الضغوط والمصاعب واقع لا يمكن الهروب منه وبنبقى محتاجين إعادة تقييم لقدراتنا والظروف. والتعرض لكل الضغوط دي في فترة خطوبة بسبب تعب والدة خطيبك وتغير مشاعره والظروف الصعبة المحيطة بيكم ممكن يسبب عجز عن تقبل فكرة عدم إمكانية استكمال العلاقة، وده بينعكس على حياتك اليومية وبيخليكي مش قادرة تمارسي حياتك الطبيعية. وده بيدي مؤشر لقدرة الجهاز النفسي على التعامل مع الضغوط والمشكلات. لتجاوز هذه الأزمة، ممكن تمنحي نفسك هدنة عقلية من التوقعات وتخففي حدة الضغط، وتقبل فكرة أن الظروف الخارجية والأزمات تحتاج وقتا لتتضح رؤيتها بدون تحميل نفسك طاقة أكبر من طاقتها. ومهم جدا تسألي نفسك وتحددي هل الظروف هي الي مش قادرة تستحمليها فعاوزة تنهي كل حاجه. ولا محتاجة تعيدي تقييم الشخص والعلاقة ككل. وفي النهاية، لمعالجة جذور هذا التعلق الشديد والسيطرة على الأفكار المسيطرة وحالة التشتت النفسي، يُفضل بشدة اللجوء إلى جلسات دعم نفسي مع مختصة لمساعدتك خطوة بخطوة بطريقة صحية.
لعرض الإجابة في فدني اضغط هنا