب الجيد من كلامك انك ماشاءعليكي في الاعدادي كنتي من الاوائل يعني ذاكرتي كويس ووصلتي انك تكوني من اوائل المدرسه بمجهودك المرحلة الثانوية أكيد بتكون غير الاعداديه بس مهاراتك واستيعابك أكيد اختلف الافضل طبيعة المرحلة العمريه في هذا السن برده بتختلف بتكون محتاجة منك تحديد هدف تركيز اكتر عليه ترتيب اولويات وهكذا ولكن فالاول تكوني بتقومي بتلبية احتياجاتك الجسديه الطبيعية اولا من اكل وشرب صحي ونوم مواعيد صح صحتك تمام وهكذا عشان تلاقي افضل نتيجة هوني علي نفسك ورتبي يومك واولوياتك وربنا يوفقك ويرشدك للصالح 🌷
تم النشر الأحد، ١٥ أكتوبر ٢٠٢٣
حاولي تتخطي الأفكار السلبية دي ب انك تعمل حصر للمتراكم عليكي و تعملي جدول مذاكره يتضمن مذاكره الدروس الجديده و كمان مراجعه و براحتك خالص الدراسة النجاح فيها أو الفشل مش اخر العالم فقليل دائم خير من كثير منقطع
تم النشر الثلاثاء، ١٧ أكتوبر ٢٠٢٣
لعرض السؤال في فدني اضغط هنا