السلام عليكم ورحمه الله وبركاته. طيب لما ناخد طريق خلينا ملتزمين بالطريق بتاعنا شويه العقبات اللي هتبدأ تظهر لنا نتعامل معاها ليه لان ان شاء الله عندي صادقه جدا لانك عايزه توصلي لحل الحاجات اللي مقلقاكي او الحاجات اللي تعباكي او الحاجات اللي هنخليها حياتك مش احسن حاجه خلينا كده نفكر سوا اييي ليه ممكن يكون حصل معاكي الموقف ده في انه االشات الخاص بالصحه النفسيه؟ خلولك لازم مكالمه هاتفيه انا هقول لك بقى لما بيكون الكلام من خلال الشات مش واضح ده بيقول انه ممكن الشخص يكون مش قادر ان هو يحرك نفسه ويقول الكلام اللي عنده او الكلام اللي يساعد الطبيب او الشخص اللي بيتواصل معاه ان هو يقدر يساعده فبنحتاج تواصل مباشر اكثر فالمكالمه التليفونيه اول تواصل مباشر وليه المكالمه التليفونات المكالمه التليفونيه انا اقدر ان انا اتكلم مع الشخص واقدر اقيس مثلا درجه توتره حتى لو هو مش قادر يتكلم يعني انا ممكن عن طريق بس اشوف سكوتك ما بين الكلمه والكلمه قد ايه هقدر احدد غالبا انت ممكن تكون مشكلتك فين اقدر احدد نسبه القلق بتاعتك اقدر احدد اذا كان في عندك لا قدر الله اضطراب نفسي ولا لا يعني ممكن بس من مجرد الكلام وطريقه الكلام يقدر الدكتور يحدد اذا كان الشخص ده عنده مشكله كبيره تحتاج دواء تحتاج لا ده انت محتاج جلسات تيجي وتحضر في العياده او لا ده الموضوع بسيط ونقدر نوجهك عن طريق التليفون فالمكالمه التليفونيه طالما طلبت منك يبقى معنى كده ان احنا محتاجين تواصل اكثر عشان نقدر نساعدك بشكل افضل علشان ما نشخصش حاجه غلط عشان ما نقولكيش حاجه غلط ونوهمك لانك عندك حاجه هي مش عندك اصلا فخلي بالك ان ده من باب المساعده مش من باب التضييق حقيقي خالص يعني وخليني اقول لك ده من خلال. يعني الاحتكاكات الشخصيه بتاعتي ممكن حد يطلب مني استشاره عن طريق الواتساب ومش حابب يتكلم في التليفون انا بسمح ده وعادي جدا وبقول تمام مفيش مشكله لو ده اللي هيخليك تقدر تتكلم براحتك ولكن لما بيكون المسجات كمان ما بقتش مخليه شخص يتكلم براحته وهو اصلا مش قادر يعبر او مش قادر يتكلم أو انا بشوف انه بعد ما تكلمنا شويه لا على فكره انا محتاج ان انا اسمع الشخص وهو بيتكلم عشان اقدر فعلا احدد اللي هو بيقوله ده بشكل افضل فده بيبقى من السبل اللي علشان نساعد الشخص بالشكل الافضل ونبقى وفرناله فعلا المعلومه الصحيحه وما ضحكناش عليه او مديناهوش معلومه خاطئه. تعالي بقى نروح لشويه حاجات كده انا هوضحها لك علشان تاخدي بالك منها وانت ان شاء الله في الرحله السابقه بتاعتك دي في انك تغيري الحاجات اللي خلايا حياتك مش احسن حاجه وتخليها الاحسن حاجه كمان لما بيكون في عندنا افكار والافكار دي بتكون من نفس النمط كده بتاع اييي انا ما حدش هيفهمني انا لو اتكلمت ما حدش هيحس بيا لو انا حاطه الفكره دي في بالي وفي نفس الوقت او يعني هي فكره اصيله موجوده جوايا ما حدش بيحس بحد مهما حد حاجه لحد ما حدش حد بيحس بالتاني وما حدش يعرف يحط نفسه مكان حد لو انا في بالي الفكره دي الفكره دي موجوده متاصله فيا وهروح اتكلم مع حد واحكي له مشكلتي انا قبل ما اسمع الشخص هيقول ايه او هيتعاطف معايا او هيحاول يساعدني او او او ايا كان رد. الفعل اللي هيطلع من الشخص انا بالفعل حكمت الحكم من بدري واخذت رد الفعل انا كمان من بدري ان الشخص ده ايا كان اللي هيقوله هو ما فهمنيش لان الشخص ممكن يكون فهمني واستوعبني وتفاعل معايا كويس وتعاطف معايا وكمان بدا يقدم لي مساعدات انا هترجم كلامه وبتظهر صفاته. كلها على حسب الفكره اللي موجوده ومبناه عندي خلي بالك كويس قوي انه افكار من نوعيه الشكوى غير الله مذله الواحد المفروض يعيش لوحده وما يليقش لحد خالص بتخلي الانسان تقيل عليه قوي قوي قوي تقبل المساعده من الاخرين مهما كان هم بيقدموها ازاي هو هيلاقي نفسه بيشوف طريقتهم مش لطيفه مجرد ان في حاجه جوه عقله جوه العقل اللاواعي بتاعه مش العقل الواعي بتقول له لا احنا عايزين ناكد الفكره اللي عندنا اوعى تطلع لنا فكره جديده هي لسه مش اكيد خلي بالك من النقط دي كويس احنا معاكي هنا نقدر نتعامل. زي الشات بالضبط وخلينا نشوف نقدر نساعدك ازاي؟
شكرا لحضرتك جدا . شفتي بق ان كلامك خير دليل على قصدي وهو ان مثلا لو كانت قالت لي سبب كلامها او تفسير بسيط او كلمه لينة من باب التخفيف حتى لو طلبي ممنوع كنت هتقبل دا عادي ، ولكن يعني اي بقولها تعبانه وقلت نبذة بس من مشكلتي ف الاقيها تقولي مطلوب كذا وكذا ومكالمة هاتفيه اختصار الشكوى ، يعني لو حضرتك مكاني هتفهمي اي من اختصار الشكوى دي ؟؟ هو انا بكتب تعبير فامتحان ومطلوب ٦ سطور ولا اي ، ارجع واقول انا معنديش مانع مع اي تعليمات والحمد لله الذي عافاني بفضله ولكن تعليقي على المعامله والاسلوب .. الكلمة الطيبة صدقه ومهم يكون عندنا اخلاق ارقى من كدا ، ولنفرض ان اللي كلمهم كان خلاص هينتحر بسبب فكر فدماغه بيقوله انت مش مهم والمك مش مهم وحياتك كلها مش مهمه حتى لو دا مش الواقع ولكن لما يلاقي رد بالشكل دا ممكن ينتحر ! ودا مش تبرير للإنتحار . اكيد كلام حضرتك صحيح لان الله تعالى يُسخرنا لبعض ولان احنا بنكمل بعض ولكن الفكره ان متتعشمش زيادة وخذ الناس سبب مش اكتر مع الحرص على ان قلبك يكون متوكل على الله تعالى ولا يظن أن النفع والضر بيد أحد غير اللّه .
تم النشر الثلاثاء، ١٨ أغسطس ٢٠٢٦
لعرض الإجابة في فدني اضغط هنا